DETALJREGULERING GNR/BNR 39/100 M.FL., DJUPEVIKNESET AVLAUPSREINSEANLEGG - 1. GONGSHANDSAMING

Transkript

1 Arkivref: 2015/ /2016 Saksh.: Merete Refstie Hageberg Saksnr Utval Møtedato 44/16 Forvaltningsstyret DETALJREGULERING GNR/BNR 39/100 M.FL., DJUPEVIKNESET AVLAUPSREINSEANLEGG - 1. GONGSHANDSAMING Framlegg til vedtak: Forvaltningsstyret vedtek i medhald av og i Plan- og bygningslova å leggje forslag til detaljregulering for gnr/bnr 39/100 m.fl., Djupevikneset avlaupsreinseanlegg ut til offentleg ettersyn. Saksprotokoll i Forvaltningsstyret Vedtak Forvaltningsstyret vedtek i medhald av og i Plan- og bygningslova å leggje forslag til detaljregulering for gnr/bnr 39/100 m.fl., Djupevikneset avlaupsreinseanlegg ut til offentleg ettersyn. Handsaming Samrøystes vedteke.

2 Rådmannen, Dokumentliste I Plan Vest AS Tinging av oppstartsmøte for reguleringsplan I Plan Vest AS Utkast plangrenser, Djupavik U Plan Vest AS m.fl. Referat frå oppstartsmøte N fakturagrunnlag Fakturagrunnlag - Detaljregulering gnr/bnr I Plan Vest AS Plangrense Djupavikneset I Plan Vest AS Oppstartsbrev Djupavikneset U Plan Vest AS Revidert plangrense, naboliste og adresseliste til oppstartsmelding U Plan Vest AS Tilbakemelding på oppstartsmeldinga I Plan Vest AS Oppstart av arbeid med detaljregulering for gnr/bnr 39/100 m.fl. Djupevikneset avløpsreinseanlegg, Stord kommune I Plan Vest AS Oppstart av arbeid med detaljregulering I Per Ove Laastad Merknader/innspill til planarbeid U Sunn it SV: Kloakkreinseanlegg i Djupavikjo U Sunn It SV: Kloakkreinseanlegg i Djupavikjo I Plan Vest AS Oversending av reguleringsplan til 1.gangs handsaming - Detaljregulering for gnr./bnr. 39/100, Djupevikneset avlaupsreinseanlegg, PlanID: I Plan Vest AS Innsending av sjekkliste for oversendt plan (PlanID: ) med oppdatert plankart U Stord Kommunalteknikk v/harald O. Sæbø m.fl. Detaljregulering for Djupevikneset U Plan Vest AS Mottakskontroll - Detaljregulering gnr/bnr I Plan Vest AS Oversendelsesbrev - Reguleringsplan 1. gangs handsaming I Plan Vest AS Djupavik - detaljregulering I Plan Vest AS Justert planmateriale I Plan Vest AS Justert planmateriale - Detaljregulering gnr/bnr S Detaljregulering gnr/bnr 39/100 m.fl., Djupevikneset avlaupsreinseanlegg - 1. gongshandsaming Vedlegg 1 Plankart datert Føresegner datert Planomtale datert Normalprofil, datert Vegteikning - Plan og profil, datert Innleiing (bakgrunn for saka) Plan Vest AS har på oppdrag frå Stord kommunalteknikk (SKT) utarbeida detaljregulering for Djupevikneset avlaupsreinseanlegg. Eksisterande avlaupsreinseanlegg må sanerast og byggast på nytt for å dekka dagens behov og krav. Området er tidlegare regulert til område for avlaupsanlegg og køyreveg/kai. Melding om oppstart av planarbeidet vart kunngjort og sendt ut Det kom inn 9 merknader/uttalar til oppstartsmeldinga. Desse er kommentert i planomtalen. Saksutgreiing (fakta, saksopplysningar) 2 av 5

