Fylkesmannen i Møre og Romsdal atab

Transkript

1 Fylkesmannen i Møre og Romsdal atab Vår dato /5642/FMMRTHAU/461.5 Saksbehandlar, innvalstelefon Dykkar dato Dykkar ref. overingeniør Thomas Aurdal, Vår ref. Nordplan AS Apotekergt. 9A 6004 ÅLESUND Vedtak om løyve til utfylling i sjø til Nordplan AS ved Eidsvågen på Ellingsøya i Ålesund kommune Fylkesmannen i Møre og Romsdal har ferdigbehandla søknaden frå Nordplan AS, og gir løyve til utfylling av massar i sjø ved Eidsvågen på Ellingsøya i Ålesund kommune. Løyvet med vilkår er vedlagt. Løyvet vil vere gyldig frå til Fylkesmannen vil vedta eit gebyr på kr for behandlinga søknaden. Vi viser til søknad datert om løyve til utfylling i sjø ved Eidsvågen på Ellingsøya i Ålesund kommune. Vedtak Fylkesmannen i Møre og Romsdal gir med dette Nordplan AS løyve til utfylling i sjø ved Eidsvågen på Ellingsøya i Ålesund kommune. Løyvet er gitt med heimel i lov av om vern mot forureining og om avfall (forureiningslova) 11, jf. 16. Fylkesmannen har ved avgjerda om løyve skal gjevast eller ikkje, og ved fastsetting av vilkåra, lagt vekt på dei forureiningsmessige ulemper ved tiltaket saman med dei fordeler som tiltaket elles vil medføre. Det er satt vilkår for løyvet. Løyvet med vilkår er vedlagt dette brevet. Løyvet til verksemd etter forureiningslova kan ikkje nyttast før det er gitt nødvendige løyver etter plan- og bygningslova og lov om hamner og farvatn, og tiltaket har vorte klarert etter kulturminnelova. Det kan gjerast endringar i dette løyvet i medhald av forureiningslova 18. Endringane skal vere basert på skriftleg saksbehandling og forsvarleg utreiing av saken. Ein eventuell søknad om endring må difor føreliggje i god tid før endringa ynskjast gjennomført. Dette løyvet til forureinande verksemd gjer ikkje fritak frå erstatningsansvar for skade og ulempe eller tap forårsaka av forureining, jf. forureiningslova 56. Brot på løyvet er straffbart etter forureiningslova 78 og 79. Postadresse: Fylkeshuset 6404 Molde Telefon: Telefax: E-post: postmottak@fmmr.no Web:

2 side 2 av 6 Bakgrunn Nordplan AS har, på vegne av Hovlia Brygge AS, søkt om løyve til utfylling i sjø ved Eidsvågen på Ellingsøya i Ålesund kommune. Utfyllinga skal vere ei ferdigstilling av allereie utført utfylling ved småbåthamna. Det vart ikkje gitt løyve etter forureiningslova av miljøvernavdelinga ved Fylkesmannen til å gjennomføre den førre utfyllinga, men ho vart godkjend av andre instansar. Det skal no fyllast ut om lag 40 meter ut i sjøen over eit areal på om lag m 2. Arbeidet med ferdigstilling av utfyllinga er venta å starte opp hausten 2014 og avsluttast i februar Multiconsult og Rådgivende biologer utførte i 2012 og 2014 miljøundersøkingar og økologiske undersøkingar i området på oppdrag frå Nordplan AS. Multiconsult fann at tiltaksområdet er forureina med PAH-ar og TBT, og Rådgivende biologer vurderte det biologiske mangfaldet i området til å ha middels høg verdi. Resultata frå undersøkingane deira er tatt med i Fylkesmannens vurdering av søknaden. Høyring Søknaden har ikkje vorte lagt ut til høyring av miljøvernavdelinga hos Fylkesmannen, men har tidlegare vore lagt ut på høring av andre instansar. Det ble då ikkje gitt nokon merknader som tilsa at utfyllinga ikkje burde gjennomførast. Vurderingar frå Fylkesmannen I følgje Lov 13. mars 1981 om vern mot forureining og om avfall (forureiningslova) 7 er det ikkje lov å sette i verk noko som kan medføre fare for forureining. Forureiningsmyndighetene kan gje løyve til verksemd som kan føre til forureining etter 11 i same lov. Fylkesmannen i Møre og Romsdal er av den oppfatning at det det aktuelle tiltaket kan medføre fare for forureining, og at det dermed er behov for eit løyve etter forureiningslova 11. Det har også blitt gjort ei vurdering av tiltaket etter plan- og bygningslova. I forureiningslova 11, ledd 4, står det: «Hvis virksomheten vil være i strid med endelige planer etter plan- og bygningsloven, skal forurensningsmyndigheten bare gi tillatelse etter forurensningsloven med samtykke fra planmyndigheten». Myndigheta for plan- og bygningslova er kommunen. Kommunen har gitt sin godkjenning til tiltaket. Multiconsult AS utførte i 2012 ei miljøundersøking i området med Hovlia Brygge AS som oppdragsgjevar. Det vart funne PAH-forbindingar og TBT i tilstandsklasse IV i sedimenta i utfyllingsområdet, noko som er vanleg i hamneområde. Konsulenten framheld at ei utfylling i området vil kunne bidra til å sikre forureininga på sjøbotnen slik at den utgjer ei mindre risiko. Sjølve utfyllingsarbeidet derimot, vil medføre stor risiko for at forureina sediment virvlast opp og spreiast, og konsulenten foreslår ulike tiltak for å redusere risikoen for at dette skal skje. Rådgivende biologer AS utførte i 2014 ei utredning av kva konsekvensar tiltaket kan ha for det marine biologiske mangfaldet i området. Dei fann fleire ulike naturtypar i området, og skildra mangfaldet av artar i tre av dei (området med blautbotn, ålegrasenga og pollen) som

