Utval Møtedato Utval Saksnr Plan- og miljøutvalet

Transkript

1 Vinje kommune Økonomi, plan og utvikling Arkiv saknr: 2013/2866 Løpenr.: 13373/2016 Arkivkode: K01 Utval Møtedato Utval Saksnr Plan- og miljøutvalet Sakshandsamar: Signe Vinje Oppstart med endring av motorferdselsplanen Vedlegg: 1 Kart: Motorferdselsplanen og hytter over 2 km frå veg Dokument i saka: Motorferdsellova Forskrift for bruk av motorkjøretøy i utmark og på islagte vassdrag Forskrift for løypenett for fritidskøyring med snøskuter, Vinje kommune Forskrift om motorferdsel i Hardangervidda nasjonalpark Forskrift om bruk av vannscooter og lignende Bakgrunn: OPPSUMMERING AV SAKA Motorferdselsplanen er utdatert. Det er eit behov for å få eit betre samsvar mellom korleis me handsamar tildelingane av løyve til motorferdsel i utmark, lovverk og kommunens retningsliner. I denne saka skal plan- og miljøutvalet ta stilling til korleis prosessen skal leggjast opp, og kva omsyn som skal vurderast. Forholdet mellom hytteløyve og leigekøyring må avklarast i retningslinene. Rådmannen foreslår at motorferdselsplanen blir oppheva og erstatta av retningsliner for tildeling av løyve til motorferdsel i utmark. Prosessen må likevel sikre medverknad frå relevante aktørar, som snøskuterklubbar, aktørar som driv med leigekøyring, relevante hyttevelforeiningar, politi, SNO og fylkesmannen. TEMA I RETNINGSLINENE Kommunen kan gje løyve til ulik type motorferdsel i utmark. Det gjeld i hovudsak: - Løyve til hytter som ligg meir enn 2,5 km frå brøytt veg (hytteløyve) - Løyve til å utføre leigekøyring som næring (transportløyve)

2 - Løyve til utmarksnæring for fastbuande - Løyve for transport av materiell og utstyr for utmarksnæring - Løyve til funksjonshemma - Løyve til gruppeturar for eldre eller funksjonshemma - Løyve til transport av ved - Løyve til utkøyring og tilsyn med jervbåsar - Dispensasjonar til å bruke motorkøyretøy på snø og barmark - Dispensasjon til å bruke motorfartøy (båt og luftfartøy) I tillegg gjev kommunal forskrift for løypenett for fritidskøyring med snøskuter høve til å selje døgnløyve, årsløyve og turistløyve. Forskrift for bruk av motorkjøretøy i utmark og vassdrag (frå no av kalla forskrifta) set vilkår til desse løyva. Nedanfor blir nokre av dei omtalt. Kommunen kan i retningslinene sette fleire krav om kva innhald søknadene skal ha, og kva vilkår kommunen skal sette for at løyve kan bli gitt. Kommunen kan opne for helikopterlandingsplassar og bruk av motorbåt på vatn som er mindre enn 2 kvadratkilometer, men dette må skje gjennom i ei eiga forskrift. Tilhøvet mellom transportløyve og hytteløyve Forskrifta opnar for at kommunen kan gje både transportløyve og hytteløyve, men hytteløyve skal nyttast når «det i området ikke er mulighet for leiekjøring». ( 5, bokstav c) Løyve til leigekøyring skal i følgje forskrifta ( 5, bokstav a) bli gitt til «fastboende som i ervervsmessig øyemed vil påta seg: Transport mellom bilveg og hytte, tilsyn med privat hytte etter eierens oppdrag, transport for massemedia på reportasjeoppdrag, transport av funksjonshemmede, transport av ved, transport etter dispensasjon». Kommunens motorferdselsplan frå 2003 har ei soneinndeling som skil mellom leigekøyring, køyring til hytter og forbodssone. Sjå vedlegg. Inndelinga i område for leigekøyring og køyring til hytter blir ikkje praktisert. Praksisen i Vinje har vore relativt liberal praksis med tildeling av hytteløyve og transportløyve. Alle som eig ei hytte meir enn 2,5 km frå brøyta veg får ved søknad løyve til å køyre til og frå hytta. Dei som har hytte i forbodssona (høgfjellet) får 4 turar i året. Dei siste åra har det vore løyvd rundt 450 hytteløyve i Vinje. Også alle som søker får transportløyve. Vinteren 2015/2016 blei det delt ut 35 transportløyve i heile kommunen. Vilkåret for å få transportløyve er at løyvehavaren må vera tilgjengeleg for å ta på seg transportoppdrag og han/ho må rapportere omfanget av oppdraga til kommunen når sesongen er over. Dersom det ikkje blir rapportert, vil ein ikkje få nytt løyve. Kor tilgjengeleg løyvehavaren er, blir ikkje følgt opp. Rapportane frå leigekøyringane dei siste to åra viser at kvar løyvehavar har 19 turar i snitt. Tala varierer frå rundt 50 turar på det meste, til 0 turar på det minste. I gruppa turar finn ein flest løyvehavarar Løyve til funksjonshemma

