Statens vegvesen - løyve til peling og utfylling i Loftesnsessundet - RV 5 Loftesnesbrui

Transkript

1 Sakshandsamar: Grete Hamre Vår dato Vår referanse Telefon: / E-post: Dykkar dato Dykkar referanse Statens vegvesen, Region vest Askedalen Leikanger Statens vegvesen - løyve til peling og utfylling i Loftesnsessundet - RV 5 Loftesnesbrui Fylkesmannen gir Statens vegvesen løyve etter ureiningsregelverket til peling og utfylling med til saman ca m 3 massar i sjøen i Loftesnessundet i Sogndal kommune. Løyvet er gitt på nærare vilkår, og tiltaket må gjennomførast innan to år. For arbeidet Fylkesmannen har hatt med utsleppsløyvet må det betalast eit gebyr til staten. Vi viser til søknad datert med oppdateringar frå , referat frå møte , revidert Ytre miljøplan datert og elles anna informasjon som har kome fram gjennom korrespondanse med Statens vegvesen. I samband med bygging av ny Loftesnesbru på Rv5 i Sogndal kommune har Statens vegvesen søkt Fylkesmannen om løyve til utfylling i sjøen for landkar på Loftesnessida og utfylling for landkar og fjordsti på Sogndalssida. Det skal til saman fyllast med om lag m 3 sprengstein over eit areal på om lag m 2. Med heimel i 11, jf. 16 i lov om forurensninger og om avfall (ureiningslova) og 22-6 i forskrift om begrensning av forurensning (ureiningsforskrifta), gir Fylkesmannen i Sogn og Fjordane med dette Statens vegvesen, Region vest løyve til utfylling med til saman m 3 på begge sider av Loftesnessundet i Sogndal kommune. Løyvet er gitt med vilkår. Løyvet gjeld i 2 år. Dersom tiltaka ikkje vert gjennomførte innan denne fristen, fell løyvet bort. Alternativt må det i god tid søkjast om forlenging av løyveperioden. Vilkår for løyvet 1. Fylkesmannen skal varslast når arbeidet vert sett i gang. 2. Utfylling skal utførast på ein slik måte at finpartikulært materiale i minst mogleg grad vert spreidd til omgjevnadene. 3. Det skal nyttast reine naturlege massar med lite finstoff til utfyllinga. 4. Arbeidet skal gjennom anleggsperioden overvakast med turbiditetsmålingar. Turbiditeten skal målast kontinuerleg i utfyllingsfasen. Det skal opprettast fire målestasjonar for overvaking, A, B, C og D: Stasjon A skal etablerast ved den eksisterande brua. Stasjon B og C skal liggje ca m nord og sør for utfyllingsområdet. Stasjon D skal plasserast i bakevja utanfor Solhov. 5. Det skal etablerast grenseverdiar som er baserte på kontinuerlege turbiditetsmålingar over ei veke før tiltaket startar opp: Hovudkontor Landbruksavdelinga E-post: Njøsavegen 2, 6863 Leikanger Fjellvegen 11, 6800 Førde fmsfpost@fylkesmannen.no Telefon: Postboks 14, 6801 Førde Internett: Telefaks: Telefon: Org.nr Telefaks:

2 2/8 Stasjon A: Ingen grenseverdi, resultata skal loggast. Stasjon B og C: Turbiditeten skal ikkje overstige referanseverdien. Stasjon D: Turbiditeten skal ikkje overstige 10 NTU over referanseverdien. Dersom grenseverdiane vert overstigne, skal avbøtande tiltak som t.d. bruk av siltgardin, setjast i verk. 6. Tiltaket skal, grunna vandring av smolt og laks, ikkje utførast i tidsrommet mai-juni og oktober-november. 7. Utfyllingsarbeidet skal utførast på ein måte som ikkje forverrar problem knytte til isgang i fjorden. 8. Utforming av permanent lyssetjing på brua og på utfyllingsområdet må av omsyn til vandrande fisk vere slik at lyset fell mest mogleg inn på brua og på land 9. Det skal ikkje dumpast sprengstein i reketrålingsfelta i Sogndalsfjorden og Eidfjorden. 10. Dersom det oppstår unormale tilhøve som har eller kan få ureiningsmessige konsekvensar, skal tiltakshavar straks melde frå til Fylkesmannen. 11. Det skal utarbeidast ein sluttrapport der resultatet av arbeidet vert presentert og vurdert i høve til dei vilkåra som er sett i løyvet. Rapporten skal sendast til Fylkesmannen innan seks veker etter at tiltaket er gjennomført og skal m.a. innehalde: Opplysningar om kor store mengder masse som faktisk har vorte mudra og fylt ut (rekna i m 3 eller tonn). Plassering av massane, vist på kart med posisjon og UTM-koordinatar Oversikt over eventuelle avvik frå løyvet og kva korrigerande tiltak som er sette i verk Vurdering av kva miljøpåverknad tiltaket har ført med seg Omtale av tiltaket I samband med bygging av ny bru over Loftesnessundet i Sogndal, har Statens vegvesen søkt Fylkesmannen om løyve til peling i sjøbotnen og utfylling på begge sider av sundet. Opphavleg søknad var datert 13. desember 2013 og omfatta då også mudring. Prosjektet har i ettertid vorte modifisert fleire gonger, seinast i møte , slik at tiltaket no vert mindre omfattande enn kva det opphavleg var søkt om. Vegvesenet har utarbeidd ny Ytre miljøplan for tiltaket, og Høgskulen i Sogn og Fjordane har laga ein prøvetakingsplan for overvaking av turbiditet. Tiltaket går ut på å lage utfylling / fundament for landkar på Loftesnessida og for landkar og fjordsti på Sogndalssida. I staden for mudring for å fjerne lausmassar og lage fyllingar under fire brukar ute i sundet som det opphavleg var søkt om, skal det setjast ned pelar for to brufundament. Tal pelar totalt vert med dette redusert frå 40 til 28. Mengd massar til utfylling vert om lag halvert. Tiltaket vil totalt omfatte utfylling med ca m 3 sprengstein over eit samla areal på totalt m 2. Utfyllingane skal utførast både med gravemaskin frå land og frå lekter. Hovudfyllinga på Loftesnes har forventa volum på om lag m 3 steinmassar over eit areal på vel 4000 m 2. Fyllinga på Nestangen omfattar ca m 3 massar som skal leggjast på utsida av eksisterande fylling. All fylling langs fjorden skal plastrast. Langs brutraséen består sjøbotnen av eit laust til middels fast topplag som dekker eit lag med stort sett faste massar. Søkjar opplyser at det ikkje er kjent at det har vore ureinande aktivitet i tiltaksområdet. Sidan området det er søkt om ligg nær Sogndal sentrum og det difor kan ha vore ureinande aktivitetar, m.a. frå ein bensinstasjon i nærleiken, har Fylkesmannen likevel bede om at sedimenta vert undersøkte med omsyn til tungmetall og ulike miljøgifter. Resultata frå undersøkingane viser at sedimenta i tiltaksområdet ikkje inneheld ureining som overstig grenseverdiane for dei ulike miljøgiftene.

