Reguleringsplan for Maurbu

Transkript

1 Reguleringsplan for Maurbu del av gnr. 88 bnr 20 i Vinje kommune Fyresdal Næringshage 3870 Fyresdal Prosjekt Nr.:191 Dato:

2 REGULERINGSPLAN FOR MAUREBU, DEL AV GNR. 88 BNR. 20 I VINJE KOMMUNE 2 Tittel Forslag til reguleringsplan for Maurbu, del av gnr.88 bnr. 20 i Vinje kommune Prosjekt Nr. 191 Prosjektnamn Maurbu hyttefelt Sider 14 Prosjekttype Detaljplan - hytter Dato Prosjektansvarlig Kathrin Hinz Kvalitetskontroll: Dag Steinar Ragvin Kontaktperson oppdragsgivar Knut Olav Edland Ekstrakt Planen omfattar regulering av 5 tomter for fritidsbustadar med tilhøyrande veg og med låg sanitær standard i eksisterande hyttefelt ved Maurbu i Vinje kommune. Området er i gjeldande arealdel for Vinje kommune lagt ut til område for spreidd fritidsbusetnad (felt SH30 - Maurbu) med krav til detaljregulering. Innhald 1 Bakgrunn Føresetnader for planarbeidet Kartgrunnlag Overordna planar og retningsliner: Krav frå Vinje kommune Varsel av planarbeidet Planomtale Planens avgrensning Landskap og vegetasjon Eksisterande bygg Veg og trafikktilhøve Grunnforhold Vatn Naturverdiar, biologisk mangfald Kulturminne Friluftsliv Skogbruksinteresser Planløysingar, vurderingar Samanstilling av registreringar/analyse Hytteplassering og omfang Byggjeskikk Tilkomst, planlagde vegar og parkering Friluftsområde Omsynet til born og unge Vatn, renovasjon og straum Fareområde Risiko og sårbarheit Konsekvensar av planframlegget 15

3 REGULERINGSPLAN FOR MAUREBU, DEL AV GNR. 88 BNR. 20 I VINJE KOMMUNE 3 1 Bakgrunn Planområdet ligg sørvest vendt på austsida av Songavegen ved Maurbu, i vestre del av Vinje kommune. I kommuneplanen sin arealdel for Vinje, vedteke , er området lagt ut til LNF areal med høve til spreidd hyttebygging SH 30 Maurbu. Eigar av gnr 88, bnr 20 er Knut Olav Edland som og har vore kontaktperson for utarbeiding av detaljplanen. Målet med planarbeidet er å leggje til rette for utbygging av 5 nye tomter for fritidsbustader med låg sanitær standard innafor eksisterande hytteområde. Det er lagt opp til vegar fram til kvar tomt og ny vinterparkering. Parkering Bilete 1: Raud sirkel er området for reguleringsplan Maurbu.

4 REGULERINGSPLAN FOR MAUREBU, DEL AV GNR. 88 BNR. 20 I VINJE KOMMUNE 4 2 Føresetnader for planarbeidet 2.1. Kartgrunnlag Kartgrunnlag som er nytta for området er økonomisk kartverk og FKB data med 1 meter ekvidistanse. Feltarbeidet er utført med GPS/PDA for plassering av tomter og parkeringsareal. Ortofoto er nytta som grunnlag i planarbeidet, samt innsynstenestar/wms tenestar: Artsdatabanken ( Skog og Landskap ( Direktoratet for naturforvaltning ( Norges geologiske undersøkelse ( Skrednett, Berggrunn,..), Riksantikvaren ( NVE ( Plankartet er utarbeidd i digital form på SOSI- format. Flottjønn Lomstjønn Maurebu Bilete 2: Flyfoto over området (frå Overordna planar og retningsliner: Nasjonale St. meld. Nr. 26 ( ): Regjeringens miljøpolitikk og rikets miljøtilstand St. meld. Nr. 21 ( ): Hjarte for heile landet. Om distrikts- og regionalpolitikken Rettleiar T 1450: Planlegging av fritidsbebyggelse Andre aktuelle retningsliner

5 REGULERINGSPLAN FOR MAUREBU, DEL AV GNR. 88 BNR. 20 I VINJE KOMMUNE 5 Relevante planar Kommuneplan for Vinje kommune, vedtatt Bilete 3: Område O er planområde; Utsnitt, kommuneplanens arealdel 2.3. Krav frå Vinje kommune I tillegg til føresegner og retningsliner i kommuneplanen sin arealdel, har Vinje kommune utarbeidd eigne krav til private reguleringsframlegg. Desse er søkt ivareteke der dei er vurdert relevante for planarbeidet, samt lagt til grunn ved utforming av reguleringsføresegnene.

