Utval Møtedato Utval Saksnr Plan- og miljøutvalet. Endring av forskrift for løypenett for snoskuter - om utviding av raudt løypenett

Transkript

1 Vinje kommune Næringskontoret Arkiv saknr: 2018/1835 Løpenr.: 11036/2019 Arkivkode: K01 Utval Møtedato Utval Saksnr Plan- og miljøutvalet Sakshandsamar: Kjell Christenson Endring av forskrift for løypenett for snoskuter - om utviding av raudt løypenett Vedlegg: 1 Forskrift for løypenett for fritidskøyring med snøskuter 2 Løypenett for fritidskjøring med snøskuter, Vinje kommune 3 Øyfjell løype 2 4 Øyfjell tilleggsdokument-(003) (2) 5 Tilfartsløyper i Vinje, Øyfjell 6 Snoskoterloyeper merknad Vidar Olsen 7 Snøskuterløyper for allmenn ferdsel - Bøgrend - Våmartveit, m.m. 8 Løypenett for fritidskjøring med snøskuter, Vinje kommune - Høyringsuttale 9 Løypenett for fritidskjøring med snøskuter, Vinje kommune - Høyringsuttale /23 - Snøskuterløypenett 11 Innspill Plan og Miljøutval.docx (kopi).docx 12 Innspill Plan og Miljøutval.docx (kopi) 13 Uttale til endring av forskrift for løypenett for fritidskøyring med snøskuter i Vinje kommune 14 Uttale til endring av forskrift for løypenett for fritidskøyring med snøskuter i Vinje kommune 15 Grunneigaravtale Hvam invest as 16 Skuterløype Rauland Dokument i saka: - Forskrift for løypenett for fritidskøyring med snøskuter i Vinje kommune av Fylkesdelplan for Hardangervidda

2 Bakgrunn: Forskrift for løypenett for fritidskøyring med snøskuter i Vinje kommune blei vedteke av Vinje kommunestyre , sak PS 15/2016. Forskrifta set føringar for utforming og bruk av raudt løypenett, og opnar for 10 løyper med ei samla lengde på ca 120 km. Det har lenge vore eit ynskje frå skuterklubbane, og andre brukarar av løypenettet, å utvide med fleire nye trasear. I den samanheng er det no gjennomført ei evaluering av løypenettet etter sesongen 17/18. Det vart halde eit evalueringsmøte i mai 2018, der skuterklubbane, Politiet og SNO var invitert til å drøfte erfaringar og ynskjer etter førre sesong med representantar frå kommunen. Gjeldande forskrift set føringar for utforming og bruk av raudt løypenett, og opnar for 10 løyper med ei samla lengde på ca 120 km. Plan- og miljøutvalet og miljøutvalet handsama forslaga om nye løyper og tilfartsløyper i møte , sak PS 143/2018. Føljande løyper blei vedtek lagt til forskrifta: 1. Bøgrend Våmartveitvegen: fartsgrensa skal vere 40 km/t, og det må skiltast med vikeplikt ved kryssing av veg. 2. Straume Drivarbekkdalen: Tjukkleik på is må kontrollerast på alle vatn langs traseen før løypa kan opnast for sesongen, og ved regelmessige intervall i løpet av sesongen. Fartsgrensa skal vere 40 km/t. Det er ikkje lov med rasting langs traseen. Løypa skal stengast 1. april av omsyn til fugleliv i området. 3. Ny løype mellom Kostveit og Våmartveitvegen blir lagt til under føresetnad at alle grunneigarane er einige. 4. Tilfartsløypa mellom Våmartveit og løype mellom Kostveit-Våmartveitvegen under føresetnad at grunneigarar er positive. 5. Tilfartsløyper frå Vesås og Bøgrend til Våmartveitvegen under føresetnad at grunneigarar er positive. 6. Tilfartsløype frå Stokkeli og ned mot Teigland, Ormetveit og Brekke under føresetnad at grunneigarar er positive. 7. Ettersendt løypetrasé over løype mellom Kjerstaul og Øyfjell sentrum blir teke inn, med atterhald om at vurderingane av naturmangfald gjev klarsignal til traseen. 8. Løype frå Arabygdi og ut til eksisterande løype mellom Araodden og Moen under føresetnad at grunneigarar er positive. 9. Løyper mellom Skinnarland og Brattås under føresetnad at grunneigarar er positive. For alle tilfartsløyper i saksframstillinga skal fartsgrensa vere 40 km/t. Vurdering: Det er fleire faktorar som ligg til grunn for vurderinga av framlegg til nye løyper, men det viktigaste punktet i evalueringsprosessen er fokuset på tryggleik og omsyn til natur og miljø. Det er viktig å legge tryggleik til grunn for vurderinga av nye løyper, difor er det gjort grove vurderingar av skredfare og vurdering av terreng langs alle framlegga. Løyper som ikkje går

