Fjord Base AS - løyve til utfylling i sjøen ved Florelandet nord

Transkript

1 Sakshandsamar: Grete Hamre Vår dato Vår referanse Telefon: / E-post: Dykkar dato Dykkar referanse Fjord Base AS Postboks Florø Fjord Base AS - løyve til utfylling i sjøen ved Florelandet nord Fylkesmannen gir Fjord Base AS løyve etter ureiningsregelverket til utfylling over eit areal på m 2 i sjøen ved Florelandet nord i kommune. Løyvet er gitt på nærare vilkår, og tiltaket må vere starta opp innan tre år. For arbeidet Fylkesmannen har hatt med utsleppsløyvet må det betalast eit gebyr til staten. Vi viser til søknad datert Fjord Base har søkt Fylkesmannen om løyve etter ureiningsregelverket til dumping og utfylling av sprengingsmassar over eit areal på om lag m 2 i sjøen innanfor området regulert til industriareal i Områdereguleringsplan Florelandet nord. Med heimel i 11, jf. 16 i lov om forurensninger og om avfall (ureiningslova) og 22-6 i forskrift om begrensning av forurensning (ureiningsforskrifta), gir Fylkesmannen i Sogn og Fjordane med dette Fjord base AS løyve til utfylling i sjøen ved Florelandet nord i Flora kommune. Løyvet er gitt med vilkår. Løyvet gjeld i 3 år. Dersom tiltaket ikkje vert starta opp innan denne fristen, fell løyvet bort. Alternativt må det i god tid søkjast om forlenging av løyveperioden. Vilkår for løyvet 1. Tiltaket skal utførast innanfor området det er søkt om på aust- og vestsida av Perholmen jf. avmerking på kart (Fjord Base arealutvidelse vest, rev ). 2. Fylkesmannen skal varslast når arbeidet vert sett i gong. 3. Det vert ikkje tillate å fylle igjen sundet rett vest for eksisterande baseområde. Det må etablerast bruspenn med tilstrekkeleg breidde for funksjonell gjennomstrøyming av vatn. 4. Det skal nyttast reine naturlege massar ved utfyllinga. 5. Utfylling frå lekter eller frå land skal vere sikra med oppsamlingsskjørt med tilstrekkeleg djupne. Alternativt vert det tillate å bruke vaska utfyllingsmassar der finstoff er fjerna ved produksjonsstaden på land dersom dette viser seg å ikkje gi nemnande spreiing av finpartikulært materiale. 6. Avslutning av fylling i sjø skal vere sikra med ordna steinmur eller plastra med stor stein. 7. Stabiliseringssprenging kan berre skje inne i fyllingsfoten. Dersom det av tryggleiksomsyn likevel er behov for open sprenging, skal området rundt sikrast med boblegardin. 8. Sprengingsarbeidet skal vere planlagt slik at det ikkje skal måtte sprengjast i perioden 1. mars-31. juli. Hovudkontor Landbruksavdelinga E-post: Njøsavegen 2, 6863 Leikanger Fjellvegen 11, 6800 Førde fmsfpost@fylkesmannen.no Telefon: Postboks 14, 6801 Førde Internett: Telefaks: Telefon: Org.nr Telefaks:

2 2/7 9. Dersom sjøen utanfor oppsamlingsskjørtet vert visuelt blakka, bør arbeidet stansast inntil naudsynte tiltak er gjennomførte, eller normalsituasjonen er gjenoppretta. Maksimalt tillaten turbiditet utanfor oppsamlingsskjørtet vert sett til 5 NTU over turbiditeten på ein referansestasjon i eit upåverka område så nær tiltaksområdet som mogleg. Dersom turbiditeten overstig grenseverdien, må arbeidet stansast. Observasjonar av visuelt blakka vatn og resultata frå eventuell turbiditetsmåling skal loggførast. Unormale tilhøve skal meldast til Fylkesmannen. 10. Det skal utarbeidast ein sluttrapport der resultatet av arbeidet vert presentert og vurdert i høve til dei vilkåra som er sett i løyvet. Rapporten skal sendast til Fylkesmannen innan seks veker etter at tiltaket er gjennomført, og han skal m.a. innehalde: Opplysningar om kor store mengder masse som faktisk har vorte nytta til utfyllinga (rekna i m 3 eller tonn). Plassering av massane (kart med posisjon og UTM-koordinatar) Oversikt over eventuelle avvik frå løyvet og kva korrigerande tiltak som er sette i verk Vurdering av kva miljøpåverknad tiltaket har ført med seg Omtale av tiltaket Fjord Base AS meiner dei har behov for å utvide baseområdet for å kunne tilby tilstrekkeleg areal til eksisterande og nye aktørar innan offshore-næringa. Området det er søkt om for utfylling, omfattar eit sjøareal på om lag m 2 på aust- og vestsida av Perholmen jf. avmerking på kart (Fjord Base arealutvidelse vest, rev ). Søknaden omfattar heile det avmerka området. Tiltaket skal utførast trinnvis, og i første omgang er det områda merka 1A, 1B og 1C som skal fyllast ut. Resten av arealet er planlagt utfylt over