DETALJREGULERING FOR GNR/BNR 53/1 M.FL, GRUNNAVÅGEN - 1. GONGSHANDSAMING

Transkript

1 Arkivref: 2015/ /2016 Saksh.: Merete Refstie Hageberg Saksnr Utval Møtedato 29/16 Forvaltningsstyret DETALJREGULERING FOR GNR/BNR 53/1 M.FL, GRUNNAVÅGEN - 1. GONGSHANDSAMING Framlegg til vedtak: Forvaltningsstyret vedtek i medhald av og i Plan- og bygningslova å leggje forslag til detaljregulering for gnr/bnr 53/1 m.fl., Grunnavågen ut til offentleg ettersyn. Saksprotokoll i Forvaltningsstyret Vedtak Forvaltningsstyret vedtek i medhald av og i Plan- og bygningslova å leggje forslag til detaljregulering for gnr/bnr 53/1 m.fl., Grunnavågen ut til offentleg ettersyn. Forvaltningsstyret ber om at den vidare prosessen blir utarbeidd eitt alternativ med gang- og sykkelveg lagt langs sjøsida av prosjektert veg. Dette med spesiell sikring for gåande/syklande langs høge fjellskjeringar. Forvaltningsstyret ber om at det ved vidare planprosess blir vurdert løysningar som gjer det mogleg å få aure tilbake i bekken. Handsaming Samrøystes vedteke. ******* Fredrik Litleskare (H) kom med framlegg om andre avsnitt slik det ligg føre. John F. Tonnesen (MDG) kom med framlegg om tredje avsnitt slik det ligg føre.

2 Rådmannen, Dokumentliste I Plan Vest AS Tinging av oppstartsmøter I Plan Vest AS Utkast plangrenser, Djupavik og Grunnavågen U Plan Vest As Referat oppstartsmøte N fakturagrunnlag Fakturagrunnlag - Detaljregulering gnr/bnr 54/46 m.fl, Grunnavågen I Plan Vest AS Plangrense Grunnavågen - varslingsliste U Harald Oddvar Sæbø Naboliste for orientering til grunneigarar N Regulering, byggesak og oppmåling Oppstart detaljregulering gnr/bnr 54/46 m.fl, Grunnavågen U Plan Vest AS Planid og plannamn I Plan Vest AS Utkast til planprogram, Grunnavågen I Plan Vest AS Forslag til planavgrensing og tinging av naboliste U Plan Vest AS Oppstart Grunnavågen I Plan Vest as Grunnavågen - planprogram I Erko Settefisk as VS: REGULERINGAPLAN GRUNNAVÅGEN - FINANSIERING I Marie og Ulf Skogvold Innspel til rullering av kommunedelplan Sagvåg U Plan Vest AS SV: Grunnavågen - planprogram I Plan vest as Varsel om oppstart av planarbeid I Plan vest as Annonse oppstart planarbeid I Fylkesmannen i Hordaland, Kommunal og samfunnsplanavdelinga Oppstartsmelding - Fastsatt planprogram - Stord - Gnr 53 bnr 1 m fl - Grunnavågen - Ny veg - Detaljregulering I Hordaland fylkeskommune, Regionalavdelinga Fråsegn til oppstart av reguleringsplan med planprogram, ved Grunnavågen - Stord kommune I Plan Vest AS VS: Reguleringsplan Grunnavågen I Plan Vest Merknader til oppstart og planprogram - Grunnavågen - Ny veg - Detaljregulering I Plan Vest AS Revidert planprogram - Stord - Gnr 53 bnr 1 m fl - Grunnavågen - Ny veg - Detaljregulering I Plan Vest AS Møtereferat veg I Marie Skogvold Fwd: Plangrense I Marie Skogvold Re: Grunnavågen regulering - møtereferat I Plan Vest AS Forslag til plan I Plan Vest AS Varsel om utviding av plangrense - Grunnavåg I Plan Vest AS Grunnavågen støy S Detaljregulering for gnr/bnr 53/1 m.fl, Grunnavågen - 1. gongshandsaming S Detaljregulering for gnr/bnr 53/1 m.fl, Grunnavågen - fastsetjing av planprogram I Plan Vest AS Oppdatert planomtale I Plan Vest AS Planomtale Vedlegg 1. Plankart, Føresegner, Planomtale, Plan og profilteikning Innleiing (bakgrunn for saka) Plan Vest AS vart i 2014 engasjert av Stord kommune til å gjera eit forprosjekt som skulle vurdera alternative vegtrasear til Grunnavågen. Forprosjektet skulle greia ut andre alternativ enn fornying av eksisterande bru. I forprosjektet vurderte ein to alternativ til fornying av brua. Alternativ 1 var strekninga frå Sætrevikkrysset via Nestjødno til Grunnavågen. Alternativ 2 var ny veg frå Fv. 545 ved Vasspodlen via Sjøpollen til Grunnavåg. 2 av 5