6 REGULERINGSPLAN FOR MAUREBU, DEL AV GNR. 88 BNR. 20 I VINJE KOMMUNE 6 3 Varsel av planarbeidet AT Plan har vore i dialog med Vinje kommune i førekant av arbeidet, og fekk klarsignal om oppstart av planarbeidet. Naboar, hytteeigar, Vinje kommune og regionale myndigheitar vart varsla , med frist for innsending av innspel Planarbeidet vart i tillegg kunngjort i Vest Telemark blad, TA, Varden og på heimesida til Vinje kommune. Det har kome inn fylgjande innspel til planarbeidet: Fylkesmannen i Telemark peikar på omsynet til naturmangfaldlova og at dette må synleggjerast i planen. Villreinens interesser er vurdert og avklart i Regionalplan for Hardangervidda, der område ligger i omsynssone stølsdaler og annen utmark. Dei gjer i tilegg eit fagleg råd om å vurdere samla belastning for villreinen og alternativ lokalisering, jmf 10 og 12 i naturmangfoldlova. Det er viktig at tomtene blir plassert slik at negativ landskapsverknad kan motverkast. Det må gjerast konkrete vurderingar av omsyn til nær- og fjernverknad. Dei minnar og om kravet om ROS analyse. Kommentar: Innspelet vert lagt til grunn i planarbeidet. Telemark fylkeskommune visar til kravet om kulturminneregistreringar. Elles visar dei til omsynet til fjernverknad og silhuett, og at terrenginngrep bør avgrensast til det som er strengt naudsynt for oppføring av bygg og tilhørande anlegg. Kommentar: Innspelet vert lagt til grunn i planarbeidet. Kulturminne registreringar vart føretatt oktober 2011, med funn av 6 kullgroper, som er tatt omsyn til i planen. Renovest IKS ber om at planen sikrar tilkomst til returpunkt eller andre naudsynte hentepunkt for renovasjon og septik-/slamtøming i vidaste forstand. Kommentar: Innspelet er teke til vitande. Rune Nilsen og Anne Ruth meiner busetinga må trekkast så langt vestover som mogleg med tanke på villrein og bever i Kaldbekken. Dei lurer og på utfordringar ved å tillate moglegheit for gråvannsanlegg. Dei etterlyser også meir ordna parkeringsforhold, evt kommunalt engasjement i høve dette.

7 REGULERINGSPLAN FOR MAUREBU, DEL AV GNR. 88 BNR. 20 I VINJE KOMMUNE 7 4 Planomtale 4.1. Planens avgrensning Planen samsvarar med område avsett i kommuneplanens arealdel. I vest er grensa lagt i bekken. Der bekken svingar austover er plangrensa dratt i rett linje austover ca 190 m før den dreier nordover. I aust er grensa lagt litt ned i lia mot Skardstøylhaugen, vidare nordover dreier grensa noe vestover vest for toppane. Den rundar dei eksisterande hyttane i nord og møter vegen inn i hyttefeltet. Vinterparkering er plassert langs Songavegen ved Venemodammen. Bilete 4: Planområde sett frå enden av dagens veg sør i området Landskap og vegetasjon Planområdet går inn under landskapsregion Dal- og fjellbygder i Telemark og Aust-Agder. Området er sørvestvendt og småkupert, med noken brattare parti i sør og under kraftlina som kryssar vestre halvdel av området. Det renn ein bekk i vestrekant av området, det stig mot Skardstøylhaugen og nokre andre små toppar i aust. Vidare nordover flatar terrenget mot myrområde Solliflotti. Vegetasjonen er prega av fjellbjørk og einer. Det er ein del større og mindre grasbevokste myrar i område.

8 REGULERINGSPLAN FOR MAUREBU, DEL AV GNR. 88 BNR. 20 I VINJE KOMMUNE Eksisterande bygg Innafor planområdet er det 11 eksisterande fritidsbustader, i tillegg er det ei ubygd tomt søraust i område. På utsida av planområdet i sør vest ligger det ytterligare 11 fritidsbustader Veg og trafikktilhøve Området har i dag tilkomst frå rv 362 mellom Edland og Arabygdi. Ved Gravdalsstøylen tek Songavegen av vestover inn mot området. Etter ca 4,5 km tar vegen inn i feltet av til høgre Grunnforhold Bergrunnen består av granitt, granodioritt. Lausmassene består av tykk morene Vatn Området ligg sør for Flottjønn, bekken herfrå renn forbi område på vestsida. Aust for område ligg Lomstjønn. Ca 2,5 km nord for område ligg Songadammen og Songavatnet Naturverdiar, biologisk mangfald Per er einaste registrering for område i Direktoratet for naturforvaltning si naturdatabase leveområde for villrein. Villreinens interesser er avklart i kommuneplanens arealdel og regionalplan for Hardangervidda. Naturbase inneheld ikkje data for naturtypar for Vinje kommune. Vi har fått tilgang til data frå februar 2008 frå Fylkesmannen i Telemark, desse inneheld ikkje registreringar i eller i nærleiken av området. Direktoratet for naturforvaltning har også ein kartløysning for utvalte naturtypar og prioriterte arter med økologisk funksjonsområde, den hadde ingen registreringar i eller i nærleiken til område per

