«Eidfjord kyrkje ein naturleg del av dagleglivet»

Transkript

1

2 «Eidfjord kyrkje ein naturleg del av dagleglivet» Det er velkjent at kyrkja for dei fleste er eit naturleg samlingspunkt ved store anledningar som dåp, konfirmasjon, bryllup, gravferd, og på spesielle merkedagar som 17. mai og julaftan. Me ønskjer å dra dette enda litt lenger. Me vil at kyrkja skal vere eit samlingspunkt også i den vanlege kvardagen, ein naturleg stad å vere der alle skal føle seg heime. I forbindelse med søknad om trusopplæringsmidlar i 2005 blei det formulert eit mål for arbeidet i kyrkja: Eidfjord kyrkje ein naturleg del av dagleglivet. Me synes dette er eit fint mål og håper du synes det same. På dei neste sidene vil me prøve å vise kva som er gjort for å nå målet. Oppveksten Kyrkja i Eidfjord ønskjer å vere med å bidra til eit godt oppvekstmiljø i bygda og har i dag mange tilbod for born og unge. Kvart einaste år frå 0 16 er det aktivitetar for den unge Eidfjordingen i kyrkja. Oppslutninga er høg og den er stabil. Me har flotte lokale og me trur dei unge føler seg heime her, ein plass det er heilt naturleg å vere og der det er kjekt og trygt. Lys Våken Bileta på framsida og her er fra «Lys Våken» der overnatting i kyrkja er ein del av opplegget. Unge leiarar Leiarkurset for 10. klasse rundar av det kontinuerlege tilbodet til born og unge. Der får ungdomane både teoretisk og praktisk opplæring. Det er fokus på å planlegge, ta ansvar og vere ein god og inkluderande leiar. Dette er fin lærdom å ha med seg også vidare i livet. Juniorleiarane våre er flotte rollemodellar for dei yngre og er viktige bidragsytarar i arbeidet. Eldre unge leiarar Til vår store begeistring har me dei siste åra sett ein aukande tendens til at mange av dei tidlegare utdanna juniorleiarane kjem tilbake og bidrar i arbeidet vårt. Denne utviklinga er me særs glade for. Unge leiarar er gode leiarar og det er alltid høg stemning i leiargruppa når ungdomane er med. I tillegg til å gjere ein innsats for andre unge kan det å vere ungdomsleiar også vere eit flott møtepunkt i Eidfjord etter at hybellivet har starta.

3 Her nokre av dei unge leiarane på pilegrimsturen. Topp steming! Unge leiarar er gode rollemodellar Kva når du blir vaksen, er det slutt på all moro då? Å neidå. Dei vaksne har ikkje like mange faste aktivitetstilbod i kyrkja, men blir gjerne involvert gjennom borna. Ofte blir foreldre og slekt invitert til å sjå kva dei unge har øvd inn eller laga i kyrkja. Mange er med og dette er kjekt både for borna, dei vaksne og for oss som arbeider i kyrkja. Fleire vaksne blir også involvert som frivillige leiarar, me håper dei synes det gir gode opplevingar. Unge leiarar er populære leiarar! Fra Lys våken frokosten. Koseleg for både born og vaksne Konsertar For deg som liker kulturarrangement er kyrkja ein av arenane der du kan få påfyll. Begge kyrkjene blir brukt til konsertar av ulike slag. Du finn meir om nokre av desse konsertane seinare i bladet. Kyrkjekaffi kurerer gruff Etter gudstenesta er det som regel kyrkjekaffi i kyrkjelydssalen. Alltid trivleg med ein liten prat når ein først er samla. Frivillige lager ofte kaker, ein stor takk til dei. Det er ekstra stas å invitere til kyrkjekaffi når me kan ha heimebaka på menyen!! Leiargruppa på pilegrimsturen kjedar seg ikkje. Her blir det ledd så tårene sprutar. Fast kvar onsdag Småbornskafeen, eit populært møtepunkt på føremiddagen for dei som er heime med småborn. For unge tilflyttarar er ofte småbornskafeen ein stad det er lett å knyte kontaktar og bli kjent med andre småbornsforeldre. Alle tar med matpakke, me held kaffi og te, vafler kan også førekome.