3 side 3 av 6 rikt, mens det biologiske mangfaldet i dei resterande naturtypane vart skildra som ordinært. Dei konkluderte med at det biologiske mangfaldet i tiltaks- og influensområdet har ein middels høg verdi. Ingen raudlista artar vart funne verken ved synfaring av området eller i nettbaserte databasar. Konsulenten anbefalte ingen spesielle tiltak for å beskytte det biologiske mangfaldet under tiltaket, men framhaldt at det er viktig at det haldast kontroll over tilsiget til sjøen. Tiltaket har vorte vurdert etter Lov om forvaltning av naturens mangfold (naturmangfaldlova) Vurderinga til Fylkesmannen har tatt utgangspunkt i undersøkingane til Multiconsult frå 2012 og Rådgivende biologer frå 2014, og i den kunnskapen om naturmangfaldet i området som finnast i miljøvernavdelinga til Fylkesmannen, jf. 8 om kunnskapsgrunnlaget. Fylkesmannen har også brukt tilgjengeleg informasjon i nettbaserte databaser (Naturbase, Vann-Nett, Mareano og kartverktøyet til Fiskeridirektoratet). Fylkesmannen meiner difor at den føreliggjande kunnskapen er tilstrekkeleg til at det kan gjevast eit løyve med vilkår i denne saken, jf. 8 i naturmangfaldlova. Fordi Fylkesmannen vurderer det føreliggjande kunnskapsgrunnlaget til å vere godt nok til å fatte eit vedtak, blir ikkje føre-var-prinsippet ( 9 i naturmangfaldlova) vektlagt i stor grad i denne saka. I databasen til Miljødirektoratet (Naturbasen) er Eidsvågen på Ellingsøya registrert som beite- og rasteområde for ender og annan sjøfugl, men det er elles ikkje registrert nokon verdifulle naturverdiar i nærleiken til tiltaksområdet. På grunnlag av dette, og basert på Rådgivende biologers vurderingar (sjå avsnitt over), kan ikkje Fylkesmannen sjå at det er behov for nokon særskilde tiltak for å verne om naturmangfaldet under tiltaket, men for å unngå forstyrringar er det viktig at arbeidet gjennomførast i vinterhalvåret. Det er også viktig at det blir gjort tiltak for å unngå spreiing av forureina sediment. Desse tiltaka vert skildra nærare i seinare avsnitt, og i løyvet. Tiltaket skal gjennomførast i kystvatnforekomsten med namnet Ellingsøyfjorden-ytre, som i Vann-Nett har ei økologisk tilstand antatt til å vere «moderat» og ei kjemisk tilstand vurdert til å vere «ikkje god». Nye inngrep i ein vatnforekomst kan, ifølgje vanndirektivet, normalt ikkje utførast dersom tiltaket vil føre til ein reduksjon av statusen til vatnforekomsten. Fylkesmannen meiner at tiltaket med utfylling i Eidsvågen ikkje vil medføre nokon risiko for at den økologiske eller kjemiske tilstanden i området vert redusert dersom de avbøtande tiltaka som vert pålagt vert gjennomført. I følgje 10 i naturmangfaldlova skal ein påverknad av eit økosystem alltid vurderast ut ifrå den samla belastninga som økosystemet vert utsatt for. Alt i alt er Fylkesmannen av den oppfatning at tiltaket ikkje vil gje noko betydeleg bidrag til den samla belastninga på naturmangfaldet i området dersom dei vilkåra som følgjer med løyvet vert oppfylt. Etter 11 i naturmangfaldlova skal tiltakshavar dekke kostnadane ved å hindre eller redusere eventuell skade på naturmangfaldet i eit tiltaksområde, dersom dette ikkje vert sett som urimeleg med utgangspunkt i karakteren til tiltaket og den eventuelle skaden. Dette inneber at tiltakshavar kan påleggjast å betale for miljøundersøkingar og kartlegging av naturmangfaldet i tiltaksområdet for å skaffe eit større kunnskapsgrunnlag, og at det kan gjevast pålegg om å sette i verk avbøtande tiltak som skal redusere skadane, eller risikoen for

