Statens vegvesen Region vest - Løyve til mudring og utfylling i Dregebøvatnet

Transkript

1 Sakshandsamar: Grete Hamre Vår dato Vår referanse Telefon: / E-post: Dykkar dato Dykkar referanse Statens vegvesen, Region vest Askedalen Leikanger Statens vegvesen Region vest - Løyve til mudring og utfylling i Dregebøvatnet Fylkesmannen gir Statens vegvesen, Region Vest løyve etter ureiningsregelverket til mudring og utfylling i Dregebøvatnet i Gaular kommune. Løyvet er gitt på nærare vilkår, og tiltaket må gjennomførast innan to år. For arbeidet Fylkesmannen har hatt med løyvet må det betalast eit gebyr til staten. Vi viser til søknad datert I samband med utbygging av E39 Lavik-Skei har Statens vegvesen, Region vest søkt Fylkesmannen om løyve til mudring og utfylling i Dregebøvatnet i Gaular kommune. Arbeidet er ein del av utbygginga av parsellane Dregebø-Grytås og Birkeland-Sande. Det planlagde tiltaket vil omfatte mudringsmassar på ca m 3. Ca m 3 av desse massane skal nyttast som botnmateriale i fyllinga. Med heimel i 11 jf. 16 i lov om forurensninger og om avfall (ureiningslova) og 22-6 i forskrift om begrensning av forurensning (ureiningsforskrifta) gir Fylkesmannen i Sogn og Fjordane med dette Statens vegvesen Region Vest løyve til mudring av ca m 3 massar og utfylling med ca m 3 naturstein i Dregebøvatnet i Gaular kommune. Løyvet er gitt med vilkår. Løyvet gjeld i 2 år. Dersom tiltaka ikkje vert gjennomførte innan denne fristen, fell løyvet bort. Alternativt må det i god tid søkjast om forlenging av løyveperioden. Gebyr for sakshandsaminga vert varsla til kr ,-. Vilkår for løyvet 1. Mudrings- og utfyllingsarbeidet skal utførast på ein slik måte at finpartikulært materiale i minst mogleg grad vert spreidd i vatnet. 2. Ved fylling i og nær vassdraget skal det nyttast massar med lite finstoff. 3. Det skal, så langt det er praktisk mogleg, nyttast siltgardin under mudre- og utfyllingsarbeidet. 4. Mudrings- og utfyllingsarbeidet skal gjennomførast i perioden frå og med juli og til og med september månad. 5. Før anleggsfasen startar skal det utarbeidast ein prøvetakingsplan for kontroll med fysikalsk og kjemisk vasskvalitet. 6. Det skal gjerast avbøtande tiltak for å sikre at gyte- og oppvekstområde for laks og sjøaure i det påverka området ikkje vert forverra av tiltaket. Hovudkontor Landbruksavdelinga E-post: Njøsavegen 2, 6863 Leikanger Fjellvegen 11, 6800 Førde fmsfpost@fylkesmannen.no Telefon: Postboks 14, 6801 Førde Internett: Telefaks: Telefon: Org.nr Telefaks:

2 2/5 7. Mudrings- og utfyllingsarbeidet skal overvakast og kontrollerast etter fastlagde rutinar. Tiltaket skal elles gjennomførast og følgjast opp i samsvar med utarbeidd Ytre miljø-plan (YM-plan). 8. Dersom det oppstår unormale tilhøve som har eller kan få ureiningsmessige konsekvensar, skal tiltakshavar straks melde frå til Fylkesmannen. 9. Det skal utarbeidast ein sluttrapport der resultata av arbeidet vert presenterte og vurderte i høve til vilkåra som er sette i løyvet. Rapporten skal sendast til Fylkesmannen innan seks veker etter at tiltaket er gjennomført og skal m.a. innehalde: Opplysningar om kor store mengder masse som faktisk har blitt mudra og vorte nytta til utfylling (rekna i m 3 eller tonn). Plassering av massane (kart) Omtale av korleis arbeidet er utført (metodar). Oversikt over eventuelle avvik frå løyvet og kva korrigerande tiltak som er sette i verk. Vurdering av kva miljøpåverknad tiltaket har ført med