4 Endeleg ein Pilegrimstur der vaksne også får vere med. Pilegrimsturar er skikkeleg i skotet for tida. Frisk og flott dag på Bu der veret på ingen måte klarte å setje ein dempar på steminga. Dette minna til tider nesten litt om bekkevandringa som er ein del av Naturkulprosjektet vårt. Turen enda opp i det trivlege skulehuset på Bu, der det var gudsteneste. Ei fin oppleving! Dei som ikkje kjem seg ut så lett vil me også ha med. Det er overføring til Bygdaheimen frå alle gustenester slik at bebuarane kan vere med i kyrkja deifrå. Kyrkja har også eigne andakter og songstunder på Bygdaheimen Vetlaskredo sprer glede både her og der. Frå ein opptreden på Bygdaheimen rett før jul. Toneskredo øver i kyrkja kvar onsdag, det har dei gjort i mange år så dei høyrer liksom til her hjå oss. Me set også stor pris på tradisjonen dei har med å arrangere julekonsert i kyrkja. Rekruttering er viktig og Toneskredo inviterer ofte Vetlaskredo med når dei har framføringar. Dette er stor stas synes me! 1 påskedag var det påskefrokost i kyrkjelydssalen. Ein koseleg start på dagen! Me håper dette kan bli ein tradisjon. Nyttårsaftan var det Treffpunkt utforbi kyrkja. Rett og slett ein stad å treffast. Her var bålpanne, gløgg, peparkaker og lune reinsdyrskinn. Sosialt og uformelt å samlast rundt flammene for ein iskald og god nyttårsdrøs. Folk er flinke å stille opp når noko skjer i kyrkja og me håper mange tenker som oss: Eidfjord kyrkje - ein naturleg del av dagleglivet

5 Soknerådet styrer skuta Soknerådet har mange ulike oppgåver og eit breitt ansvarsområde. I Eidfjord har me kun eit sokn, det betyr at soknerådet også fungerer som fellesråd. Då med kommunal representant på laget. Soknerådet har tilsette som utfører det praktiske arbeidet på dei ulike områda. Kyrkjestaben har nødvendig kunnskap, er engasjert og ønskjer å gjere eit godt arbeid. Den daglege drifta er dermed ivareteke, men det er soknerådet som skal styre retninga på det heile. Soknerådet har arbeidsgjevaransvar for dei tilsette og har også det overordna ansvaret for å fastsetje mål og innsatsområde og for å prioritere ressursar. Det er difor viktig å ha eit råd samansett av folk med ulik kompetanse. Det har me! I 2015 var det kyrkjeval. Her kjem ein liten presentasjon av rådet i Eidfjord: Leiaren er Sigrid Bu. Aktiv pensjonist. Ho er i gang med sin andre periode i soknerådet, og framstår som ein kompetent og dyktig leiar. mange periodar. Marte er Kirkens Nødhjelp sin kontakt i soknerådet og ho er ansvarleg for misjonsprosjektet vårt, Kvinner i risikosonen. Solveig Liseth Vik. Sjukepleiar, småbarnsmor og førstereisjente i soknerådet. Liv Bente Stakseng Rokne. Rekneskapskonsulent, småbarnsmor, politikar, no også i soknerådet. Kjellaug Enge. Husflidsentusiast, sjølvstendig næringsdrivande og engasjert medlem av soknerådet etter ein periode som vara. Tor Bu. Pensjonist og soknerådet sin faste vararepresentant Kari Tveit Hovland er ny kommunal representant i fellesrådet. Ho tar over taburetten etter Svein Hop. Bjørn Tore Sæle. Geisteleg representant. Presteskapet skal ha sitt å seie i soknerådet, og dette loddet fall naturlegvis på Bjørn Tore sidan han er sokneprest her. Eidfjord sokneråd: Fra v. Tor Bu, Sigrid Bu, Kjellaug Enge, Liv Bente Stakseng Rokne, Marte Seip, Hans Hellevang. (Solveig Liseth Vik og Karit Tveit Hovland er også i rådet, men var ikkje tilstades når bildet vart teke.) Trufast innsats i rådet! Svein Hop takka i haust av etter 12 år, 3 periodar som kommunen sin representant i soknerådet. Han har bidratt med mykje og me er svært takknemmelege for innsatsen han har gjort gjennom desse åra. Etter inspirasjon fra sjølvaste Karius og Baktus kjem her eit hyllingskvad til Svein: Alt var berre trist og grått, Svein gjekk ut av rådet vårt Mange saker store små, var han med å stemte på Han var klok og visste mangt, sa så mykje interressant Pause må han sjølvsagt få Men, akk, korleis skal detta gå? Dette såg slett ikkje bra ut, så me føl opp med eit vers til: Alt gjekk betre enn me trudd, kommunen vår var førebudd Kari Hovland har me fått, det syns me er kjempeflott! Rådet vårt er veldig bra, slikt eit råd som me må ha Me er klar - og «på» som få, Rett til himmels skal det gå! Nestleiar er Hans Hellevang. Har erfaring frå mange års jobbing i Eidfjord kyrkje og du skal leite vel og lenge før du finn ein som har like brei kunnskap om soknerådet sine bygningar og anlegg. Hans er no travel pensjonist og me er glade for å kunne ønske han velkomen i soknerådet. Marte Seip. Pensjonert lege, og stabilt innslag i soknerådet gjennom