3 gjennom aktsemdsområde, men kan freiste til ulovleg køyring i skredfarleg terreng, er og noko ein bør i stor grad må prøve å unngå. Det er gjort vurderingar med tanke på kulturminne langs traseane utan at det er funne konfliktar. Når det gjeld kolgroper og andre kulturminne langs bakken, så er Fylkeskommunen positiv så lenge løypene vert lagd på berande snø (utan påverknad på terrenget under). Ein har difor ikkje gjort ytterlegare vurderingar her. Vurdering av naturmangfald er gjort langs dei løypene rådmannen tilrådde i 1. runde. Tilhøve som mellom anna nærleik til leverområde for villrein, nærleik til fuglevernområder mm er også vurdert. I tillegg har ein sett på korleis framlegga bidreg til løypenettet som ein heilskap. Detaljerte kart over traseane vert laga når løypene er vedteke og ein kan registrere heile lengda med gps. Innspel Forslag til endring av løypenetet har vore på høyring etter vedtak i plan- og miljøutvalet Det har kome ei rekke innspel og merknadar i samband med høyringa og dei vil bli kommentera og vurdera under. Harald Håkanrud, Invald Bjaaland, Karl Henrik Aartveit, Åsne Kostveit og Vesle Totak hyttelag har kome med merknad til løypa Kostveit Våmartveit. Av omsyn til fugle- og dyreliv samt skiløyper og grunneigars innspel er den er no teken ut av forslag til forskrift. Ein har vald å leggje om til ein ny trase langs Våmarvatnet- og alle grunneigarar her er positive til løypa. Tor Mølster Byggland, Tor ynskjer planlagt skuterløype over sin eigedom (119/9) velkommen, men ynskjer att den flyttast 30 meter Søraust, slik at den ikkje gjeng over jordet/innmark. Rådmann rår til at løypa ikkje bør gå over innmark/jorder der ein kan vika frå det, og rår difor til at å flytte løypa 30 meter Søraust. Peter Dybvad, Hvam Invest AS, Avtale om skuterløyper på hans eigedom. Han nemner under spesielle forhold at «Det er en forutsetning at hjemmelshaver og eier av eiendommen får inntil 4 stk. løyver tilhørende eiendommen, tilgang til øvrig løypenett i Vinje kommune.» Alle som stiller grunnen sin til disposisjon for raudt løypenett har fått tilgang til eit skuterløyve. For å sikre likehandsaming vil ein ikkje vike frå etablera praksis og forskrift. Rådmann rår til at grunneigar Hvam Invest, ved Peter Dybvad på lik linje med andre grunneigarar får eit løyve til skuterkøyring. Fylkesmannen i Telemark, ved Anders Mydland Fylkesmannen ser det som positivt at Vinje kommune legg vekt på omsyn til dyre- og fuglelivet i endringa av forskrifta og at tryggleik ligg til grunn for vurderinga av nye løyper. Fylkesmannen har ingen merknader til saka.