3 Forprosjektet for Nye Podlen Bru/ny veg til Grunnavåg vart lagt fram som referatsak for NMK-komiteen , sak RS 5/15. Komiteen kom med følgjande oversendingsframlegg som samrøystes vart vedteke oversendt til rådmannen: «Komité for næring, miljø og kultur vil be om at dei ulike løysingane for ny bru i Grunnavåg og alternative vegløysingar vert vurdert i arbeidet med kommunedelplan Sagvåg/Litlabø.» Vedtaket og forstudien vart drøfta i prosjektgruppa for kommunedelplanarbeidet i møte Prosjektgruppa var positive til forstudien si tilråding om ny veg etter alternativ 2 som erstatning for eksisterande bru, og var vidare positive til at det kunne utarbeidast og fremjast reguleringsplan i samsvar med dette før arbeidet med kommunedelplanen var ferdig. Regulering, byggesak og oppmåling (RBO) mottok søknad om igangsetting av planarbeid for detaljregulering av ny veg til Grunnavågen i Sagvåg. Søknaden er sendt inn av Plan Vest AS på vegne av tiltakshavar, Stord kommunalteknikk. Det vart haldt oppstartsmøte Området er i kommuneplanen vist som område for bustad, friområde og småbåthamn. Delar av arealet er tidlegare regulert. Då forslaget til ny vegtrase ikkje er i samsvar med gjeldande reguleringsplanar og kommuneplan for Stord, er det kravd planprogram og konsekvensutgreiing i samband med utarbeiding av detaljplanen. Melding om oppstart av planarbeid og utlegging til offentleg ettersyn av framlegg til planprogram vart kunngjort og sendt ut Det kom inn 13 merknader/uttalar til oppstartsmeldinga. Desse er kommentert i planomtalen. Saksutgreiing (fakta, saksopplysningar) Omtale av planområdet Planområdet ligg sør for Sagvåg sentrum. Det er om lag 55 daa, og omfattar fleire eigedomar. Det strekk seg om lag frå krysset med Podlen, vest mot Sjøpollen, vidare på sørsida av Sjøpollen til krysset med Seglneset. Området er i dag i bruk som veg, industri og friområde. Føremålet med reguleringa er å opparbeide ny tilkomst til Grunnavågen som alternativ til bygging av ny bru. Planen omfattar og eit areal mellom Sjøpollen og Tjødnåsen. Planstatus Mesteparten av området er omfatta av reguleringsplanar som fortsatt skal gjelda. Området som ikkje er omfatta av reguleringsplanar er i kommuneplan for Stord vist som areal for bustader, friområde og småbåthamn. For delar av planområdet gjeld omsynssona «Funksjonell strandsone H 500_150». Planforslaget vil erstatte delar av reguleringsplanane R , R , R og , områda er regulert til veg, industri/erverv, småbåthamn, friluftsområde og friområde, i tillegg til noko bustadareal. Omtale av planforslaget Føremålet med planen er å regulera ny tilkomstveg til industriområdet i Grunnavågen frå kryss med Fv 545 ved Podlen langs sørsida av Sjøpollen i Sagvåg. Dette som ei erstatning for dagens vegtrase i bru over sundet med Sjøpollen. Eksisterande veg til Grunnavågen er smal, og brua har avgrensa framkomst og er moden for utskifting. Det vert no regulert ein tofelts veg med gangveg. Planar om kai og naust inst i Sjøpollen vert medteke i reguleringsplanen med grunnlag i det som vart søkt om i plan for Tjødnåsen (Planid ). Det er og teke med eit areal inst i Sjøpollen som er flateregulert til BFT fritids og turistføremål. Her er det i føresegnene stilt krav om utarbeiding av detaljregulering for å avklare endeleg arealbruk før utbygging kan setjast i gang. For meir utfyllande omtale av planen vert det vist til vedlagte planomtale. 3 av 5

