Salgsprospekt for eigedomen Freimssanden/Importkaia, Odda sentrum

Transkript

1 Salgsprospekt for eigedomen Freimssanden/Importkaia, Odda sentrum Datert

2 Odda kommune tilbyr eigedomen Freimssanden/Importkaien for sal Odda kommune eig i dag Freimssanden/Importkaia i Odda sentrum. Området er nyleg regulert. Om lag halve bygningen Importkaien er freda etter lov om kulturminner. Odda kommune meiner det er viktig at det her vert lagt til rette for bruk innanfor fredninga sine rammer. Den andre delen er regulert som kombinert byggeområde, der det kan etablerast bustad, forretning, kontor eller overnatting. Denne delen kan enten rivast og byggast opp på ny, eller oppgraderast slik bygningskroppen i dag framstår. Tomta er ei av dei mest attraktive sentrumstomtene i Odda sentrum, med solrik plassering, samt sjølinje på etablert kai. Ferdselslinja gjennom området er ein potensielt viktig gangveg for innbyggarar mellom Freim/Ragde og sentrum. Kaiområdet er ein potensielt viktig del av ein framtidig, samanhengande strand/elvepromenade frå Sjukehuset i sør, til Sørfjordsenteret i vest til Importkaia i aust. Offentleg tilgjenge rundt Importkaia er ein føresetnad for eit kvart realistisk prosjekt. Odda kommune har sjølv ikkje ambisjon om å utvikle området. Ein ynskjer at private aktørar overtek arealet og utviklar både bygningsmassen og utomhusområda som naturleg høyrer til bygget. Odda kommune utlyser såleis ein konkurranse for å finne riktig kjøpar. Dette er den tilbydaren som legg fram det beste prosjektet for Importkaia/Freimssanden og byutviklinga. Vinnaren av konkurransen vil få anledning til å overta arealet for kroner 1,- all den tid prosjektet vert realisert. Innhald Odda kommune tilbyr eigedomen Freimssanden/Importkaien for sal Informasjon om området Informasjon om eksisterande bygg Område omfatta av konkurransen Odda kommune sine ambisjonar for området Freimssanden Reguleringsplanstatus Prosess Vurdering av tilbod Tilbod skal innehalde Vurderingsprosess Vurderingsgrunnlag Tilbod skal sendast / frist for tilbod Vedlegg... 9

3 1. Informasjon om området Området ved importkaia / Freimssanden ligg attraktivt til, med gode soltilhøve og kort avstand til både sjø og elv. Området er eit viktig bindeledd mellom byggefelta på Freim og sentrum for gåande. På grunn av øydelagt hengebru og dårleg vedlikehald er det likevel få menneske som oppheld seg, eller går gjennom, området i dag. Mulighetsstudien har peika på at utviklinga her er utfordrande, mellom anna på grunn av eit betydeleg forfall utomhus. Samstundes er den freda delen av importkaien vanskeleg å ta i bruk på grunn av det freda inventaret med store innebygde siloar. Odda kommune har som mål å setje i stand hengjebrua til mellom Almerket og Freimssanden parallelt med den øvrige utviklinga i området. Området har tilkomst frå Rv.13 mot aust. Statens vegvesen har vurdert at det må påreknast noko betring av krysstilhøva, avhengig av kor mykje trafikk nye tiltak genererer. Freimselva og Opo er to nærliggande vassdrag. Opo vert sikra mot 200-års flaum. Det må påreknast noko mindre sikring av Freimselva for å unngå at potensielle flaumskred kan nå eventuell ny bygningsmasse. 1.1 Informasjon om eksisterande bygg Bygningen innanfor området er ein 41 meter lag og 10 meter brei, bygd i armert betong i Den hadde funksjon som importkai med lossing av kalkstein ved hjelp av to portalkranar på kaien. Det føreligg ikkje oppdatert tilstandsrapport. Tak på den austre delen vert utbetra i løpet av hausten Bygget består av to bygningskroppar. Den austre er freda etter kulturminnelova. Sjå fredningsvedtak (vedlegg). Bygget er ein del av bevaringsprogrammet for Smelteverkstomta, der det kan søkjast midlar for istandsetting av bygget. Den vestre delen kan utviklast slik den står eller rivast og erstattast med nytt bygg. Reguleringsplan for Smelteverkstomta-Sentrum gjeld for utvikling i området (vedlegg). Planen opnar for føremåla bustad, forretning, kontor og overnatting. Odda kommune ynskjer at bygg vert utvikla i tråd med reguleringsplan og mest mogleg i harmoni med Mulighetsstudien for Odda Smelteverk (vedlegg).

