Utval Møtedato Utval Saksnr Plan- og miljøutvalet Kommunestyret. Forskrift for løypenett for fritidskøyring med snøskuter, 2.

Transkript

1 Vinje kommune Økonomi, plan og utvikling Arkiv saknr: 2015/1525 Løpenr.: 1247/2016 Arkivkode: K01 Utval Møtedato Utval Saksnr Plan- og miljøutvalet Kommunestyret Sakshandsamar: Signe Vinje Forskrift for løypenett for fritidskøyring med snøskuter, 2. gongs handsaming Vedlegg: Forskrift for løypenett for fritidskøyring med snøskuter Oversiktskart over løypenettet Oversiktskart over løypenettet Fråsegner til høyring av forskrifta Fråsegner oppsummert med kommentar Grunneigaravtale Dokument i saka: Rapport: Naturmangfald (Faun) (Handsama i PLM sak 15/11) Rapport: Kartlegging og verdsetting av friluftslivsområde i Vinje kommune (Handsama i PLM sak 15/11) Rapport: Skredfarekartlegging (Sweco) Kommentarutgåve av snøskuterløypeforskrifta (handsama i PLM sak 15/11) Bakgrunn: OPPSUMMERING AV SAKA Forskrift for løypenettet har vore på høyring. Denne saka skildrar kva grep som blir gjort etter høyringa. Etter høyringsrunden er det gjort ein del justeringar i forskrifta og nokre mindre endringar på plankartet. Desse justeringane er gjort i dialog med skuterklubbane, politiet, Statens Vegvesen og enkelte grunneigarar. Dei viktigaste endringane er:

2 - Forskrifta er presisert på følgjande punkt: o Formålsparagrafen er endra frå «å få ned omfanget av ulovleg køyring» til «minimere omfanget av ulovleg køyring» ( 1) o Ny paragraf om ansvar og roller ( 2) o Setning om at forskrifta gjeld for utmark er teke ut ( 3) o Talet på turistløyve er sett ned frå 10 til 5 ( 4-3) o Det blir ikkje opna for turistløyve på trasé 10, Haukeliheie ( 4-3) o Løype 1 over Møsvatn kan stengast om våren etter innspel frå Møsstrond grunneigarlag ( 5) o Krav til full stopp ved kryssing av veg ( 7) o Reduserte fartsgrenser ved nærleik til skisport ( 7) o Ny paragraf om sanksjonsmoglegheiter ( 8) o Presisert at løypa stoppar på Trolldalsdammen ( 9 løype 6) o Presisert at fartsgrensa på løype 9 skal vera 40 km/t ( 9 løype 9) o Krav til «rasting forbode» ved kulturminne ( 9, løype 1 og 2) o Presisert at drift og vedlikehald skal avklarast i ei eiga avtale mellom kommunen og snøskuterklubbane ( 10) - Kartet er endra på følgjande måtar: o Løypa vil ikkje gå over Songa, men stoppe på Trolldalsdammen av omsyn til Nasjonalt leveområde for villrein (løype 6). o Mellom Vierli og Møsvatn er løypa justert for å gå klar av eit kulturminne og halde avstand til hytter (løype 1). o På Kromvik brygge vil løypa gå inn på isen på austsida, og ikkje på vestsida av bryggja, i hovudsak av omsyn til kulturminne (løype 3). o I norenden av Rorgevatn er løypa justert av omsyn til innbyggjar (løype 5). o På gnr. 113/7 er kryssinga av fylkesvegen flutt lenger sør av omsyn til trafikktryggleik (løype 5). o I Gravdalen er løypa justert for å koma utom skredfarleg terreng (løype 7). o I Edland er løypa justert for å samsvare med dagens trasé og koma utom skredfarleg terreng (løype 7). HØYRING OG INNKOMNE FORSLAG Det har kome inn skriftlege høyringsinnspel frå totalt 35 avsendarar. 4 av desse er frå offentlege etatar, 4 fråsegner kom frå interesseorganisasjonar og resten har private avsendarar. Alle innspela er lagt ved i sin heilskap. Det er også lagt ved eit dokument som oppsummerer innspela med kommentar. Grovt oppsummert gjeng innspela ut på: - Ansvarsfordeling og roller knytt til forskrifta - Merknader til at løypa gjeng over Songa til Fjarefit. Fylkesmannen varslar klage dersom traseen over Songa ikkje blir teke ut. - Merknader på trafikksikring. Statens Vegvesen varslar at dei vil klage dersom dei ikkje blei betre involvert. Statens Vegvesen er blitt involvert og me har teke inn krava deira i saka. - Merknader til kulturminne. Fylkeskommunen varslar at dei set krav om dispensasjonssøknad dersom traseane kryssar kjende kulturminne. - Merknader til køyretid og fartsgrenser