4 side 4 av 6 skade, på miljøet. I denne saken finn Fylkesmannen det rimeleg at tiltakshavar får gjennomført og dekka kostnadane av avbøtande tiltak slik de vert skildra i følgjande avsnitt. Grunnlag for eit slikt pålegg kan også finnast i 12 i naturmangfaldlova der det settast krav til bruk av miljøforsvarlege teknikkar og driftsmetodar for å unngå eller redusere skadar på naturmangfaldet. Avbøtande tiltak Fylkesmannen pålegg tiltakshavar å leggje ut eit sandlag på minst 30 cm (sjå løyvet) under arbeidet med utfylling, dette for å hindre spreiing av forureina sediment. I tillegg skal det gjennomførast turbiditetsmålingar under arbeidet. Det inneber at dersom ein fastsatt verdi (sjå løyvet) vert overskrida, skal arbeidet stansast inntil grunnen til overskridinga er avklart og nødvendige tiltak gjennomført for å redusere turbiditeten. Som eit avbøtande tiltak gjerast dessutan løyvet gyldig berre i vinterhalvåret. NB! Dei avbøtande tiltaka som no vert pålagt av Fylkesmannen for ferdigstillinga av utfyllinga ville normalt også ha vorte pålagt for den første fasen, som allereie er utført. Fylkesmannen ynskjer difor at det rapporterast inn kva slags tiltak som ble gjort for å hindre spreiing av forureina sediment og skadar på miljøet under tiltakets første fase, og at det samstundes gis ei kort skildring av korleis desse tiltaka eventuelt avviker frå dei tiltaka som no vert pålagt. Konklusjon Fylkesmannen gjer løyve til utfylling i sjø etter gitte vilkår. På bakgrunn av desse vilkåra meiner Fylkesmannen at tiltaket ikkje vil gje spreiing av forureining i betydeleg grad eller redusere den biologiske og økologiske funksjonen i området. Løyvet vil vere gyldig frå til Ansvar for erstatning Løyvet fritek ikkje for erstatningsansvar for forureiningsskade etter forureiningslova 10 og kapittel 8. Klagemoglegheiter Vedtaket kan klagast inn til Miljødirektoratet etter reglane i kapittel VI i forvaltningslova, av partane i saken eller andre med rettsleg klageinteresse innan tre veker etter at avgjerda er mottatt. Eventuell klage skal angje kva det klagast over og den eller dei endringar som ynskjast. Klagen skal grunngjevast, og opplysningar som kan ha innverknad på saken bør vere nemnd. Dersom det blir klaga på vedtaket, kan Fylkesmannen eller Miljødirektoratet etter førespurnad vedta at vedtaket ikkje skal tre i kraft før klagen er endeleg avgjort, jf. 42 i forvaltningslova. Klagen skal sendast via Fylkesmannen. Eventuell klage fører ikkje automatisk til at iverksettinga av vedtaket vert utsatt. Fylkesmannen eller Miljødirektoratet kan etter oppmoding eller av eiga initiativ avgjere at vedtaket ikkje skal settast i gang før klagefristen er ute eller klagen er avgjort. Avgjerda av spørsmålet om igangsetting kan ikkje klagast på. Gebyr

