VINDAFJORD KOMMUNE SAKSPAPIR

Transkript

1 VINDAFJORD KOMMUNE SAKSPAPIR Saksnummer Utval Vedtaksdato 063/15 Formannskapet Saksbehandlar: Johannessen, Ingrid Sak - journalpost: 13/ ANDRE GONGS HANDSAMING - ENDRING AV DETALJREGULERING FOR HYTTEBØ Rådmannen sitt framlegg til vedtak: Endring av detaljregulering av Hyttebø vert godkjent slik det går fram av plankart datert og føresegner datert Formannskapet Rådmannen sitt framlegg til vedtak vart samrøystes vedtatt (med 8 røyster). FS-063/15 Vedtak: Endring av detaljregulering av Hyttebø vert godkjent slik det går fram av plankart datert og føresegner datert Aktuelle lover, forskrifter, avtalar, reglement m.m.: Plan- og bygningslova og naturmangfaldlova. Saka gjeld: Endring av detaljregulering for Hyttebø. Saksopplysningar/vurdering: Kon-Sul AS har på vegne av grunneigar/tiltakshavar Tomas Finnvik utarbeida forslag til endring av detaljregulering for hytteområde Hyttebø. Bakgrunnen for endringa er ønske om ei fortetting innanfor eksisterande hytteområde samt ei utviding av småbåtanlegget slik at talet på båtplassar samsvarar med talet på hytter. Planutkastet vart første gong handsama i formannskapet , sak nr 046/14, og har

2 vore ute på høyring i tidsrommet Dette vart også kunngjort i Grannar og Haugesunds Avis og på kommunen sine nettsider. Det er komme inn følgande merknader: Fiskarlaget Vest Ein føresett at småbåtanlegget ikkje fører til unødig forureining. Fortøyingar må avgrensast mest mogleg slik at beslaglagt sjøområde blir minst mogleg. Innanfor friluftsområde i sjø er det eit registrert gyteområde og område for fiske med passiv reiskap. Fiskarlaget ber om at det i føresegnene kjem med at det fortsett skal kunne drive fiske i området og at det er eit eksisterande gyteområde. I føresegnene er særskilt nemnt at innanfor friluftsområde i sjø er det eit eksisterande gyteområde og at fiske er tillate. Haugaland Interkommunale Miljøverk For hytteområdet er det etablert ein felles samleplass for avfall for fastbuande og hytter, men denne samleplassen er ikkje opparbeidd og ligg utanfor planområdet. Generelt er det lite ønskeleg med for store samleplassar. Erfaring har vist dårlegare sortering og meir misbruk. HIM ber om at samleplassen splittast opp på tre ulike stadar i høve til eit vedlagt kart. I samråd med tiltakshavar har ein funne lokalisering av to nye samleplassar til erstatning for eksisterande. Desse er teikna inn på plankartet og det er stilt krav til opparbeiding og bruk i føresegnene. Kystverket Ingen merknader. Haugaland Kraft Omsynssone H370, høgspent, på oversendt plankart er ikkje i samsvar med kraftlaget sin trase for høspent luftledningsanlegg. Kraftlaget ber om at plankart blir retta i høve til deira eksisterande ledningstrase. Administrasjonen har fått kraftlaget sine kraftleidningstrasear oversendt digitalt, og har såleis kunna legge inn eksakt linjetrase på plankartet. Statens vegvesen Ingen merknader til planutkastet. Mattilsynet Mattilsynet ber Vindafjord kommune og tiltakshavar ta omsyn til krav om tilfredsstillande drikkevatn for bygningar til opphald av menneske, og at desse krava vert ført inn i reguleringsplanen. Det er i føresegnene stilt krav om at hyttene skal ha tilfredsstillande drikkevatn før innflytting kan skje. Fylkesmannen Nytt hyttefelt på 16,4 daa ligg i LNF-område i kommuneplanen, og delvis innanfor 100mbeltet mot vassdrag. Nytt hyttefelt er difor ikkje i samsvar med formålet i gjeldande kommuneplan. I 100m-sona til vassdrag skal det takast særleg omsyn til natur- og kulturmiljø, friluftsliv, landskap og andre allmenne interesser, jf plan- og bygningslova 1-8. Vassdraget ved Vågavatnet er eit viktig naturmiljø og lokalitet for ei rekkje artar. Planen tek