4 Møsstrond Snøskuterklubb, ved Marie Larsen Klubben gjer seg merke med at Plan- og miljøutvalet har forkasta forslaget om å opprette ei skuterløype frå Haug til Morenetaket i vedtak av Klubben er ikkje samd i vedtaket. Dei argumenterer med at fleire løyper er i område som vert freda for fugl, og at der ikkje er dårlege erfaringar med dette i nokon av dei. Dei meiner og at ein kan stengje løypa i god tid, og brukar både 1. april og 1. mai som eksemplar. Dei seiar vidare at fleire hyttefolk og ikkje minst bedrifter i området ville ha hatt god nytte av ei ny skuterløype her. Dei kjem og med alternative forslag til løypa som går frå Haug, «bort til oversiden av Varbø (utenfor fuglefredningsområdet), inn på eksisterende slepe som går Varland Hove, og videre følgje eksisterende slepe som går fra Hove til Morenetaket.» Skuterklubben ynskjer at utvalet handsamar saka om Haug Morenetaket på nytt. Dei ynskjer og at dersom dette ikkje skjer, at utvalet handsamar forslag til ny trase som går på utsida av fuglefredningsområdet. Kommunen har etter grundige vurderingar i nokre tilfelle opna for skuterløyper i fuglefredningsområder. Dette under føresetnad om tett oppfølging og stenging av løyper der det er behov dersom forholda tilseier det. I dei tilfelle har løypene vore viktig for å få eit velfungerande løypenett. Løypa frå Haug til Morenetaket er ei tilfartsløype som gagnar eit lite tal personar, og bidreg ikkje i stor nok grad positivt til utviklinga av løypenettet. Ein kan ikkje sjå at fordelane ved ei slik løype oppveg for dei ulempene det kan få for naturmangfald i området. Alternativ trase rett på utsida av det verna området er på same grunnlag heller ikkje aktuelt. Rådmannen vil difor ikkje gå inn for ny tilfartsløype her. Gøran Moen, Gøran ynskjer ein gjennomgang av løypenettet. Dette fordi det i vinter blei nytta både gamle og nye løyper og det vert spor og søppel «overalt». Han ynskjer minimalt med trafikk rundt sin bustad, og ser helst at snoskuterane held seg i eit spor. Han avsluttar med at me eventuelt bør sjå på å gjerda det inne med sperrebånd. Sperrebånd er på generelt grunnlag lite hensiktsmessig. Rådmann ser alvorlig på problematikken rundt søppel og andre utslepp frå desse fritidsaktivitetane og ynskjer at skuterklubbane og brukarane tek sterkare ansvar. Rådmann oppmodar og til at det vert arbeid mot skuterklubbane for å auke informasjonen med tanke på lovar og reglar rundt skuterkøyring. Det bør utarbeidast skriv som gjev enkel informasjon i det å vera ein miljøbevisst førar. Ta med søppel, omtanke til folk og dyr, respektere lova. Dette er ei sak kommunen vil ta med vidare i arbeid med skuterklubbane og andre aktuelle aktørar. Ulovlig køyring skal meldes til politiet. Vidar Olsen, Vidar Olsen fekk utvida frist for innspel. Vidar meiner at sakshandsaminga har vore særs mangelfull. Områda han påpeikar på er at konkrete løypeforslag ikkje vart teke med i oversendingsbrevet, mangel på konkret informasjon rundt støytiltak, ingen førespurnad av naboar eller grunneigarar det gjeld. Han meiner det ikkje føreligg lovheimlar til vedtaket, og peikar på «Lov om motorferdsel i utmark og vassdrag (Motorferdselslova) 2, 2. ledd, 1, a. 4, a. Han påpeikar og på dei negative ringverknadene dette får for dyre- og fuglelivet i området, og nemner spesifikt rådyr og elg som særs utsatt, og at dei vil merke nye skuterløyper på ein særs negativ måte. Han meiner kommunen ikkje har teke omsyn til dette i

