SAKSFRAMLEGG. Sakshandsamar: Gunnar Wangen Arkivsak: 2015/362 Løpenr.: 6690/2015. Utvalsaksnr. Utval Møtedato Samfunnsutvalet

Transkript

1 ØRSTA KOMMUNE SAKSFRAMLEGG Sakshandsamar: Gunnar Wangen Arkivsak: 2015/362 Løpenr.: 6690/2015 Utvalsaksnr. Utval Møtedato Samfunnsutvalet GNR/BNR 121/1 - OMDISPONERING AV LANDBRUKSAREAL TIL UTVIDING AV URKE CAMPING - KJELLFRID PRESTEGARDEN TILRÅDING TIL VEDTAK: Samfunnsutvalet (SFU) syner til søknaden om å ta i bruk dyrka areal til utviding av eksisterande campingplass på Urke. SFU finn at samfunnsnytten ved å legge til rette for auka satsing på drifta campingplassen er stor. Tiltaket utløyser ei vidare satsing på lokalsamfunnet gjennom dugnadsinnsats, og det legg til rette for ei vidare satsing på turisme og vil kunne styrke drifta av den lokale butikken. Sjølv om arealet er dyrka jord, vert det lagt til grunn at arealet kan tilbakeførast til dyrka mark om drifta som campingplass skulle opphøyre. SFU finn elles ikkje at det ligg føre andre alternative lokaliseringar. SFU konkluderer med at tiltaket ikkje vil setje plangrunnlaget vesentleg til sides. Vidare at fordelane er klart større enn ulempene. Med heimel i plan- og bygningslova 19-2 gjev SFU såleis dispensasjon frå kommuneplanen sin arealdel for å ta i bruk det omsøkte arealet til utviding av eksisterande campingplass, under slike føresetnader: Det kan ikkje etablerast tiltak i tryggleiksklasse F2 for flaum, utan at flaumfaren vert nærare undersøkt. Dersom det under arbeidet skulle dukke opp noko som kan vere automatisk freda kulturminne må kulturminnemyndet varslast for avklaring, jf. kulturminnelova 8. Før flytting av avkøyrsla må det vere gitt nytt avkøyrsleløyve. Tiltaket elles må plasserast i tilstrekkeleg avstand frå fylkesvegen, jf. fråsegna frå Statens vegvesen. Utskrift til: Kjellfrid Prestegarden, 6196 Norangsfjorden Fylkesmannen i Møre og Romsdal, Fylkeshuset, 6404 Molde Møre og Romsdal fylkeskommune, Fylkeshuset, 6404 Molde Statens vegvesen, Region Midt, Fylkeshuset, 6404 Molde NVE, postboks Førde Landbrukskontoret, her