ein periode på 3-4 år etter oppstart. Det skal fyllast opp til ca. kote + 3, og det skal nyttast sprengsteinsmassar frå land. I første del av anleggsfasen skal massane fraktast med anleggskøyretøy frå utsprengingsområde på eksisterande base og vidare via ein lekter som skal gjere nytte som bru. I seinare byggefase skal massane transporterast med anleggskøyretøy over ny bru og vidare på anleggsvegar på det utfylte området. For delar av utfyllingsområdet ved Perholmen vart det i 2014 gitt løyve til dumping av mudringsmassar, både frå mudring utanfor Westcon Yard, frå arbeidet med utdjupinga av innseglinga til Florø hamn og frå arbeidet med utdjuping utanfor Fugleskjerskaia. Det er, så langt vi kjenner til, ingen kjende tidlegare eller eksisterande utsleppskjelder i tiltaksområdet. Sjøbotnen er i ulik grad ureina av aktivitet i området. Høyringsuttaler Søknaden har vore lagt ut til offentleg gjennomsyn ved servicetorget i Flora kommune i tida 18. juli 20. august Han har også vore send direkte til aktuelle naboar og andre partar med interesse i saka. I tillegg vart søknaden kunngjort i Firdaposten, og han har vore publisert på Fylkesmannen si heimeside. Det har kome inn tre uttaler til søknaden. Flora kommune Flora kommune viser til Områdereguleringsplan Florelandet nord, vedtatt der det omsøkte tiltaket er i tråd med denne planen. Kommunen viser også til dei tema i Konsekvensutgreiinga (Nordplan, 2013) og Føresegner og retningsline (Flora kommune, ) som dei meiner er vesentlege for dette tiltaket, og peikar særleg på raudlista artar, naturtypar og vegetasjon, fugl og pattedyr og marint biologisk mangfald.

3 3/7 KU-rapport: «Nedbygging/arealbeslag på ei samla gruppe av holmar, skjer og kringliggjande gruntvassområde vil gi tap av store og viktige, eller potensielt viktige leveområde for fleire raudlisteartar, særleg blant sjøfugl. Av hekkande artar vil strandsnipe (NT), fiskemåse (NT) og moglegvis makrellterne (VU) bli råka. I trekkperiodane er også vipe (NT) og storspove (NT) registrerte på holmar og skjer i dette området». «Størst skadeverknad vil ein ha med sprengladningar fyrte av i sjølve vassmassane, medan ladningar som blir fyrte av i fjell, eller er dekka til på annan måte, har mykje mindre verknad. Av omsyn til fugl og fisk i området, bør ein unngå opne ladningar og gjennomføre eventuelle undervass-sprengingar med tildekka og reduserte ladningar for å minimalisere skadeverknader. Ein har god erfaring med at bruk av boblegardin stansar dei mest skadelege trykkbølgjene». «Ved utfylling i sjø vil spreiing av finpartikulære massar til nærliggjande område kunne reduserast ved utplassering av oppsamlingsskjørt /lenser utanfor fyllingsområdet. Dette vil også sørgje for lokal sedimentering og soleis både avgrense moglege skadeverknader og dempe dei visuelle verknadene av tilførslane. Det vil også vere aktuelt å vaske steinmassane før deponering i sjø for å redusere spreiing av fine partiklar i sjø». Følgjande føresegner er baserte på KU-rapporten: 3.1.9: Alle utfyllingar i sjøen skal avsluttast som ordna steinmur eller plastra fylling All sprenging under vatn skal skje med tildekking vha. boblegardin for å redusere trykkbølgjer Ved utfylling i sjø skal det enten brukast oppsamlingsskjørt / lenser eller vaska steinmassar frå land for å redusere spreiing av finpartiklar Omfattande sprengingsarbeid i randsonene skal ikkje skje i perioden mars-juli av omsyn til yngletid for raudlista fugleartar. Fiskeridirektoratet Fiskeridirektoratet rår til at Fjord Base AS får løyve til dumping av masse og utfylling i sjø som søkt om, under føresetnad om at det vert sett inn avbøtande tiltak for å hindre spreiing av finpartikulær masse. Jfr. føresegnene til Områdereguleringsplan for Florelandet nord og då særskilt : «All sprenging under vatn skal skje med tildekking av boblegardin for å redusere trykkbølgjer», og : «Ved utfylling i sjø skal det brukast oppsamlingsskjørt, lenser eller vaska steinmassar for å redusere spreiing av finpartiklar». Naturvernforbundet i Sogn og Fjordane har fire punkt i sin uttale der dei meiner at: saka er i strid med intensjonen til forvaltningslova då det var for kort høyringsfrist sidan høyringa føregjekk på sommaren. Fjord Base sitt ønske om å utvide arealet byggjer på feil grunnlag, dvs. at verksemda alt har store areal, som det ikkje er sett krav om