5 sakshandsaminga. Vidar er ikkje nøgd med varsling av naboar, og påpeikar Grannelova 6-8 som lovheimel som krev dette. Vidare er han svært misnøgd med at det han følar er ein prioritering av eit behov som har negativ innverknad på miljø, går føre prioriteringar av miljønøytrale og helsefremmande behov som skigåing, turgåing etc. Han meiner og at skuterløyper er det nok av, og kan leggjas andre stadar enn nær bustader. Han brukar forslagsstiller si heimområde i Rauland som eksempel på eit område som er meir egna for dette. Det er og miljøomsyn han meiner kommunen ikkje tek på alvor, som støy, utslepp og problematikk rundt å ha tilførselsløype ved ein pub. Dette inneber at han er uroa for blanding av alkohol og køyring. Han er i mot alle føreslåtte trasear for fritidskøyring, og meiner at det er «klart uforenlig med den rekreasjonsbruk av utmarksområdet som grendefolket har behov for i sitt nærmiljø». Motorferdselloven er ivareteken i framlegget datert , kor tryggleik er det viktigaste. Alle løypene som vert handsama har ivareteke problemstillinga rundt støy. Det vert fartsgrense på 30 km/t i Bøgrend. Omsyn til storvilt og fugleområder er teken på alvor, og handsaminga av saka har gjort forandringar på, eller fjerna løyper som er i strid med desse. Rådmann meiner at omsyn til skiløyper er særs viktig, men meiner at desse vert ivaretekne i framlegget. Støy, sikkerheit (både ifht. ras, løype over vatn, og skiløyper) og omsyn til skiløyper vert utreda og ivaretekne i alle skuterløypene som vert foreslått. Statens Vegvesen, ved Dag Steinar Ragvin Vegvesenet informerer om at kommunen må søke om løyve til avkøyring frå offentleg veg alle stader der skuterløypar skal krysse fylkes- eller riksveg, og der dei startar eller avsluttar ved fylkes- eller riksveg. Det må ligge eit løyve til avkøyring før ny revidert forskrift kan vedtakas. Det er søkt Statens vegvesen om kryssing av RV 362 ved Songakrysset, Alpina i Raulandsgrend og Jordet på Haddeland. RV 37 ved Libru. RV 801 ved Stavatjønn, Rorgevatn og Straume. Roy Gunnar Bergland, Roy Gunnar er misnøgd med at prosessen tek lang tid. Han likar ikkje at saka har fått ny sakshandsamar fleire gonger, fordi for han kjennes det då ut som at saka startar på nytt. Han meiner løypene som var godkjente i formannskapet og som har grunneigars godkjenning på «klubbast» gjennom. Han seiar at løypa Øyfjellsløypa er av liten verd grunna mangel på tilfartsløyper. Roy Gunnar framlegg ei løysing til løype 5, Kjerstaul Øyfjell sentrum, etter ei negativ tilbakemelding frå grunneigar langs traseen. Denne løysinga inneber å teikna opp frå eksisterande løype ved Bannkvålen og mot Hakksteintjønn, før den fortsett rundt Listog og mot Skogstad og Øyfjell sentrum. Der er ingen aktsemdområder for snøskred eller ingen kulturminner å ta omsyn til meiner han, men det er ikkje gjort ei vurdering av naturmangfald. Det vil vera gjort før saka kjem opp i kommunestyret. Dette alternativet har alle grunneigarane som eig langs traseen gjeve munnleg samtykke til. Rådmann beklagar at prosessen tek tid. Kommunen må i alle sakar fylje dei lovar, reglar og prosessar so gjeld. Dette gjer at ein ikkje kan handsame og fatte vedtak i saker før alle sider er belyst, ein tek stilling til sårbarheit, sikkerheit, høyringsrunde(r) etc.