9 REGULERINGSPLAN FOR MAUREBU, DEL AV GNR. 88 BNR. 20 I VINJE KOMMUNE 9 Artsdatabanken har per ingen registreringar på artar som står på raudlista. Det finnes ikkje MiS registreringar i eller i umiddelbar nærleik til område. Område kjem heller ikkje inn under område for verna vassdrag. Ut i frå den kunnskapen vi har hatt tilgjengeleg vurderast den som tilstrekkelig slik at føre-varprinsippet gjer seg lite gjeldande i dette område. Område er allereie i bruk som hytte område og dei nye tomtene er søkt plassert slik at dei ikkje vil utgjere noen stor endring i høve til påverkning på økosystem, naturtypar eller arter. En er ikkje kjent med andre framtidige tiltak en de som er omtala i denne planen. Om hytter og veger byggjast etter same prinsipp som det eksisterande, vurderast det til ikkje å vere behov for å sette andre vilkår enn det som framgjeng av føresegnene til planen. En meiner og å plassert tomtene på dei best egna plassane innafor planens avgrensing Kulturminne Kulturminnevernet undersøkte område Det vart funne 6 kullgroper som er automatisk freda, Askeladden id , , , , Det er ingen meldepliktig SEFRAK bygg registrert i planområde Friluftsliv Per i dag er det ingen tilrettelegging i område. Det er store moglegheiter for friluftsliv i område, både på land og på vann. Det går skuterløype forbi område Skogbruksinteresser I fylgje databasen til skog og landskap består området av uproduktiv skog og myr. Det er ikkje MiS registreringar i område.

10 REGULERINGSPLAN FOR MAUREBU, DEL AV GNR. 88 BNR. 20 I VINJE KOMMUNE Planløysingar, vurderingar Samanstilling av registreringar/analyse I kartet under har ein kartfesta og lagt saman dei ulike registreringane. Bilete 5: Registreringskart

11 REGULERINGSPLAN FOR MAUREBU, DEL AV GNR. 88 BNR. 20 I VINJE KOMMUNE Hytteplassering og omfang Planforslaget gjer framlegg om detaljregulering av 5 nye fritidsbustader med tomter på opptil 2 daa, hele planområde er på om lag 180 daa og er regulert til følgjande formål: Bygningar og anlegg Fritidsbusetnad 22,9 daa Samferdselsanlegg og teknisk infrastruktur Køyreveg 6,63 daa Parkeringsplassar 0,05 daa Landbruks natur og friluftsformål LNF 147,14 daa Tomtene er søkt plassert med omsyn til innkomne innspel, føringar i overordna kommuneplan, landskap og omgjevnader. Avsette byggjeområder til fritidsbusetnad er i samsvar med kommuneplanen sin arealdel. Planområde ligg slik til at alle tomtane vil få gode soltilhøve og alle får flott utsikt til kringliggande fjellområde. Det er planlagt veg fram til kvar tomt, og det opnast for ein vasspost per hytte. Ein har søkt å plassere hyttene på naturlege plassar i terrenget, med vegetasjon og form som hjelper til å halde hyttene mest mogleg skjerma. Tomt 1 er plassert langs vegen til eksisterande hytte 88/20/8, her er det bra med vegetasjon. Høgdeforskjellen er så stor at ei ny hytte ikkje vil skjerme utsikten for eksisterande hytte. Tomt 2 er plassert på austsida av hytte 88/20/8 opp mot plangrensa, i ein naturlig forsenking på sørsida av ein liten kolle. Tomt 3 og 4 er plassert langs forlenginga av vegen til hytte 88/20/7. Begge tomter har bra med vegetasjon. Tomt 3 ligg i slak li opp frå eksisterande samleveg i feltet. Tomt 4 ligg i ein naturleg forsenking på ein tørrabbe mellom to myrtjønnar. Tomt 5 ligg aust for hytte 88/20/6 og tomt 88/20/5, i slak li opp frå myra. Denne tomta får vegforbindelse ved å utbetre eksisterande traktorveg frå enden av samlevegen opp på sørsida av tomt88/50/5. Ein har fylgt arealdelen sine reglar om byggjegrense på 50 m til vatn og vassdrag. Ein har også i størst mogleg grad halde seg vekk frå dei meir opne områda innafor planområde, slik at det skal vere vegetasjon som skjermar.

