Firda Sjøfarmer AS - søknad om ny lokalitet ved Hyseneset i Gulen kommune

Transkript

1 Sakshandsamar: Gunn Helen Henne Vår dato Vår referanse Telefon: / E-post: Dykkar dato Dykkar referanse Sogn og Fjordane fylkeskommune Askedalen Leikanger Brevet vert berre sendt elektronisk. Firda Sjøfarmer AS - søknad om ny lokalitet ved Hyseneset i Gulen kommune Fylkesmannen vurderer at etablering av matfiskproduksjon ved Hyseneset medfører eit visst konfliktnivå knytt til natur-, miljø- og friluftlivsinteresser (samla sett C- konflikt), men vi har ikkje kjennskap til tilhøve innanfor våre ansvarsområde som gjev grunn til fråråding av søknaden. Vi viser til søknaden frå Firda Sjøfarmer AS dagsett , oversendt frå Sogn og Fjordane fylkeskommune og komplettert med kommunen si handsaming Søknaden gjeld etablering av ein ny oppdrettslokalitet for matfisk av laksefisk ved Hyseneset i Gulen kommune. Fylkesmannen gjev følgjande fråsegn: Ureining Fylkesmannen har i dag gjeve løyve etter ureiningslova på visse vilkår, for etablering av eit anlegg med inntil 3120 tonn MTB. Dette er noko mindre enn omsøkt, som var 5460 tonn MTB. Kopi av vedtaket er oversendt elektronisk. Arealplanar Gulen kommune har gjeve dispensasjon frå dåverande kommuneplan sin arealdel for omsøkt anleggsplassering. Ny arealdel til kommuneplanen i Gulen kommune for er godkjent av kommunestyret den Anlegget blir etablert i samsvar med denne planen, i areal avsett til akvakultur (AK). Fortøyingar til anlegget vil strekke seg ut i område avsett til Farlei. Føresegnene til kommuneplanen ( 1-10-B) opnar for at fortøyingar til akvakulturanlegg ved behov kan gå utanfor område avsett til Akvakultur, dersom det ikkje er i konflikt med tilgrensande arealbruk, og ikkje går inn i område avsett til Fiske. Konfliktar i høve til natur, miljø og friluftsliv Naturmangfaldlova sine miljørettslege prinsipp ( 8-12) skal vere retningsgjevande for all offentleg utøving av mynde som vedkjem naturmangfaldet. Det er eit krav at vurderingar av prinsippa skal gå fram av vedtaket. Fylkesmannen si fråsegn er ikkje eit vedtak, men skal gje fagleg saksopplysning til fylkeskommunen si avgjerd etter akvakulturregelverket. Hovudkontor Landbruksavdelinga E-post: Njøsavegen 2, 6863 Leikanger Fjellvegen 11, 6800 Førde fmsfpost@fylkesmannen.no Telefon: Postboks 14, 6801 Førde Internett: Telefaks: Telefon: Org.nr Telefaks:

2 2/5 Område med stor verdi for natur og miljø innan fem kilometer frå lokaliteten er vist på vedlagt kartutsnitt frå Fylkesatlas 1. Ved å gå inn på lenka vil de få opp meir informasjon om alle dei ulike temalaga. Opplysningane under gjev ei oversikt over kunnskapsgrunnlaget for å vurdere konfliktar med andre natur-, miljø- og friluftslivsinteresser, jf. naturmangfaldlova (nml.) 8 og tildelingsforskrifta 7, samt Fylkesmannen si vurdering av dei ulike konfliktområda. Søknaden har vore lagt ut til offentleg ettersyn, og det kom inn ein felles merknad frå tolv grunneigarar og oppsitjarar på Sande. I tillegg har kommunen også sendt over ein merknad som kom inn til dispensasjonssaka. Formannskapet i Gulen kommune har i si fråsegn dagsett ikkje eigne merknader. Verneområde: Nærmaste verneområde er Låge Islendingen naturreservat 2 og Håvarden og Klubben naturreservat 3. Begge ligg til sørsida av Fensfjorden, om lag 4 km frå lokaliteten, og begge er verna som hekkelokalitetar for sjøfugl. Vi reknar avstanden som såpass stor at ei etablering ikkje kan ventast å gje direkte konflikt med verneføremåla til desse områda: D- konflikt. Vilt: Eit oppdrettsanlegg kan generelt sett medføre noko konflikt med omsyn til sjøfugl eller anna vilt på næringssøk, eller for hekkande fugl. I tillegg til naturreservata er det registrert fleire område med lokal verdi for sjøfugl i EDNA-basen over område med spesielle naturkvalitetar i Sogn og Fjordane. Dei nærmaste registrerte sjøfugllokalitetane er Leirøyholmen 4 knapt 2 km unna og Storholmen 5 om lag 4 km unna. Etablering av oppdrettsaktivitet nær sjøfugllokalitetar vil kunne trekkje til seg fugl og gje trong for felling av fugl som valdar skade i anlegget, samstundes som det kan medføre forstyrring for fuglen i nærleiken under hekketida. Alt vilt, inkludert deira egg, reir og bol er freda med mindre anna følgjer av lov eller vedtak med heimel i lov. Vi gjer merksam på at ansvarleg for anlegget pliktar å gjere alle nødvendige førebyggjande tiltak mot viltskade, det er ikkje nokon «automatikk» i å få løyve til skadefelling. Vi tilrår generelle vilkår som gjer at konfliktar med sjøfugl vert minst mogleg. For Leirøyholmen ligg det eit anna oppdrettsanlegg nærare (Gråvika, ca 1 km), og mht. Storholmen er avstanden såpass stor at vi ikkje ventar uakseptabel påverknad: D-konflikt. Friluftsliv: Fylkesmannen har ikkje kjennskap til friluftsområde med nasjonal eller regional verdi som anlegget kan ventast å komme i konflikt med. Det er heller ikkje registrert område i nærleiken med spesiell lokal verdi i FRIDA-basen over friluftsområde i fylket. Lokalmiljøet er negative til etablering av eit akvakulturanlegg ved Hyseneset, då området vert nytta til fritidsfiske og fangst av krabbe, hummar og andre skaldyr, og det er otte for at denne aktiviteten vil bli påverka negativt av akvakultur. Dei meiner også at eit anlegg kan få negative konsekvensar for eventuelle utviklingsplanar på land og for låssetjingsplassane i området &maxY= &layers=8%2071%20260%20370%20639%20557%20145%20588%2065 8%20576%20322%20615&baselayer=7&visibleOLOverlays=

3 3/5 Eit oppdrettsanlegg vil beslagleggje areal i kystsona og kan såleis ha ein viss negativ verknad for nærområdet sin generelle verdi for fritidsfiske, bading og båtutfart m.m. Fylkesmannen ser at eit anlegg ved Hyseneset kan fortrengje andre typar aktivitet knytt til fritidsfiske og friluftsliv i delar av dette området ved å bli etablert. Etableringa er likevel i samsvar med avsett arealbruk til akvakultur i overordna plan for dette området i kommuneplanen, og oppdrett har såleis ein viss forrang framfor annan bruk av dette området. Dagleg drift av oppdrettsanlegg kan ha utslepp som påverkar annan bruk av nærområda ved ein lokalitet. Til dømes er enkelte av legemidla som vert brukt til avlusing av oppdrettsfisk vist å kunne ha negativ effekt på veksten til skaldyr. Utsleppsløyvet frå Fylkesmannen set krav om bruk av «best tilgjengeleg teknologi» for å minske utslepp og miljøpåverknad frå anlegget, men tillet likevel nødvendig legemiddelbruk på lokaliteten. Dette omfattar også lovleg brukte legemiddel som kan ha ein slik negativ miljøeffekt. I tillegg til at eit anlegg vil legge beslag på areal der ein ikkje lenger kan fiske, kan ein difor ikkje sjå bort frå at utsleppa frå eit anlegg ved Hyseneset kan gjere området like ved oppdrettsanlegget mindre attraktivt for eit eventuelt fritidsfiske etter skaldyr. Fylkesmannen vurderer at ei etablering vil gje eit visst konfliktnivå med friluftsliv/ fritidsfiske: C-konflikt. Vill anadrom fisk: Indre del av Sognefjorden er gitt status som nasjonal laksefjord 6. Lokaliteten ligg sør for munninga av dette fjordsystemet. Vi har ikkje registreringar av lakseførande vassdrag eller større sjøaurevassdrag like ved anlegget, men anlegget vil kunne bidra til den samla påverknaden for vill anadrom fisk i Fensfjordsystemet og ytre Gulen/ Sognefjorden elles, sjå kart frå Lakseregisteret under. Søknader om utvidingar eller etableringar av akvakulturproduksjon må ikkje berre verte vurdert enkeltvis, men også sett i samanheng med den totale belastninga på villfisken i området, jf. naturmangfaldlova (nml.) 10 om samla belastning på økosystema. Vi viser elles til føringane om kunnskapsgrunnlag (nml. 8) og føre-var-prinsippet (nml. 9). Ut frå den kunnskapen vi har i dag, ser vi samla sett på ei etablering av matfiskanlegg for laksefisk på lokaliteten Hyseneset som noko konfliktfylt, men den kan likevel vere forsvarleg på visse vilkår: C-konflikt. 6

