ØRSTA KOMMUNE Tekniske tenester

Transkript

1 ØRSTA KOMMUNE Tekniske tenester Arne Kåre Engeseth Engesetvegen ØRSTA Saksnr Løpenr. Saksansvarleg Arkiv Dato 2012/ /2013 WANGEN 16/ MELDING OM VEDTAK I SAMFUNNSUTVALET , SAK PS 50/13: GNR/BNR 16/222 - SØKNAD OM DISPENSASJON FRÅ REGULERINGSPLAN FOR DELING AV GRUNN PÅ ENGESET Saksprotokoll tilråding / vedtak i samfunnsutvalet Samfunnsutvalet (SFU) syner til søknaden om dispensasjon frå reguleringsplan for Velle Engeset Mo, vedteken Søknaden gjeld løyve til å endre regulert jordbruksføremål til bustadføremål for ei tomt. SFU legg til grunn at det regulerte jordbruksføremålet ikkje lenger er relevant arealbruk for det aktuelle arealet, og at reguleringsplanen såleis er å oppfatte som utdatert for dette området. Den omsøkte tomta er lokalisert inntil eksisterande regulert og utbygt bustadareal, og er ut frå terrenget naturleg å oppfatte som tilhøyrande same området. Det ligg ikkje føre særskilde uavklarte tilhøve for ei ev. utbygging på arealet, og det gjev såleis ikkje særskild nytte om ein skulle gjennomføre ei reguleringsendring framfor å handsama saka som dispensasjon. Det er heller ikkje avgjerande moment som tilseier at det må krevjast regulering for eit større område. SFU finn såleis at ein dispensasjon ikkje vil setje til side viktige omsyn reguleringsplanen er meint å skulle ivareta. Med vising til ei målsetjing om å legge til rette for bustader med høg arealutnytting i sentrale område, finn SFU også at det er klart større fordelar enn ulemper med å gje dispensasjon. Med heimel i plan- og bygningslova 19-2 gjev SFU dispensasjon frå reguleringsplanen for frådeling av tomt til bustadføremål slik det er omsøkt, på følgjande vilkår: a) Som ramme for utbygginga på tomta skal føresegnene for tilgrensande regulerte bustadområde gjelde. b) Det skal leggast til grunn same byggegrense frå veg som gjeld elles for bustadområdet langs den aktuelle tilkomstvegen. Vedtaket om dispensasjon gjeld i tre år, og det må rekvirerast og gjennomførast kartforretning innan same frist. Handsaminga (9 r.f.) Vedtak samrøytes i samsvar med tilrådinga. Postadresse: Dalevegen 6 postmottak@orsta.kommune.no ØRSTA MVA

2 Rett utskrift av møteprotokollen Toril Langlo konsulent Kopi til: Fylkesmannen i Møre og Romsdal Fylkeshuset 6404 MOLDE Møre og Romsdal fylkeskommune Fylkeshuset 6404 Molde Landbrukskontoret Dalevegen Ørsta

3 ØRSTA KOMMUNE SAKSFRAMLEGG Sakshandsamar: Gunnar Wangen Arkivsak: 2012/1674 Løpenr.: 5819/2013 Utvalsaksnr. Utval Møtedato 50/13 Samfunnsutvalet GNR/BNR 16/222 - SØKNAD OM DISPENSASJON FRÅ REGULERINGSPLAN FOR DELING AV GRUNN PÅ ENGESET TILRÅDING TIL VEDTAK: Samfunnsutvalet (SFU) syner til søknaden om dispensasjon frå reguleringsplan for Velle Engeset Mo, vedteken Søknaden gjeld løyve til å endre regulert jordbruksføremål til bustadføremål for ei tomt. SFU legg til grunn at det regulerte jordbruksføremålet ikkje lenger er relevant arealbruk for det aktuelle arealet, og at reguleringsplanen såleis er å oppfatte som utdatert for dette området. Den omsøkte tomta er lokalisert inntil eksisterande regulert og utbygt bustadareal, og er ut frå terrenget naturleg å oppfatte som tilhøyrande same området. Det ligg ikkje føre særskilde uavklarte tilhøve for ei ev. utbygging på arealet, og det gjev såleis ikkje særskild nytte om ein skulle gjennomføre ei reguleringsendring framfor å handsama saka som dispensasjon. Det er heller ikkje avgjerande moment som tilseier at det må krevjast regulering for eit større område. SFU finn såleis at ein dispensasjon ikkje vil setje til side viktige omsyn reguleringsplanen er meint å skulle ivareta. Med vising til ei målsetjing om å legge til rette for bustader med høg arealutnytting i sentrale område, finn SFU også at det er klart større fordelar enn ulemper med å gje dispensasjon. Med heimel i plan- og bygningslova 19-2 gjev SFU dispensasjon frå reguleringsplanen for frådeling av tomt til bustadføremål slik det er omsøkt, på følgjande vilkår: c) Som ramme for utbygginga på tomta skal føresegnene for tilgrensande regulerte bustadområde gjelde. d) Det skal leggast til grunn same byggegrense frå veg som gjeld elles for bustadområdet langs den aktuelle tilkomstvegen. Vedtaket om dispensasjon gjeld i tre år, og det må rekvirerast og gjennomførast kartforretning innan same frist. Utskrift til: Arne Kåre Engeseth, Engesetvegen 68, 6153 Ørsta Fylkesmannen i Møre og Romsdal. Fylkeshuset, 6404 Molde