seg. Høyringsuttaler Søknaden har vore send direkte til Gaular kommune, berørte naboar og Gaula elveeigarlag. I tillegg vart søknaden kunngjort på Fylkesmannen si heimeside. Det har kome inn ein uttale til søknaden: Grunneigarar Helge Øksland og Dag Vidar Øksland: Advokatfirmaet Harris har på vegner av sine klientar lagt fram merknad til søknaden. Grunneigarane er opptekne av at potensielle skader og innverknad på vatn vert avgrensa til eit minimum. Dei stiller spør om det er utført naudsynte undersøkingar i forkant av prosjektstart, og om planlagde undersøkingar i prosjektperioden er tilstrekkeleg for å sikre at utslepp til vatn er forsvarleg. Dette gjeld m.a. vurdering av djupne for utslepp av avløpsvatn frå driving av Økslandtunnelen, og om Fylkesmannen set krav om at vaskevatn frå tunnelen vart levert til godkjent mottak. Uttalen peikar særskilt på at det ikkje er vist til undersøkingar som syner kva konsekvensar tiltaket vil kunne ha for fisken i vatnet. Merknad til innkomne uttaler frå Statens vegvesen Region vest: Tiltakshavar har gått gjennom den innkomne uttalen og har følgjande merknader: i) Det vert vist til søknaden kap 3 når det gjeld vurdering av belastning og kontroll i anleggperioden. Tilsvarande for driftsperioden går fram av kap 4. Med grunnlag i vår konklusjon har vi ikkje sett det aktuelt med nærare registreringar. ii) Det vert vist til søknaden kap 4 og til vår kommentar under punkt i). iii) Vi er innstilt på at det kan bli stilt krav om registrering av fisk i denne delen av Dregebøvatnet. Grunngjeving for avgjerda Omtale av søknaden og tiltaket: I samband med utbygging av strekninga Lavik-Skei på E39, har Statens vegvesen Region vest søkt Fylkesmannen om løyve til mudring og utfylling i Dregebøvatnet i Gaular kommune. Føremålet med tiltaket er å gjere vegen meir framkomeleg ved å endre både kurvatur og breidde gjennom parsellane Dregebø-Grytås og Birkeland-Sande. I den sørlege delen av Dregebøvatnet er det ei stor ur på innsida av vatnet. Av omsyn til rasfare ynskjer ein å minimalisere inngrep i ura. Det er difor planlagt at 150 meter av vegen skal flyttast ut

3 3/5 på fylling i Dregebøvatnet. Inngrep i vassdraget vert av Statens vegvesen definert som ein «konsekvens av behov for å unngå rasfare». Arbeidet langs Dregebøvatnet er venta å ta ca. 1 år. Sjølve mudrings- og utfyllingsarbeidet er planlagt i tida juli-september. Utslepp av partiklar til vatn kjem inn under kva som vert forstått med ureining i ureiningslova 6. For å kartlegge kva påverknad utslepp frå anleggsarbeidet kan ha på vassdraget, har Statens vegvesen utført ei risikovurdering og utarbeidd ein «Ytre miljø-plan» (YM-plan). Ut frå si eiga risikovurdering har dei kome fram til kva uønska hendingar som kan oppstå og kva tiltak som skal setjast i verk for å redusere risikoen for utslepp til miljøet til eit minimum. Unødige utslepp i vassdraget vert definert som uønska hending. Identifiserte tiltak er å avgrense arbeida til perioden juli-september, og å nytte siltgardin. Deira konklusjon er at «dei planlagde tiltaka sikrar at utsleppa ikkje vil føre til auka miljørisiko eller ureining i resipienten». Mudre- og utfyllingsområdet Vegen er planlagd utvida i breidda ut i vatnet, over ei strekning på 150 m i sørenden av Dregebøvatnet. Grunntilhøva i området er slik at ein del botnmassar må fjernast før ny vegfylling kan leggjast ut. Det er antatt at om lag m 3 massar må fjernast og at om lag m 3 av desse kan leggjast