3 ikkje omsyn til landskapsverdiane til området, eit område som er klassifisert som «vakre landskap i Rogaland». 3-4 av hyttene skapar høgt press mot vassdraget og må takast ut av planen. Fylkesmannen fremmar motsegn til talet på hytter og plassering av hyttene mot vassdrag i nytt hytteområde 16,4 daa. Fylkesmannen fremmar motsegn til hytte a i eksisterande hyttefelt. Denne hytta vil ligge på eit høgdedrag, vere synleg frå sjøen og ha stor landskapsverknad. Plasseringa vil ikkje vere i samsvar med føresegna til planen. Kommunen har i brev til Fylkesmannen kommentert motsegna. Fylkesmannen har i seinare samtale med kommunen gitt følgande tilbakemelding: «nærheten til vassdrag er ikke belyst og formålsendringen for hyttefelt 16,4 daa strider med gjeldende kommuneplan». Planstatus I gjeldande plan er hyttene fordelt på fire mindre hytteområde (som har 2-3 hytter kvar) og eitt større med 17 hytter, til saman er det 28 hytter i planområdet. Planendringa omfattar endring av småbåtanlegg nede ved sjøen, nytt hytteområde på 16,4 daa for 8 nye hytter (i eit eksisterande friluftsområde) og ei ny hytte i eit hytteområde på 6,5 daa som frå før har 3 hytter. Totalt 9 nye hytter. I nytt planforslag er noko areal som i gjeldande reguleringsplan er sett av til friluftsformål, endra til fritidsbusetnad. Dette arealet er i gjeldande kommuneplan sett av til LNF-område. Reguleringsforslaget er såleis ikkje heilt i samsvar med arealformål i kommuneplanen. Kommunen har vurdert det slik at planarbeidet ikkje utløyser krav til konsekvensutgreiing med bakgrunn i omfang av planområdet, og innhald i planen. Sidan nytt hytteområde inneber ei endring av formål, blei det på oppstartsmøtet avklart kva tema som var naudsynt å vurdere nærare. Dette er ikkje gjort grundig nok i innsendt planskildring. Med tanke på at ein legg opp til å endre arealformål frå friluftsformål til fritidsbustadformål blir særskilt vurderingar knytt til tema arealutnytting, strandsone, grøntstruktur og naturmangfald aktuelt. I det følgande har rådmannen gjort vurderingar for desse tema. Arealutnytting nytt planforslag Planområde totalt er på om lag 565 daa. Dette fordelar seg på hovudformåla landbruksformål 255 daa friluftsformål 134 daa fritidsbusetnad 79 daa Nytt planforslag vil til saman gi ei utbygging av 37 hytter, fordelt på 79 daa. I føresegner til kommuneplanen er det stilt krav om minimum 1 hytte pr. dekar. I større hyttefelt kan hyttene byggast i klynger på 7-10 hytter, kor det då er den enkelte klynga som skal ha denne utnyttingsgraden, medan friområde mellom hytteklyngene kjem i tillegg. I forslag til endring av reguleringsplan er det ei klynge med 8 hytter på eit areal som er 16,4 daa stort. Kommuneplanen stiller ikkje krav om areal sett av til friluftsformål pr. hytte, men i planforslaget er det 3,6 daa friluftsformål pr. hytte. Strandsona til sjø hytte a Ny hytte i hyttefelt med 3 eksisterande hytter (nemnt som hytte a i planforslag) vil bli liggande 87 meter frå sjøen, men bakanfor ei eksisterande hytte. Nytt hyttepunkt er trekt inn til foten av kolle som er 6 høgdemeter over plassert hyttepunkt for å unngå silhuettverknad frå sjøen. På framsida av hyttepunkt ligg også ein mindre kolle og eit framspring i terrenget på i overkant av 30 lengdemeter. Dessutan er hytte (-ne) plassert i eit skogkledd område, hovudsakleg furuskog. Tilsaman bidrar dette til at hytta blir mindre synleg frå sjøen. Hytta er plassert i terrenget etter synfaring og vurdering på staden. Føresegnene stiller krav om at det ikkje er tillate å fjerne all vegetasjon i hytteområda og fjerning av store tre kan berre skje etter grunneigar sitt løyve. Strandsona til vassdrag nytt hyttefelt