3 3/8 Høyring Den opphavlege søknaden har vore lagt ut til offentleg ettersyn ved administrasjonen i Sogndal kommune i tida 20.februar -15. mars Han vart også send direkte til berørte naboar og andre partar med interesse i saka. I tillegg har søknaden vore publisert på Fylkesmannen si heimeside. Endringane i høve til opphavleg søknad har ikkje vore send på høyring sidan endringane fører til at tiltaket vert monaleg mindre enn det først var søkt om. Det kom inn tre uttaler til den opphavlege søknaden. Fiskeridirektoratet Viser til at det det er eit felt for tråling etter reker i Sogndalsfjorden, og ber om at det vert teke omsyn til dette feltet under arbeidet med fyllinga. Det må t.d. ikkje kome sprengstein i rekefeltet då dette vil kunne skade fiskereiskapane under tråling. Sogndal kommune Viser til ein rapport utarbeidd av Norsk institutt for vannforskning (NIVA), som vurderer miljøkonsekvensane av tiltaket i sjøen. Straum / utskifting av vatn: «I følgje rapporten frå NIVA vil ikkje den nye brua forverre tilstanden». Istilhøve: «Det er i dag ei utfordring med is på veg ut Barsnesfjorden. Effekt av riving av den gamle brua og bygging av ny vil utlikne kvarandre slik at istilhøva ikkje vil bli vesentleg endra». Inn- og utvandring av smolt / laks: «I rapporten vart det tilrådd tre tiltak for å unngå problem for fisken. Desse tiltaka er innarbeidde i Vegvesenet sin Ytre Miljø-rapport. Unngå anleggsarbeid i periodane mai-juni og oktober-november. Vegvesenet legg opp til anleggstopp i perioden juni-august. Dette er midt mellom dei tilrådde periodane, og kommunen tilrår at arbeidet i sundet vert tilpassa dei tilrådde periodane. Bruk av siltgardin. I rapporten vert det tilrådd å nytte siltgardin for å unngå skade på fisk frå spreiing av partiklar ved utfylling. Dette kan vere ei utfordring ved sterk straum. Kommunen saknar kort grunngjeving for kvifor effekt / nytte av siltgardin er lågare i område med sterk straum. Lysbruk som stressfaktor for fisken. Det vil bli teke omsyn til dette under planlegging av brua. Kommunen tilrår at det også vert teke omsyn til dette under anleggsarbeidet, og særleg i periodane med inn- og utvandring av fisk». Vurdering i høve vassforskrifta: «Noverande tilstand skal ikkje endrast negativt. Vatnet i Barsnesfjorden og Loftesnessundet er ikkje kunstig og / eller sterkt modifisert. Grunnvatnet i eller kring anleggsområdet vert vurdert til ikkje å verte påverka av tiltaket». Vurdering i høve naturmangfaldlova: «Det er ikkje registrert sårbare plante- og / eller dyreartar innanfor anleggsområdet. Barsnesfjorden er registrert som ein viktig naturtype sterke tidevasstraumar. Den nye bruløysinga vil ikkje forverre tilstanden når det gjeld vassutskifting. Nagløyri inst i Barsnesfjorden er ein viktig naturtype brakkvassdelta. Det vert vurdert at tiltaket i Loftesnessundet ikkje vil påverke denne naturtypen med mindre straumtilhøve eller vassutskifting vert endra». Oppsummering frå kommunen: «Vi føreset at tiltaket skal gjennomførast og at hovudprioritet under anleggsarbeidet er å syne omsyn til inn- og utvandring av laks, samt at noverande straumforhold ikkje vert endra då det ikkje ligg føre tilstrekkeleg kunnskap om kva effekt dette kan ha på økosystemet i Barsnesfjorden». Sogn og Fjordane fylkeskommune Tiltaksområdet ligg i eit prioritert område for marine kulturminne. Bergen sjøfartsmuseum krev difor undersøkingar av om det kan vere skipsfunn eller andre marine eller maritime kulturminne i området.