6 Vurdering av naturmangfald i framlegg til nye løyper og tilfartsløyper Det er gjort ei vurdering av naturmangfald knytt til 1 ny skuterløype. Det er og gjort ei vurdering av 5 tilfartsløyper for snøskuterkøyring. Løypene er delt inn i nummer, og ein tar for seg løype for løype når ein presenterer registreringar gjort, og vurderinga av dei. Samla vurderingar av ulike omsyn Jfr. Forskrift for bruk av motorkjøretøyer i utmark og på islagte vassdrag skal løypene ikkje leggjast i verneområde, føreslegne verneområde eller nasjonale villreinområde. Løypene skal ikkje vere til vesentleg skade eller ulempe for reindrift eller krevje terrenginngrep. Ved fastsetting av løypene skal kommunen ta særskilt omsyn til støy og andre ulemper for friluftslivet, samt omsyn til naturmangfald, bustad- og hytteområde, landskap, kulturminne og kulturmiljø og tryggleik for dei som køyrer og andre. Vurderingar knytt til bustad- og hytteområde, landskap, kulturminne og kulturmiljø og tryggleik er gjort i sjølve saksframlegget. Verneområde, føreslegne verneområde eller villreinområde Det er planlagd ei løype i villreinområde og i særs nærleik til RAMSAR område. Det er løype 1b. Dei andre løypene er ikkje planlagd i nærleik til verneområde, føreslegne verneområde eller nasjonalt villreinområde. 8 Kunnskapsgrunnlaget Kunnskapsgrunnlaget baserar seg på kjent kunnskap registrert i dei offentlege basane artsdatabanken, naturbase, rovbase, dyreposisjoner og Mis registrering i skog. Nedanfor vert kvart framlegg presentert med beskriving av trase, kart og vurderingar gjort av rådmannen. Grunneigarar er positive til ny forskrift. Løype 9 Hyllandshylen Våmartveit - Totak: Løype 9 vert forlenga langs Våmarvatn til Totak istadenfor til Kostveit. Bakgrunn er at ein ikkje kom til semje med grunneigar, og at det er eit område der det er mye jakt og dyreliv. Det er og ein del områdar innanfor den gamle løypa som var viktige for friluftsliv. Den nye traseen til løype 9 inneheld observasjonar av artar som er merka med LC, livskraftig. Det er registrert ein mengde kulturminner langs løype 9, i hovudsak i området rundt Lensmannstjønn, som vist i utsnittet under.

7 Utsnitt 2. Utsnitt av kartdata frå Naturbase som visar kulturminner i området rundt Lensmannstjønn. Utsnitt 3. Utsnitt av gammal skog.

8 Utsnitt 4. Utsnitt av gammal skog. Rød stripa linje. Det er og eit område merka som «gammal skog» innafor området ein ynskjer skuterløypa i. (Utsnitt 3 og 4). Dette er ein skog som er definert som 160 år eller eldre, og skal i vare takast. Gammal skog reknast for truga i Noreg. Den er og ein viktig miljøfaktor, spesielt for karbonbinding. Den definerast som viktig for det biologiske mangfaldet og er eit viktig habitat for artar som fuglar og pattedyr. Løype Straume -Drivarbekkdalen, løype nr. 5A, tilfartsløype til nr.5. Tjukkleik på is må kontrollerast på alle vatn langs traseen før løypa kan opnast for sesongen, og ved regelmessige intervall i løpet av sesongen. Fartsgrensa skal vere 40 km/t. Det er ikkje lov med rasting langs traseen. Løypa skal stengast 1. april av omsyn til fugleliv i området. Løypa vert lagt litt Søraust på gnr.119 bnr.9 i samråd med grunneigar. Løype Vesås - Våmartveitvegen, løype nr. 9C, tilfartsløype til løype nr.9 Hyllandshylen - Totak.

9 I eit 500 meters belte frå løypa er det gjort 2 observasjonar av gaupe. Den eine er gjort i 2015 og den andre i Det er ikkje gjort andre observasjonar av utrydningstrua arter i løypeområdet. Løype Bøgrend - Våmartveitvegen, løype nr. 9B, tilfartsløype til løype nr.9 Hyllandshylen - Totak. I eit 500 meters belte frå løypa er det gjort nylege registreringar av Gaupe og Taksvale. Gaupa er merka med EN, som betyr sterkt utrydningstrua. Observasjonen vert gjort i Taksvalen vert observert i 2012, på sørsida av E134. Den er merka som NT, nær utrydningstrua. Løype Teigland,Ormetveit,Brekke - Stokkli, løype nr. 9A, tilfartsløype til løype nr.9 Hyllandshylen - Totak. Det er ikkje gjort registreringar av betyding i eit 500 meters belte for løypene. Det er gjort registreringar aust for Brekke og sør for Ringhus.