3 I følgje forskrifta kan kommunen gje løyve til funksjonshemma, men det må vera eit reelt behov og ei varig funksjonshemming. I Vinje har det vore sett krav om legeattest for å dokumentere behovet på løyve, men det er ofte vanskeleg for sakshandsamarane å vite om ein attest inneber varig funksjonshemming eller ikkje. Vilkår ved dispensasjonar Retningslinene kan presisere kva vilkår som skal vera tilstades for at kommunen skal gje dispensasjon til annan type motorferdsel. Motorferdsellova set krav om at dispensasjonar til på land (barmark eller snø) ikkje skal vera knytt til turkøyring og føremålet med transporten må ikkje kunne løysast på anna vis. Dispensasjonar til båtar, helikopter og andre motorfartøy kan bli gitt administrativt. Dispensasjnar til motorkøyretøy på snø og barmark må bli gitt i politiske utval. Båtbruk og vasskuter Motorferdselslova seier at det er lov å ferdast med motorbåt på innsjøar som er 2 kvadratkilometer eller større, eller på mindre vatn som er del av eit større vassdrag. Kommunen kan gjera strengare reglar. Vasskuter blir regulert etter forskrift om bruk av vannscooter og lignende. Denne forskrifta opnar for bruk av vasskuter som annan båtbruk, men det er heller ikkje lov å køyre vasskuter nærare enn 500 meter frå land eller verneområde i innsjøar og vassdrag. Det er ikkje lov å køyre vasskuter i verneområde. Dette betyr i praksis at det berre er lov å bruke vasskuter på Songa, Møsvatn og austenden av Totak.

4 Vurdering: Retningslinje eller motorferdselsplan Motorferdselsplanen frå 2003 må fornyast, både fordi forsøksordninga for løypenettet er over og fordi planen ikkje samsvarer verken med praksis eller lovverk. I tillegg har sakshandsamarane behov for tydelegare føringar for tildeling av løyve. Kommunen kan lage ein ny kommunedelplan for motorferdsel, eller retningsliner for tildeling av løyve. Begge delar har sine fordelar og ulemper, og forsøkt oppsummert i skjemaet nedanfor: Retningsliner Kommunedelplan Oppstart Vedtak i planutvalet. Vedtak i planutvalet. Planprogram, på høyring i 6 veker. Vedtak av planprogrammet i PLM 31. august Arbeid med innhald Desse partane må involverast: Leigekøyrarar, snøskuterklubbane, hyttevelforeiningar som ligg meir enn 2,5 km frå brøytt veg og som me har kontaktinformasjonen til, sentrale grunneigarlag som me har kontaktinformasjonen til, politi/sno og fylkesmannen Høyring Mindre høyring, me kan velje høyringsfrist Høyring i 6 veker, saka blir tidlegast lagt ut på høyring i oktober. Vedtak Vedtak tidlegast i oktober 2016 Vedtak tidlegast i desember 2016 Argument for - Behovet er å tilpasse det eksisterande motorferdselregelverket til lokale behov. Derfor held det med retningsliner - Ein full planprosess vil ikkje nødvendigvis sikre ein betre prosess, så lenge medverknaden blir sikra - Ein plan gjev tydlegare føringar enn retningsliner - Avklaringane mellom hytteløyve og transportløyve vil bli omstridt, og kan ha behov for ein tydeleg prosess etter plan- og bygningslova Sidan rammene for motorferdsel i utmark i hovudsak er presisert i motorferdselslova og tilhøyrande forskrifter, bør det vera nok å lage retningsliner for handsaming av søknader. I desse retningslinene kan ein også ta inn retningsliner knytt til køyreløyve i forskrift for snøskuterløyper for fritidskøyring. Dette vil føre til at prosessen ikkje blir lagt opp etter planog bygningslova. Det må likevel leggjast til grunn at partar og interesser får høve til å bli høyrt og at saka blir tilstrekkeleg opplyst. Oppsummering: Rådmannen innstiller på at motorferdselsplanen blir oppheva og erstatta med retningsliner for handsaming av køyreløyve i utmark. Prosessen må sikre at relevante aktørar blir høyrt i saka. Planen eller retningslina må avklare tilhøvet mellom leigekøyring og hytteløyve I Vinje er det 600 hytter som ligg meir enn 2 km i luftline frå brøyta veg, sjå vedlegg. Dei siste åra er det løyvd omlag 450 køyreløyve til hytter. I følgje forskrifta skal hytteløyvet berre bli nytta til å transportere varer frå vegen til hytta. Passasjerar kan berre få sitte på dersom det er plass. Når snøskuteren likevel er tilgjengeleg, er det fort gjort å bruke snøskuteren til andre føremål, som å ta eit tur tilbake på butikken, køyre på besøk til andre hytter eller