6 10 ÅR MED NATURKUL I det herrens år 2005 fekk Eidfjord innvilga sin søknad om å bli ein av prosjektkyrkjelydane som skulle prøve ut nye opplegg for trusopplæring. Med på lasset følgde prosjektmidlar som skulle finansiere denne utprøvinga. Allereie i 2006 var det duka for Pilegrim. Første pilegrimstur blei legendarisk. Ein liten flokk pilegrimar fekk ein høgtideleg utsendelsesseremoni og la i veg på tur. Ruta gjekk frå Ulvik, via Øydvinstod, Osa og Skår før turen endte opp med båtkryssing over fjorden og vandring til Gamlekyrkja. PANG, det blei braksuksess, og me var i gang! Me har kalla prosjektet vårt for «Naturkulprosjekt» fordi natur, kultur og tur er sentralt. På toppen av det heile er det også eit ganske så kult prosjekt. Året etter Pilegrim var temaet Natur. På Naturopplegget reiser me ut i villmarka og lever som villmenn i Vossafjellet ei heil helg til ende. Her er det samarbeidsøvelsar, bålmat og lavvoliv som gjeld. Rafting høyrer også med. På samlingane i forkant gjer me oss klar til tur. Båldag og den berykta bekkevandringa i Simadal høyrer med her. Dei aller første pilegrimane er klar til å legge ut på vandring. (Pilegrimane i blå kapper er leiarar) No er alle blitt vaksne, me håper dei har gode minner fra Pilegrimstida i Eidfjord! Det tredje året var det Talent, eller kyrkjecamp, som det også blir kalla. Her blir lavvoane sett opp i kyrkjehagen og programmet er fullstappa med aktivitetar som dans, kunst, matlaging og mykje, mykje meir. Utandørs nattkino er eit sjølvsagt innslag her. Det heile blir avslutta med ei kjekk ungdomsgudsteneste som dei unge sjølv har førebudd. Sidan oppstart i 2006 har 73 ungdomar vore med på pilegrimstur, 73 på Naturkultur og 48 på talenthelg/kyrkjecamp. Leiarkurs Leiarkurset er også ein del av prosjektet. Her får ungdomane opplæring i å vere leiar, planlegge, ta kontroll i ei gruppe, inkludere og gjennomføre. Praksis får dei unge leiarane på dei andre aktivitetane i kyrkja. Dei unge leiarane er blitt ein stor ressurs i arbeidet vårt og me trur leiarutdanninga er ei god ballast å ha med seg vidare i livet. Gjennom leiarkurset er det til no utdanna 58 unge leiarar. Desse leiarane er ein stor ressurs inn i det andre barne- og ungdomsarbeidet i kyrkja. For å ha gode dagar når du lever i villmarka kan det vere greit å beherske bålbrennningskunsten. Desse tre, dengong veldig unge karane, hadde full kontroll! Frå første året med leiarkurs 2005/2006. Juniorleiar Mette trør til med lavvobygging

