VINDAFJORD KOMMUNE SAKSPAPIR

Transkript

1 VINDAFJORD KOMMUNE SAKSPAPIR SAKSGANG Styre, utval, komite m.m. Møtedato Saksnr Sakshands. Formannskapet /11 INJ Avgjerd av: Saksansv.: Ingrid Johannessen Arkiv: PlanID- Objekt: K2-L12, Arkivsaknr 11/1749 FØRSTE GONGS HANDSAMING AV DETALJPLAN FOR VÅGAFOSSEN Dokumentliste: Nr T Dok.dato Avsendar/Mottakar Tittel 1 I Eirik Østerhaug UTVIDELSE VED VÅGAFOSSEN 2 I Vågafossen v/eirik Østehaug & REF. OPPSTARTSMØTE Nina Skjerping 3 I Vågafossen Settefisk AS MELDING OM OPPSTART AV DETALJREGULERING FOR VÅGASAGA - GNR 95 BNR 2, 6, 13, 17 4 I Kystverket vest UTTALE TIL MELDING OM OPPSTART AV DETALJREGULERING FOR VÅGASAGA 5 I Fylkesmannen i Rogaland - Miljøvernavd. UTTALE TIL L VINDAFJORD 95/2,6,13,17 VÅGAFOSSEN AS, NÆRING, VEG M.M 6 I Fiskarlaget Vest UTAALE - DETALJREGULERINGSPLAN VÅGASAGA 7 I Akvator DETALJREGULERING VÅGAFOSSEN Aktuelle lover, forskrifter, avtalar, reglement m.m.: Plan- og bygningslova. Saka gjeld: Første gongs handsaming av utkast til detaljplan for Vågafossen settefisk as. Saksopplysningar: Akvator har på vegne av Vågafossen Settefisk as, fremja detaljplan for området. Formålet med planarbeidet er å legge til rette for akvakultur og sikre tilkomstveg og røyrgate frå Vågavatet. Planområdet er i gjeldande reguleringsplan (reguleringsplan for hytter m.v på del av gnr 95 bnr 2 m.fl Hyttebø av Våga 1996) også avsett til akvakultur. Planforslaget legg

2 ikkje opp til større areal, berre høgare utnyttingsgrad. Planen omhandlar ikkje vassføring og uttak av vatn. Slike tilhøve blir regulert av Lov om vassdragsregulering der NVE har mynde. Planområdet er lokalisert søraust i Vindafjord kommune, nesten inne ved Ropeid. Vågafossen settefiskanlegg er etablert heilt nede ved sjøen, på ei berghylle ca 4,5 m over havet. Planområdet grensar til sjø i sør, og til eit jordbruks-/skogbruksområde med spreidd hyttebusetnad i aust og vest. I nord grensar planen til vegkrysset på Figgenvegen. Planområdet grensar ikkje opp til Fv 46. Området for settefiskanlegget vert ikkje utvida i høve til gjeldande reguleringsplan. Planforslaget legg opp til ei høgare utnytting gjennom auka BYA og høgare mønehøgd innanfor området. Tilkomstvegen går delvis i eksisterande trasè, men har endra kurvatur på svingar slik at vegen vert meir oversiktleg, sikrare og betre framkommeleg. Det vart halde oppstartsmøte Oppstart av planarbeidet er annonsert og det er sendt brev til grunneigarar, naboar og offentlege mynde. Følgjande merknader er komne inn: Kystverket Kystverket skriv at det må tas omsyn til ferdsel i området ved planlegging i sjø, og at det i føresegnene må skrivast at tiltak som fell inn under hamne- og farvasslova må godkjennast av hamnemynde. Planforslaget legg ikkje andre føringar for sjøområdet enn fri ferdsel til anlegget. Det er innarbeida i føresegnene at tiltak som fell inn under hamne- og farvasslova sine bestemmelsar skal godkjennast av hamnemynde. Fylkesmannen i Rogaland Fylkesmannen minner om at naturmangfaldslova inneber at ein må opplyse om alle kjende naturverdiar og grunngi godt om desse ikkje kan tas vare på. I planomtalen er alle kjende naturverdiar vurdert opp mot planforslaget. Mattilsynet Mattilsynet har ingen merknader utover at dei ber utbyggjar og Vindafjord kommune ta omsyn til eventuelle drikkevasskjelder som vert rørte. Det er ingen drikkevasskjelder som vert rørte ved planframlegget. Fiskarlaget Vest Fiskarlaget opplysar om følgjande: - Det er eit fiskeområde for passiv reiskap ved omsøkt område - Det føregår eit fiske etter lange på 150 m djupne utanfor omsøkt område Så lenge det ikkje vert lagt opp til noko utslepp i sjø som kjem til hinder for ovanfor nemnde fiske, har dei ingen merknader til planen. I planforslaget vert det ikkje lagt opp til auke i utslepp frå anlegget. Ved eventuell endring av utsleppssituasjonen skal dette søkjast om. Fylkesmannen har mynde. Vindafjord kommune, eining kommunaltekniske tenester Eininga for kommunaltekniske tenester i Vindafjord kommune har ingen merknader. Statens vegvesen Statens vegvesen kommenterar følgjande:

