Kystverket Nordland - løyve til mudring og dumping i sjø - Svelgen

Transkript

1 ,Sakshandsamar: Grete Hamre Vår dato Vår referanse Telefon: / E-post: Dykkar dato Dykkar referanse Kystverket Nordland Finnesveien Kabelvåg Kystverket Nordland - løyve til mudring og dumping i sjø - Svelgen Fylkesmannen gir Kystverket Nordland løyve etter ureiningsregelverket til mudring og dumping av til saman m 3 masse i sjøen i Svelgen i Bremanger kommune. Løyvet er gitt på nærare vilkår, og tiltaket må gjennomførast innan to år. For arbeidet Fylkesmannen har hatt med utsleppsløyvet må det betalast eit gebyr til staten. Vi viser til søknad datert I samband med utdjuping av farleia inn til Svelgen, har Kystverket Nordland søkt Fylkesmannen om løyve til mudring i sjøbotnen og dumping av lausmassar. Tiltaket vert sett i verk for å betre innseglinga slik at faren for grunnstøyting vert minimalisert og at større fartøy som skal til m.a. Elkem Bremanger, dermed kan gå trygt inn. Det planlagde tiltaket vil omfatte ca m 3 massar. Det skal mudrast over eit område på om lag m 2. Mudringa skal føregå med gravemaskin plassert på lekter. Massane er planlagt dumpa på meters djupne på ein lokalitet ved Sande. Dumpeområdet utgjer om lag m 2. Med heimel i 22-6 i forskrift om begrensning av forurensning (ureiningsforskrifta), gir Fylkesmannen i Sogn og Fjordane med dette Kystverket Nordland løyve til mudring og dumping i Svelgen i Bremanger kommune slik det er søkt om. Løyvet er gitt med vilkår. Løyvet gjeld i 2 år. Dersom tiltaka ikkje vert gjennomførte innan denne fristen, fell løyvet bort. Alternativt må det i god tid søkjast om forlenging av løyveperioden. Vilkår for løyvet 1. Mudring og dumping skal utførast på ein slik måte at finpartikulært materiale i minst mogleg grad vert spreidd til omgjevnadene. 2. Ureina massar i mudreområdet skal takast opp først og fraktast til godkjent avfallsmottak. Det må fjernast massar i tilstrekkeleg omfang til at ureininga vert fjerna. 3. Dei ureina massane skal avvatnast med eigna metode på staden der dei vert tekne opp. 4. Dei resterande reine massane kan dumpast på djupne på lokaliteten utanfor Sande (UTM-midtpunkt: Ø, N). 5. Dersom det oppstår unormale tilhøve som har eller kan få ureiningsmessige konsekvensar, skal tiltakshavar straks melde frå til Fylkesmannen. 6. Det skal utarbeidast ein sluttrapport der resultatet av arbeidet vert presentert og vurdert i høve til dei vilkåra som er sett i løyvet. Rapporten skal sendast til Fylkesmannen innan seks veker etter at tiltaket er gjennomført og skal m.a. innehalde: Hovudkontor Landbruksavdelinga E-post: Njøsavegen 2, 6863 Leikanger Fjellvegen 11, 6800 Førde fmsfpost@fylkesmannen.no Telefon: Postboks 14, 6801 Førde Internett: Telefaks: Telefon: Org.nr Telefaks:

2 2/5 Opplysningar om kor store mengder masse som faktisk har vorte mudra og dumpa (rekna i m 3 eller tonn). Handtering av ureina massar (endeleg disponering). Plassering av massane (kart med posisjon og UTM-koordinatar) Oversikt over eventuelle avvik frå til løyvet og kva korrigerande tiltak som er sette i verk. Vurdering av kva miljøpåverknad tiltaket har ført med seg. Høyringsuttaler Søknaden har vore lagt ut til offentleg gjennomsyn ved administrasjonen i Bremanger kommune i tida 13. mars - 4. april Han har også vore send direkte til berørte naboar og andre partar med interesse i saka. I tillegg vart søknaden annonsert i Firdaposten