7 Minikonsertar i Eidfjord gamle kyrkje sommaren 2015 Ranveig Helen Lægreid hadde open gamlekyrkje 6 laurdagar sommaren Fyrste gong 27. juni og deretter dei påfylgjande laurdagane til og med 1.august. Antal publikummarar varierte mellom 17 og 29. På dei 6 konsertane var det til saman 130 publikummarar innom. Tilbakemeldingane etterpå var svært gode, og det var tydeleg at konsertane vart sett pris på. Dei frammøtte var ei god blanding av lokale og tilreisande. For mange lokale har det nok vore eit høgdepunkt og eit fint treffpunkt, medan det har vore ei hyggjeleg overrasking for turistane som har funne vegen. Ranveig la ut ei ynskjeliste til kvar konsert. Der kunne ein skriva opp songar ein ville høyra på neste konsert. Konsertane var eit «lågterskeltilbod». Det vart ikkje seld billettar, men folk vart oppmoda om å gi kollekt ved utgangen. Av pengane som kom inn gav Ranveig heile 50% til barne- og ungdomsarbeidet i kyrkja. Tusen takk for det Ranveig! Med si nydlege røyst veksla Ranveig mellom folketonar, klassisk, viser og eigenkomponerte songar. Alt vart gjort a capella. Altså utan tonefylgje. Eidfjord sokneråd og staben i Eidfjord kyrkje vil med dette takke Ranveig for eit flott tiltak, og ynskjer ho velkomen att Og så på ein tysdag. Hurra! Endeleg var teatergudstenesta på ein tysdag, og eg fekk vere med igjen. Det plar vere på torsdagar og då er eg oppteken i Kinsarvik, men i år var ho flytta. Dette er stas. Teatergudstenesta er eit høgdepunkt synes eg, og ikkje begrip eg kvifor ikkje mange fleire nytter høvet til å få med seg denne. Ja, forresten, det var mange som kom. Over 100 born og vaksne frå Kinsarvik og Eidfjord kosa seg med ei glitrande førestelling. Skodespelarane og dokkene gav alt og kyrkjelyden sat i spenning til siste slutt. Det heile starta som det plar, med ei lita samling med song, ljostenning og påskeforteljinga, men plutseleg kom Judas ut frå bakrommet og teateret var i gang. T.

8 Hels på Nikodemus Du kjenner han kanskje igjen frå profilbilete til kyrkja si facebookside? Nikodemus er ein liten fyr som bur i kyrkja, men som til vanleg gjer lite ut av seg. Han er ein av skodespelarane når kyrkja inviterer til teatergudsteneste. Når han ikkje er skodespelar ligg han ofte og slapper av i huset sitt. Ein dag han låg der og tygde på ein gammal kyrkjekaffikjeks, bladde han i eit hefte som Elise hadde lagt frå seg. Heftet handla om Kirkens Nødhjelp sin fasteaksjon. Hjelp! tenkte Nikodemus og fekk litt panikk. Faste, det er vel å la vær å ete og drikke? Dette heftet må eg få gøymd vekk og det litt fort! Akkurat når han skulle stikke bort heftet var det noko som fanga interessa hans. Eit bilete av ein usedvanleg kjekk superhelt, heilt prikk lik han sjølv! Då måtte han lese vidare.. Nikodemus er ein gløgg liten kar, slik dei gjerne er i kyrkja. Etter kvart som han las skjøna han fort at det viktigaste med fastetida ikkje er det me skal la vær å gjere, men å skifte fokus bort frå oss sjølv og gjere noko for andre skape forandring. Vegen til superheltstatus Ein superhelt er ein som ønskjer å vere med å gjere ei forandring i verda. Altså, hjelpe andre. Nikodemus bestemte seg for at han også ville vere ein superhelt. Ved å hjelpe til å samle inn pengar vil han jobbe for at fleire born skal få tilgang til reint vatn. Han samla sidan inn ei krone her og ei krone der og fekk etterkvart mange kroner på børsa si som han leverte til Kirkens Nødhjelp sin fasteaksjon. Superheltstatusen var no eit faktum! Godt samarbeid med Bibelknøttar og Vetlaskredo Nikodemus trur born er opptatt av rettferdighet og at dei gjerne vil gjere noko for andre, særleg for andre born. Som superhelt har han besøkt både Bibelknøttane og Vetlaskredo. Dei er nemleg favorittane hans. Her fortel han om kor fint han synes det er å kunne vere med å hjelpe andre. Han har fått veldig god hjelp frå desse borna og ønskjer her i bladet å takke for det gode samarbeidet. Saman med borna samla Nikodemus inn kr 510 til fasteaksjonen. Når ein tenker på at kun 200 kroner kan gi ein person VARIG tilgang til vatn, utgjer faktisk desse pengane ein stor forskjell seier Nikodemus fornøgd. Nikodemus med børsa si. Han var heilt i ekstase når han fekk overrekt den flotte superheltkappa fra Lill Ida, midt under ei barnekorøving. Alt resten har han ordna med heilt sjølv! På taket av huset sitt. Frykteleg trøtt, men så fornøgd! Etter ein slik formidabel innsats er det lov å kvile litt. Vel blåst Nikodemus og flinke born!