tilbake i fyllinga. Massetypen varierer frå fullstendig omdanna organisk materiale til faste massar, som i hovudsak består av stein og grus. Det må mudrast på ulike djupner, på store deler av strekninga heilt ned til 8 m. Mudringa vil bli utført med gravemaskin og med kran, oppstilt på vegarealet og på lekter. Det vil, så langt det er praktisk mogleg, bli nytta siltgardin for å hindre tilslamming under mudrearbeidet. Dregebøvatnet er svært smalt på den aktuelle strekninga, og dette medfører at det over store deler av strekninga må mudrast heilt på tvers av vatnet. Der let det seg ikkje gjere å nytte siltgardin sidan ho då vil kunne stengje for vassgjennomstrøyminga. Bruk av siltgardin vil difor vere lite egna i det smale området. Mudring og tilbakefylling skal utførast i korte seksjonar. Det vil bli nytta steinmateriale av ulike fraksjonar i heile vegfyllinga. Nedre del vil bestå av blokk og grovare stein for god inntrenging i underlaget. Det skal nyttast natursteinsmassar til fylling under vasslinja. Vidare opp til ferdigveg skal det nyttast sprengsteinsmassar. Overskotsmassane er planlagt plassert i deponi i Årbergsdalen. Fylkesmannen er ikkje kjend med at det finst ureiningskjelder i området, og det er difor ingen grunn til å tru at massane som skal mudrast er ureina. Tilhøve til vassforskrifta og naturmangfaldlova Området det er søkt om for mudring og utfylling høyrer inn under vassførekomsten R Ytredalselva. Miljøtilstanden er karakterisert som antatt dårleg med bakgrunn i sur nedbør og påverknad på laks. Kjemisk tilstand er ikkje definert. Ytredalselva er laks- og sjøaureførande. I tillegg finst det ål i vassdraget. I lakseregisteret er laksebestanden registrert som dårleg, medan sjøaurebestanden er redusert. Det er difor viktig at det vert gjort tiltak for å avgrense tilslamming av vassdraget under anleggsarbeidet. I utgangspunktet bør ein unngå å tilføre massar til vassdraget eller grave i elvestrengen i den tida det er rogn/yngel i grusen og ved smoltutvandringa. Det er svært uheldig dersom finstoff frå graving legg seg over gytegroper og kveler rogna som er der. For å unngå tilslamming i periodar med rogn og yngel i grusen, må arbeidet gjennomførast i perioden frå og med juli til og med september. Då er yngelen komen opp av grusen, og det er før gytinga

4 4/5 tek til. Vidare må ein unngå at vassdraget vert tilført finstoff frå sprengstein då dette er nåleforma partiklar som øydelegg gjellene på fisken og difor kan føre til fiskedød. Ved fylling i og nær vassdraget må det difor nyttast massar med lite finstoff. Vasskvaliteten må overvakast ved uttak av vassprøver både før, under og etter anleggstida. Prøvane skal analyserast for relevante kjemiske og fysikalske parametrar. Før arbeidet startar skal det vere utarbeidd ein prøvetakingsplan. Laks, sjøaure og ål kan vandre forbi tiltaksområdet, og det er viktig at tiltaket ikkje skaper eit nytt vandringshinder. Utløpet av Dregebøvatnet vil endre karakter etter at anlegget er ferdig, og dette vil kunne påverke gyte- og leveområdet for laks. Det er difor viktig at området vert undersøkt av ekspertar /fagbiologar, og at det vert lagt vekt på å leggje til rette for laks og sjøaure når tiltaket vert avslutta. Dette kan vere i form av skjulplassar eller gyteområde for fisk. Vi vurderer dei miljømessige ulempene til å kunne verte relativt omfattande i høve til fisken i vassdraget, men dersom det vert teke omsyn til våre merknader, vurderer vi