effektivitetsutnytting til. viktig informasjon har vorte halden unna sakskomplekset ved at det ikkje er opplyst i saksdokumenta at det er det internasjonale selskapet John Lawrie som via sin agent i Noreg, Petroleum Services AS, ser ut til å skulle drive med skraphandel med brukte oljerøyr for Statoil. Den samla samfunnsnytten ved tiltaket vert difor mindre enn dei samla ulempene saka manglar handsaming etter EU sitt vassdirektiv Merknader til uttalene frå Fjord Base AS Fjord Base har fått tilsendt og lese gjennom uttalene og viser til handsaming av reguleringsplanen med tilhøyrande føresegner. Dei finn ikkje grunnlag for å kommentere uttalene ytterlegare.

4 4/7 Fylkesmannen si grunngjeving for avgjerda I følgje ureiningslova 7 er det forbode å setje i verk noko som kan føre til fare for ureining. Fylkesmannen kan, i medhald av 11 jf. 16 i lova, etter søknad gi løyve til slik aktivitet. Utfylling i sjø frå flytande innretning krev løyve etter kap. 22 i ureiningsforskrifta. Utfylling med massar frå land kan føre til oppvirvling av partiklar med fare for nedslamming, og spreiing av ureining dersom sedimenta på staden er ureina. Slike tiltak krev difor løyve etter ureiningslova. Ved avgjerda om det skal gjevast løyve, har vi lagt vekt på dei ureiningsmessige ulempene ved tiltaket sett opp mot dei fordelar og ulemper som tiltaket elles vil medføre. Vurdering av ureiningssituasjonen i tiltaksområdet Området det er søkt om omfattar eit sjøareal på om lag m 2 på aust- og vestsida av Perholmen. Det er planlagt oppfylling til ca. kote + 3, og det skal etter dette løyvet berre nyttast reine sprengsteinsmassar frå land. For delar av utfyllingsområdet ved Perholmen vart det i 2014 gitt løyve til dumping av mudringsmassar, både frå mudring utanfor Westcon Yard, frå arbeidet med utdjupinga av innseglinga til Florø hamn og frå arbeidet med utdjuping utanfor Fugleskjerskaia. For vurdering av botntilhøva på utfyllingsområdet aust og vest av Perholmen vart det då vist til referansepunkt XII i Norsk institutt for vannforskning si miljøtekniske undersøking ved STX Norway Florø (NIVA, 2009). Sjøbotnen ved dette prøvepunktet vart karakterisert til å bestå av eit brunt overflatelag over eit noko skjelsandhaldig sediment. Analyse av sedimentprøvar viste ureining med indenol(123-cd)pyren og tributyltinn (TBT) i tilstandsklasse III og benzo(ghi)perylen i tilstandsklasse IV. TBT og PAH-sambindingar er typiske funn i område som gjennom mange år har hatt mykje skipstrafikk. At det vart påvist såpass mykje ureining i referansepunktet som i utgangspunktet skulle vere upåverka, kan tyde på at heile området er påverka i større eller mindre grad. Krav til avbøtande tiltak Ved utfylling generelt, og spesielt i sediment som kan vere ureina, er det svært viktig at det vert sett i verk naudsynte avbøtande tiltak slik at spreiing av partiklar i størst mogleg grad vert unngått. Dette kan vere tiltak som hindrar dei finaste sedimentfraksjonane i å gå i suspensjon, eller som hindrar suspenderte partiklar i å spreie seg i vassmassane. Slike tiltak må i tillegg vere tilpassa lokale tilhøve som djupne, straumar og vindretning. Aktuelle avbøtande tiltak for å hindre partikkelspreiing under arbeidet, kan vere å nytte siltgardin, siltskjørt, boblegardin eller oppsamlingslenser. Det kan også nyttast vaska steinmassar til utfylling. I føresegnene til områdereguleringsplanen for Florelandet nord er det sett krav til at det skal nyttast boblegardin ved sprengingsarbeid, at sprenging under vatn bør gjennomførast med tildekte og reduserte ladningar og at det elles skal brukast siltskjørt /-gardin eller lenser under utfyllingsarbeidet. Bruk av vaska steinmassar frå land vil også føre til redusert spreiing av finpartiklar. Alle desse tiltaka vil difor vere med på å redusere spreiing av finpartiklar i tiltaksområdet i anleggsperioden. Tiltaket skal overvakast, t.d. ved måling av turbiditet eller partikkelkonsentrasjon i vassmassane. Det bør enten opprettast ein referansestasjon i eit upåverka område, eller det må målast på staden før arbeidet tek til. Dersom turbiditeten kjem over grenseverdien, må arbeidet stansast, og det må setjast i verk naudsynte tiltak, både for å finne årsaka til overstiginga, og for å bringe turbiditeten tilbake på stabilt nivå under grenseverdien. Resultata frå turbiditetsmålingane skal loggførast.