12 REGULERINGSPLAN FOR MAUREBU, DEL AV GNR. 88 BNR. 20 I VINJE KOMMUNE Byggjeskikk Ved plassering av busetnad i planområdet har ein søkt å ta omsyn til landskap og stadeigne tilhøve. Reglar om byggjeskikk og grad av utnytting følgjer føresegnene i kommuneplan for Vinje kommune. Etter n50 kart er område definert til å ligge under tregrensa, for dei eksisterande hyttene 88/20/3 og 88/20/1 gjeld reglane for områder over tregrensa pga av hyttene ligg i 50 m belte langs bekken Tilkomst, planlagde vegar og parkering Området har i dag tilkomst frå rv 362 mellom Edland og Arabygdi. Ved Gravdalsstøylen tek Songavegen av vestover inn mot området. Etter ca 4,5 km tar vegen inn i feltet av til høgre. Songavegen er ikkje vinteropen. Ein ny vinterparkering er planlagt for 100 biler langs Songavegen frå eigedomsgrense til 88/10 i aust og vestover mot avkøyring til eksisterande hytte Friluftsområde Ferdsel langs bekken vest i område er ivareteke gjennom 50 m byggjegrense mot vassdrag. Det omkringliggande område innbyr elles til turar både sommar og vinter Omsynet til born og unge Høve til fri leik og nærleik til vatn og flotte naturområde vil vere den største kvaliteten for tomtene på Maurbu. Ein ser det ikkje som naudsynt med særskild tilretteligging i høve til born og unge ut over dei kvalitetane området gjev frå naturen si side Vatn, renovasjon og straum Det opnast for ein vasspost per hytte. Til toalett skal det nyttast biodo. Eksisterande hytterenovasjon for området ligg ved rv 362 der Songavegen tar av. Her er det også konteinar for flasker.

13 REGULERINGSPLAN FOR MAUREBU, DEL AV GNR. 88 BNR. 20 I VINJE KOMMUNE 13 Bilete 7: Hytterenovasjon i Songakrysset Fareområde Aktsamheits kart for snøskred og steinsprang frå NGU viser ingen fareområde innafor planområde. Ingen ny buseting er planlagt innafor 50 m belte til bekken.

14 REGULERINGSPLAN FOR MAUREBU, DEL AV GNR. 88 BNR. 20 I VINJE KOMMUNE Risiko og sårbarheit Det ligg ikkje føre radonmålingar i området. Etter nye byggereglar som trådde i kraft 1. juli 2010, er det krav om radonsperre. Sjekkliste - Risiko og sårbarheitsundersøking Emne Forhold eller uønsket hending Vurdering Naturgitte forhold Infrastruktur Tidligare bruk Omgivelser Er det området utsatt for snø- eller steinskred? Er det fare for utgildning (er området geoteknisk ustabilt?) Er det området utsatt for springflod/ flom i sjø/vatn? Er det området utsatt for flom i elv/bekk, herunder lukket bekk? Er det radon i grunnen? Annet (angi) Vil utilsktede/ukontrollerte hendingar som kan inntreffe på nærliggande transportårer, utgjøre ein risiko for området? (event. beskriving) Vil utilsktede/ukontrollerte hendingar som kan inntreffe i nærliggande virksamheter (industri fortak etc.), utgjøre ein risiko for området? (event. beskriving) Dersom det går høgspentlinjer ved/gjennom området: Er det spesielle fare forbundet med bruk av transportnett for gåande, syklande og kjørande innanfor området? (event. beskriving) Er det mistanke om forurensning i grunnen frå tidligare virksamheter? (event. beskriving) Er det regulerte vannmagasiner i nærleiken, med spesiell fare for usikker is? Finnes det naturlige terrengformasjonar som utgjør spesiell fare (stup etc.)? Anna (angi) Nei Ja og merknad Krav i ny PBL Songavatn

15 REGULERINGSPLAN FOR MAUREBU, DEL AV GNR. 88 BNR. 20 I VINJE KOMMUNE Konsekvensar av planframlegget Planframlegget legg opp til etablering av 5 nye tomter i eksisterande hytteområde, samt vegar fram til tomtene. Det er planlagt for hytter med låg sanitær standard som tek omsyn til dei naturgjevne forholda i område. Tomtene er søkt plassert på ein slik måte at dei er lite dominerande i terrenget og får skjul av vegetasjon i område. Fyresdal For AT Plan as Mona Gundersen Utmarksforvalter Kathrin Hinz Sivilingeniør Revidert

16 REGULERINGSPLAN FOR MAUREBU, DEL AV GNR. 88 BNR. 20 I VINJE KOMMUNE 16 VEDLEGG: Registreringskart A3 Varslingsbrev Innspel til planarbeidet Rapport kulturhistorisk registrering