2 Saksvedlegg: Søknad frå Kjellfrid Prestegarden og Urke Landhandel, datert , vedlagt skisse merka vedlegg 1 E-post datert Brev til Møre og Romsdal fylkeskommune datert Grunnkart og ortofoto 1:1000 og 1:3000 Uprenta saksvedlegg: Div dokument Innkomne merknader Saksopplysningar: Det ligg føre søknad om dispensasjon frå kommuneplanen sin arealdel for utviding av Urke camping som Urke Landhandel er drivar av. Arealet er tenkt nytta til oppstilling av campingvogner og til teltområde. Det er også skissert ei endra plassering av avkøyrsle til fylkesvegen. Det omsøkte området ligg i kommuneplanen sitt LNF-område sone C, der det er fastsett følgjande føresegn: Innanfor desse områda kan det berre gjevast løyve til bygging og frådeling i samband med tradisjonell stadbunden næring som har direkte tilknytning til landbruket. Oppføring av fritidshus kan tillatast, men berre på svært strenge vilkår og dersom sektormynde ikkje har merknader. Nokre av dei registrerte viltområda i høve Viltregisteret til Fylkesmannen ligg i denne sona. Det vert synt til temakart nr. 8. Det ligg ikkje føre merknader i samband med nabovarslinga. Saka er sendt på høyring og det ligg føre følgjande fråsegner: Møre og Romsdal fylkeskommune, og Fråsegn datert : Det må gjennomførast ei mindre arkeologisk registrering jfr kulturminnelova 9, før vi kan gje fråsegn knytt til automatisk freda kulturminne. Dette fordi dette er gamal kulturmark sentralt i forhold til kvar tunet på Midtre Urke historisk har lege. Vi ser at dette er ei lågkost dugnadssatsing og har all respekt for det, men tiltakshavar lyt likevel dekke kostnadar til registrering. Dersom dei kan stille med maskin med flatt skjer sjølve, vonar vi 4 dagsverk felt skal halde, samt to dagar til rapport. Dette vil kome på kr inkludert eventuelt 1 dateringsprøve. Dersom vi greier det på kortare tid, dateringsprøve ikkje trengs eller vi kan nytte relativt nærme busett feltfolk, vil kostnad verte redusert deretter. Vi kan ikkje love dette pr dags dato. Det er og slik at der finst ei ordning hjå Riksantikvaren som gjer at ein kan søke om refusjon av kostnadar i etterkant, dersom registreringa står for ein uforholdsmessig andel av kostnadane til utbygginga. Ein må då vere førebudd på framlegging av rekneskap før vurdering. Registreringa lyt tingast skriftleg i god tid før ein ynskjer denne gjennomført. Det lyt der framgå kven som tek på seg kostnadane. Kommunen sende brev til fylkeskommunen for å få nærare avklaring av kravet til registrering, sjå vedlegg. Kommunen mottok svar pr. e-post: Fredag 8.mai vart det gjennomført ei synfaring på Urke saman med grunneigar Kjellfrid Prestegarden og Urke landhandel v/erlend Urkegjerde og Jon Urke. Det vart litt tid til ferja og det vart i ventetida tilsaman teke 8 prøvestikk for å sjå etter fossile dyrkningslag eller andre indikasjonar på funn. Det vart ikkje sett slike. Utifrå omsyn til det avgrensa omfanget til saka finn vi dette tilfredstillande og har ikkje vidare krav om arkeologisk registrering og ingen merknad til saka utover at spesielt sidan vi ikkje hadde maskinregistrering, men og heilt generelt, må dei fylgje godt med og stogge arbeidet og sei frå dersom det skulle dukke opp funn så som trekolrikelag i under matjorda. Dette gjeld særleg

3 austre del av området, der terrenget stig noko og vi ikkje hadde så mange prøvestikk. Sidan prøvestikkinga ikkje ga oss meirkostnadar, er det heller ikkje aktuelt med kostnadsdekning jfr kml 10. Vår kommentar: Med dette vert det lagt til grunn av tilhøvet til kulturminne er avklara, men at den generelle aktsemdplikta i kulturminnelova må leggast til grunn. NVE, og NVE har ingen merknad til tiltaket. Med bakgrunn i fråsegna frå Fylkesmannen (sjå nedanfor), hadde sakshandsamar ei drøfting pr. telefon med Terje Systad i NVE i høve spørsmålet om flaumfare. Den fekk kommunen slik tilbakemelding pr. e-post: Vedlagt ligg NVE sin vedlikehaldsplan for Urkeelva på Urke. I samband med skader frå flaum i 2003 og 2005 har NVE våre inne med vedlikehald av flaumførebygging og erosjonssikring lang vassdraget Urkeelva. Formålet med tiltaket var å sikre busetnad, kraftstasjon, riksveg, campingplass, barneskule, dyrka mark og oppdrettsanlegg. Ein har ikkje sikra mot eit bestemt gjentaksintervall for flaum, men ein har lagt seg på ei sikring som skal motverke skade frå flaum. Rettleiar til TEK10 gjev tilråding for kva sikkerheitsklasse for flaum ulike byggverk bør ligg innanfor. Rettleiar til TEK10 gjev ingen føringar for sikkerheit når det gjeld arealbruk. Om ei legg til grunn at det utvida arealet skal nyttast til teltplass og lett flyttbare campingvogner/bubilar, og det ikkje er fare for liv og helse kan kommunen gjere ei vurdering på om det er tilstrekkeleg med sikkerheitsklasse F1 for flaum. Tiltak i F1 må vere sikkert mot ein 20 års flaum. Dersom ein opnar opp for meir permanent oppstilling av campingvogner med spikartelt bør kommunen vurdere om campingplassen kjem inn under ein høgare sikkerheitsklasse for flaum. Kjem arealet inn under sikkerheitsklasse F2 bør ein vurdere om flaumvernet er dimensjonert for ein 200 års flaum. Aktsemdkart for flaum er eit aktsemdkart utarbeidd i målestokk 1: Det er ei grov kartlegging som NVE har nytta til å identifisere areal med stor risiko for flaumskade der NVE bør utarbeide grundigare flaumsonekart. Sidan det er ei grov kartlegging har NVE til no ikkje nytta aktsemdskartet for flaum i arealplanlegging, og det ligg difor heller ikkje inne i Skrednett. Aktsemdskarta kan lastast ned frå NVE sin kartdatabase på Aktsemdskarta ligg også inne på gislink.no Fylkesmannen, Generelt Arealet ligg innanfor eit viktig kulturlandskapsområde, jf. «nasjonal registrering av verdifulle kulturlandskap», der Norangsfjorden og Norangsdalen er prioriterte område. Utvidingsarealet på 4-5 dekar vil saman med eksisterande campingareal vere av ein slik storleik at det tilseier at området burde vore regulert. Landbruksinteresser Omsøkte område er ein del av ein teig som ifølgje skogoglandskap.no utgjer 4-5 dekar fulldyrka, lettbrukt jord. Teigen er avgrensa av bebyggelse og veg. Arealet ligg likevel innanfor kjerneområde landbruk grunngjeve i verdi som produksjonsareal, då det saman med anna areal i nærområdet utgjer eit samanhengande jordbruksområde. Arealet er av ein slik kvalitet at det er ein ressurs for matproduksjon, uavhengig av drifta pr. idag. Føremålet med søknaden er å utvide arealet for drift av campingplassen, og vi rår til at ein prøvar å finne areal med ein lågare landbruksmessig verdi for tiltaket. Vi minner om at tiltaket også krev jordlovshandsaming.