5 5/7 Vurdering etter vassforskrifta Området det er søkt om for utfylling ved Florelandet nord, høyrer inn under vassførekomsten C Botnafjorden ( Vasstypen er karakterisert som beskytta kyst/fjord. Ut frå kjende påverknader i området vert den økologiske tilstanden vurdert til å vere antatt god. Ved at det er sett vilkår om avbøtande tiltak for åhindre spreiing av finpartiklar under fylling og sprenging, er det ikkje grunn til å tru at påverknaden frå tiltaket vil føre til lågare tilstand enn «god» i vassførekomsten. Vassførekomsten ligg like nord for C Florevika-Gaddevågen som har antatt dårleg økologisk status. Tiltaket det er søkt om kan bidra til å minske vassutskiftinga i denne vassførekomsten. Presiseringa av krav til bru er sett av omsyn til best mogleg vassutskifting mot dette området. Vurdering etter naturmangfaldlova Tiltaket skal vurderast etter 8-12 i naturmangfaldlova, dvs. at vurderinga skal baserast på kunnskasgrunnlaget, føre-var-prinsippet, økosystemtilnærming og samla belastning, at kostnadene ved forringing av miljøet skal berast av tiltakshavar og at det vert nytta miljøforsvarlege teknikkar og driftsmetodar. Naturmangfaldet er undersøkt ved fleire lokalitetar i og rundt tiltaksområdet, jf. Planomtale Områdereguleringsplan for Florelandet nord (Flora kommune, 2014), Konsekvensvurdering for marint naturmiljø og Ny verdisetting og ny vurdering av verknad og konsekvens for marine naturtypar (Rådgivende Biologer, 2013) og KU-rapport Florelandet nord (Nordplan, 2013). Det er registrert vanlege naturtypar i littoralsona i tiltaksområdet. Desse er vurdert til å ha liten verdi. Sublittoralt er det registrert større førekomstar av sukkertareskog som er ein raudlista naturtype, og som vert vurdert til å ha middels verdi. I anleggsfasen vil avrenning av steinstøv og sprengstoffrestar frå fyllingane ha middels negativ verknad på marint biologisk mangfald. Konsekvensen i anleggsfasen er her vurdert til å vere middels negativ. Dette får størst konsekvens for makroalgar og taresamfunn. Området utgjer elles leveområde for raudlista hekkande sjøfuglartar som strandsnipe, fiskemåse og moglegvis makrellterne. Desse artane er rekna for å ha middels til stor verdi og tiltaket vil ha middels negativ verknad. Dette gir middels negativ konsekvens for desse raudlisteartane i anleggfasen. Nedbygging og arealbeslag på ei samla gruppe holmar, skjer og kringliggjande gruntvassområde vil kunne gi tap av store og viktige, eller potensielt viktige leveområde, for sjøfugl og pattedyr. Fylkesmannen har ved fleire høve i planprosessen kome med fråsegner som gjeld naturmangfaldet, seinast Der vert det tilrådd at det i anleggsperioden vert teke vare på viktige naturtypeområde der det er mogleg. I tillegg er det i løyvet sett vilkår om ei rekke avbøtande tiltak som skal medverke til at utfyllinga skjer så skånsamt som råd. Med bakgrunn i dette meiner vi at søknaden er godt nok handsama etter naturmangfaldlova. Fylkesmannen sine merknader til innkomne uttaler Det har kome tre uttaler til søknaden. Uttalene frå Flora kommune og Fiskeridirektoratet er tekne omsyn til så langt som råd i vilkåra til løyvet. Uttalen frå Naturvernforbundet: Søknaden med vedlegg vart send til Flora kommune med oppmoding om å leggje han ut på servicetorget i kommunen 18. juli Høyringsfristen der vart sett til mest fem veker. Samstundes vart han lagt ut på Fylkesmannen sin nettstad. Grunna ferie hjå søkjar, vart ikkje søknaden kunngjort i Firdaposten før i midten av august, då med høyringsfrist på tre veker. Vi meiner difor at søknaden har vore førehandsvarsla på ein god nok måte.