4 Hustoftvatnet og Vågavatnet ligg i vestleg del av» Skipavågområdet» registrert i prosjektet «vakre landskap i Rogaland». Det står skrive følgande i rapporten/boka: «Området rundt Skipavåg er et skogkledd landskap i veksling med et åpent og harmonisk kulturlandskap. De to næringsrike vatna, øvre og nedre Vågavatnet har et rikt planteliv med hovedsaklig furuskog som gir området god variasjon. En markert fjellkant med storsteinet ur og skog avgrenser området i nord. Jordbrukslanskapet ligger i et svak bølgende terreng, og innslag av trevegetasjon langs steingarder og i smågrupper gir fleire mindre landskapsrom i et særpreget og variert kulturlandskap. Elles i området finnes fin furuskog med innslag av eik og annen lauvskog som går helt ned i sjøkanten.» Utsnitt av flyfoto viser det omtalte området. Nytt hytteområde i planforslaget rører ved det som i rapporten blir omtalt som nedre Vågavatn omkransa av furuskog (avmerka med raud sirkel). Hytteområdet ligg i tilknyting til eksisterande inngrep. Også hytter i gjeldande reguleringsplan ligg i dette landskapet. Som det går fram av kartutsnitt vil nytt hytteområde berre røre ved ein liten del av landskapet heilt i sørvestleg del. Det går også tydeleg fram at store deler av naturlandskapet forblir inntakt.

5 I naturbasen er Vågavatnet registrert som viktig naturtype H00 og verdikode C (lokalt viktig). Det går fram av «artskart» at følgande observasjonar er gjort: 1961: Gerris Lacustris, 1969: ål, 2002: siland, krikkand og gråmåke og 2009: sennegras. Desse førekomstane er knytt til vassmiljøet. Det går fram av kartutsnitt frå Naturbasen kor grensa går for området si utstrekning. Ser ein dette i høve til planforslag, vil ei hytte (hytte j) ligge innanfor området som er kartlagt som lokalt viktig naturtype og innanfor nedslagsfeltet for vatnet. Nytt hyttefelt er lokalisert i eit kupert landskap kledd med furuskog. Hyttene er vurdert og plassert etter synfaringar på staden. Tre av hyttene ligg innanfor 100-metersbeltet til vatnet ( hytte f 86 meter, hytte g 55 m og hytte j 70 m). Hytte g og j blir liggande nærast, men dei ligg i eit område med tett skog. Føresegnene sikrar at flatehogst ikkje er tillate. Såleis vil ikkje verken enkelthyttene eller hyttefeltet bli dominerande i landskapsbildet mot vatnet. Hyttene d, e, f og g ligg med ein avstand på m frå elva. Utløpet av Vågavatnet er regulert i samband med settefiskanlegget si verksemd nede ved sjøen. I periodar er vassdraget tørt då Vågavatnet er demma opp og berre har overløp til bekken i regnfulle periodar. Terrenget på begge sider av elveløpet er bratt, men er særskilt bratt i nytt hyttefelt. Her ligg hyttene på ein nord-sørgåande rygg 15 meter høgare enn vassdraget. På denne ryggen ligg spreidd 5 kollar, alle på kote 47. Hyttene er plassert mellom kollane varierande frå kote 43 og opp til kote 46 som er den høgast plasserte hytta. På grunn av høgdeforskjell og hellingsgrad vil nærkontakt med elva vere minimal. Elva med kantsone er med andre ord naturleg avgrensa av terrengformasjonen. Grøntstruktur Det går fram av punktet om arealutnytting at 16,4 daa av eksisterande friluftsområde blir endra til hytteområde. Innanfor planområdet totalt sett er det rikeleg areal igjen til friluftsformål. Alle hyttene i området er basert på festetomter, og det er mellom hyttene fleire opparbeidde stiar. Nytt hyttefelt vil ikkje hindre ferdsel til fots og ingen etablert grøntstruktur blir oppløyst. Turstiar og grusveg inn i hytteområdet og ned til sjøen gir gode vilkår for ferdsel i planområdet. Den nedre del av strandsona til sjø er svært bratt og uframkommeleg, og vegane blir viktige for å ta seg fram til denne. Elles er landskapet meir kupert og lettare framkommeleg til fots. Naturmangfald Viser til punktet om strandsona til vatn/elv. Planendringa omfattar areal som er relevant å vurdera etter naturmangfald. Det følgjer av naturmangfaldlova 7 at prinsippa i lova 8-12 skal leggjast til grunn som retningsliner for handsaming av saka og at det skal gå fram av avgjerda korleis desse prinsippa er vurderte og vektlagde. Opplysningar om biologisk mangfald er sjekka i Temakart Rogaland, Naturbase og Artsdatabanken sitt artskart. Ingen av desse syner at det et registret prioriterte artar, trua eller nær trua artar, utvalde naturtypar eller nær trua naturtypar i området. Arealet ligg ikkje innanfor INON-område. Som det er påpeikt ligg planområdet innanfor eit område registrert i prosjektet»vakre landskap i Rogaland» og øvre og nedre Vågavatnet er ein registrert naturtype H00 med lokal verdi med førekomstar av arter knytt til vassmiljøet. Det er ikkje komme fram opplysningar frå lokalt hald om spesielle førekomstar av biologisk mangfald. Dette saman med at hyttene ikkje vil bli dominerande i landskapet og heller ikkje i nedslagsfeltet for vatnet taler for ei minimal påverknad av naturtypen. På bakgrunn av dette er det derfor ikkje grunn til å tru at tiltaket vil påverke trua eller verdfulle artar eller naturtypar. Kommunen vurderer derfor kunnskapsgrunnlaget som godt nok ( 8) og at det ligg føre tilstrekkeleg kunnskap om verknad på naturmangfaldet. Ut frå dette får føre-var-prinsippet i lova 9 mindre vekt i denne saka. Nytt hyttefelt er innanfor grensene av ein eksisterande reguleringsplan, men vil føre til ei ytterlegare utbygging. Utbygging i samsvar med planen vil bety at meir areal vil bli nedbygd. Det vil altså i framtida bli ei større belastning på området i form av fritidsbustadar, noko som er vurdert som forsvarleg og tåleleg. Nytt hytteområde rører ved ein liten del (i sørvest)av