10 Utsnitt 1. Kulturminner nord for Åmot. Løype Arabygdi - Araodden/Moen, løype nr. 8B, tilfartsløype til løype nr. 8 Songakrysset - Araodden/Moen. Løypa er planlagd på is. Det er usikker is i ifylje NVEs iskart. Løypa er på nordsida og erfaring seier det er på sørsida isen er usikker. Det er gjort registreringar av fiskemåke, gjøk og gulspurv i ein radius på 500 meter. Dei er alle registrert som NT- nær utrydningstrua. Det er ikkje gjort andre relevante funn i området. Det er og eit vann utløp i nærleiken av løypa, og isen kan til tider vere svakare på deler av løypa. Ein del av løype 7 er allereie på isen og skuterklubbane kontollmåler før dei opnar løypene og regelmessige intervall i løpet av sesongen

11 Løype Brattås - Skinnarland, løype nr. 1A, tilfartsløype til løype nr.1 Vierli -Haug. Ved løype 1a ligg det kulturminne langs heile traseen. Dette er ikkje etter vårt syn relevant, då løypa er planlagd over isen. Det vart registrert tre typar fuglar langsmed isen, alle tre er markert som NT, nær utrydningstrua. Desse fuglane er gauk, blåstrupe og fjellrype. Gauken kjem i fylgje Norsk Ornitologisk Foreining til Noreg rundt 1. Mai. Blåstrupen kan komme så tidleg som April. Fjellrypene er ofte monogame og hevder hekkeområder. Dei etablera hekkeområder i mai, og held seg ofte i dei same områda.

12 Utsnitt 5. Registrerte artar i området. Frå artsdatabanken. Løype Haug Morenetak, løype nr.1b. Møsstrond snoskuterklubb kjem med innspel på trase på oppsida av Varbø, inn på slepe til Varland Hove og vidare slepa til Morenetaket. Løypa legg seg på utsida av RAMSAR området, som er eit verna våtmarksområde som er særleg viktig for fuglar. Det er stor aktivitet av fugl i området. Dette visast til i utsnitt 6. Utsnitt 6. Utsnitt av artar i området.

13 Frå starten av løypa er det registreringar av ei rekkje fuglar. Gauk, blåstrupe, lirype, taksvale og etter kvart myrhauk. Det er og gjort registreringar av gulspurv, sivspurv og bergand. Den planlagde løypa går innafor eller nær inntil registreringane. Det er vanskeleg å sjå for seg ei løype i dette området som ikkje i vesentleg grad vil forstyrre fuglelivet. Det er og registrert ein omsynssone villrein i dette området. Det er kartlagd i utsnitt 7. Noreg forvaltar dei siste livskraftige bestandane av den ville fjellreinen i Europa. Dette gjer at me har et særleg internasjonalt ansvar for å varetaka villreinen. Vinje kommune har eit ansvar for villreinen på Hardangervidda, då deler av denne ligg i kommunen. Utsnitt 7. Villrein og RAMSAR område. 1 Vurdering: Løype 1b ligg særs tett på RAMSAR område, og vil gå igjennom omsynssone for villrein. Dette er eit trekkområde som går i frå nord og rett inn i RAMSAR. Det er ikkje mogleg å leggje løypa utanom begge desse. Rådmannen vurderer det slik at løypa er i for stor grad i konflikt med naturmangfaldet i området. Ein rår til å leggje løypa heilt sør, eller å fjerne løypa heilt. 9 Føre-var-prinsippet Det er gjort registreringar av gaupe og taksvale i løype 9. Gaupa er sterkt utrydningstrua og ein bør ta omsyn i forhold til å ikkje forstyrre denne arten meir enn naudsynt. Gaupa er ikkje nemnd i Miljødirektoratets notat om Naturmangfald og planlegging av snøskutertraseer. Taksvale står heller ikkje i notatet. På eit generelt grunnlag er det likevel ikkje unaturlig å tru at det finst fuglar i områda rundt skiløypene. Det er nesten ikkje mogleg å lage ei løype som ikkje vil ha effekt på fuglar og anna dyreliv. Dette gjer at ein uansett kva registreringar som vert gjort bør gjer tiltak som skånar dyrelivet i utmark uavhengig av data. Det kan ver avgjerande med lokal kunnskap for å ta mest mogleg omsyn langs løypa, ved å legge den på ei måte som forstyrrar minst mogleg. Ein ser at løypa går gjennom eit område som vert definert som «gammal skog». Dette er eit område ein ønsker å i vare teke fordi det vert definert som eit område med høg grad av naturmangfald, biomangfald og klassifiserast som karbonbindande. Dette betyr at gammal 1