3 Om vi legger til grunn at trafikk i kryss mot Fv 46 ikkje endrast, har vi ikkje merknader til varselet. Tiltakshavar sine kommentarar Planframlegget legg ikkje opp til ein auke i trafikken til og frå anlegget. Dette betyr at det ikkje vert auka trafikk i krysset mot Fv 46. Vurdering: Planstatus Planområdet er regulert i gjeldande plan; reguleringsplan for hytter m.v på del av gnr 95 bnr 2 m.fl Hyttebø av Våga, Planområdet er i eksisterande plan regulert til oppdrettsanlegg og køyreveg. I arealdelen av kommuneplanen er området vist som akvakultur. Vågafossen settefisk har tidlegare fått godkjent to mindre vesentlege reguleringsendringar. Dei to områda dette gjeld, er teke med i utkast til ny detaljplan. Risiko og sårbarheit Tiltakshavar har vurdert området i høve til risiko og sårbarheit. Etter denne vurderinga er planen vurdert å ha akseptabel risiko. Nokre tilhøve har sannsynlegheit for å forekomme samstundes med at det oppstår ei viss fare. For å førebygge og redusere eventuelt skadeomfang er følgjande tiltak innarbeidd i planforslaget: - utbetring av vegstandard - sikring av sjøkant innanfor området til settefiskanlegget - bygge inn størstedelen av fiskekara - etablere overløp i elv frå Nedre Vågavatn Tiltakshavar har konkludert med at planforslaget er vurdert å ha akseptabel risiko forutsett at avbøtande tiltak nemnt i tab 1 vert gjennomført. Infrastruktur; veg/parkering, vatn og avløp Eksisterande tilkomstveg fram til settefiskanlegget er smal med knapp kurvatur. I planforslaget legg ein opp til ei opprusting av vegen og utbetring av svingar og vegbreidde. Dette gjer vegen tryggare. Vegen blir i hovudsak nytta til persontransport av fastbuande, hytter og settefiskanlegg. Inne på området for akvakultur vil det vere tilstrekkeleg plass for parkering. Eining for kommunaltekniske tenester har følgjande merknader: - ved auka trafikk må den kommunale vegen, som går ned til tilkomstveg, forsterkast - kommunal veg bør utvidast, eller det kan opparbeidast møteplassar. Planforslaget legg til grunn at trafikkmengda vil vere den same. Skulle trafikken auke, må ein vurdere tiltak i tråd med ovanfor nemnde. Vågafossen er sjølvforsynt med vatn frå eige inntak i Vågavatnet. Planforslaget legg ikkje opp til ei endring av dette. Jord-/skogbruksinteresser Planforslaget ligg i eit område som i lengre tid har hatt næring som formål. Vegtilkomsten går gjennom eit skogområde med varierande grad av bonitet. Skogen er dominert av furu, men med innslag av gran. Det er ingen dyrka jordbruksareal som blir rørt. Naturvern/friluftsliv/strandsone Vågafossen settefiskanlegg ligg i strandsona og har behov for å ligge der grunna transport av fisk og utstyr med båt. Planforslaget legg ikkje opp til bruk av meir areal i strandsona, men til auka utnyttingsgrad. Strandsona i området er svært bratt og utilgjengeleg. Det er ingen turstiar eller badeplassar i området. Utøving av friluftsliv er i hovudsak knytt opp til bruk av hyttene og deira tilkomst til sjøen, til arealet rundt hyttene og Vågavatnet. Planforslaget influerar ikkje på dette.