6 6/7 Naturvernforbundet sine vurderingar av arealbehov og planlagd/ønskt bruk av arealet vert teke til etterretning. Fylkesmannen vurderer i dette løyvet berre tilhøve som er relevante etter ureiningsregelverket. Når det gjeld arealbruken elles, viser vi ti handsaminga etter planog bygningslova. Ureiningsstyresmaktene (Fylkesmannen eller Miljødirektoratet) vil vurdere særskilt og eventuelt gi løyve på nærare vilkår til verksemder som vil etablere seg på området. Konklusjon Fylkesmannen har vurdert dei ureiningsmessige ulempene ved tiltaket opp mot dei fordelar og ulemper tiltaket elles vil føre med seg. Dersom tiltaket vert drifta med gode rutinar og i samsvar med vilkåra i dette løyvet, vil miljøtilhøva bli tilfredsstillande ivaretekne, og Fylkesmannen gir difor løyve etter ureiningslova til utfyllinga. Vedtak om gebyr for sakshandsaming Som varsla i e-post frå Fylkesmannen dagsett vert gebyret for handsaming av søknaden plassert i gebyrsats 4, dvs. kr ,- jf. ureiningsforskrifta 39-3 og Det har ikkje kome merknad til varslet. Vi vedtek med dette at Fjord Base AS skal betale eit gebyr på kr ,-. Faktura for innbetaling til statskassa vert send frå Miljødirektoratet. Gebyret må betalast innan 30 dagar etter fakturadato. Endring eller tilbakekalling av løyvet Fylkesmannen kan gjere om eller setje nye vilkår for løyvet og ev. trekkje løyvet attende etter reglane i ureiningslova 18. Ansvar Vilkåra i løyvet er juridisk forpliktande for den ansvarlege for løyvet. Til orientering er brot på vilkår straffbart etter 78 i ureiningslova. Den ansvarlege må kunne dokumentere at utførande verksemd er godt kjend med alle vilkår i løyvet og korleis vilkåra vert stetta. Fylkesmanne kan vidare ved tilsyn krevje retting av avvik frå løyvet, og om naudsynt fatte vedtak om tvangsmulkt etter 73 i ureiningslova for å sikre slik retting. Sjølv om det er gitt løyve, pliktar den ansvarlege å svare erstatning som måtte følgje av ureiningslova og av vanlege erstatningsreglar jf. kapittel 8 og 10 i ureiningslova. Dette løyvet fritek ikkje søkjaren å hente inn naudsynte eller samtykkje frå andre styresmakter eller privatpersonar. Offentleggjering av løyvet Ålmenta skal gjerast kjent med vedtaket jf. ureiningsforskrifta kap. 36 «Behandling av tillatelser etter forurensningsloven» Vedtaket vert kunngjort offentleg for dykkar rekning. Kunngjeringa vil innehalde ei kort orientering om løyvet, kvar ein kan vende seg for å få innsyn i saksdokumenta og opplysningar om klageinstans og frist for ev. klage på vedtaket. Vedtaket vert også kunngjort på Fylkesmannen si heimeside

7 7/7 Klagerett Partane og andre med klagerett etter forvaltningslova kan klage over avgjerda innan tre veker etter at avgjerda er motteken jf. forvaltningslova 29. Klageretten gjeld også vedtak om gebyr for sakshandsaminga. Jf i ureiningsforskrifta. Eventuell klage bør grunngjevast skriftleg og skal rettast til Miljødirektoratet. Klagen skal sendast til Fylkesmannen i Sogn og Fjordane. Med helsing Gøsta Hagenlund assisterande fylkesmiljøvernsjef Grete Hamre overingeniør Brevet er godkjent elektronisk og har derfor ikkje underskrift. Kopi pr. e-post: Flora kommune Fiskeridirektoratet Kystverket Naturvernforbundet i Sogn og Fjordane