Styre, råd og utval Møtedato Saksnr Planutvalet /15 Bystyret /15. Arkiv: FA-L12

Transkript

1 Førde kommune Styre, råd og utval Møtedato Saksnr Planutvalet /15 Bystyret /15 Sakshandsamar: Ole Jakob Sande Arkiv: FA-L12 Arkivsaknr.: 15/629 Reguleringsendring Indre Hornnesvika Førde - Planvedtak Vedlegg: Dok.dato Tittel Dok.ID _Indre Hornnesvika_plankart _Indre Hornnesvika_føresegner _Indre Hornnesvika_flyfoto _Merknader Offentleg ettersyn samla Reguleringsplan Indre Hornnesvika - kommentarar til merknader v/off ettersyn AsplanViak-vedlegg fylling i sjø.pdf Planframlegg komplett Hornnes Utomhusplan m/bakgrunn Bakgrunn for saka: Planutvalet gjorde i sak 019/15, den , vedtak om at privat framlegg til endra detaljregulering for Indre Hornnesvika, vart lagt ut til offentleg ettersyn i samsvar med PBL Nytt planframlegg inneber i hovudsak endra krav i høve til avslutning mot sjø og justeringar av arealføremåla i planområdet. Planområdet er på 64 daa og planmaterialet er oppdatert i samsvar med reglar for reguleringsplan i gjeldande lovvek. Saksutgreiing: Framlegg til reguleringsplan har i samsvar med Planutvalet sitt vedtak vore ute på høyring og offentleg ettersyn i perioden til Merknadsfrist var sett til I samband offentleg ettersyn er det motteke slike merknader: Kystverket Vest; Det må takast omsyn til sjøferdsel og planlagde tiltak må ikkje kome i konflikt med framkomst i farvatnet. Tiltak må også dimensjonerast for å tåle bølgeslag m.m. Tiltak i sjø skal søkast løyve om i samsvar med havne- og farvannslova 27 første ledd. Sogn og Fjordane Fylkeskommune; Har i dag ikkje kunnskap om automatisk freda 1

2 kulturminne i området og har såleis ikkje avgjerande merknader. Peikar likevel på potensiale for slike minne, og gjer tiltakshavar merksam på varsemdsplikta som ligg i 8, 2. ledd i Lov om kulturminne. Statens vegvesen Region vest; viser til at det er føreslege endring i høve den planlagde vegfyllinga i reguleringsplan Bergumkrysset, vedteken Forslaget om å endre delar av vegfyllinga frå gjeldande føremål til byggeområde er problematisk i høve til at fyllinga truleg vert etablert før byggeområdet, og at det må sikrast tilstrekkeleg stabilitet i ei slik fylling, samt at vegvesenet må erverve grunn for området for å kunne gjennomføre vegtiltaka. Det er ikkje uproblematisk å bygge ein mur i fyllingsfoten i etterkant, og vegvesenet krev som minimum at det vert lagt inn i føresegnene at det ikkje kan gjerast tiltak som reduserer stabilitet i fylling, og vegvesenet kan ikkje belastast for eventuelle meir kostnadskrevjande tiltak. Peikar også på avvik mellom føresegnene og plankartet i høve til namnsetjing av arealføremåla i planframlegget (BKB versus FKI osb.). Bergen Sjøfartsmuseum; Kjenner ikkje til automatisk freda kulturminne som kan bli råka av reguleringsendringa, eller om området kan ha vore nytta som ankringsstad i eldre tid. Viser til at tiltakshavar har plikt til å melde frå om ein i arbeidet finn kulturminne. Fylkesmannen i Sogn og Fjordane; Natur og miljø konstaterer at planframlegget i hovudsak er i samsvar med overordna plan og er vurdert etter naturmangfaldlova. Viser til naturtype Ålegraseng og planar for utfylling i sjø, og meiner det er positivt at det er etablert omsynssone for bevaring av naturmiljø. Rår likevel til at kommunen finn løysingar som unngår utviding av landområde mot omsynssona. Peikar på at det er manglar i teiknforklaringa på føremål som er nytta i plankartet, og føreset at kommunen rettar opp det. Landbruk har ikkje merknader til planframlegget. Samfunnstryggleik og beredskap peikar på at vurderingane av stormflo/ havnivåstigning ikkje er gjort i samsvar med tryggleiksklassane i TEK10. Kommunen må sikre at dette vert gjort før planvedtak, og innarbeide eventuelle nye krav i plankart og føresegner. Fiskeridirektoratet Region Vest; Vurderer at merknader i samband med varsel om planstart er teke omsyn til, og har difor ingen merknader til planframlegget. Noregs vassdrags- og energidirektorat (NVE); Viser til at gjeldande plan er vedteke så seint som i 2009, og sist revidert i ROS-analysen omfattar difor berre endringane i planen. NVE kjenner ikkje til i kva grad skredfare har vore vurdert tidlegare, men viser til aktsemdskart for jord- og flaumskred som vart publisert i NVE rår kommunen til å syte for at skredfare vert vurdert med tilstrekkeleg fagkompetanse og uavhengig kontroll, og at plankartet vert utarbeidd med faresonegrenser i samsvar med tryggleikskrava i TEK10 med tilhøyrande føresegner. Kletten Grendelag; Ber om at det vert fylt minst mogeleg i sjøen aust i planområdet, med grunngjeving om at området har stor verdi som urørd strandlinje og som friluftsog rekreasjonsområde for mange av innbyggarane i området. Meiner at det ikkje bør opnast for meir trafikk til industriområdet før krysset er utbetra i samsvar med reguleringsplan Bergumkrysset. Ber også om det i arbeidet med utvikling av industriområdet vert teke omsyn til bebuarane i nærleiken for å unngå konfliktar. Forum for natur og friluftsliv i Sogn og Fjordane; Viser til innspel til varsel om planstart, og meiner no at vedtak om løyve til fylling i Førdefjorden (Vevringsaka) gjer 2