at tiltaket, etter at det er ferdigstilt, ikkje vil føre til ei nedklassifisering av vassførekomsten til dårlegare enn god tilstand. Ut over dette finn ikkje Fylkesmannen at tiltaket vil vere til vesentleg skade eller ulempe for miljøet i høve til føringar som ligg i vassforskrifta og naturmangfaldlova. Uttaler Fylkesmannen har gått gjennom høyringsuttalen frå Helge Øksland og Dag Vidar Øksland. I uttalen kjem det ikkje fram ny informasjon som skulle tilseie at det ikkje skal kunne gjevast løyve til mudring og utfylling. Konklusjon Ut i frå opplysningar som er gitt i samband med søknaden har Fylkesmannen vurdert dei ureiningsmessige ulempene ved utbetring av E39 mellom Vadheim og Sande opp mot fordelar og ulemper som tiltaket elles vil føre til. Dersom anleggsaktiviteten vert drifta med gode rutinar og i samsvar med dette løyvet, vurderer vi at miljøtilhøva vert ivaretekne på ein akseptabel måte. Fylkesmannen gir difor løyve etter ureiningsregelverket til mudring og utfylling. Gebyr for sakshandsaming Fylkesmannen si handsaming av søknader om løyve er omfatta av ei gebyrordning, jf. kap. 39 i ureiningsforskrifta. Vi varslar med dette at Statens vegevesen, Region vest skal betale eit gebyr til staten på kr ,-, jf i ureiningsforskrifta. Dersom de har merknad til dette varselet, må denne sendast til Fylkesmannen innan 3 veker. Gebyret vert deretter fastsett i eige vedtak. Endring eller tilbakekalling av løyvet Fylkesmannen kan gjere om eller setje nye vilkår for løyvet og ev. trekkje løyvet attende etter reglane i ureiningslova 18. Ansvar Sjølv om det er gitt løyve, pliktar den ansvarlege å svare erstatning som måtte følgje av ureiningslova og av vanlege erstatningsreglar jf. kapittel 8 og 10 i ureiningslova.

5 5/5 Dette løyvet fritek ikkje søkjaren frå å hente inn naudsynte løyve eller samtykkje frå andre styresmakter eller privatpersonar. Offentleggjering av løyvet Ålmenta skal gjerast kjent med vedtaket jf. ureiningsforskrifta kap. 36 «behandling av tillatelser etter forurensningsloven» Vedtaket vert kunngjort offentleg for dykkar rekning. Kunngjeringa vil innehalde ei kort orientering om løyvet, kvar ein kan vende seg for å få innsyn i saksdokumenta og opplysningar om klageinstans og frist for ev. klage på vedtaket. Vedtaket vert også kunngjort på Fylkesmannen si heimeside Klagerett Partane og andre med klagerett etter forvaltningslova kan klage over avgjerda innan tre veker etter at avgjerda er motteken jf. forvaltningslova 29. Klageretten gjeld også vedtak om gebyr for sakshandsaminga. Jf i ureiningsforskrifta. Eventuell klage bør grunngjevast skriftleg og skal rettast til Miljødirektoratet. Klagen skal sendast til Fylkesmannen i Sogn og Fjordane. Med helsing Gøsta Hagenlund assisterande fylkesmiljøvernsjef Grete Hamre overingeniør Brevet er godkjent elektronisk og har derfor ikkje underskrift. Kopi til Gunnar Drægebø, Ekornlia 2, 6814 Førde Svein Torsnes, Liavegen 22, 6814 Førde Gunhild Nerland, Førdevegen Sande i Sunnfjord Helge Øksland, Øksland, 6996 Vadheim Solveig Hatlestad Solås og Rolf-Magne Aas, Øksland, 6996 Vadheim Dag Vidar Øksland, Øksland, 6996 Vadheim Ove Hatlestad Solås, Vikane 17, 6995 Kyrkjebø Loan Anh Thi Le og Øystein Nøtsund, Grytås, 6973, Sande i Sunnfjord Jorunn og Jarle Olsen, Grytås, 6973 Sande i Sunnfjord Advokatfirmaet Harris, Postboks 4115 Sandviken, 5035 Bergen Kopi pr. e-post: Gaular kommune Gaula Elveeigarlag v/ole Rune Døskeland Sogn og Fjordane fylkeskommune