og Fjordenes Tidende, og han har vore publisert på Fylkesmannen si heimeside. Det har kome inn to uttaler til søknaden. Fiskeridirektoratet Fiskeridirektoratet har tidlegare gitt uttale til Kystverket i samband med at alternative dumpeområde har vore vurderte. Sogn og Fjordane Fiskarlag vart høyrde i samband med dette. Fiskarlaget er i utgangspunktet skeptiske til dumping av masse i sjø, men vurderer dette tiltaket som flytting av masse og har ikkje merknader til bruk av Sande som dumpingsområde. Fiskeridirektoratet har også, med bakgrunn i opplysningar om fiskeri og akvakulturinteresser i fjorden, prioritert Sande som dumpingområde og har ingen merknader til dumping av masse slik det er beskrive i søknaden frå Kystverket. Per Lars Sande Per Lars Sande meiner at dumping av m 3 massar utanfor eigedomen hans vil påverke hans aktivitetar i sjøområdet. Han har m.a. ei badestrand som nyleg er oppgradert. Det føregår elles eit fritidsfiske som vil verte påverka av dumpinga, og området er mykje trafikkert av småbåtar. Han meiner også at det vert vanskeleg å skilje mellom reine og ureina massar og er redd for at bademiljø og andre fritidssyslar vert negativt påverka av ureining frå dumpinga. Han kjem med framlegg om alternative dumpeplassar, t.d. der Elkem tidlegare har fått løyve til å dumpe, i Breivika eller i sjøen utanfor helsestasjonen i Svelgen. Kystverket Nordland sin merknad til uttalen frå Per Lars Sande Utdjupingsprosjektet har økonomiske løyvingar berre ut Dersom det ikkje vert utført i år, vil det bli utsett på ubestemt tid. Det stemmer ikkje at det er vanskeleg å skilje mellom reine og ureine massar. All ureining skal fjernast og fraktast til deponi ved Sunnfjord Miljøverk før reine massar vert mudra. I høve alternative dumpingplassar har Elkem sitt gamle utsleppsområde tidlegare vore vurdert, men då enkelte i Elkem har vore svært negative til at det skal dumpast massar over ureininga som alt ligg der. Dette vil krevje ei rekke undersøkingar i forkant, noko som vil føre til at utdjupingsprosjektet ikkje kan gjennomførast i år. Difor har Kystverket avgjort at dette dumpingområde ikkje skal nyttast. Det skisserte området i Breivika kan ikkje nyttast då sjøvassinntaket til eit oppdrettsanlegg ligg midt i det føreslegne området. Dumping / fylling i området utanfor omsorgssenteret kan vere eit alternativ dersom kommunen får løyve til utfylling der. Då vil mengd massar dumpa ved Sande verte monaleg redusert.

3 3/5 Grunngjeving for avgjerda Mudringsområdet Sommaren 2009 gjennomførte Norges Geotekniske Institutt (NGI) geofysiske og miljøtekniske undersøkingar i mudreområdet. Seismikkundersøkingane viser at området stort sett består av hard morene med innslag av eit tynt topplag med mindre faste massar. Miljøundersøkinga viser at innhaldet av PAH i prøvane er høvesvis høgt (tilstandsklasse III). Innhald av TBT i prøvane er svært høgt (tilstandsklasse V i 6 av 8 prøvar). Innhald av metall er stort sett lågt med unntak av kopar (tilstandsklasse IV) og sink (tilstandsklasse IV i ein prøve). Det er ikkje påvist kvikksølv i sedimenta. Med omsyn til miljøkvalitet vert dei lause sedimenta det er teke prøve av, klassifisert som «dårleg» til «svært dårleg». Ureiningsnivået medfører difor at lausmassane må handterast som ureina massar og at dei, før utdjupinga tek til, må fjernast på ein måte som ikkje fører til spreiing av ureining. Det er noko usikkert