4 4/8 Statens vegvesen sine merknader til uttalene Fiskeridirektoratet: Det skal takast omsyn til felta for tråling etter reker i Sogndalsfjorden og Eidfjorden Sogndal kommune: Bruk av siltgardin: Det vert vurdert krav om dette i anbodet for å prøve ut metoden. Straumtilhøva i tiltaksområdet vert i stor grad påverka av flo og fjøre. Dei andre merknadene går på det same som Vegvesenet har i rapportane frå NIVA og som dei vil følgje opp vidare. Sogn og Fjordane fylkeskommune: Vegvesenet har vore i kontakt med Bergen sjøfartsmuseum som har gjennomført marinarkeologiske undersøkingar. Det vart ikkje gjort funn som er omfatta av Lov om kulturminne 14. Fylkesmannen sine vurderingar og grunngjeving for avgjerda I følgje ureiningslova 7 er det forbode å setje i verk noko som kan føre til fare for ureining, men Fylkesmannen kan, etter søknad i medhald av 11 jf. 16 i lova, gi løyve til slik aktivitet. Utfylling med sprengsteinsmassar kan føre til tilførsle eller oppvirvling av finpartiklar som kan føre til skade på fisk i tillegg til at det kan vere fare for nedslamming av sjøbotnen og spreiing av ureining dersom sedimenta på staden er ureina. Utfylling frå land krev løyve etter ureiningslova, medan utfylling i sjø frå flytande innretning (lekter) krev løyve etter kap. 22 i ureiningsforskrifta. Ved avgjerda om det skal gjevast løyve, har vi lagt vekt på dei ureiningsmessige ulempene ved tiltaket sett opp mot dei fordelar og ulemper som tiltaket elles vil føre til. Ureiningssituasjonen Området det er søkt om å få fylle ut omfattar to område på kvar si side av Loftesnessundet: m 2 utanpå eksisterande fylling på Nestangen på Sogndalsida, og om lag 4000 m 2 på Loftesnes. Til saman skal det fyllast med om lag m 3 sprengstein. Hausten 2014 engasjerte Statens vegvesen Norsk institutt for vannforskning (NIVA) for å gjennomføre gransking av sjøbotnen for å finne ut om sedimentet er ureina med miljøgifter. Det vart teke ut prøvar av botnsediment frå fire ulike stasjonar i sundet, og desse prøvane vart analyserte for tungmetall, PCB, PAH-stoff, TBT og DDT. Prøvane vart også undersøkte for innhald av organisk stoff og tørrstoff, og det vart utført kornfordelingstestar. Resultata av undersøkingane er gitt i rapporten «Prøvetaking og analyser av bunnsediment fra Loftesnessundet» (NIVA Rapport ) og dei er vurderte mot Miljødirektoratet sin rettleiar «Revidering av klassifisering av metaller og organiske miljøgifter i vann og sedimenter» (TA-2229/2007) Grenseverdien for «ubetydelig risiko» svarer til grensa mellom tiltaksklasse II og III. Det vart ikkje påvist tungmetall, TBT, PCB eller DDT over tiltaksklasse I i nokon av prøvane. For prøvane frå stasjonane i utfyllingsområdet, låg alle enkeltresultata frå analyse av PAHstoff under deteksjonsgrensa til analysemetoden. I slike høve vert det tilrådd at ein nyttar halvparten av deteksjonsgrensa som konsentrasjon ved tilstandsklassifisering. Ut frå desse verdiane vart resultata plasserte i tilstandsklasse I eller II. I prøven teken frå øvste sedimentlaget (0-2 cm) ved prøvestasjon 7 utanfor bensinstasjonen på Sogndalssida, ca. 130 m frå utfyllingsområdet, låg konsentrasjonen av PAH-stoffa antracen og benzo(ghi)perylen så vidt over grensa til tilstandsklasse III. Elles låg konsentrasjonen av dei andre parametrane i denne prøven jamt over i klasse II. Analyseresultata viser at sedimentprøvane jamt over inneheld lite finstoff og lite organisk stoff. Undersøkinga viser alt i alt at konsentrasjonen av miljøgifter er tilnærma