9 Kjendisstatus Visste du at Eidfjord kyrkje sin Nikodemus etter fasteaksjonen er blitt ein liten kjendis? Han har nemleg blitt avbilda, i eigen person, i Kirkens nødhjelp sitt magasin. Heilt sant! Tidlegare hadde magasinet trykt ei teikning av ein superhelt. Ei teikning. Det held berre ikkje. Det fins absolutt ingen som trur ei teikning av ei mus kan samle inn pengar. Ein tuller berre ikkje med folk på den måten. Nikodemus tok saka i eigne hender, fekk tatt eit bilete av seg sjølv og sendte det til bladet. Med innsamlingsbøsse og ikledd sin aller finaste stas, den nye superheltkappa, poserte han plutselig i det verdskjente magasinet. Då skjønner alle at dette er heilt på orntli! Fasteaksjonen Går av stabelen kvart år tysdag før palmesundag. Det er konfirmantane som står for innsamlinga, men sidan det ofte er små kull med konfirmantar i Eidfjord er me avhengige av andre frivillige bøsseberarar i tillegg. I år toppa me laget med 8 damer og 1 mann, og fekk inn kr som vart sendt til Kirkens Nødhjelp og deira arbeid i kriseramma delar av verda. I tillegg til dette kom pengane som Nikodemus og dei andre små superheltvenane hans samla inn. To av konfirmantane blei utfordra til å ta bilde på aksjonsdagen. Som de ser var det god stemning! Konfirmantane våre i år er: Isabell Naesheim Odin Medhus Mathilde Limstrand Heidrun Hagen Hereid Helene Enge Monsen Frida Pedersen Konfirmasjons gudstenesta i år vert søndag 8 mai kl Gullkonfit Gullkonfirmantar Er du fødd i 1950 eller 1951 og er konfirmert i Eidfjord kyrkje? I så fall har du jubileum i år, og vil få invitasjon til fest utpå sommaren. Når invitasjonen kjem, så hiv deg rundt og meld deg på! Di fleire som kjem, di moroare vert det