kor stor utstrekning det ureina laget har og kor tjukt det er, det er antatt at det kan vere 0-10 cm tjukt. For å vere sikker på at ureininga vert fjerna, er det planlagt å fjerne massar 20 cm ned i sjøbotnen. Mengd ureine massar i mudreområdet er berekna til å utgjere ca m 3. Desse massane er planlagt fjerna ved miljømudring. Som mudremetode er det valt bruk av gravemaskin med lukka grabb, plassert på lekter. Dei ureina massane skal deretter fraktast til deponi godkjent av Fylkesmannen. Mudring med grabb vil, i følgje teknisk rapport frå SFT / DNV: «Mudremetoder for forurenset sjøbunn» (rapport nr ) kunne tilføre massane ca % ekstra vatn utover volumet som er der i utgangspunktet (in situ). Dette overskotsvatnet må fjernast før dei ureina massane kan leverast til godkjent deponi. Verksemda har planlagt å fjerne overskotsvatnet ved å bruke sugebil som pumpar vatnet frå lekteren over i geotekstilposar. For ikkje å spreie ureining til andre område, må avvatninga gå føre seg på staden der massane vert tekne opp. Posane må plasserast slik at vatnet frå dei etter kvart vil drenere tilbake i sjøen, medan ureining og mudder vert halde tilbake. Så snart posane er tilstrekkeleg «tørre», skal dei kunne fraktast til avfallsmottaket og deponerast der saman med resten av dei ureina massane. Mudring av reine massar er søkt utført med open grabb. Dette vil føre til ei viss grad av tilslamming og sedimenttransport lokalt. Bruk av siltgardin vert av tiltakshavar vurdert som vanskeleg på grunn av straumtilhøva i området. Sidan sedimenta både i Vågen og i «indre basseng» i utgangspunktet er ureina, og det ikkje er kjent at det finst sårbare artar eller naturtypar i tiltaksområdet, vurderer vi at mudringa ikkje vil gi nemneverdig verknad i tiltaksområdet utover anleggstida. Overvaking av tiltaket vil bli utført av entreprenør og tiltakshavar. Tiltakshavar vil nytte miljøfagleg kompetanse i si byggjeleiing og er ansvarleg for at naudsynt overvaking og kontroll vert utført for å dokumentere at tiltaket vert utført i samsvar med krav i løyvet. Dumpeområdet ved Sande Etter vurdering av alternative dumpestader er massane planlagt dumpa på m djupne i sjøen utanfor Sande. Fylkesmannen er ikkje kjend med at det finst særskilte ureiningskjelder knytte til dette området. Tilhøve til vassforskrifta og naturmangfaldlova Området det er søkt om for mudring og dumping i Svelgen høyrer inn under vassførekomsten C Nordgulen ( Vasstypen er karakterisert

4 4/5 ferskvasspåverka beskytta fjord. Den økologiske tilstanden er antatt «moderat» og kjemisk tilstand oppnår «ikkje god». Både Vågen og «indre basseng» er påverka av utslepp frå Elkem Bremanger over mange år. Reinsing av utslepp har etter kvart ført til at ureiningssituasjonen har betra seg, men Vågen er framleis svært belasta og «indre basseng» er framleis påverka. Fjerning av ureina masse vil difor føre til betring av ureiningssituasjonen. Fylkesmannen er ikkje kjend med at det er rapportert om sårbare naturtypar eller arter i tiltaksområdet og vurderer difor at tiltaket ikkje vil vere til vesentleg skade for naturmangfaldet i høve til føringane som ligg i vassforskrifta og naturmangfaldlova. Merknad til høyringsuttale Fylkesmannen har gått gjennom høyringsuttalen frå Per Lars Sande. Han er uroa for at ein ikkje klarer å skilje mellom reine og ureina massar. Han kjem i tillegg med framlegg til alternative dumpestader. Det er sett