5 side 5 av 6 Kystverket skal betale eit gebyr på kr for Fylkesmannen i Møre og Romsdal si behandling av søknaden, jf. Forskrift om begrensning av forurensning av kapittel 39 om gebyr til statskassa for arbeid med løyve og kontroll etter forureiningslova. Saksbehandlinga knytt til behandling av søknaden er plassert i gebyrsats 4, jf. forureiningsforskrifta Faktura med innbetalingsblankett ettersendast frå Miljødirektoratet. Det kan klagast på storleiken til gebyret innan tre veker. Gebyret skal likevel betalast innan fristen. Dersom klagen får medhald vil det overskytande beløpet bli tilbakebetalt. Klage på storleiken skal føreleggjast Miljødirektoratet, men sendast via Fylkesmannen i Møre og Romsdal. Offentleggjering av løyvet Vedtaket skal gjerast offentleg kjend, jf i forskrift om reduksjon av forureining. Den som har fått løyve, skal så snart som mogleg kunngjere dette i dagspressa. Kunngjeringa skal innehalde ei kort orientering om løyvet, informasjon om kvar ein kan få innsyn i saksdokumenta, og opplysningar om klageinstans og frist for eventuell klage på vedtaket. Kopi av kunngjeringa skal sendast til Fylkesmannen i Møre og Romsdal innan ein månad etter at løyvet er gitt. Eit forslag til kunngjeringstekst er vedlagt. Bedrifta kan gjerne nytte sin eigen logo i kunngjeringa. Fylkesmannens logo skal ikkje nyttast. Fylkesmannen vil også kunngjere vedtaket på sine nettsider under «Forureining» og «kunngjeringar».

6 side 6 av 6 Fristar Løyvet skal kunngjerast i dagspressa så snart som mogleg Det skal gjevast melding til Fylkesmannen i møre og Romsdal når arbeidet startar opp Plan for kontroll av partikkelspreiing ved tiltaket skal sendast til Fylkesmannen før arbeidet startar Rapport skal sendast til Fylkesmannen innan 6 veker etter at arbeidet er fullført Løyvet vil vere gyldig frå til Med helsing Anne Melbø (e.f.) fagansvarleg Thomas Aurdal Dokumentet er elektronisk godkjend og har ingen signatur. Vedlegg: 1) Løyve til utfylling 2) Varsel om gebyr 3) Forslag til tekst ved kunngjering i dagspressa 4) Saksgang Kopi: Ålesund kommune Postboks Ålesund

7 Løyve til utfylling i sjø for Nordplan AS ved Eidsvågen på Ellingsøya i Ålesund kommune Løyvet er gitt i medhald av lov av om vern mot forureining og om avfall (forureiningslova) 11. Det er satt vilkår etter forureiningslova 16. Løyvet kan ikkje nyttast før det også er gitt løyve etter plan- og bygningslova, og etter lova om hamner og farvatn. Tiltaket må også vere klarert etter kulturminnelova. Løyvet er gyldig i perioden til Bedrifta må på førehand avklare skriftleg med Fylkesmannen i Møre og Romsdal dei endringar ein ynskjer å foreta i forhold til opplysningar gitt i søknad eller under saksbehandling, som kan ha innverknad på miljøet. Bedriftsdata: Bedrift Nordplan AS, avd. Ålesund Gateadresse Apotekergata 9A Postadresse 6004 Ålesund Organisasjonsnummer (bedrift) Lokalitet for tiltaket Eidsvågen på Ellingsøya Euref 89, UTM sone 32 for tiltaket nord: øst: Gards- og bruksnummer for tiltaket gnr148 bnr33 og gnr147 bnr4 Kommune tiltaket utførast i Ålesund Saksnummer Anleggsnummer Løyvenummer 2014/ T Løyve gitt: Endringsnummer: - Sist endra: - Anne Melbø fagansvarleg Thomas Aurdal overingeniør Dokumentet er elektronisk godkjend og har ingen signatur.