4 4/5 Figur 1. Utløp til sjø av lakse- og eller sjøaurevassdrag registrert i Lakseregisteret 7 er vist med blå punkt, lakseførande elvestrekning er vist med oransje linje. Registrerte lokalitetar for sjøfangst av laks er vist med svart firkant. Spesielle naturtypar og biologisk mangfald: Akvakulturanlegg kan generelt sett vere til fysisk skade for naturtypar som f.eks korall- og svampsamfunn gjennom utlegging eller flytting av fortøyingar, eller det kan gje biologiske verknader for flora og fauna i vassøyla eller i/på botn gjennom nedslamming eller endra livsbetingelsar som følgje av næringsrike organiske utslepp frå drifta, eller bruk/utslepp av legemiddel. Verknader er oftast lokale, men kan likevel vere alvorlege dersom viktige naturtypar eller sårbart biologisk mangfald vert råka. Marint naturmangfald er dårleg kartlagt i Sogn og Fjordane hittil. Registrerte prioriterte naturtypar nærmast Hyseneset ligg på motsett side av Fensfjorden med større tareskogførekomstar i Austrheim 8 og Lindås 9. I tillegg er det registrert eit viktig område med israndavsetningar 10 på fjordbotn i Fensfjorden. Ingen av desse områda ventast å bli påverka av ei ev. etablering ved Hyseneset. Vi har per i dag ikkje kjennskap til at det er registrert spesielle verdiar for det marine biologiske mangfaldet på eller ved lokaliteten Hyseneset. Det vil likevel vere knytt miljøinteresser i større eller mindre grad til alt areal langs kysten og langs vatn og vassdrag, og det er summen av alle inngrep over tid i desse områda som reduserer området sin verdi for vilt og biologisk mangfald: D-konflikt

5 5/5 Samla vurdering: Vi ser på ei etablering av matfiskanlegg på lokaliteten Hyseneset som noko konfliktfylt, spesielt i høve til påverknad på vill anadrom fisk og verknad for friluftslivsog fritidsfiskeinteresser. Samla sett kan konfliktnivået vurderast som C-konflikt (ikkje grunn til fråråding). Vi ber også om at generelle vilkår knytt til vern av vilt vert tatt med i eit eventuelt løyve på lokaliteten. Konklusjon Fylkesmannen har ikkje kjennskap til tilhøve innanfor våre ansvarsområde som gjev grunn til fråråding av søknaden om etablering av matfiskproduksjon ved Hyseneset. Vi vurderer samla konfliktnivå knytt til natur-, miljø- og friluftlivsinteresser som C-konflikt. Med helsing Gøsta Hagenlund fungerande fylkesmiljøvernsjef Gunn Helen Henne overingeniør Brevet er godkjent elektronisk og har derfor ikkje underskrift. Vedlegg: 1. Kartvedlegg (kartutsnitt frå Fylkesatlas) 2. Orientering om konfliktgradering Kopi til: Firda Sjøfarmer AS (e-post) Gulen kommune (EDU) Mattilsynet, DK for Bergen og omland (e-post) Fiskeridirektoratet, Region vest (e-post)