5 5/8 bakgrunnsverdien i tiltaksområdet, og Fylkesmannen si vurdering er at utfyllinga ikkje vil føre til spreiing av miljøgifter. Loftesnessundet er utsett for sterke tidevasstraumar som vil kunne spreie finpartiklar under utfyllingsarbeidet. Det er i utgangspunktet uvisst kor omfattande denne spreiinga kan bli, då det ikkje er gjort berekningar av spreiingspotensial. Utanfor Solhov på Sogndalssida er det ei bakevje der finstoff vil kunne samle seg, dette gjeld spesielt finstoff frå utfyllinga ved Nestangen. I samband med prosjektering av den nye brua, har NIVA utarbeidd to rapportar og eit notat med vurderingar av miljøkonsekvensar, vassutskifting og istilhøve («Forprosjekt ny Loftesnesbru, Sogndal. Konsekvensvurdering for vasskvalitet i Barsnesfjorden ved endra utfylling i fjordmunningen», NIVA Rapport og «Ny Loftesnesbru i Sogndal. Vurdering av miljøkonsekvensar i sjøen», NIVA Rapport ). Her er det lagt særskilt vekt på vassutskifting og straumtilhøve, istilhøve, vandring av laks og smolt og korleis fisk kan verte påverka av finpartiklar. Avbøtande tiltak og overvaking Ved utfylling generelt, og spesielt i sediment som kan vere ureina, er det svært viktig at det vert sett i verk naudsynte avbøtande tiltak slik at spreiing av partiklar i størst mogleg grad vert unngått. Dette kan vere tiltak som hindrar dei finaste sedimentfraksjonane i å gå i suspensjon, eller som hindrar partiklar i å spreie seg i vassmassane. Slike tiltak må i tillegg vere tilpassa lokale tilhøve som djupne, straumar og vindretning. I dette tilfellet er det ikkje førekomst av miljøgifter i sedimenta som representerer fare for ureining, men at fyllingsmassane (sprengstein) kan innehalde finpartiklar med skarpe kantar som kan skade gjellene på fisk i området. Vanlege avbøtande tiltak for å hindre partikkelspreiing under utfyllingsarbeid, er å nytte siltgardin, siltskjørt, boblegardin eller oppsamlingslenser. Det kan også nyttast vaska steinmassar til utfylling. I Loftesnessundet er det tidvis så sterk straum at ei siltgardin eller anna oppsamlingsutstyr vert vurdert til å ikkje ville kunne fungere effektivt. Vasking av steinmassane kan vere aktuelt, men om dette vil vere tenleg er avhengig av kvar massane vert henta frå og kvar dei i tilfelle kan vaskast. Dersom steinmassane kan fraksjonerast slik at dei finaste fraksjonane vert fjerna, vil det vere mindre mengd finstoff som vert spreidd i vassmassane under utfyllingsarbeidet. Sidan det i utgangspunktet vert vurdert som lite tenleg å nytte siltgardin, vil eitt tiltak kunne vere å godta at eit mindre område kring tiltaksområdet kan verte påverka av finstoff, men at det då utanfor ei gitt grense ikkje skal kunne målast turbiditet over ein gitt grenseverdi. Ut frå desse vurderingane skal tiltaket overvakast ved å måle turbiditet i vassmassane. Det skal opprettast fire målestasjonar A, B, C og D. Stasjon A skal etablerast ved den eksisterande brua. Stasjon B og C skal liggje ca m nord og sør for utfyllingsområdet. Stasjon D skal plasserast i bakevja utanfor Solhov. Før utfyllingsarbeidet startar, må turbiditeten ved stasjon A, B, C og D målast kontinuerleg over ein periode på minst ei veke for å kartleggje «normalverdiar» (referanseverdiar) over tid. Referanseverdiane skal nyttast i samband med å etablere grenseverdiar for turbiditetsmålingane på desse stadene. Stasjon A: Ingen grenseverdi, resultata skal målast og loggast. Stasjon B og C: Turbiditeten skal ikkje overstige referanseverdien. Stasjon D: Turbiditeten skal ikkje overstige 10 NTU over referanseverdien. I anleggsperioden skal turbiditeten målast kontinuerleg ved dei fire stasjonane. Dersom grenseverdiane vert overstigne, skal entreprenøren med ein gong varsle byggherren, som då straks må gjennomføre tiltak for å halde turbiditeten innanfor grenseverdien, t.d. ved bruk av siltgardin.