3 Omtale av planområdet Planområdet ligg i utkanten av Leirvik, ca 500 meter aust for sentrum. Området er på om lag 11,4 daa, og omfattar fleire eigedomar. Det strekk seg frå krysset mellom Hamnegata og vegen ned til moloen, og ut til sjøen i aust med arealet til noverande avlaupsanlegg og sjøområdet utanfor. Området er i dag i bruk til veg, avlaupsanlegg og kaiområde samt noko urørt naturområde. Føremålet med reguleringa er å legge til rette for nytt avlaupsreinseanlegg etter dagens standard, tilkomstveg og gangveg/strandpromenade, samt moglegheit for kaianlegg. Planstatus Området er i kommuneplan for Stord synt til område der eksisterande reguleringsplan fortsatt skal gjelda. Delar av planen ligg innafor funksjonell strandsone, og ein framtidig turveg/strandpromenade er teikna inn gjennom området. Planar for nytt avlaupsreinseanlegg er i samsvar med Kommunedelplan for avløp og vassmiljø Planforslaget vil erstatte delar av plan R , Hamnegata. Planområdet grensar til plan R , Leirvik hamn sør og til plan gnr/bnr 39/102 m.fl. Hamnegata. Omtale av planforslaget Føremålet med planen er å leggja til rette for nytt avlaupsreinseanlegg etter dagens standard med tilhøyrande tilkomstveg og gangvegar. Det er og eit ønskje om å etablera kaianlegg og gje opning for noko kontor og lagerverksemd til bruk for Stord kommunalteknikk innanfor området. Intensjonen er å utvikla området til eit positivt og attraktivt område, med sjøpromenade frå Leirvik sentrum mot Sponavikjo. Tilkomst til planområdet vert frå Hamnegata. Det er synt ein tilkomstveg med eit tverrsnitt på 3,5 meter køyrebane og 0,75 m skulder ned til området. Det er regulert inn gang- og sykkelveg på 3 meter breidde, denne vert skilt frå vegarealet med kantstein. Det vert høge skjeringar/murar langs vegen i sør. For meir utfyllande omtale av planen vert det vist til vedlagte planomtale. Vurdering Krav om konsekvensutgreiing Planen er i samsvar med tidlegare regulering for området, men då omfanget er noko større enn tidlegare regulert er det sett krav om utarbeiding av ny plan. Planen utløyser ikkje krav om planprogram og konsekvensutgreiing. Det er likevel i planomtalen utarbeida ein oversikt over konsekvensane av planen. Konsekvensar for samfunnet Planen opnar for nytt kommunalt avlaupsreinseanlegg, og kommunen vil ha kostnader knytt til utbygging og drift av dette. Det er og knytt rekkefølgjekrav til opparbeiding av gang- og sykkelveg og strandpromenade gjennom området. Naturmangfald Det er ikkje registrert utvalte naturtypar eller prioriterte artar innanfor, eller like i nærleiken av planområdet som får verknad for planen. Det er i artsdatabanken registrert fleire objekt innanfor planområdet, hovudsakleg algar, men ingen er vurdert som trua. Det er gjort ei vurdering etter prinsippa i NML Ut frå undersøkingane som er gjort kan ein konkludere med at kunnskapsgrunnlaget er godt i høve til risikoen for mogleg vesentleg skade på naturmangfaldet. Kulturminne/naturmiljø Det er ingen registrerte kulturminne i sjølve planområdet, men det er registrert eit arkeologisk minne ca 140 meter sør for planområdet. Dette er eit automatisk freda busetnads-aktivitetsområde frå eldre steinalder, som ligg m.o.h. Det er ikkje motteke uttale til oppstartsmeldinga frå Hordaland Fylkeskommune. Landskap og terreng Planområdet strekk seg frå sjøen og opp til kote +21 m.o.h. på det høgaste. Området er bratt og heller mot nord og aust. Utanom dei bebygde delane av området, består området av berg og skrinn furuskog. Planen vil ikkje har verknad for solinnfall eller utsikt for naboane. Eksisterande busetnad ligg høgt i terrenget over planområdet. Det er lagt inn strenge føringar for terrengtilpassing og tilpassa utforming for bygningar innanfor området BKB1, #2_1 her er det særskilte krav til landskapstilpassing. 3 av 5