4 Samfunnstryggleik I 28-1 i plan- og bygningslova er det slått fast at: «Grunn kan bare bebygges, eller eiendom opprettes eller endres, dersom det er tilstrekkelig sikkerhet mot fare eller vesentlig ulempe som følge av natur- eller miljøforhold.» Det har blitt nytta ei enkel sjekkliste for gjennomføringa av ROS-analysen. Dette er ein grei framgangsmåte for å vurdere risiko og sårbarheit knytt til ein dispensasjon. I sjekklista er det kryssa nei for at det er knytt uakseptabel risiko til flaum i området. I gislink.no ligg delar av det omsøkte området i eit aktsemdsområde for flaum. Aktsemdskart kan ha ulik detaljeringsgrad, og kan dekke eit større område enn den reelle faresona. Vi saknar difor ein nærare omtale av dei vurderingane som er gjort knytt til potensiell flaumfare. Til hjelp med dette kan NVE sin rettleiar «Flaum- og skredfare i arealplanar» nyttast. Vi minner om forskrift om tekniske krav til byggverk 7-2. Her står det at byggverk i flaumutsett område skal ha fastsett tryggleiksklasse for flaum. Ulike tryggleiksklassar set ulike krav til tryggleik. Kommunen må sørgje for at det er dokumentert at området er trygg i forhold til krava i TEK10, jf. plan- og bygningslova (pb1) Saksprotokoll i Landbruksnemnda Landbruksnemnda viser til søknad datert , frå eigar av gnr 121 bnr 1, Kjellfrid Prestegarden. Landbruksnemnda gir etter jordlova 9 løyve til omdisponering av inntil 5 da dyrka jord på gnr 121 bnr 1 og 15 for etablering av oppstillingsplass for campingvogner/ bubilar. Grunngjeving er at ein vurderer tiltaket som stor samfunnsnytte for Urkebygda, og at arealet ikkje skal byggast ned, men evt. kan tilbakeførast til jordbruksareal. Statens vegvesen, Fartsgrensa på fylkesveg 655 er i det aktuelle området på 50 km/t og årsdøgertrafikken er 200 køyretøy i døgnet. Statens vegvesen ser positivt på at eksisterande avkjørsle vert stengd og at ei ny vert etablert ca. 25m mot aust. Det må søkjast formelt om omlegging av avkjørsle. Det bør vurderast å flytte teltområdet lengre bort frå fylkesvegen. Statens vegvesen har utifrå sitt ansvarsområde ingen andre merknadar til saka. Vurdering og konklusjon: Føremålet med søknaden er å utvide arealet for drift av campingplassen. Det er Kjellfrid Prestegarden som er eiar av campingplassen, men det er no inngått avtale om at Urke Landhandel skal drive den vidare. Det er gjort stor dugnadsinnsats på oppussing av campinghytter m.v. Gjennomføring av det omsøkte tiltaket vil også i stor grad skje med dugnadsinnsats. Arealet er tenkt nytta til oppstillingsplass for campingvogner og bubilar og til teltområde. Det er ikkje planar om å bygge på området, men det er aktuelt å gruse opp deler av det. Søknaden skisserer også ei flytting av avkøyrsla. Det bør likevel kunne leggast til grunn at det er mogleg å tilbakeføre arealet til dyrka mark om drift som campingplass skulle opphøyre. Søknaden er sjekka opp mot aktuelle nasjonale databasar og annan kjent kunnskap som kan vere relevant for søknaden (Raud ring på kartutsnitta markerer omtrentleg plassering av omsøkt område):