3 problemstillinga knytt til ålegrasenga aust for planområdet meir aktuell. Ber difor om at det vert teke tilstrekkeleg omsyn til ålegrasenga. Sunnfjord Energi AS; Meiner merknaden i samband med førre regulering (2009) framleis er gjeldande. Merknaden frå 2009 har følgjande oppsummering: gjer merksam på eksisterande el-anlegg i området, legg ved kart og minner om at det må avklarast om det er tilstrekkeleg kapasitet på overføringsnettet til å ta den store effektauken som vil kome i området. Energiverket ber om å verte halde orientert om detaljplanane etter kvart som dei ligg føre. Ein kan då finne gode løysingar for plassering av nettstasjonar, fordelingsskap og for å rekne ut lastflyten i området. Det vert dessutan vist til generelle krav i samband med plassering av nettstasjonar i bygningar og til å vise varsemd i forhold til ev. strålingsfare og opphaldsrom for folk. Reguleringsforslaga fører til at deler av det eksisterande kabelnettet må flyttast. Rådmannen har bede tiltakshavarane sin konsulent om kommentarar til merknadane. Kommentarane vart motteke og er lagt med som vedlegg til saka. Konsulenten utfyller tidlegare vurderingar, og konkluderer at det ikkje er trong for å gjere endringar i planmaterialet med unntak av tillegg i føresegnene som Statens vegvesen krev. Rådmannen sine vurderingar: 1. Skredfare: NVE meiner ROS-analysen må oppdaterast etter geologiske undersøkingar med bakgrunn i aktsemdskart for Jord- og flaumskred utarbeidd i Tiltakshavar meiner på si side at det ikkje er relevant i høve til føremålet med planendringa og at planområdet er klarert som utbyggingsområde. Rådmannen har drøfta problemstillinga med både NVE og tiltakshavar sin konsulent, og konkluderer at det vil vere opp til kommunen å vurdere om risikoen i planområdet er tilfredstillande. Sett i lys av at det ikkje er snakk om å ta i bruk nye område, og at det er samanhengande store bustadmassar og stamveg (Rv 5) som ligg ovanfor planområdet, meiner rådmannen at det må vere viktigare å vurdere fare for desse områda før det vert nytta ressursar på å vurdere potensiell fare innanfor industriområdet. Ut i frå rådmannen sine vurderingar vil både bustadmassen og Rv 5 kunne fungere som hinder for eventuelle skred i lia ovanfor. Rådmannen vil også vise til at det er starta opp eit prosjekt med faresonekartlegging i eksisterande bustadområde i Førde, og som vil omfatte bustadområdet ovanfor Rv 5 nord for planområdet. 2. Sikring mot sjø: ROS-analysen omtalar tidevassflaum som mogeleg risiko og i føresegnene er det i 4.3a føreslege krav til planeringshøgde på kote + 2.5m. Det er høgare enn i gjeldande plan, og er vurdert som tilfredstillande buffer både mot forventa havnivåstigning og framtidige klimaendringar. Tiltakshavar sin konsulent har nytta vurderingar gjort i samband med nye tiltak på Ytre Øyrane i 2007, samt registreringar av høgste sjøvassnivå registrert fram til I samband med områderegulering for Ytre Øyrane har NVE ut i frå siste flaumsonedata vurdert kote + 2,37 som sikker byggehøgde ved 200-års flaum med stormflod i år Rådmannen vurderer med slik bakgrunn at føresegnene 3