3 - Merknader til sikkerheit i forhold til skred og is - Merknader til turistløyve på enkelte trasear - Godgjering for bruk av næringsløyve over eigedomar - Etterspurt tydlegare sanksjonsmoglegheiter - Talet på løyve (det har kome innspel både om fleire og færre løyve) - Justeringar av løypetrasé i nærleik av hytter og bustader - Tilhøvet til EØS-regelverket - Tilkomstløyper og parkeringsplassar OM PROSESSEN I denne saka skal plan- miljøutvalet innstille til kommunestyret. Kommunestyret kan ikkje gjera vedtak i saka før alle grunneigarane har godkjent at løypenettet gjeng over deira eigedom. Saka kjem derfor først opp i kommunestyret når alle grunneigaravtalene er avklarte. Det kan i løpet av denne prosessen framleis bli gjort små justeringar i løypene. Vurdering: VURDERING AV JUSTERINGANE 1 Føremål er endra frå «for å få ned omfanget av ulovleg køyring» til «for å minimere omfanget av ulovleg køyring». Dette er gjort etter innspel, og er ei meir presis formulering. Prinsippet bak føremålet er ikkje endra. 2 Ansvar og roller er teke inn for å gjera rollefordelinga tydelegare. Forskrifta presiserer at kommunen har det overordna ansvaret, medan skuterklubbane kan drifte løypene. Etter ønskje frå grunneigarar er det presisert at grunneigarane ikkje har ansvar for ulykker som skjer i løypene på sin eigedom. Køyring i utmark er aldri sikkert, både snø- og isforhold endrar seg fortare enn ein kan overvake. Derfor er det presisert at snøskutersjåførane har ansvar for sin eigen tryggleik. 3 Virkeområde er ikkje vesentleg endra. Setninga om at forskrifta gjeld for utmark er teke ut, fordi ho er vurdert til å vera overflødig. Dette omsynet er godt nok heimla i motorferdselslova. 4 Løyve til køyring i løypenettet er gjort enkelte endringar. Det kjem tydelegare fram at prisen blir teke inn i kommunens gebyrregulativ for kvart år. Dette vil tidlegast skje for Pris for køyreløyve for 2016 blir drøfta seinare i denne saka. Turistløyve: Fleire har vendt seg til kommunen og stilt spørsmål ved turistløyve. Det er vurdert at turistløyve til 10 bedrifter truleg er høgare enn etterspurnaden, og kan føre til forholdsvis stor trafikk på enkelttrasear. Talet på turistløyve er derfor justert ned til 5 turistløyve i sesongen. Kvar bedrift med turistløyve har høve til å ha med seg 10 snøskuterar på tur om gongen. Det siste er uendra frå høyringsforslaget. Haukeliheie er teke ut som trasé for turistløyve etter ønskje frå grunneigarar. Forskrifta opnar derfor no for turistløyve langs trasé 1 Vierli Mogen, 2 Raulandsgrend Kråmviki og 6 Songakrysset Trolldalsdammen. 5 Køyretider er i lite grad endra etter høyringsutkastet. Det kom ein del høyringsinnspel på køyretidspunktet, men det er innstilt at køyretidene blir mellom kl og Dette gjer det mogleg for fleire busette på Rauland å bruke løypenettet til å vitje seg på Møsstrond, utan å måtte ta snøskuteren på hengaren. Køyretidene er drøfta i møte med politiet og SNO.

4 Dei melder at det er fornuftig at løypene ikkje er opne ei periode om natta av omsyn til kontrollar. Dei har ingen innvendingar mot tidspunkta i forskrifta. Det er sett inn eit nytt avsnitt om at Løype 1 mellom Varland og Mogen kan stengast for fritidskøyring når føret gjer at slepene blir øydelagde. Dette er teke inn av omsyn til busette på Møsstrond, og er avklart med skuterklubbane. Møsstrond grunneigarlag må be kommunen om å stenge løypene. 6 Løypebreidde er det ikkje gjort endringar etter høyringsrunden. 7 Fartsgrenser. Høyringsforslaget var upresist i forhold til fartsgrenser knytt til kryssing av veg. Det er derfor teke inn eit krav om full stopp før kryssing av veg. Nærleik til skispor er sett ned frå 50 til 40 km/t. 8 Sanksjonar for brot på forskrifta blei etterlyst i fleire fråsegner. Sanksjonane i denne forskrifta vil vera dei same som annan motorisert ferdsel i utmark. Paragrafen viser derfor til sanksjonsparagrafane i motorferdselslova, som gjev politiet og SNO høve til å handheve regelverket og drive kontrollar. Dersom til dømes enkelte løyper stadig blir nytta som utgangspunkt for ulovleg køyring så har kommunen likevel høve til å stenge dei aktuelle traseane. 9 Enkeltløyper i løypenettet Løype 1 Vierli Mogen: Krav til merking «rasting forbode» der løypa gjeng i nærleiken av eit kulturminne. Løype 2 Raulandsgrend Kråmviki: Krav til merking «rasting forbode» der løypa gjeng i nærleiken av to kulturminnelokalitetar. Løype 6 Songakrysset Trolldalsdammen presiserer no at løypa stoppar på Trolldalsdammen, og ikkje gjeng heilt inn til Fjarefit. Løype 7 Edland Gravdalen - Raulandsgrend presiserer at det skal tydeleg merkast kvar isfiskeplassen er, og kvar løypa stoppar. Det er farleg is i området nærare land. Løype 9 Bøgrend Hyllandshylen har fått justert fartsgrense frå 50 til 40 km/t. Dette er i samsvar med 7 om fartsgrenser. PRIS PÅ LØYVA FOR 2016 Forskrifta seier at prisen på løyva skal fastsettast i kommunens gebyrregulativ. Dette er vedteke for 2016, slik at for i år må det eit eige politisk vedtak til for å fastsette prisen. Løyva for køyring i det tidlegare raude løypenettet kosta 400 kroner. Denne prisen har vore den same frå oppstarten i Grane, Hemnes og Åsnes kommunar har allereie vedteke ei snøskuterløypeforskrift. I desse kommunane ligg prisen på døgnløyve frå 100 til 200 kroner. Prisen på årsløyve ligg på 700 til 875 kroner. Det vil vera fornuftig å sette opp prisen på løypenettet av fleire grunnar. For det første vil kostnadene ved oppretting av løypene, drift og vedlikehald av løypenettet auke. Delar av