5 bruke snøskuteren til å koma seg inn meir attraktivt turterreng. Fleire hytteløyve vil derfor også kunne føre til meir snøskuterkøyring i utmark. Når fleire hytteeigarar køyrer til og frå hytta, fører det til at etterspurnaden etter transportoppdrag gjeng ned. Fleire hytteløyve vil derfor kunne føre til færre oppdrag til dei som ønskjer å satse på leigekøyring som ei hovud- eller tilleggsnæring. Samstundes kan ein ikkje rekne med at leigekøyring løyser alle transportbehov, all den tid det er ca. 600 hytter utanfor 2 km luftline frå brøytt veg og 35 personar som har transportløyve. Derfor bør retningslinene ha løysingar som både sikrar at folk kjem seg på hytta, og samstundes ikkje er i strid med lova eller til hinder for leigekøyring. Den eksisterande praksisen har ført til ei forventing blant hytteeigarar om at det skal vera mogleg å få løyve til å køyre snøskuter inn til hytta si. Innstrammingar i løyva vil derfor for enkelte kunne opplevast som ei avgrensing i bruken av hytta. For både å sikre mest mogleg lovleg køyring må retningslinene avklare korleis kommunen kan få rutinar for handsaming av søknader som både stettar lovkravet, og samstundes er tilpassa lokale behov og tilhøve. Moglege løysingar kan vera å: 1. Avklare soner som viser kvar transporten skal løysast med leigekøyring og kvar det transporten kan bli løyst med hytteløyve. 2. Avgrense talet på hytteløyve for heile kommunen, der resten at transportbehovet skal løysast med leigekøyring. Den vidare prosessen må kome fram til kva løysing som er mest tenleg. Det kan vera versjon av ein av løysingane ovanfor, eller ingen av dei. Den vidare prosessen må også avklare om forbodssona (4 turar i året) i høgfjellet skal halde fram, og eventuelt kvar den skal gå. Oppsummering: Avklaring av tilhøvet mellom leigekøyring og hytteløyve blir eit hovudtema i prosessen. Andre vilkår for løyve Det er behov for å avklare kva andre vilkår som skal gjelde for å få løyve. Det gjeld både kva informasjon som skal opplysast i søknader, og kva informasjon som skal stå i løyvet. Ulike løyve har behov for ulike opplysningar. Det kan til dømes vera: - Målpunkt for transporten - Når løyvet gjeld (dagar, månader eller år, eventuelt tidspunkt) - Innafor kvart område løyvet gjeld, og eventuelt kva trasé - Kva informasjon som må ligge til grunn for at kommunen skal kunne vurdere søknader om løyve for funksjonshemma eller transport knytt til næring - Kva informasjon som må koma fram for at kommunen skal kunne handtere dispensasjonssøknader. Oppsummering Retningslinene eller planen skal avklare kva vilkår kommunen kan sette i samband med handtering av køyreløyve.

6 Faste landingsplassar for helikopter utanfor Hardangervidda Utanfor Hardangervidda kan kommunen opne for faste landingsplassar for helikopter, men dette skal avklarast i forskrift. Det er derfor behov for ein eigen prosess. Innanfor nasjonalparken er det Tilsynsutvalet for Hardangervidda som handsamar køyreløyve. I dag er det berre ein stad som er aktuell å nytte som fast landingsplass, og det er ved Songadammen. Sidan dette inneber høgst ein søknad i året, vil det ikkje svare seg å lage ei eiga forskrift. Oppsummering: Det blir ikkje sett i gong arbeid med forskrift om faste helikopterlandingsplassar utanfor Hardangervidda nasjonalpark. Spørsmålet må avklarast gjennom dispensasjonshandsaming. Vasskuter og båtbruk Etablering av eigne reglar for båtbruk virkar ikkje naudsynt. Sidan det berre er mogleg å køyre vasskuter lovleg på delar av Totak, Songa og Møsvatn, og sidan denne typen vasskuterkøyring ikkje er eit kjent problem, blir det ikkje tilrådt å lage eigne rutinar eller reglar for dette. Rådmannens framlegg til vedtak: 1. Retningsliner for motorferdselsløyve vil erstatte Motorferdselsplanen frå Retningslinene skal avklare kva vilkår kommunen kan sette i samband med handsaming av søknader om køyreløyve, og avklare tilhøvet mellom transportløyve og hytteløyve. 3. I prosessen skal desse interessene involverast: Snøskuterklubbar, hyttevelforeningar som me har kontaktinformasjonen til, personar med transportløyve, politi, SNO og fylkesmannen. 4. Det blir ikkje sett i gong arbeid med forskrift om faste helikopterlandingsplassar utanfor Hardangervidda nasjonalpark Rådmannen, Jan Myrekrok, rådmann /s/