4 1.2 Område omfatta av konkurransen Området som framgår med raud stipla linje under vert utlyst som ein del av konkurransen. Dette omfattar eksisterande bygningar, utomhusområde, kai og sjøareal/småbåthamn. Arealet er i overkant av 6000 m 2. Figur 1. Avgrensing av område (raud, stipla, linje)

5 1.3 Odda kommune sine ambisjonar for området Freimssanden Området rundt bygningane skal leggast til rette som eit attraktivt område med moglegheiter for småbåthamn og nærleik til sjø for alle. Det skal vere attraktivt å gå gjennom området. Det freda kulturminnet skal kunne opplevast i eit verdig miljø. Bygning som ikkje er freda skal utviklast til tenesteyting, handel, overnatting og/eller bustadar. Figur 2. Illustrasjonsplan til gjeldande reguleringsplan for området

6 1.4 Reguleringsplanstatus Reguleringsplan for Smelteverkstomta-Sentrum vart vedteken av kommunestyre Det vert synt til figur. 1, samt vedlegg for reguleringsplankart. Bygningen Importkaia er regulert med to føremål; BFK_2, samt ABA_1. ABA_1 er den freda delen av bygget og har følgjande føresegner: Bygningar og anlegg som er del av Odda smelteverk sine produksjonslinjer og som er freda etter kulturminnelova. Bygningane kan ha eit stort spekter av bruk og kan nyttast til turisme, næringsverksemd, forsamlingshus, messeområder, museumsdrift mm, så lenge dette ligg innafor vernevedtaket. Søknadspliktige tiltak, som kan påverke verneverdiane i området, skal klarerast med rette styresmakt for forvaltning av fredningsvedtaket i området, for å tilfredstille omsyn til verneverdiane knytt til Odda smelteverk. BFK_2 er delen av bygget som ikkje er freda. Her gjeld følgjande spesifikke føresegner (sjå vedlegg for fullstendige føresegner for planen) I område BFK_2 er maksimal tilleten byggehøgd 13,5 moh. Bygget kan ha inntil tre etasjar, og skal ha flat takform. Bygget kan nyttast til bustad/forretning/kontor/overnatting. Ein skal stille strenge krav til detaljutforming og arkitektoniske løysingar i byggesaka: Bygget skal førast opp med eit uttrykk som respekterer ABA_1, som eit freda kulturminne og som eit historiefortellande objekt på Smelteverkstomta. ABA_1 sitt brutalistiske og industrielle preg skal ikkje trugast som følgje av tiltak. Bygningsdelar som kan framstå som forstyrrande i høve til ABA_1 sine former skal ikkje tillatast. Dette kan, eksempelsvis gjelde; antenner, profilerte gesimsar, heishus, flaggstenger, tekniske anlegg og liknande. BFK_2 skal ikkje opparbeidast slik at det vesentleg privatiserer omliggande offentleg gatetun, inklusiv kaiområde. Tiltak innan BFK_2 skal ikkje hindre tilkomst eller funksjonell utnytting av ABA_1. Parkering til BFK_2 skal ikkje kome i vesentleg konflikt med snarveg til sentrum, grøntareal eller kaiområde. Øvrige område rundt bygget er regulert til offentleg gatetun, småbåtanlegg, samt friluftsområde i sjø.