4 Rundt Hustoftvatnet og Vågavatnet er det registrert ein lokalt viktig naturtype. Grunngjevinga for registreringa er at lokaliteten er viktig for insekt og amfibier, er artsrik med interessante funn av sennegras og har eit rikhaldig fiskevatn. Planforslaget vil ikkje verke inn på dette. Det er også registrert yngleområde for andefugl i begge desse vatna ( jf Naturbasen). I artsdatabanken er det registrert planter, insekt, amfibier, fuglar og fisk i nærområdet til planen. Ein god del av dei registrerte artane er vanlege i området og elles i regionen. Det er ikkje registrert verdifull flora eller fauna som er sårbar eller trua i planområdet. Ut frå ei samla vurdering av kjent kunnskap om naturmangfaldet, er det ikkje grunn til å tru at planforslaget vil få negative konsekvensar for dette. Kulturminne/kulturlandskap Det er ingen kjente kulturminne innanfor planområdet, men det ligg innanfor eit område registrert i rapporten Vakre landskap i Rogaland. Landskapsverdiane i Skipavågområdet er knytt til dei to vatna, med innslag av jordbrukslandskap med steingardar. Dei nye hyttene og settefiskanlegget er nemnt som element som trekkjer heilskapsverdien ned. Planforslaget vil ikkje legge beslag på nye areal. Ved funn av kulturminne må anleggsarbeid stoppast og kulturmynde varslast. Vassdrag Vågafossen settefiskanlegg hentar i dag vatn frå Nedre Vågavatn, og indirekte frå Øvre Vågavatn og Hustoftvatnet som ligg høgare oppe. Nedre Vågavetn er regulert etter løyve gitt av NVE. Planforslaget regulerar ikkje endra vassuttak. NVE har mynde etter Lov om vassdragsregulering, og Vågafossen settefiskanlegg har inne søknad om konsesjon for endra vassuttak. Anna (støy, energiforsyning) Planforslaget legg ikkje opp til endringar i energiforbruk. Det er likevel ønskje om å rydde opp i stolpar og linjer i området i samband med utbygginga. Detaljplanen legg opp til ei forbetring av dagens situasjon når det gjeld støy. I planforslaget ønskjer ein å bygge store delar av anlegget under tak, og den støyande aktiviteten som er utandørs i dag, vil i framtida komme inn i bygg. Såleis er det ikkje gjort noko støykartlegging. Estetikk/type byggeområde Settefiskanlegget er utbygd over tid og manglar heilskapstenking. Planforslaget er meint å legge føringar for ein heilskapleg utbygging. Meir av anlegget er tenkt innebygd. Bygningane skal tilpassast terrenget for at anlegget skal bli minst mogleg ruvande i landskapet. Planforslaget legg opp til ei todelt byggehøgde. Bygg nærast sjøen vert lågare (mønehøgd 10,5 m) enn bygg inn mot fjellskjeringa (mønehøgda 19,5) Mønehøgda for bygg inn mot fjellskjering blir då på kote + 24,5, til samanlikning vil dei næraste hyttene vere plassert på kote I gjeldande reguleringsplan er BYA maks 30 %. Settefiskanlegget ligg på ei berghylle ned mot sjøen i eit bratt, skrånande terreng. Ei utviding av settefiskanlegget fordrar høgare utnyttingsgrad om ein ikkje skal ta i bruk større areal. Det er vurdert som minst inngrep å auke utnyttingsgraden opp til 80 %. Uansett vil store næringsbygg vere dominerande. For å dempe inntrykket er det i føresegnene stilt krav om materialval og fargeval. Det er gjort endringar i føresegnene og desse er akseptert av plankonsulent. RÅDMANNEN SITT FRAMLEGG TIL VEDTAK: Utkast til detaljplan for Vågafossen Settefisk vert lagt ut til offentleg ettersyn i samsvar med i plan- og bygningslova. Plankartet er datert Føresegnene har siste revisjon

5 FORMANNSKAPET Rådmannen sitt framlegg til vedtak vart samrøystes vedtatt. FS-123/11 VEDTAK SAMRØYSTES: Utkast til detaljplan for Vågafossen Settefisk vert lagt ut til offentleg ettersyn i samsvar med i plan- og bygningslova. Plankartet er datert Føresegnene har siste revisjon