4 4.3a med krav om kote + 2,5m vil vere tilfredstillande sikring for området. 3. Utfylling i sjø og tilhøve til naturområde: Planframlegget legg i hovudsak til rette for at avslutning mot sjø kan vere plastra fylling framfor vertikal avslutning som det er krav om i gjeldande plan. Vidare legg framlegget til rette for å fylle 4m lenger aust i planområdet, med grunngjevinga å sikre fyllingsfoten for utvasking samstundes som det kan gi noko større og tiltrengt areal for verksemda. I tillegg er det føreslege regulert omsynssone for naturmiljø i aust, for det området som i dag ikkje er utfylt. Omsynssona er lagt inn etter krav frå Fiskeridirektoratet for å skjerme registrert gytefelt for torsk aust for planområdet. Fiskeridirektoratet har akseptert planløysinga slik den er vist ved offentleg ettersyn, medan Fylkesmannen i Sogn og Fjordane rår kommunen frå å utvide utfyllingsarealet i høve til gjeldande plan. I saksutgreiinga for offentleg ettersyn tok rådmannen atterhald om at løysingane måtte godkjennast av overordna styresmakter før kommunen kunne godkjenne ei utvida avgrensing av fyllinga. At styresmaktene har ulikt syn på løysinga utfordrar kommunen, men rådmannen vel også å legge vekt på tiltakshavar sin argumentasjon om fare for utvasking under fyllingsfoten dersom denne blir lagt for grunt. Rådmannen meiner også at kommunen må sikra at verksemda får tenlege areal for framtidig utvikling, og at justering av fyllingsarealet vil vere av marginale verknader for naturmiljøet. Som ein kompensasjon for dette rår rådmannen til å setje krav om at aktuelle styresmakter skal involverast sterkt i fyllingsarbeidet gjennom eit tillegg i føresegnene Konflikt mellom planframlegget og reguleringsplan Bergumkrysset: Det er utfordrande at arealet med planlagt fylling for tiltak i samband med utbetring av Bergumkrysset vert regulert til byggeområde, og Statens vegvesen krev som eit minimum eit tillegg i føresegnene som sikrar stabilitet i fylling. Bergumkrysset er tiltak 5 i Førdepakken og prosjektering vil starte i løpet av kort tid. For å kunne nytte arealet til byggeområde må truleg vegfyllinga leggast på ein mur i botnen, og rådmannen vurderer at det er arbeid som må gjerast før arbeid med vegfyllinga startar. Arbeid med utvikling av byggeområde for industri må koordinerast mot vegvesenet si prosjektering, det er viktig å få på plass rammene snarleg. Førdepakken/ Statens vegvesen har ikkje lagt inn ressursar til prosjektering/ bygging i strid med reguleringsplan Bergumkrysset, og for å få til andre løysingar må tiltakshavar i det aktuelle området stille ressursar til rådvelde for å få til ei slik løysing. Slik rådmannen ser det kan utfordringa løysast ved at tiltakshavar kjem i dialog med Førdepakken/ Statens vegvesen, og vert samd om prosessen vidare. Dersom det ikkje vert funne ei slik løysing, trur ikkje rådmannen det er mogeleg å gjennomføre utbygging av området i samsvar med planframlegget, og løysinga vert at reguleringsplan Bergumkrysset må gjelde framfor reguleringsplan Indre Hornnesvika der det er stid mellom dei. Rådmannen rår til å endre 9.4 i føresegnene som sikrar ei slik løysing. 5. Manglande samsvar mellom plankart, teiknforklaring og føresegner: Manglane skuldast for dårleg kvalitetssikring og vert retta opp i endeleg framlegg. Rådmannen har også retta nummerering på BKB-områda i plankart og føresegner slik at dei er nummerert frå 1 til 5. 4

5 Oppsummering: Sunnfjord Betong er ei viktig bedrift i Førde i form av mange arbeidsplassar med aktivitetar knytt til bruk av lokale sandressursar i produksjonen. Det er difor viktig for kommunen at verksemda har tilstrekkeleg areal for å kunne gjere naudsynte tiltak i framtida. Både fyllinga i sjø og areal mot vegen har i planen fått rammer som sikrar naudsynt omsyn til natur og samferdsle. Ved at planen legg til rette for plastra avslutning mot sjøen framfor vertikal front, samt at Bergumkrysset vert utbetra gjennom Førdepakken, er premissane lagt til rette for at næringsområdet kan utnyttast fullt ut og gi kommunen meir næringsareal. Rådmannen rår til planvedtak i saka med nokre endringar og tillegg i føresegnene. Rådmannen sitt framlegg til vedtak: Framlegg til privat reguleringsplan for Indre Hornnesvika med plankart og føresegner revidert , vert vedteken i samsvar med PBL Handsaming i Planutvalet : Samrøystes tilråding PLAN-038/15 Vedtak: Framlegg til privat reguleringsplan for Indre Hornnesvika med plankart og føresegner revidert , vert vedteken i samsvar med PBL Handsaming i Bystyret : Habilitet: Tore Fossen (H) stilte spørsmål ved sin habilitet med bakgrunn i nært vennskap til part i saka. Bystyret vedtok samrøystes at Tore Fossen er inhabil i saka jf. 6, 2. ledd i forvaltningslova. Framlegg til tilleggspunkt frå Marius Dalin (MDG): Bystyret føreset at framtidig trong for areal er avklara før utbygginga tek til. Når ein tek til, føreset vi at det ikkje vil bli aktuelt med ytterlegare utfylling i sjø. Avrøysting: Planutvalet si tilråding vart samrøystes vedteke. Tilleggspunkt frå MDG fekk 3 røyst (MDG og SV) og fall. BY-055/15 Vedtak: Framlegg til privat reguleringsplan for Indre Hornnesvika med plankart og føresegner revidert , vert vedteken i samsvar med PBL

6 Førde, den Ole John Østenstad Rådmann Odd Harry Strømsli Leiar Byggesak og arealforvaltning 6