5 KJERNEOMRÅDE LANDBRUK (Kommunal fagrapport) Området er registrert som kjerneområde for landbruk i høve produksjonsareal. Omsøkt areal ligg også innanfor eit kjerneområde der kulturlandskapet er grunnlaget. Bakgrunnen for dette er m.a. Nasjonal registrering av verdifulle kulturlandskap, der Norangsfjorden og Norangsdalen er prioriterte område. MARKSLAG (AR5) Markslaget på det omsøkte området er registrert som fulldyrka jord, lettbrukt. FLAUMFARE Den eksisterande campingplassen og ein mindre del av det omsøkte området ligg innanfor aktsemdområde for flaum. Sjå Fylkesmannen si fråsegn og tilbakemelding frå NVE annan stad i saka, samt omtale nedanfor. I samband med høyringa, har kulturavdelinga kravd ei registrering. Etter dialog mellom kommunen, kulturavdelinga og søkjar, ligg det no føre avklaring som gjer at søkjar berre må melde frå til kulturminnemyndet om det i samband med arbeidet skulle dukke opp noko som kan vere spor etter automatisk freda kulturminne, jf. kulturminnelova 8. Fylkesmannen peikar først i si fråsegn på at området samla sett er så stort at det burde vore regulert. Rådmannen seier seg i prinsippet samd, men finn det likevel heilt urealistisk å skulle pålegge utarbeiding av reguleringsplan for ei så enkel utviding av den eksisterande campingplassen. Ut frå omsynet til landbruksinteressene peikar Fylkesmannen på verdien av arealet som er fulldyrka mark i eit kjerneområde for landbruk, og at det bør prøvast å finne eit alternativt areal for utviding av campingplassen. Landbruksnemnda har på si side vektlagt den store samfunnsnytten tiltaket vil ha for Urke, og et arealet ikkje skal byggast ned men kan om naudsynt førast tilbake til jordbruksareal. Landbruksnemnda har gitt løyve til omdisponering av inntil 5 da etter jordlova. Landbruksnemnda sitt vedtak er i samsvar med landbrukssjefen si tilråding. Rådmannen er samd i at samfunnsnytten ved tiltaket er stor, både for å sikre drift av campingplassen og som eit bidrag til å sikre framtidig drift av den lokale butikken. På Urke

6 har det vore under arbeid eit lokalt bygdeutviklingsprosjekt, der satsing på turisme er sentralt. Ut frå lokaliseringa av den eksisterande campingplassen og den naturlege plasseringa det omsøkte arealet er som tilleggsareal, ser ein ikkje at det ligg føre gode alternativ. Fylkesmannen har også peika på flaumfare. Spørsmålet er drøfta med NVE, sjå aktuelle fråsegner. Under føresetnad at det berre vert opna for telting og oppstilling av bubilar og campingvogner og at det ikkje vert bygde spikartelt eller liknande, finn ein å kunne definere tiltaket i tryggleiksklasse F1. Under slike føresetnader skulle flaumfaren såleis ikkje vere til hinder for tiltaket. Vegvesenet er positive til å flytte avkøyrsla og stenging av den eksisterande slik det er skissert i søknaden. Vegvesenet signaliserer at det bør vurderast å flytte teltområdet lenger frå vegen, men oppgir ingen minsteavstand. Dette må ev. søkjar avklare nærare med vegvesenet. Rådmannen finn såleis at søknaden ikkje vil setje plangrunnlaget vesentleg til sides. Det er då lagt vekt på at tiltaket ikkje er irreversibelt, og at jordbruksdrifta kan takast opp att seinare om dette skulle verte aktuelt. Vidare at landbruksnemnda har gitt løyve til omdisponering. Fylkesmannen har bedt om at det vert vurdert alternativ lokalisering, men ein kan ikkje sjå at slike alternativ ligg føre. Tiltaket har elles store lokale samsfunnsmessige fordelar for å styrke grunnlaget for næring og busetjing. Rådmannen meiner difor at tiltaket utan tvil har større fordelar enn ulemper, og tilrår at det vert gjeve dispensasjon. Arnstein Nupen leiar plan og utviklingsavdelinga Gunnar Wangen avdelingsleiar plan og miljø