Flora Hamn KF - løyve til utdjuping av sjøbotnen utanfor Fugleskjerskaia

Transkript

1 Sakshandsamar: Grete Hamre Vår dato Vår referanse Telefon: / E-post: Dykkar dato Dykkar referanse Flora Hamn KF Postboks Florø Flora Hamn KF - løyve til utdjuping av sjøbotnen utanfor Fugleskjerskaia Fylkesmannen gir Flora Hamn KF løyve etter ureiningsregelverket til utdjuping av sjøbotnen utanfor Fugleskjerskaia i Flora kommune. Løyvet er gitt på nærare vilkår, og tiltaket må gjennomførast innan to år. For arbeidet Fylkesmannen har hatt med løyvet er det vedteke eit gebyr på kr ,-. Vi viser til søknad datert Flora Hamn KF har søkt Fylkesmannen om løyve etter ureiningsforskrifta til utdjuping av sjøbotnen utanfor Fugleskjerskaia i Florø. Målet med tiltaket er å auke tryggleiken for skipstrafikken i området, då det etter kvart vert nytta stadig større fartøy som krev djupare farvatn. Med heimel i 22-6 i forskrift om begrensning av forurensning (ureiningsforskrifta) gir Fylkesmannen i Sogn og Fjordane med dette Flora hamn KF løyve til sprenging og mudring av ca m 3 massar over eit areal på vel 2135 m 2, og til dumping av massane i eit fyllingsområde ved Perholmen i Flora kommune. Løyvet er gitt med vilkår. Løyvet gjeld i 2 år. Dersom tiltaka ikkje vert gjennomførte innan denne fristen, fell løyvet bort. Alternativt må det i god tid søkjast om forlenging av løyveperioden. Vilkår for løyvet 1. Tiltaket skal utførast innanfor dei områda det er søkt om. 2. Fylkesmannen skal varslast når arbeidet vert sett i gong. 3. Det skal nyttast metodar for mudring, sprenging, transport og dumping av massar som minimerer faren for spreiing av ureining. Metodane må vere slik at eit minimum av vatn vert blanda saman med massane under opptak og dumping. 4. Ureina massar skal mudrast først og leggjast nedst i deponiet. 5. Tiltaket skal utførast under rolege vind- og bølgjetilhøve slik at uønskt partikkelspreiing som følgje av dette, vert unngått. 6. Tiltaket skal overvakast ved turbiditetsmåling. Grenseverdi for turbiditet vert sett til 5 NTU over turbiditeten på ein referansestasjon i eit upåverka område så nært tiltaksområdet som mogleg. Dersom turbiditeten overstig grenseverdien, må arbeidet stansast. Det må då setjast i verk naudsynte tiltak, både for å finne årsaka til overstiginga, og for å bringe turbiditeten tilbake på stabilt nivå under grenseverdien. Resultata frå turbiditetsmålingane skal loggførast. Hovudkontor Landbruksavdelinga E-post: Njøsavegen 2, 6863 Leikanger Fjellvegen 11, 6800 Førde fmsfpost@fylkesmannen.no Telefon: Postboks 14, 6801 Førde Internett: Telefaks: Telefon: Org.nr Telefaks:

2 2/6 7. Dersom det oppstår unormale tilhøve som har, eller kan få ureiningsmessige konsekvensar, skal tiltakshavar straks melde frå til Fylkesmannen. 8. Det skal utarbeidast ein sluttrapport der resultata av arbeidet vert presenterte og vurderte i høve til vilkåra som er sette i løyvet. Rapporten skal sendast til Fylkesmannen innan seks veker etter at tiltaket er gjennomført og skal m.a. innehalde: Opplysningar om kor store mengder masse som faktisk har blitt mudra, sprengt og dumpa (rekna i m 3 eller tonn). Plassering av massane (kart med posisjon og UTM-koordinatar) Omtale av korleis arbeidet er utført (metodar). Oversikt over eventuelle avvik frå løyvet og kva korrigerande tiltak som er sette i verk. Vurdering av kva miljøpåverknad tiltaket har ført med seg. Omtale av tiltaket Flora Hamn KF ynskjer å utdjupe sjøbotnen utanfor den nord-austre delen av Fugleskjerskaia. Området vert trafikkert av stadig større fartøy, og målet med tiltaket er difor å auke tryggleiken for skipstrafikken ved å auke seglingsdjupna ved kaia. Sjøbotnen i området nord for kaia består av reint fjell med stadvise innslag av sediment. Botndjup før tiltaket er på 5-8 m. Det er planlagt å auke djupna til 9 m ved å mudre og sprenge til saman om lag 3150 m 3 massar over eit areal berekna til 2135 m 2. Breidda på tiltaksområdet varierer mellom 0 og 30 m. Mengd lausmassar som skal fjernast, er fordelt på fire mindre område og er berekna til å utgjere totalt om lag 300 m 3 over eit samla areal på 447 m 2. Mudrings- og sprengingsmassane skal lastast opp på lekter og fraktast til eit område ved Perholmen, som frå før er nytta til deponering av massar frå mudring ved Westcon og frå utdjupinga av farleia inn til Florø hamn. I førekant av tiltaket må det utførast eit omfattande sikringsarbeid då utdjupinga er svært krevjande, grunna risiko for skade på eksisterande kai. Sprenginga skal difor utførast seksjonsvis og svært skånsamt, noko som også vil medverke til redusert fare for ureining. I følgje Miljødirektoratet sin rettleiar for handtering av sediment (TA 2960/2012), er heile tiltaket klassifisert som eit mellomstort tiltak. Det er teke sedimentprøvar frå det planlagde utdjupingsområdet utanfor kaien. Analyseresultata viser at massane er ureina med tungmetall, TBT, PAH og PCB. Høyring Søknaden har vore lagt ut til offentleg ettersyn ved tenestetorget i Flora kommune i tida 13. oktober - 3. november Han vart også send direkte til berørte naboar og andre partar i saka i følgje oppgitt adresseliste. I tillegg vart søknaden kunngjort i Firdaposten og på Fylkesmannen si heimeside. Det har kome inn ein uttale til søknaden: Fiskeridirektoratet har ingen merknader til søknaden. Uttalen er gitt med bakgrunn i fiskeriog akvakulturinteressene i området. Fylkesmannen sine vurderingar Mudring og dumping av massar i sjø er regulert av kapittel 22 i ureiningsforskrifta. I medhald av 22-6.i forskrifta kan Fylkesmannen, etter søknad, gi løyve til slik aktivitet. Ved avgjerda om det skal gjevast løyve, har vi lagt vekt på dei ureiningsmessige ulempene ved tiltaket sett opp mot dei fordelar og ulemper som tiltaket elles vil medføre.

3 3/6 Ureiningssituasjonen i mudreområdet I Florø hamn har det i generasjonar vore omfattande skipstrafikk. Tidlegare var det mindre fiskebåtar, og rutegåande fartøy som dominerte. I seinare tid har trafikken også vorte prega av fleire større fartøy innan godstrafikk, rutetrafikk og supplytenester til oljenæringa. Det er tidvis stor aktivitet med fritidsbåtar i området, og det ligg eit større flytebryggeanlegg på innsida av Fugleskjerskaia. Sjøbotnen nord for Fugleskjerskaia består primært av bert fjell med stadvise innslag av mindre område med sediment. I følgje undersøkingar utførte av dykkar, er lausmassane relativt grovkorna med innslag av finare partiklar. Skipstrafikk i området har gjennom åra medverka til at sediment har vorte virvla opp og ført vekk. Flora kommune har ikkje vedteke særskilte miljømål for området ved Fugleskjerskaia. Våren 2014 utførte Fishguard Florø ei sedimentundersøking der det vart teke prøver frå tre stader i og like utanfor tiltaksområdet. Grunna små mengder sediment, var det vanskeleg å få teke gode prøvar, og materialet frå to av prøvepunkta vart difor slått saman. Med utgangspunkt i lista over prioriterte miljøgifter vart prøvane analyserte for tungmetall, organiske miljøgifter, (PAH og PCB) og TBT. I tillegg vart det målt kornfordeling, vassinnhald og innhald av organisk stoff i prøvane. Sedimentet består i hovudsak av fin, luktfri sand. Mengd silt og leire er til saman ca. 15 %. Det er lite organisk stoff i prøvane, og det vart ikkje observert botndyr i prøvane, men dette vart heller ikkje undersøkt særskilt. Resultat frå sedimentanalysane viser ureining med tungmetall, PAH, PCB og TBT. Grad av ureining varierer noko mellom prøvepunkta. Det er funne bly (tilstandsklasse IV) og kopar (tilstandsklasse III/IV) i begge prøvane. I tillegg er det funne sink (tilstandsklasse III i prøve 3. Det er påvist overskriding av grenseverdi for dei fleste einskildstoffa av PAH, sum PAH og sum PCB i tillegg til TBT. PAH vert danna ved ufullstendig forbrenning av organisk materiale. Det finst også PAH i olje og oljehaldige produkt, og dette vil ofte vere kjelde til ureining i marine sediment. PCB og TBT har tidlegare vore brukt som groehindrande middel i botnstoff til båtar, men er no skifta ut med kopar. Funn av miljøgifter i sedimenta ser difor ut til å kunne ha samanheng med skipstrafikken som har vore i området. Sedimentet utgjer per definisjon ein miljørisiko, og det vart gjennomført ei miljøgransking trinn 2 (T2) jf. Miljødirektoratet sin rettleiar for risikovurdering av ureina sediment (TA 2802/2011). Miljøtilstanden i hamneområdet i Florø har vore undersøkt ved fleire høve tidlegare. Det har t.d. vore utført både miljøgransking og spreiingsanalysar ved Stranda, like vest for Fugleskjerskaia. Resultat frå dette arbeidet indikerer at ureiningssituasjonen er om lag den same overalt i det nære influensområdet til tiltaket det er søkt om. Det er difor vurdert at det er liten risiko for at ureiningsnivået utanfor tiltaksområdet vil auke i samband med mudringsarbeidet. Tiltaket vil uansett bli utført med stor aktsemd grunna nærleiken til eksisterande kai, og sprenging vil gå føre seg seksjonsvis. Dette vil medverke til redusert risiko for at sedimentet går i suspensjon og dermed hindre spreiing av ureining. Tilgjengeleg informasjon tilseier at tiltaksområdet ikkje vert nytta til rekreasjons- eller fritidsaktivitetar i form av bading, eller fiske og fangst. Dumpeområdet Fylkesmannen er ikkje kjend med at det finst særskilde ureiningskjelder til knytte til dumpeområdet det er søkt om ved Perholmen. Dette området har tidlegare vorte nytta som deponi for mudringsmassar, både frå mudring ved Westcon og frå utdjupinga av farleia inn til Florø hamn. Der er likevel viktig at dei ureina massane vert lagt nedst i deponiet, og at dette vert gjort på ein slik måte at ureininga ikkje vert spreidd til omgjevnadene, men at dei etter kvart vert dekka med reine massar.