vilkår om at all ureining må vere fjerna før sjølve utdjupinga tek til. Alternative dumpestader er vurderte tidlegare i prosessen. Vi ser på resten av uttalen som eit tilhøve av privatrettsleg karakter. I merknadene hans kjem det difor ikkje fram ny informasjon som skulle tilseie at det ikkje kan gjevast løyve til mudring av sjøbotnen og dumping av massar i Svelgen. Konklusjon Ut frå dei opplysningane gitt i søknaden og gjennom seinare korrespondanse og uttaler, meiner Fylkesmannen at det kan gjevast løyve etter kapittel 22 i ureiningsforskrifta til tiltaket det er søkt om. Vi vurderer dei miljømessige ulempene knytte til tiltaket som relativt små sett i samanheng med både nytteverdien, og at fjerning av ureina massar alt i alt vil føre til ei betring av ureiningsnivået i innseglinga til Svelgen. Vedtak om gebyr for sakshandsaming Som varsla i e-post frå Fylkesmannen vert gebyret for handsaming av søknaden plassert i gebyrsats 4, jf. ureiningsforskrifta 39-3 og Det har ikkje kome merknad til varslet og vi vedtek med dette at Kystverket Nordland skal betale eit gebyr på kr ,-. Dersom vi ikkje får merknad til vedtaket innan tre veker, vert faktura for innbetaling til statskassa send frå Miljødirektoratet. Gebyret må betalast innan 30 dagar etter fakturadato. Vedtaket om gebyr kan klagast på til Miljødirektoratet, jf. 28 i forvaltningslova. Endring eller tilbakekalling av løyvet Fylkesmannen kan gjere om eller setje nye vilkår for løyvet og ev. trekkje løyvet attende etter reglane i ureiningslova 18. Ansvar Sjølv om det er gitt løyve, pliktar den ansvarlege å svare erstatning som måtte følgje av ureiningslova og av vanlege erstatningsreglar jf. kapittel 8 og 10 i ureiningslova. Dette løyvet fritek ikkje søkjaren å hente inn naudsynte eller samtykkje frå andre styresmakter eller privatpersonar. Offentleggjering av løyvet Ålmenta skal gjerast kjent med vedtaket jf. ureiningsforskrifta kap. 36 «behandling av tillatelser etter forurensningsloven» Vedtaket vert kunngjort offentleg for dykkar rekning. Kunngjeringa vil innehalde ei kort orientering om løyvet, kvar ein kan vende seg for

5 5/5 å få innsyn i saksdokumenta og opplysningar om klageinstans og frist for ev. klage på vedtaket. Klagerett Partane og andre med klagerett etter forvaltningslova kan klage over avgjerda innan tre veker etter at avgjerda er motteken jf. forvaltningslova 29. Klageretten gjeld også vedtak om gebyr for sakshandsaminga. Jf i ureiningsforskrifta. Eventuell klage bør grunngjevast skriftleg og skal rettast til Miljødirektoratet. Klagen skal sendast til Fylkesmannen i Sogn og Fjordane. Med helsing Gøsta Hagenlund assisterande fylkesmiljøvernsjef Grete Hamre overingeniør Brevet er godkjent elektronisk og har derfor ikkje underskrift. Kopi til: Elkem AS, Majorstua 5211, 303 Oslo Thomas Sætren, Sandevegen 63, 6723 Svelgen John Steinar Fløtre, Sandevegen 61, 6723 Svelgen Monica Sande, Sandevegen 59, 6723 Svelgen Arild Ove Herheim, Sandevegen 55, 6723 Svelgen Steinar Ole Isene, Sandevegen 53, 6723 Svelgen Atle Even Rogne, Sandevegen 49B, 6723 Svelgen Sigbjørn Holsen, 6940 Eikefjord Leif Kjøsnes, Sandevegen 47, 6723 Svelgen Helge Leiv Førde, Strandvegen 34, 6723 Svelgen Terje Fløtre, Sandevegen 54 D, 6723 Svelgen Morten Gulestøl, Mevikvegen 2, 6723 Svelgen Andre Hennøy Gjerde, Mevikvegen 8, 6723 Svelgen Kopi pr. e-post: Bremanger kommune Fiskeridirektoratet region Vest Per Lars Sande