8 1. Virkeområde for løyvet Løyvet gjeld ferdigstilling av allereie utfylt småbåthamn ved eigedomane med gnr148 bnr 33 og gnr147 bnr4 ved Eidsvågen på Ellingsøya i Ålesund kommune. Det skal fyllast ut over eit areal i sjø på om lag m 2 og i ei lengde på om lag 40 meter. Løyvet gjeld berre bruk av massar som er egna til formålet. 2. Generelle vilkår 2.1 Tiltaket må gjennomførast som angitt i søknaden datert dersom ikkje noko anna er skreve i løyvet eller andre vedtak, eller på ein annan måte er avklart med Fylkesmannen i Møre og Romsdal. 2.2 Vilkåra til forureiningsmyndigheta skal ikkje vere til hinder for at andre myndigheter kan stille krav med heimel i anna lovgjeving. 2.3 Tiltakshavar er ansvarleg for at vilkåra i løyvet vert oppfylt. Tiltakshavar er forplikta til å orientere vedkommande som skal gjennomføre tiltaka om dei vilkåra som gjeld, og om dei restriksjonane som er lagt på arbeidet. 2.4 Forureiningsmyndigheta, eller den forureiningsmyndigheta har gitt fullmakt, skal til ei kvar tid ha moglegheit til å komme inn på området for inspeksjon. 2.5 Fylkesmannen kan oppheve eller endre vilkåra i løyvet, sette nye vilkår, og dersom det er naudsynt trekke løyvet tilbake, dersom vilkår gitt etter forureiningslova 18 er til stede. Fylkesmannen har på same grunnlag rett til, på eit kvart tidspunkt å stoppe arbeidet. 2.6 Dersom det viser seg at dei miljøbeskyttande tiltaka som har vorte pålagt ikkje fungerer slik som dei var ment å fungere, kan den ansvarlege med ein gong verte pålagt å sette i gang ytterlegare tiltak. 2.7 Dei delar av tiltaksområdet der det aktivt utførast arbeid, skal haldast avsperra og ikkje vere tilgjengelege for allmenta. 2.8 Ved mistanke om funn av kulturminne undervegs i arbeidet skal arbeidet stansast og sjøfartsmuséet i Bergen kontaktast. 2.9 Det skal gjevast beskjed til Fylkesmannen når arbeidet med utfylling startast opp.

9 3. Internkontroll, beredskap og varsling 3.1 Tiltakshavar skal utan opphald varsle Fylkesmannen om alle unormale forhold som har, eller kan få, innverknad på forureiningssituasjonen. 3.2 Tiltakshavar plikter å ha eit oppdatert internkontrollsystem, jf. forskrift om systematisk helse-, miljø- og tryggleiksarbeid i verksemder (internkontrollforskriften) av 6. desember Internkontrollen skal blant anna sikre og dokumentere at bedrifta overheld krav i dette løyvet, forureiningslova, produktkontrollova og relevante forskrifter til desse lovene Tiltakshavar pliktar å gjennomføre tiltak for å unngå, eventuelt redusere risikoen, for akutte utslepp frå all verksemd knytt til dette tiltaket. Slike tiltak skal vere basert på ein systematisk gjennomgang av alle element i tiltaksaktiviteten. 3.4 Den ansvarlege skal sørgje for å ha ein nødvendig beredskap for å hindre, oppdage, stanse, fjerne og redusere verknaden av akutt forureining for all verksemd, jf. forureiningslova 40. Beredskapen til den ansvarlege skal stå i eit rimeleg forhold til sannsynet for akutt forureining og omfanget av skadane og ulempene som kan inntreffe. Beredskapsplikten inkluderer også utstyr og kompetanse til å fjerne og redusere verknaden av eventuell forureining. 3.5 Ved akutt forureining eller fare for akutt forureining som følgje av verksemda, skal den ansvarlege varsle i følgje forskrift av om varsling av akutt forurensning eller fare for akutt forurensning. Melding om akutt forureining gjevast til brannvesenet, telefon: 110. Kystverket har 24 timer med vaktberedskap (telefon 07847) og får meldingar frå brannvesenet om akutt forureining. 4. Utfylling med massar 4.1 Fylkesmannen skal varslast når arbeidet startast opp. 4.2 Tiltaket skal foretas i tråd med avgrensa område som vist i kartvedlegg til søknaden. 4.3 Det skal brukast metodar for utfylling som minimerer faren for spreiing av forureining. 4.4 Utfyllingsmassane skal ikkje overskride konsentrasjonsgrensene tilsvarande tilstandsklasse II for sedimenter i følgje til Miljødirektoratet sin vegleder for klassifisering av metaller og organiske miljøgifter i vann og sediment (2229/2007). Massane skal samstundes ligge innanfor normverdiane fastsatt i forureinningsforskrifta kapittel 2 vedlegg 1. Det tillates ikkje bruk av reaktive bergartar. Massane skal være egna for formålet. Det tillates ikkje å dumpe masser med hovudhensikt å bli kvitt massane.