10 DU BEKK SOM SILDRAR Konsertprosjekt med Toneskredo og Inger - Kristine Riber I oktober starta Inger-Kristine eit overaskings-prosjekt rundt dikt som bestemor hennar, Haldis Riber, har skrive. Saman med jazzmusikaren Lene Anett Killingmo har ho skrive musikk som fyller ein heil konsert, og i april vert det urframføring. mellom anna i Eidfjord samfunnshus. Besta har alltid vore klar med ei verselinje, ein tekst eller eit dikt, seier Inger-Kristine. Så lenge ho kan hugse har diktinga til Haldis vore ein stor del av det bestemora ofte omtalar som "si indre verd". Besta er eit utruleg engasjert menneske, klart på godt og vondt seier Inger- Kristine vidare og ler. Allereie i 7 års alderen meiner ho å hugsa at Haldis siterte diktet som er tittelen for prosjektet, og at det må ha vore på slutten av 80-talet. Dette diktet har blitt ståande for meg nesten som eit symbol på desse tekstane til besta. Men som det ofte vert når ting er veldig nære og familiært, så kan det framstå som litt for mykje, og dette har vel eigentleg gjort at eg heller ikkje alltid har teke tekstane til besta heilt på alvor. Men ein vert jo eldre med åra, og hendingar i livet gjer at ein er svært takksam for og kanskje få ein ny sjanse til å syne takksemd og setje pris på dei næraste før det er for seint. Ofte fell Olav H. Hauge sitt dikt "Det er den draumen" inn når eg tenker på kvifor eg starta dette prosjektet. Kvifor ikkje? Vil vel eg sei. Når ein har mulegheita, så er det vel berre å gripa sjansen, er det ikkje? Det er vel litt slik eg er som kunstnar, idéskapar og initiativtakar. Og besta har nok mykje rett i den eine verselinja publikum kjem til å få høyre i kanskje ein av mine favoritt songar som eg har kalla "Furut Andlet" : Trø vanleg din fot, men set gjerne riper i lakk. Den største gåva er ikkje krav, men takk. I november viste det seg at Toneskredo trengte dirigent for vårsemesteret, og då tok prosjektet ei anna vending. I utgangspunktet hadde Inger- Kristine og Lene forestilt seg eit lite format. Men når spørsmålet om Inger-Kristine kunne tenke seg og ta på seg dirigentjobben for Toneskredo kom, kasta ho seg rundt, og ut frå det "balla det på seg". Plutseleg hadde prosjektet godt 60 aktive aktørar som skal på scenen den 23. April i Eidfjord Samfunnshus. Det vert to kor, Toneskredo frå Eidfjord og damekoret D'KOR frå Voss, fortel Inger-Kristine, og 5 profesjonelle musikarar, 3 solistar og ein skodespelar. Det er utruleg rørande å sjå kor mange som stiller opp i prosjektet og tek del i dette, og eg håper verkeleg at det er noko som kan falla i smak for publikum og. Mange lurer sikkert på korleis musikken er. Eg vil sei den er litt "jazzete og rund i kantane, blanda med Abba, Scrjabin, Rachmaninov og trolsk", seier Inger-Kristine og ønsker alle velkomne på konsert! DU BEKK SOM SILDRAR SAMFUNNSHUSET I EIDFJORD Laurdag 23. april kl 16:00 Tekst og foto til denne artikkelen har me fått fra Toneskredo. Me i kyrkja er medlem av fan klubben til både Inger Kristine og Toneskredo og håper mange nyttar høvet til å få med seg denne konserten. Billettar vert lagt ut for salg på biletto.no og kan førehandskjøpast på Turistkontoret i Eidfjord.