7 2. Prosess Odda kommune ser utfordringar med å utvikle og ivareta den freda delen av bygget i høve til totalen i prosjektet. Odda kommune ynskjer såleis å tilby området for kr. 1,- dersom dette kan sikre ei god utvikling i privat regi. Ein gjennomfører difor no ein konkurranse. Beste tilbydar/prosjekt får inngå avtale på arealet. Avtalen vil ha vilkår om at arealet skal utviklast i tråd med prosjektskissa som er presentert gjennom kjøpekontrakten. Oppmåling, omkostningar og dokumentavgift vert betalt av kjøpar. Kjøpekontrakten vil vere hefta med at tomta ikkje kan selgast vidare, samt at Odda kommune kan kjøpe attende tomta, dersom følgjande kriteria ikkje vert møtt; Godkjent byggesøknad for prosjektet innan 3 år frå kjøpekontrakten vert signert. Ferdigstilt/ferdigattest på prosjektet innan 5 år frå kjøpekontrakt vert signert. 2.1 Vurdering av tilbod Tilbod skal innehalde For at tilbodet skal vere kvalifisert skal følgjande innhald leverast med tilbodet: 1. Søknadstekst Skildring av konsept, med moglegheiter og avgrensingar. 2. Teikningar / skisser og illustrasjonar Ein krev ikkje detaljplanar for nytt bygg, men det skal føreligge teikningar som gjev eit klårt bilete av bygg og uteområde si utforming, innhald og fysisk avgrensing. Det skal føreligge illustrasjon av bygg og av korleis uteareal skal utformast. 3. Finansieringsplan Finansieringsplan skal skildre anslåtte kostnader ved gjennomføring av prosjekt, samt mogleg finansiering. Urealistisk eller uklår finansieringsplan vil vere grunnlag for diskvalifikasjon. Eventuelt erfaringsgrunnlag frå liknande prosjekt skal skildrast i tilbodet. 4. Framdriftsplan Framdriftsplan skal vere realistisk og i tråd med tidsrammene i opsjonen. Det skal framgå korleis tilbydar ser føre seg å få godkjent byggesøknad innan tre år, samt ferdigstilt prosjekt innan fem år Vurderingsprosess Odda kommune vil setje ned ein jury for vurdering av tilboda som kjem inn. Denne vil bestå av to administrative ressursar, samt tre medlem av Utviklingskomiteen i Odda kommune. Juryen vil fremje ei innstilling basert på søknadane. Søkarar vil få anledning til å presentere prosjekta sine for utviklingskomiteen. Kommunestyret inngår kjøpskontrakt til den beste tilbydaren.

8 2.1.3 Vurderingsgrunnlag Tilbod som ikkje fremjar god byutvikling kan avvisast. Vekting vert utført ut frå innhaldet i tilbodet med hovudfokus på tema omtalt under. Det vert presisert at denne prosessen ikkje er omfatta av Lov og forskrift om offentlige anskaffelser. Vilkår for gjennomføring og prosedyre er berre gjevne i dette dokumentet. Utforming av bygg: Maksimal tilleten byggehøgd 13,5 moh. Bygget sin maksimale avgrensing følgjer av gjeldande reguleringsplan. Bygget kan ha inntil tre etasjar, og skal ha flat takform. Detaljutforming og arkitektoniske løysingar skal ha høg kvalitet. Bygget skal førast opp med eit uttrykk som respekterer den freda delen av importkaien som eit historiefortellande objekt på Smelteverkstomta. Importkaien sitt brutalistiske og industrielle bygningsuttrykk skal ikkje trugast som følgje av det nye bygget. Utforming av uteområde: Tilboda vil bli vekta på korleis ein ser føre seg opparbeiding av uteområde rundt bygget. Odda kommune ynskjer ei fullstendig opprydding og opparbeiding av omliggande areal. Gjennomgåande gangveg frå Freim til Almerket er ein viktig struktur i området. God trafikkhandtering og parkeringsløysing vil bli vektlagt. Ytterste del av kai skal vere offentleg tilgjengeleg rundt heile bygget. Finansieringsplan Som skildra over. Framdriftsplan Som skildra over.

9 Figur 3. Illustrasjon av mogleg utvikling. Frå Mulighetsstudie for Odda smelteverk Tilbod skal sendast / frist for tilbod Tilboda skal sendast Odda kommune Opheimsgata ODDA Tilboda må vere mottekne innan Vedlegg 1. Utkast til kjøpskontrakt 2. Teikningar av bygget 3. Bilete frå området 4. Kartavgrensing av område som er omfatta av konkurransen 5. Reguleringsplankart 6. Reguleringsføresegner 7. Fredningsvedtak 8. Mulighetsstudie for Smelteverkstomta