4 Møre og Romsdal fylkeskommune, Fylkeshuset, 6404 Molde Landbrukskontoret, her

5 Saksvedlegg: Søknad om deling av grunn, vedlagt utsnitt av reguleringsplan Brev frå Ørsta kommune, datert Brev frå Arne Kåre Engeseth, vedlagt sjekkliste ROS Kart/ortofoto, m=1:1000 og 1:2000 Protokoll frå sak DS 5/13, landbrukssjefen Uprenta saksvedlegg: Diverse saksdokument Innkomne merknader/fråsegner Saksopplysningar: Det ligg føre søknad om dispensasjon frå reguleringsplan for deling av grunn frå gnr. 16 bnr. 222 på Engeset. Området er i gjeldande plan regulert til jordbruk. Det ligg ikkje føre merknader i samband med nabovarslinga. Saka er sendt på høyring og det ligg føre følgjande fråsegner/merknader: Landbruk, delegert vedtak Frådeling etter jordlova 12, vedtak: Seksjonsleiar kultur og næring viser til søknad innstempla , frå eigar av gnr 16 bnr 222, Arne Kåre Engeseth, om frådeling av bustadtomt. Det vert vist til saksutgreiinga med konklusjon, og gitt løyve etter jordlova 12, til frådeling av om lag 650 m² til bustadtomt slik det er søkt om. Grunngjeving er at frådelinga vert vurdert som forsvarleg utifrå den avkastning som eigedomen kan gje, sidan arealet er lite og ligg i bebygd sentrumsområde. 2. Dispensasjon frå reguleringsplan, tilråding: Seksjonsleiar kultur og næring viser til søknad innstempla frå eigar av gnr 16 bnr 222, Arne Kåre Engeseth, og går inn for at det kan gjevast dispensasjon frå gjeldande reguleringsplan. Fylkesmannen i Møre og Romsdal, Barn og unge sine interesser Fylkesmannen har ikkje kunnskap om bruken av arealet, men i saker som gjeld slik omdisponering i bustadfelt, bør kommunen alltid vurdere om det er i bruk eller eigna til leikeareal, jf. rikspolitiske retningslinjer om barn og planlegging. Vår kommentar: Kommunen har ikkje kjennskap til at det aktuelle arealet er eller har vore i bruk til leik. Om dette var tilfellet, burde det vere aktuelt å vurdere om arealet skulle avsettast til leikeplass, då det er lite leikeareal i omkringliggande bustadområde. Så lenge det ikkje er kjent slik konkret bruk av arealet, finn ein likevel ikkje at ei ev. omdisponering utløyser behov for etablering av kompenserande areal, jf. rikspolitiske retningsliner om barn og planlegging. Møre og Romsdal fylkeskommune, og Automatisk freda kulturminne Her oppe mot dei gamle tunområda på Engeset kan det gjerast funn av freda kulturminne frå mellomalder eller eldre. Det vil vere behov for ei mindre arkeologisk registrering for å avklare dette,