6 6/8 Det skal elles takast omsyn til laks og smolt som vandrar til og frå Årøyelva ved at det ikkje vert utført anleggsarbeid i tidsromma mai-juni og oktober-november. Ved utforminga av permanent lyssetjing på brua og på utfyllingsområdet vert det tilrådd at lyset fell inn på brua og utfyllingsområdet, og at lys direkte ned i sjøen vert unngått. Det er usikkert kor viktig dette er for fisken, men det er eit enkelt tiltak for å redusere faren for at brua verkar som eit stengsel som forseinkar inn- og utvandring av laks. Vurdering etter vassforskrifta Området det er søkt om for peling og utfylling høyrer inn under vassførekomstane Sogndalsfjorden C og Barsnesfjorden C ( Vasstypen i Sogndalsfjorden er karakterisert som oksygenfattig fjord. Den økologiske tilstanden er antatt god sjølv om fjorden er naturleg oksygenfattig i botnen. Kjemisk tilstand er ikkje definert. Største påverknad er avløp frå Sogndal. Vasstypen i Barsnesfjorden er også karakterisert som oksygenfattig fjord, og den økologiske tilstanden er antatt moderat. Kjemisk tilstand er ikkje definert. Fjorden er ein terskelfjord der terskelen ligg på 8 m djupne på det grunnaste i Loftesnessundet, rett under dagens bru. Barsnesfjorden er naturleg oksygenfattig under terskelen. Det har vore utført oksygenmålingar med varierande intervall i Barsnesfjorden i nær hundre år. Desse målingane viser jamt over oksygenfattig vatn med tidvis oksygensvikt frå ca. 20 m og nedover og førekomst av H 2 S nær botnen. Målingar utførte frå 1984 og utover stadfestar dette biletet av tilstanden. Dei siste tiåra er det registrert ein tendens til lågare oksygenverdiar. Oksygenverdiane er knytte til straumtilhøve og vassutskifting i fjorden. Det er utført simulering av straumtilhøva ved den noverande brua, og ved å simulere fleire alternative innsnevringar i Loftesnessundet, er det vurdert korleis straumtilhøva kan bli endra ved utbygging av ny bru med ny utfylling. Bruløysinga som no er valt, vil gi ein straumsituasjon tilnærma slik han er i dag, og dei nye fyllingane vert vurderte til å ikkje føre til vesentlege negative konsekvensar for vassutskifting og oksygentilhøve i Barsnesfjorden. Vassførekomsten er lite påverka, men det kan førekomme litt lokal ureining med næringssalt ved utløp for avløpsleidningar i tillegg til noko påverknad frå landbruk. Ut frå opplysningane som ligg føre, kan ikkje Fylkesmannen sjå at tiltaket vil kunne føre til endring av den økologiske tilstanden til vassførekomstane. Vurdering etter naturmangfaldlova Tiltaket skal vurderast etter 8-12 i naturmangfaldlova, dvs. at vurderinga skal baserast på kunnskapsgrunnlaget, føre-var-prinsippet, økosystemtilnærming og samla belastning, at kostnadene ved forringing av miljøet skal berast av tiltakshavar og at det vert nytta miljøforsvarlege teknikkar og driftsmetodar. Det er ikkje registrert stadbundne sårbare dyre eller planteartar i tiltaksområdet. Sognefjorden er vedteken som nasjonal laksefjord, og Årøyelva er nasjonalt laksevassdrag. Føremålet med nasjonale laksevassdrag og fjordar, er å gi eit utval av dei viktigaste laksebestandane i landet eit særskilt vern mot skadelege inngrep og aktivitetar i vassdraga, oppdrettsverksemd, ureining og inngrep i munninga på nærliggjande fjord- og kystområde. Sogndalselvi er også lakseførande, og laksen som går hit vil også kunne verte påverka av tiltaket. Sogndalselvi er ikkje definert som nasjonalt laksevassdrag. Det er god avstand frå området det er søkt om til område med viktig naturverdi. Uttaler Fylkesmannen har gått gjennom høyringsuttalene frå Fiskeridirektoratet, Sogndal kommune og Sogn og Fjordane fylkeskommune. I desse kjem det ikkje fram ny informasjon som skulle tilseie at det ikkje kan gjevast løyve etter ureiningsregelverket til utfylling med sprengstein i områda det er søkt om.