4 Vurdering Krav om konsekvensutgreiing Det er utarbeida eit planprogram for detaljreguleringa. I planprogrammet er det gjort greie for kva tema som skal konsekvensutgreiast. Konsekvensutgreiinga er gjort i samsvar med forskrift om konsekvensutgreiing og er integrert i planomtalen. Det er vurdert at planen vil ha ein liten negativ konsekvens for born og unge i høve redusert moglegheit for opparbeiding av ballplass i Podlen. Planen vil og endra karakteren på landskapet inst i Sjøpollen, men ha ein middels til liten negativ konsekvens for landskapet i ein større skala. Planen vil gje vesentlege terrenginngrep inst i Sjøpollen og langs sørsida av Sjøpollen, og vil få middels til lite negativ konsekvens i høve verknad for friluftsliv. Konsekvensvurderinga konkluderer med at tiltak i planen vil bety ein forbetring av tilkomsten til næringsområda i Grunnavågen og Podlen, både for gåande, syklande og køyrande. Trafikk til Grunnavågen vil og i mindre grad belasta Sagvåg sentrum. Konsekvensar for samfunnet Bygging av ny veg vil bety ein forbetring av tilkomsten til næringsområda i Grunnavågen og Podlen, både for gåande, syklande og køyrande. Trafikken til Grunnavågen vil i mindre grad belasta Sagvåg sentrum enn noverande vegsystem gjer. For trafikkavviklinga gjennom Sagvåg sentrum vil vegen elles ikkje få vesentlege konsekvensar. Naturmangfald Det er ikkje registrert utvalte naturtypar eller prioriterte artar innanfor, eller i nærleiken av området som planen får verknad for. Planen går inn i nordenden av Nestjødno, som er ein viktig (B) lokalitet av naturtypen rik kulturlandskapssjø, med næringsrik utforming. Planen regulerer dette området til grøntstruktur med omsynssone landskap, og har dermed ingen negativ verknad på verdiane innanfor naturtypen. Det er i KU-en gjort ei grundig vurdering etter prinsippa i NML Kunnskapsgrunnlaget er godt i høve til risikoen for mogleg vesentleg skade på naturmangfaldet. Kulturminne/kulturmiljø Det er ikkje registrert automatisk freda kulturminne innanfor planområdet. Kulturminneavdelinga ved Hordaland Fylkeskommune har vurdert potensialet for funn som stort, og tiltakshavar har difor tinga arkeologisk registrering som kan avdekke eventuelle verneverdige funn i området. Potensialet for funn er først og fremst knytt til bekkedraga ned mot sjøen frå Nestjødno og Vasspodlen. Konsekvensen for automatisk freda kulturminne vert vurdert når resultatet av den arkeologiske registreringa ligg føre. Det er eit SEFRAK-registrert naust innanfor området, dette er lagt med omsynssone for kulturlandskap. Landskap og terreng Sjøpollen ligg avsides til i høve det sentrale Sagvåg, og naturområdet ikring er og lite tilgjengeleg. Tiltak med ny veg og bygging av naust og kai i strandsona vil medføra store terrenginngrep nær sjøkanten, noko som vil endre landskapet i området inst i Sjøpodlen. Då vegen er lagt lågt i landskapet og er omgitt av bratt terreng, vil inngrepet ikkje ha verknad på landskapssilhuettar. Friluftsliv og strandsone, folkehelse Strandlinja er i dag lite tilgjengeleg pga. terrengformasjonar, men bekkedalane gir god tilgang til sjøen. Ny veg kan betra tilkomsten til