14 skog binder opp karbon, som i atmosfæren er ein klimafiendtleg gass. Gammal skog er difor og eit miljøtiltak på global basis. Gammal skog er definert som trua. Ein ser ikkje spesielle art konfliktar i løype 9, og vurderer det slik at ein ikkje treng spesielle avbøtande tiltak i forhold til dyreliv og fugl. Fuglane registrert nær løype 9a er ikkje i eller i særs nærleik til løypa. Gauken er registrert rundt meter frå den planlagde løypa. Dei andre to registreringane er over 500 meter i frå. For å bøte på nærleiken kan ein flytte løypa noko lengre sør, slik at ein tar omsyn til fuglane på ein betre måte. Eit anna tiltak kan ver å sette ei avgrensing av tidsrom for når løypa er ope. Fuglane nær løype 8b er ikkje i, eller i særs nærleik til løypa. Ein bør sjå på moglegheita til å gjera nokon avbøtande tiltak som følge av båe fuglar, og utrygg is. Løype 9a: Fuglane registrert nær denne løypa er ikkje i eller i særs nærleik til løypa. Gauken er registrert rundt meter frå den planlagde løypa. Dei andre to registreringane er over 500 meter i frå. For å bøte på nærleiken kan ein flytte løypa noko lengre sør, slik at ein tar omsyn til fuglane på ein betre måte. Eit anna tiltak kan vera å setje ei avgrensing av tidsrom for når løypa er ope. Løype 1b: Det er gjort registreringar av sivspurv, vipe, blåstrupe, lirype, myrhauk, lappspurv, brushane, gulspurv, taksvale, bergand og gauk. Av desse er berre myrhauk og bergand representera i miljødirektoratets rettleiar «Naturmangfold og planlegging av snøskutertraseer». Myrhauken har ein omsynsradius på meter, og bergand har ein radius på 500 meter. I denne løypa vil båe desse fuglane, og ein rekkje andre fuglar ligge på løypa, eller i særs nærleik til løypa. Det er umogleg å ikkje forstyrre fuglane i dette området. Det ligg i utkanten av eit område som er markert som RAMSAR 2 område. Ein ønsker å ta stort omsyn til fuglar i dette området, og ein må gjera ein rekkje tiltak for å i vare teke desse artane dersom ein skal køyre skuter der. Moglege tiltak: - Bruk lokal kunnskap til å leggje løypane med fokus på omsyn til fugl- og dyreliv. - Avgrensing av tidsrom, gjerne køyrestopp 1. april. - Låg fartsgrense i områder. - Forbod mot all form for langvarig stopp (Rasting etc.) - Konstruera løypene så ein kan halde jamn fart gjennom løypa. I denne løypa har ein og eit særleg omsyn til villrein å ta i betraktning. Villreinsone strekk seg godt inn forbi den planlagde løypa på båe sider, som vist i utsnitt 7. Ein kan fint unngå villreinsona på vestsida, men på austsida går villreinsona over i RAMSAR området, så her må ein leggje løypa heilt om og gå på sørsida av båe villrein- og RAMSAR området. Om det ikkje lar seg gjere, så kan ein gjer tiltak som tar ein viss omsyn til villreinen. Det vil uansett ver forstyrrande for båe villrein og fuglar i området om ein legg skuterløypa slik den er planlagd 2 RAMSAR: Ramsar-områder i Norge omfatter 63 vernede våtmarksområder eller grupper av områder som er vernet i henhold til Ramsar-konvensjonen. Områdene som er valgt ut regnes som særlig viktige for fugler regionalt, nasjonalt og internasjonalt, og har derfor fått internasjonal beskyttelse. Ramsar-områdene i Norge er som hovedregel først gitt et nasjonalt vern som naturreservat, landskapsvernområde eller biotopvern (oftest fuglefredningsområde). - Wikipedia