7 7/8 Konklusjon Fylkesmannen har vurdert dei ureiningsmessige ulempene ved tiltaket opp mot kva fordelar og ulemper tiltaket elles vil føre med seg. Dersom tiltaket vert drifta med gode rutinar og i samsvar med vilkåra gitt i dette løyvet, vurderer vi at miljøtilhøva vert ivaretekne på ein tilfredsstillande måte. Fylkesmannen finn heller ikkje at tiltaket vil vere til vesentleg skade eller ulempe for miljøet i høve føringane som ligg i vassforskrifta og naturmangfaldlova. Vedtak om gebyr for sakshandsaming Som varsla i e-post frå Fylkesmannen dagsett vert gebyret for handsaming av søknaden plassert i gebyrsats 4, jf. ureiningsforskrifta 39-3 og Tiltakshavar har ikkje merknad til varslet og vi vedtek med dette at Statens vegvesen skal betale eit gebyr på kr ,-. Dersom vi ikkje får merknad til vedtaket innan tre veker, vert faktura for innbetaling til statskassa send frå Miljødirektoratet. Gebyret må betalast innan 30 dagar etter fakturadato. Endring eller tilbakekalling av løyvet Fylkesmannen kan gjere om eller setje nye vilkår for løyvet og ev. trekkje løyvet attende etter reglane i ureiningslova 18. Ansvar Sjølv om det er gitt løyve, pliktar den ansvarlege å svare erstatning som måtte følgje av ureiningslova og av vanlege erstatningsreglar jf. kapittel 8 og 10 i ureiningslova. Dette løyvet fritek ikkje søkjaren å hente inn naudsynte eller samtykkje frå andre styresmakter eller privatpersonar. Offentleggjering av løyvet Ålmenta skal gjerast kjent med vedtaket jf. ureiningsforskrifta kap. 36 «behandling av tillatelser etter forurensningsloven» Kunngjeringa vil innehalde ei kort orientering om løyvet, kvar ein kan vende seg for å få innsyn i saksdokumenta og opplysningar om klageinstans og frist for ev. klage på vedtaket. Klagerett Partane og andre med klagerett etter forvaltningslova kan klage over avgjerda innan tre veker etter at avgjerda er motteken jf. forvaltningslova 29. Klageretten gjeld også vedtak om gebyr for sakshandsaminga. Jf i ureiningsforskrifta. Eventuell klage bør grunngjevast skriftleg og skal rettast til Miljødirektoratet. Klagen skal sendast til Fylkesmannen i Sogn og Fjordane Med helsing Gøsta Hagenlund ass. fylkesmiljøvernsjef Grete Hamre overingeniør Brevet er godkjent elektronisk og har derfor ikkje underskrift.

8 8/8 Kopi til: Sogn Høgskulelag c/o Sogndal Folkehøgskule, Helgheimsvegen 9, 6856 Sogndal Bilservice AS v/bjørn S. Lund, Klippavegen 19, 6856 Sogndal Nestangen Eigedom AS v/terje Dvergsdal, Pb. 294, 6856 Sogndal Trygve Ness, Navarsetevegen 17, 6856 Sogndal Tess Sogn AS, Pb. 423, 6856 Sogndal JEB Eigedom AS v/jan Erik Bøyum, Hanahaug 13, 6863 Leikanger Kvams Eigedom AS v/arne Myklebust, 6856 Sogndal Jan Tore Eresberg, Groavegen 4, 6854 Kaupanger Aase Loftesnes og Kjetil Kvåle, 6856 Sogndal Odd Erik Loftesnes, 6856 Sogndal Liv Storhaug Eldholm og Knut Eldholm, Stukestølen 15, 6863 Leikanger Kopi pr. e-post: Sogndal kommune Kystverket Fiskeridirektoratet Region Vest Sogn og Fjordane fylkeskommune