11 Vetlaskredo på basar! Vetlaskredo liker å opptre, og i februar var dei stjernene som vitja basaren på samfunnshuset. At dei kan synge er det ingen tvil om. Dei diska erfarent opp med gamle svisker og nyare låtar. Dei starta med «Teddybjørnens vise» og avslutta med å skryta av oss alle. «Jeg liker dine store ører, og nesa di har nydelig profil, jeg liker dine mange tusen fregner og jeg eelsker ditt goode smil» klang det ut av høgtalarane så alle me som sat i salen fekk ein boost for sjølvbildet! Sjølvsagt skulle koret ha lønn for flott opptreden, og det fekk dei i form av basarårer. Om dei vann gevinstar veit me ikkje, men dei vann i alle fall hjarta til oss som høyrde på. Vetlaskredo er for deg som har begynt i 2 klasse og oppover så lenge du har lyst å vere med. Liker du å synge og å ha det kjekt er Vetlaskredo rette staden for deg. Vetlaskredo opptrer gjerne og er kjent også utanfor Eidfjord. Dei har mellom anna sunge saman med sjølvaste Markus og Martinius. Dette var på Korifokus. Fans av Vetlaskredo kan gå inn på vår facebookside å sjå video av dette. Lill Ida Når me først er inne på Vetlaskredo må me nevne Lill Ida som me er så heldige å ha med på laget. Alle veit at ho har ei songstemme som er få forunt så koplinga til barnekoret er perfekt. Saman med organisten vår Kris, er ho Elise sin faste medhjelpar på Vetlaskredo. I tillegg hjelper ho til på fleire andre prosjekt i kyrkja. Lill Ida er populær både blant dei unge som deltar på aktivitetane og blant dei (noko eldre) tilsette i kyrkja. Allsidig, dyktig, blid som ei sol, men samtidig fast og bestemt. Ho gjer ein kjempeinnsats for arbeidet vårt. Lill Ida, me set veldig stor pris på deg og det du bidrar med her hjå oss! Gåver til barne- og ungdomsarbeidet! Me har lagt ved ein giro i Kyrkjeglytten som du kan bruke om du ønskjer å støtte barne- og ungdomsarbeidet vårt. Dette gjorde me også i fjor og mange engasjerte seg. Tilsaman fekk me inn kroner. Pilegrimar, her på veg mot Osa. Regn ingen hindring, steminga er på topp uansett! Me er også heldige å ha nokre faste gjevarar i ei ordning me me kaller gjevarteneste. Her fekk me i 2015 inn kroner. Gjevarteneste kan du lese meir om på heimesida vår. Me har også offer til kyrkjelydsarbeidet der me i 2015 fekk inn kroner. Gåver og innsamla midlar gjev stabilitet og handlingsrom i barne og ungdomsarbeidet som er eit prioritert satsingsområde for oss. Takk til alle som engasjerer seg!

12 Det er i kyrkja det skjer! Me nyttar høvet til å reklamere litt for midnattskonserten som Kulturfjorden arrangerer i Gamlekyrkja. Dei som var der i fjor veit det blir stemingsfullt, dei som ikkje var der i fjor får muligheten no! Stemingslys i Gamlekyrkja Bilete på plakaten ved sida av er lånt frå eit nydeleg vinterbryllup som var i Gamlekyrkja i januar. Brudeparet, Lillian og Arild, hadde sett opp lyskastarar som framheva atmosfæren i kyrkja på ein veldig flott måte. Soknerådet greip ideen og vil ganske snart ha tilgjegeleg det som trengs for å lyssetje kyrkja på denne måten. Kyrkja er freda så ei praktisk og fin løysing som ikkje medfører inngrep i kyrkja er ein sjølvfølge. Me håper både fastbuande og turistar vil bli like begeistra for stemingslys i kyrkja som me blei når me fekk sjå dette. Litt kyrkjeglytt fra året som har gått Minikonfirmantane våre har nett vore på leir. Dette er tradisjon kvart år rundt påsketider. Då treffest minikonfirmantar fra Eidfjord, Ullensvang og Ulvik på Sætervika for leirliv. Dette er alltid gøy! Leiren blir avlsutta med ei fin gudsteneste som minikonfirmantane sjølv er med å førebur. Ei stemingsfull stund der du nesten kan høyre ei knappenål falle. Bilete er fra underhaldninga på kvelden der støynivået var heilt i andre enden av skalaen. Takk for turen til kjekke minikonfirmantar og supre leiarar som var med! Bibelknøttane får innblikk i mange fine historier. Her fra den borkomne sonen. Kulissene og grisene er både heimegjorte og velgjorte. Flinke born bidrar til ei høgtideleg stund på adventsgudstenesta! Ein friskus på tur. Alltid stor oppslutning på pilegrimsvandringane. Pilegrimsopplegget går kvart tredje år og har no vore gjennomført fem gonger. Neste kyrkjeglytten kjem ut eingong på våren I mellomtida må du gjerne følge oss på facebook. Taccofest er ikkje uvanleg når det er overnatting i kyrkja. Det er viktig å ha litt å gå på når ein skal vere lys vaken. 14 born overnatta i kyrkja i januar.