4 4/6 Vurdering av avbøtande tiltak Ved fjerning av ureina sediment er det i utgangspunktet svært viktig at det vert sett i verk naudsynte avbøtande tiltak som er tilpassa dei lokale tilhøva, slik at spreiing av partiklar vert unngått under mudring, sprenging, transport og dumping. Aktuelle avbøtande tiltak kan vere å fjerne dei ureina sedimenta før sprenging t.d. ved slamsuging, eller ved nytte siltskjørt/siltgardin for å hindre spreiing av partiklar under arbeidet. Men sidan sjøbotnen rundt utdjupingsområdet også er vesentleg ureina, vil slike avbøtande tiltak ha relativt liten effekt på den totale ureiningssituasjonen. Eit alternativ vil difor vere utdjuping utan særlege avbøtande tiltak. Konsekvensen av dette vil vere at miljøgifter kan tilførast nærområdet til tiltaket. Sidan omgjevnadene alt er ureina på eit minst like høgt nivå, vil ei eventuell spreiing i verste fall føre til ureining på same nivå. Resedimentering av partiklar vil heller ikkje føre til auka konsentrasjon av ureining i sedimenta i hamneområdet. Tiltaket skal uansett overvakast, t.d. ved måling av turbiditet eller partikkelkonsentrasjon i vassmassane. Det bør enten opprettast ein referansestasjon i eit upåverka område, eller det må målast på staden før arbeidet tek til. Dersom turbiditeten kjem over grenseverdien, må arbeidet stansast, og det må setjast i verk naudsynte tiltak, både for å finne årsaka til overstiginga, og for å bringe turbiditeten tilbake på stabilt nivå under grenseverdien. Resultata frå turbiditetsmålingane skal loggførast. Vurdering etter vassforskrifta Området det er søkt om for utdjuping høyrer inn under vassførekomsten C Florevika Gaddevågen ( som er karakterisert som «beskyttet kyst / fjord». Den økologiske tilstanden er karakterisert som antatt «dårleg». Kjemisk tilstand er ikkje definert. Vassførekomsten er påverka av industri, spesielt skipsverft, skipstrafikk og utslepp frå avløpsreinseanlegg (2000 PE). Industriutsleppa har ført til at sedimenta i området er ureina med organisk stoff og ulike typar prioriterte miljøgifter. Utsleppa frå kloakkreinsanlegget har ført til auke i mengd næringssalt og organisk stoff. Risikovurdering av vassførekomsten syner at det er risiko for at miljømålet ikkje vert nådd innan 2021, og at nye tiltak er naudsynte for å kunne oppnå god miljøtilstand. Dumpeområdet ved Perholmen høyrer inn under vassførekomsten C Botnafjorden. Denne er også karakterisert som beskytta kyst / fjord. Den økologiske tilstanden her er definert som antatt «god. Kjemisk tilstand er ikkje definert. Det er antatt lite påverknad i området. Risikovurderinga antar «ingen risiko». Nærmaste kjelde til påverknad er eit setjefiskanlegg på Botnaneset. Fylkesmannen kan ikkje sjå at tiltaket vil kunne føre til forringing av vassførekomstane jf. føringar som ligg i Forskrift om rammer for vannforvaltningen (vassforskrifta). Tiltaket vil tvert imot føre til ei lita betring sidan ureina sediment vert fjerna. Konsekvensar for naturmangfaldet Tiltaket er vurdert etter Lov om forvatning av naturens mangfold (naturmangfaldlova). Sjøbotnen i mudreområdet er undersøkt av dykkar. Av marine planter er det raudalgar som dominerer. Det vart elles observert ulike fiskeslag på botnen. Fylkesmannen er ikkje kjend med at det finst viktige naturtypar eller sårbare dyre/planteartar i tiltaksområdet jf. Naturbase. Det er ikkje registrert viktige gyte- eller oppvekstområde for fisk i nærleiken som kan verte påverka av tiltaket, jf. Fiskeridirektoratet sitt kartverktøy. Fylkesmannen finn difor at tiltaket ikkje vil vere til vesentleg skade eller ulempe for miljøet i høve til føringane som ligg i naturmangfaldlova.