4 Friluftsliv og strandsone, folkehelse Tiltaket vil ikkje vera i konflikt med offentlege friluftsområde eller friområde, eller område registrert med nasjonal/regional eller lokal verdi for friluftsliv. Det er lagt inn eit areal til grøntstruktur i planen som buffer mot eksisterande busetnad. Planområdet er i dag lite tilgjengeleg for ålmenta, og den gjengrodde stien tyder på at området er lite i bruk i dag. Planen legg til rette for auka bruk, då det vert gang- og sykkelveg/fortau langs Hamnegata og ei forlenging av denne går over i strandpromenade. Strandpromenaden skal ver open og lett tilgjengeleg for ålmenta. Barn og unge Planen omfattar ikkje areal som er i bruk til leike- og opphaldsareal for born eller unge. Det går ein sti gjennom området, men denne er tilgrodd. Planen regulerer inn strandpromenade langs sjølina, noko som vil gjera området meir tilgjengeleg for ålmenta. Universell utforming Teknisk forskrift set krav til at uteareal for ålmenta skal være universelt utforma. Området har ikkje vesentlege utfordringar i høve til universell utforming. Gang- og sykkelveg/strandpromenade skal vera universelt utforma. Klima og energi, ureining Tiltak i samsvar med forslag til plan vil ikkje føre til ureining av jordbotn/grunn, vassdrag eller vatn, og det er ingen fare for ureining av drikkevasskjelder. Det kan vera ein ureiningsfare knytt til utbyggingsfasen, ved at det kan skje avrenning frå byggeplass i strandsona. Det er lagt inn avbøtande tiltak som etablering av siltgardin som dekker vass-sjiktet utanfor fyllinga frå botn til overflata for å hindre evt. ureiningar til sjø. Eventuelle tilførte massar skal vera reine. Støy Planen inneheld ikkje føremål som vil gje auka støy for planområdet eller kringliggjande områder. Tiltaket medfører heller ingen auke i vegtrafikkstøy for kringliggjande busetnad. Veg, vatn og avløp Tekniske planar for veg, vatn, avløp og overvatn skal godkjennast av SKT og Stord kommune i samband med byggemelding av dei tekniske anlegga. Trafikk og trafikktryggleik Det er per i dag ikkje opparbeida fortau langs denne delen av Hamnegata. I eksisterande plan er gangog sykkelveg synt på nordsida av Hamnegata. I planforslaget ligg det inne gang- og sykkelveg/fortau langs sørsida av vegen. Dette er grunngjeve med at ein då i størst mogleg grad unngår kryssande yrkestrafikk, det gjev og kontinuitet i gangferdsla ved skifte til strandpromenaden. Det er lagt til rette for eit kryssingspunkt av Hamnegata vest i planen. Trafikkmengder i området vil avgjere om ein kan merke opp gangfelt i kryssingsområdet. Hamnegata vert regulert med ei breidde på 6 meter lengst vest i planen. Vegen går deretter over til ein vegbreidde på 3,5 meter, pluss 0,75 meter skulder. Dette grunna dei vanskelege terrengtilhøva i området, og at vegmynde har vurdert at fortausbreidda bør vere 3 meter i området. Det er og naudsynt å sikre nok areal til vegskulder og grøft i området. Det er gode sikttilhøve i området, og ein legg til grunn låge trafikktal. Planen legg og opp til at farlege skrentar og kantar skal sikrast. Risiko og sårbarheit (ROS-analyse) Det er gjennomført risiko og sårbarheitsanalyse. Analysen ligg som del av planomtalen. Analysen viser at det kan verta farlege skrentar langs vegen som følgje av høge fjellskjeringar. Desse må sikrast, dette gjeld og for steinsprang. Sjønært område med kaikantar bør innrettast med livredningsutstyr, leider og god belysning. For nærare omtale av planområdet, planforslaget, konsekvensar og risiko- og sårbarheitsanalyse vert det vist til planomtale med vedlegg. 4 av 5

5 Konklusjon Rådmannen rår til at Forvaltningsstyret vedtek å leggja planen ut til offentleg ettersyn. 5 av 5