6 ein landskapstype som er registrert i prosjektet «vakre landskap i Rogaland». Elles blir arealet ikkje vurdert å inneha økosystem, naturtypar eller artar som krev særleg aktsemd. Kommunen finn at området kan tåla aktuell belastning utan irreversibel skade på naturmangfaldet i særleg grad ( 10 og 12). 11 om kostnader ved miljøforringing vert dermed i denne saka mindre aktuell. Etter ei totalvurdering av føremoner og skadeverknadar av dei tiltaka planen opnar for, konkluderer rådmannen med at dei samfunnsmessige interessene knytt til hyttebygging på det aktuelle arealet er større enn ulempene for naturmangfaldet. Den gjennomførte rådmannen saman med sakshandsamar hos Fylkesmannen, ei synfaring i planområdet. Rådmannen har gjort endringar i føresegner i samsvar med dei moment som kom fram under synfaringa. Dette gjeld i hovudsak krav til lokalisering av hyttepunkta og landskapstilpassing, jf. føresegnene Det er også gjort endringar i plankartet slik at det er gitt meir fleksibilitet for plassering av fritidsbustad, samstundes som område for plassering er avgrensa. På bakgrunn av desse nye vurderingane og endringar i føresegner og plankart, har Fylkesmannen trekt sine motsegner. Oppsummering Arealet er regulert frå før. I gjeldande reguleringsplan (sist endra ) er areala i hovudsak sett av til fritidsbusetnad, friluftsformål og landbruksformål. Tilkomstvegen til hytteområdet er regulert i detaljregulering for Vågafossen settefiskanlegg. I nytt planforslag er deler av det arealet som er sett av til friluftsformål endra til nytt hytteområde med nye festetomter. Dette arealet er i gjeldande kommuneplan sett av til LNFområde. Reguleringsforslaget er såleis ikkje heilt i samsvar med arealformål i kommuneplanen, men rådmannen har vurdert det slik at planarbeidet ikkje utløyser krav til konsekvensutgreiing med bakgrunn i omfang av planområdet og innhald i planen. Tilkomst til nye hytter skjer hovudsakleg på eksisterande veg innanfor planområdet, men med sidevegar for tilkomst til nye hytter. Nokre hytter ligg med avrenning til vatn/vassdrag som er viktig å skjerme mot forureining. Det er i føresegnene stilt krav om at hyttene skal ha tilfredsstillande drikkevatn og godkjent avløp før dei kan takast i bruk. Til planforslaget er det utarbeida ein ROS-analyse (som ligg ved saka). Rådmannen vurderer tiltaket til å ha akseptabel risiko. Det er i føresegnene stilt krav til dimensjonering og utføring av småbåtanlegget. Dei positive verknadene av planen er at det blir opna for bygging av fleire hytter og samtidig utviding av småbåtanlegg for at antal båtplassar skal samsvare med antal hytter. Etter ei samla vurdering vil ei fortetting ikkje gå ut over heilskapen og dei kvalitetar som hytteområdet har som rekreasjonsområde. Dei negative verknadene vil vere dei landskapsinngrepa nye tiltak vil skape. Med bakgrunn i nye tiltak si utforming, plassering, samt nye krav stilt i føresegnene, meiner rådmannen det er forsvarleg slik forslag til endring ligg føre. Alle endringar i føresegner og plankart er i samråd med grunneigar/tiltakshavar. Vedlegg: Plankart FØRESEGNER PLANSKILDRING - REVIDERT UTGÅVE ROS-analyse