5 5/6 Konklusjon Fylkesmannen gir løyve etter ureiningsforksrifta kapittel 22 til mudring og dumping av massar etter fastsette vilkår. Vilkåra som er sette i løyvet vil bidra til at utdjuping og dumping ikkje vil føre til nemneverdig ureining eller forringing av dei biologiske og økologiske tilhøva i tiltaksområdet. Gebyr for sakshandsaming Som varsla i e-post frå Fylkesmannen datert vert gebyret for handsaming av søknaden plassert i gebyrsats 4, jf. ureiningsforskrifta 39-3 og Det har ikkje kome merknad til varslet. Sidan sakshandsaminga har ført til relativt låg arbeidsmengd, vert gebyret i denne saka sett til 50 % av gebyrsats 4. Vi vedtek med dette at Flora Hamn KF skal betale eit gebyr på kr ,-. Dersom vi ikkje får merknad til vedtaket innan tre veker, vert faktura for innbetaling til statskassa send frå Miljødirektoratet. Gebyret må betalast innan 30 dagar etter fakturadato. Endring eller tilbakekalling av løyvet Fylkesmannen kan gjere om eller setje nye vilkår for løyvet og ev. trekkje løyvet attende etter reglane i ureiningslova 18. Ansvar Sjølv om det er gitt løyve, pliktar den ansvarlege å svare erstatning som måtte følgje av ureiningslova og av vanlege erstatningsreglar jf. kapittel 8 og 10 i ureiningslova. Dette løyvet fritek ikkje søkjaren frå å hente inn naudsynte løyve eller samtykkje frå andre styresmakter eller privatpersonar. Offentleggjering av løyvet Ålmenta skal gjerast kjent med vedtaket jf. ureiningsforskrifta kap. 36 «behandling av tillatelser etter forurensningsloven» Vedtaket vert kunngjort i lokalpressa for dykkar rekning. Kunngjeringa vil innehalde ei kort orientering om løyvet, kvar ein kan vende seg for å få innsyn i saksdokumenta og opplysningar om klageinstans og frist for ev. klage på vedtaket. Vedtaket vert også kunngjort på Fylkesmannen si heimeside Klagerett Partane og andre med klagerett etter forvaltningslova kan klage over avgjerda innan tre veker etter at avgjerda er motteken jf. forvaltningslova 29. Klageretten gjeld også vedtak om gebyr for sakshandsaminga. Jf i ureiningsforskrifta. Eventuell klage bør grunngjevast skriftleg og skal rettast til Miljødirektoratet. Klagen skal sendast til Fylkesmannen i Sogn og Fjordane. Med helsing Gøsta Hagenlund assisterande fylkesmiljøvernsjef Grete Hamre overingeniør Brevet er godkjent elektronisk og har derfor ikkje underskrift.

6 6/6 Kopi til Anton Bjørn Døsen, Postboks 34, 6901 Florø Eilif Døsen, Østre Hopsvegen 32, 5232 Paradis Marit Døsen, Egdavegen 7, 5515 Haugesund Steinar Ove Døsen, Kon-tikivegen 3, 5519 Haugesund Turid Ingeborg Døsen, Rikard Kaarbøs Plass 3, 9405 Harstad Sparebanken Vest, Postboks 7999, 5020 Bergen Kopi pr. e-post: ivest Consult as v/monica Humlestøl Kystverket Fiskeridirektoratet Region vest Sogn og Fjordane fylkeskommune