10 4.5 Da tiltaksområdet inneheld sediment som er forureina i betydeleg grad, må sjøbotnen dekkast med eit lag på minst 30 cm rene sandmassar før utfyllinga med steinmassar startast opp. Dette skal gjerast for å redusere faren for at forureina sediment virvlast opp og spreiast. 4.6 Det vert ikkje satt noko krav til målingar av turbiditet, men turbiditeten må haldast under oppsyn mens arbeidet utførast, dette for å redusere risikoen for oppvirvling og spreiing av forureina sediment. Dersom turbiditeten i vatnet vert uakseptabelt høy over ein lengre periode, skal det settast i verk tiltak for å avklare årsaken. Dersom overskridinga har skjedd på grunn av interne forhold, skal arbeidet stansast med ein gong, og nødvendige tiltak gjennomførast. Prosessen kan ikkje startast opp igjen før turbiditeten er nede på stabile nivå. Rutinar og eventuelle tiltak skal skildrast i internkontrollen. 4.7 Tiltaket skal utførast under rolege vind- og bølgjeforhold for å unngå uheldig partikkelspreiing. 5. Kontroll og overvaking 5.1 Det skal gjennomførast kontroll og overvaking av arbeidet etter eit kontroll- og måleprogram. Kontroll- og måleprogrammet skal inngå i verksemdas system for internkontroll. Programmet skal vere tilstrekkeleg omfattande til å avdekkje eventuell uakseptabel spreiing av forureining under tiltaket. 5.2 Det skal førast logg over resultata frå overvakinga, og over mengder og tidspunkt for utfylling med massar. Loggen skal som eit minimum også innehalde eventuelle overskridingar og korrigerande tiltak. Loggen skal vere tilgjengeleg ved eventuelle tilsyn.

11 6. Rapportering 6.1 Utførte målingar av kjemisk tilstand av sedimenta skal registrerast i vannmiljo.no. Data skal leverast i importformatet til Vannmiljø-databasen, som kan finnast på Her finnast også ein oversikt over kva parameter som skal rapporterast. Importskjemaet skal knytast til bruker Mattis Mikkelsen. 6.2 Det skal sendast sluttrapport til Fylkesmannen innan 6 veker etter at anleggsarbeidet er avslutta. Rapporten skal innehalde: - Ei kort skildring av tiltaket og utført arbeid - Resultat frå målingane av turbiditet - Eventuelle overskridingar og korrigerande tiltak Det skal sendast ein rapport til Fylkesmannen innan 6 veker etter at anleggsarbeidet er avslutta. Rapporten skal innehalde: Ei skildring av tiltaket og utført arbeid, både av første fase av utfyllinga og av den andre fasen av tiltaket (ferdigstillinga). Det må altså rapporterast inn kva tiltak som ble gjort under første fase av tiltaket for å hindre spreiing av forureina sediment og skadar på miljøet, og korleis disse tiltaka eventuelt avviker frå dei tiltaka som no vert pålagt for ferdigstillinga. Resultat frå overvakinga av turbiditet og eventuelle analysar av vatn eller sedimentprøver Ei skildring av eventuelle avbøtande tiltak som er gjennomført for å hindre uheldig innverknad på miljøet i tiltaksområdet.