15 10 Økosystemtilnærming og samla belastning Dei registreringane som vert gjort langs løype 9 gir ingen mogleg skade på naturmangfald eller dyreliv langs traseen som me kan sjå. Det er langs løype 9b og 9c gjort registreringar av Gaupe som er svært utrydningstrua, og taksvale som er nær utrydningstrua. Dette bør ein ta omsyn til båe i løypelegginga og ein bør vurdera avbøtande tiltak for å i vare teke arten. Det er ikkje gjort registreringar i nærleik til løype 9a. Me meiner likevel at den samla belastninga ikkje vill vere stor langs løypa som heilheit. Dei registreringane som vert gjort langs løype 1a gir ingen mogleg skade på naturmangfald eller dyreliv langs traseen som me kan sjå. Det er gjort registreringar av gauk, men ein kan ikkje sjå at det vil vere forstyrrande i stor grad. Ein kan vurdere å flytte løypa lengre ned, for å i enda større grad ta omsyn til gauken. Den samla belastinga vil ikkje vere stor langs løypa som heilheit. Registreringane gjort langs løype 8b gjer ingen mogleg skade på naturen, men kan ha negative effektar på fuglane som er registrert i område. Lik løype 1a kan denne òg flyttast lengre ned, for å unngå fuglane, med unntak av fiskemåka. Desse kjem att til hekkeområda i mars-april. Det er ikkje unaturleg å tru at dei ikkje har hekkeområde på isen, og vil difor ikkje bli sterkt påverka av skuterkøyring i området. Den samla belastinga vil ikkje vere stor langs løypa som heilheit. Registreringane gjort i løype 1b gir mogleg skade på naturmangfald, fugle- og dyreliv. Det er gjort ein rekke registreringar i området som nemnd tidligare. Dersom ein ønskjer ei løype gjennom dette området må ein gjera særs nøye vurderingar av båe tiltak for å skåne desse artane, og trekkmønster for villrein. Fuglelivet i RAMSAR området er ein internasjonal avtale om vern og må tas på alvor. Den samla belastinga vil ver stor langs løypa som heilheit. 11 Kostnadene ved miljøforringelse skal bæres av tiltakshaver Ikkje relevant. 12 Miljøforsvarlige teknikker og driftsmetoder Miljøforsvarlege teknikkar og driftsmetodar vil vere aktuelle i samband med drift av løypene, som ved skilting og merking, trakking osb. For å unngå eller avgrense skade på naturmangfaldet skal skilt, løypestikk osb. samlast inn ved sesongslutt. Forslag til revidera løypenummer/navn. Tilfartløyper får bokstav. Løype 1. Vierli Haug. Løype 1A Brattås - Skinnarland. Løype 2 Raulandsgrend - Kråmviki. Løype 3 Rauland - Ådalen - Kråmvikvegen. Løype 4 Raulandsgrend - Krossen. Løype 4A Kostveit - Haddeland Løype 5 Øyfjell - Krossen.

16 Løype 5A Straume - Drivarbekk. Løype 6 Songakrysset - Trolldalsdammen. Løype 7A Haddeland Våmartveit. Løype 7B Araodden/Moen - Våmartveit Løype 8 Songakrysset - Araodden/Moen. Løype 8A Edland - Kyrkjestøyl. Løype 8B Arabygde - Araodden/Moen. Løype 9 Hyllandshylen - Våmartveit - Totak. Løype 9A Teigland,Ormetveit,Brekke - Stokkli. Løype 9B Bøgrend - Våmartveitvegen. Løype 9C Vesås - Våmartveitvegen. Løype 10 Haukeliheie. Løype 1B Haug Morenetaket. Rådmann rår til å ikkje ta denne løypa inn i forskrifta, då det er omsynssone for villrein. Rådmannens framlegg til vedtak:

17 Forslag til endring av løypenettblir vedteke slik det kjem fram i vedlegg 1, med atterhald om Statens vegvesen godkjenner kryssing av vegar. Endringane blir lagt ut på høyring og offentleg ettersyn i samsvar med 37 i forvaltningslova. Rådmannen, Jan Myrekrok, rådmann /s/