grøntområda, men vil og vera ein barriere mot sjøen. Utbygging av det sjønære området inst i Sjøpollen kan og skape barriere for ålmenta med tanke på tilgang til sjøen. Det er i føresegnene stilt krav om at utbygging av område BFT, ikkje skal hindre ålmenn tilkomst til sjøen. Barn og unge Området er ikkje kartlagt med tanke på barn- og unge sin bruk som leike- og opphaldsareal, men ein kjenner ikkje til at området er mykje i bruk. Deler av området er vanskeleg tilgjengeleg. Tiltak i planen har ingen verknader for opparbeidde leikeareal, men vil redusera noko av arealet for friområde. Universell utforming Ved søknad om byggeløyve innanfor planområdet skal det dokumenterast at gjeldande krav i TEK 10 er ivareteke. Landbruk AR5-kartet syner arealet regulert til BFT til innmarksbeite. Det meste av dette arealet er i dag regulert til friområde. Nedste del av arealet er regulert til småbåthamn. Resterande delar av ubygde areal i området 4 av 5

5 er i AR5-kartet vist som skog. Dette vert i hovudsak regulert til grøntstruktur, med unntak av arealet ned mot sjøen. Her viser kommuneplan for Stord arealet til småbåthamn. Klima og energi, ureining Lokalt kring Sjøpollen vil trafikkauken føra til noko auka luftforureining, men det er ikkje venta at forureininga totalt i Sagvågsområdet vil verta større grunna ny veg. Tiltaket vil ikkje medføra forureining av drikkevasskjelde. Tiltak i planen kan medføra lokal forureining i anleggsfasen, men vil ikkje medføra vedvarande forureining av området. Det må gjerast tiltak i anleggsfasen for å unngå forureining av bekkedrag og sjøområde jf. 2.3 i føresegnene. Støy Det er utført ei eiga støyvurdering for tiltaket. Utrekninga viser at den nye vegen ikkje vil forårsaka støynivå over gul støysone og utløysa tiltak. Men bustader som ligg i nærleiken til Fv 545 vil få eit støynivå som ligg i gul eller raud støysone. Vidare avklaringar og tiltaksutforming må utførast i samband med byggeplan. Veg, vatn og avløp Det er i føresegnene stilt rekkefølgjekrav til at nytt kryss med Fv. 545 skal opparbeidast før bygging i området kan tillatast. Tekniske planar for krysset skal godkjennast av Statens vegvesen. Avkjørsler skal opparbeidast samstundes med ny veg, o_sv2. Gang- og sykkelvegar skal opparbeidast med fast dekke før bruksløyve for veg o_sv2 vert gitt. Tekniske anlegg skal vera ferdig opparbeidd og godkjent av Stord kommunalteknikk før det kan gjevast bruksløyve. Trafikk og trafikktryggleik Ny veg vil betra tilhøva for store køyretøy til industriområdet i Grunnavåg. Den nye traseen er planlagd med gang- og sykkelveg. Eksisterande bru vert og omregulert til gang- og sykkelveg. Det vert dermed gode tilhøve for gåande og syklande til dette industriområdet. Risiko og sårbarheit (ROS-analyse) Det er gjennomført risiko og sårbarheitsanalyse. Analysen ligg som del av planomtalen. Analysen viser at det kan verta farlege skrentar langs vegen som følgje av høge fjellskjeringar. Desse må sikrast, dette gjeld og for steinsprang. Det kan og vera fare for slamflukt og tilførsel av nitrogen til naturområde og/eller sjø/vassdrag i samband med utbygginga. Avbøtande tiltak må gjennomførast i samsvar med 2.3 i føresegnene. For nærare omtale av planområdet, planforslaget, konsekvensar og risiko- og sårbarheitsanalyse vert det vist til planomtale med vedlegg. Konklusjon Rådmannen rår til at forvaltningsstyret vedtek å leggja planen ut til offentleg ettersyn. 5 av 5