6 før vi kan gje fråsegn i saka jfr kulturminnelova 9 og 10. Tiltakshavar pliktar å dekke kostnadane til dette. Vi reknar omfang til å kome på ca kr (ca 2 dagsverk felt, 2 dagsverk rapport pluss event. dat. prøve). Tinging lyt skje skriftleg i god tid før ein ynskjer arbeidet utført. Av tinging lyt det framgå kvar refusjonskrav skal sendast. Det må føreligge oversyn/påvising av over kablar ol. Det vil og trengast ei maskin i arbeidet, samt ved funn oppmåling (event. Eksisterande fastpunkt kan brukast). Dette er ikkje innrekna i kostnadsoverslag og må tingast direkte av tiltakshavar. Ta kontakt med vår fagsakshandsamar ved spørsmål revidert fråsegn Automatisk freda kulturminne Vi gjennomførte saman med grunneigarar v/bjørg Gjersdal, ei synfaring på overnemnde areal. Med bakgrunn i opplysningar om sandtak i skråninga er det aktuelle registreringsarealet avgrensa til ei lita bot ved løa. Vi trekkjer av den grunn vårt krav om arkeologisk registrering. Skulle ein under arbeid finne noko av arkeologisk karakter på den vesle kanten oppe ved løa som ikkje er berørt av arbeidet med tidlegare sandtak, lyt ein stogge arbeidet og ta kontakt med oss for avklaring. Vurdering og konklusjon: Søknaden gjeld omdisponering av eit om lag 650 m 2 stort areal regulert til jordbruk til bustadføremål. Søkjaren har klargjort at det er søkt om ein arealbruk som samsvarer med arealbruken i det regulerte bustadområdet som tomta grensar til. Det er tankar om å bygge ein tomannsbustad, ev. ein einebustad. I samband med handsaming etter jordlova, slår landbrukssjefen fast at jordbruk ikkje lenger er aktuell arealbruk. Dette har også vore signalisert i tidlegare politisk handsaming i landbruksnemnda. Tomta ligg i grense mot regulert bustadområde mot nordvest, mot vegar i nordaust og mot tidlegare tunområde på eit platå bakanfor i sørvest. Tomta er ikkje ein naturleg del av det tidlegare tunområdet, då den ligg i ei skråning mot nordaust nedanfor platået tunområdet ligg på. Grunneigar har vore spurt om planar for framtidig bruk av det samla området, med tanke på at det kunne vere naturleg og fornuftig å gjennomføre ei reguleringsendring der heile området fekk avklara ny, framtidig arealbruk. Søkjar har svart at han er usikker på kva resten av arealet bør nyttast til, og at det ikkje vil verte teke opp spørsmål om anna arealbruk her på lang tid. Det ligg ikkje føre merknader ved nabovarslinga. Det ligg heller ikkje føre merknader av betydning for saka frå sektormynda, då kulturminnespørsmålet no er løyst etter ny, revidert fråsegn frå fylkeskommunen. Det er ikkje registreringar i Naturbasen om verdifulle naturtypar eller artar som kan verte påverka av planen/tiltaket. Det er heller ikkje kjent at det kan vere andre artar eller naturtypar i området som ikkje er fanga opp av registreringane i naturbasen. Området ligg i nær tilknyting til eksisterande bustader og tidlegare tunområde og utgjer ikkje eit område med naturgitt terrengtilstand m.v. Kravet i naturmangfaldlova (nml) 8 om at saka skal basere seg på eksisterande og tilgjengeleg kunnskap er dermed oppfylt. I og med at naturmangfaldet i liten grad vil bli påverka av framlegget og at det ikkje kan påvisast at tiltaket vil ha effekt på verdifull natur, vert det lagt til grunn at det ikkje er naudsynt å gjere vurderingar etter dei andre miljøprinsippa i nml

7 Tomta vil ha tilkomst frå veg som er regulert som felles/privat. Kommunen har likevel konkludert med at vegen sin status er å oppfatte som offentleg, og det kan føresettast at tilkomstspørsmålet er avklara. Det er offentleg leidningsnett i nærleiken. Tomta er relativt lita, ut frå at den har ei uregulær form. Ideelt sett bør føremålsendring skje gjennom utarbeiding av reguleringsplanar der ein også ser arealbruken i samanheng over litt større område. I dette tilfellet ligg den aktuelle tomta i ein eldre reguleringsplan, der den fastsette arealbruken openbert er utdatert. Arealet grensar inntil regulert bustadføremål i reguleringsplanen, og fysisk ligg arealet også som eit naturleg tilleggsareal til det regulerte bustadføremålet på bakgrunn av terrengtilhøve og arrondering. Det ligg heller ikkje føre merknader til søknaden verken frå naboar eller noko sektormynde som tilseier at endringa skulle vere problematisk. Rådmannen konkluderer såleis med at det å gje dispensasjon i dette tilfellet ikkje set omsyn planen har meint å sikre til sides, og at det er klart større fordelar enn ulemper med å opne for bustader enn at området skal ligge som jordbruk, der denne arealbruken ikkje lenger er føremålstenleg for området. Alternativet til å opne for bustadføremål, kunne vere å legge til grunn at arealet bør avsettast til leik for å dekke behovet i det omkringliggande regulerte bustadområdet. Det er ikkje vurdert særskilt om dekninga for leikeareal har kapasitet i området, men ei ekstra tomt i eit større bustadområde som her vil utløyse eit relativt lite ekstra behov i høve det planen elles skulle ha lagt til rette for i utgangspunktet. Det synest ikkje ligge føre nokon vesentlege uavklarte tilhøve knytt til å kunne bygge ut tomta som tilseier at det er naudsynt å gjennomføre ei full reguleringsendring. Rådmannen finn såleis at nytten ved å krevje reguleringsplan for denne endringa ikkje overstig byrden gjennomføring av ei full reguleringsendring vil medføre. Det vil vere naturleg å føresette at føresegnene i tilgrensande regulerte bustadområde i reguleringsplanen skal verte gjort gjeldande som ramme for utbygging av tomta. Vidare at byggegrense vert gjort gjeldande langs veg tilsvarande slik den gjeld elles langs den aktuelle tilkomstvegen. Ørsta, Eldar Øye leiar plan- og utviklingsstaben Gunnar Wangen avdelingsleiar plan og miljø