5 inntekta frå salet av løyve gjeng til skuterklubbane, som vil måtte gjera for fleire investeringar for å ha eit velfungerande løypenett. For det andre er ikkje prisen justert på over 10 år, og vil vera meir i tråd med den generelle prisauken i samfunnet. For det tredje er det eit poeng å leggje seg på omtrent same nivå som andre kommunar. Derfor blir det foreslått å sette desse prisane for 2016: Årsløyve: 850,- kr. Døgnløyve 200,- kr. AVTALER MED GRUNNEIGARANE Grunneigarane har fått tilsendt ei avtale der dei godkjenner at snøskuterløypa gjeng over deira eigedom. Avtala har ei tidsramme i første omgang på 2 år, og blir vidare automatisk fornya i 4 om gongen. Ein kan seie opp avtala mellom disse tidene dersom grunneigaren ønskjer å nytte eigedomen til andre aktivitetar, som ikkje kan kombinerast med snøskuterløyper. Fleire grunneigarar har gått med på avtalene under tvil. Hovudgrunnen til at dei fleste tvilar er fordi forskrifta ikkje hindrar folk frå andre kommunar å køyre i løypene. Det er derfor viktig at det blir gjort ei grundig evaluering av løypenettet etter to år, der både grunneigarar og andre interesseaktørar før høve til å uttale seg. AVTALE MED SKUTERKLUBBANE Vinje kommune skal inngå skriftleg avtale med skuterklubbane i Vinje. Denne avtala må ta føre seg alle praktiske tilhøve mellom kommunen og klubbane som: - Preparering og stikking av trasear - Skilting - Kontrollar av is og snøforhold - Vedlikehald - Opprydding - Varsling til medlemmar ATTERHALD FØR ENDELEG VEDTAK Kommunen kan ikkje gjera vedtak i saka før alle grunneigarane har samtykka, stend det i motorferdselslova. Saka vil derfor koma opp i kommunestyret først når grunneigaravtalene er avklart med alle grunneigarar. Det er ikkje sikkert når dette blir. Det kan framleis bli gjort små endringar i traseane etterkvart som grunneigarane godkjenner. Dersom me vurderer at desse endringane ikkje har vesentlege konsekvensar for enkeltinteresser, vil endringane ikkje bli lagt fram for planutvalet, men bli handsama direkte i kommunestyret. Når alle grunneigarar har godkjent løypenettet, og kommunestyret har vedteke forskrifta, skal ho kunngjerast og varslast. Alle partar med klagerett (personar som blir direkte råka av forskrifta eller etatar og organisasjonar som følgjer opp enkeltinteresser) kan klage til kommunen innan 3 veker frå kunngjeringsdatoen. Forskrifta kan iverksettast sjølv om klagefristen ikkje er ute, men ei klage kan føre til oppsettande verknad. Det vil seie at løypenettet ikkje kan opne før klagehandsaminga er avslutta.

6 Rådmannens framlegg til vedtak: Forskrift for løypenett for fritidskøyring med snøskuter skal bli lagt fram for kommunestyret når alle grunneigarane langs løypenettet har samtykka. Dette blir gjort i medhald av motorferdselslova 4a og forvaltingslova 37. Plan- og miljøutvalet innstiller på at løyva for året 2016 blir prissett til kr. 800,- for årsløyve og kr. 200,- for dagsløyve. Plan- og miljøutvalet innstiller på at avtala med grunneigarane blir vedteke slik ho ligg føre. Rådmannen, Jan Myrekrok, rådmann /s/