Saksnr Utval Møtedato Samferdselsutvalet Fylkesutvalet

Transkript

1 saksframlegg Dato: Referanse: Vår saksbehandlar: /2015 Arild Fuglseth Saksnr Utval Møtedato Samferdselsutvalet Fylkesutvalet Innføring AutoPASS i ferjedrifta Bakgrunn I Nasjonal transportplan for , Meld. St. 26 ( ) er det vedtatt å innføre AutoPASS som betalingssystem i ferjedrifta. På side 115 står det følgjande: «Innføring av AutoPASS som betalingssystem i riksvegferjedriften vil lette trafikkavviklingen på ferjesambandene og gjøre betalingen enklere for både ferjemannskaper og passasjerer. Statens vegvesen har arbeidet med problemstillinger knyttet til organisering, økonomi og teknologi. Det er gjennomført et prøveprosjekt på sambandet Flakk-Rørvik. Her er det avdekket uklarheter knyttet til operatør- og utstederrollen. Vegdirektoratet har på denne bakgrunn satt i gang et prosjekt for å sikre innføring og bruk av betalingssystemet i ferjedriften på en hensiktsmessig måte. Innføring av AutoPASS vil bl.a. kreve et nytt regulativ og vil ha betydning for fordelingen mellom kjøretøygrupper. Samferdselsdepartementet støtter forslaget om bruk av AutoPASS på ferjer og vil følge opp saken for raskest mulig innføring.» Dette er fulgt opp i Handlingsprogrammet side 57: «Det vil bli utviklet AutoPASS-løsning for ferjer som forutsettes kunne være i bruk fra Det vil bli vurdert ved hver anbudsutlysning om AutoPASS skal innføres for sambandet. Dette er også aktuelt i inngåtte kontrakter, dersom ferjeselskapene ønsker det.» Den nye AutoPASS-løysinga er utvikla av Vegdirektoratet og fylkeskommunane har vore representert i styringsgruppa for prosjektet. Dette arbeidet er no kome så langt at Statens vegvesen vil lyse ut ein konkurranse om «Sentral tjenesteleverandør». Før denne utlysinga kan skje må Statens vegvesen ha tilbakemelding frå ferjefylka om dei framleis vil delta i «Nasjonalt ferjekortsamarbeid». Dagens ferjekortsamarbeid overgang til AutoPASS ferjekort Dagens ferjekortsamarbeid er basert på at trafikantane kan bruke same verdikort og storbrukarkort i dei ferjesambanda som er omfatta av ferjekortsamarbeidet. Ferjekortet krev førehandsinnbetaling av beløp for å oppnå rabatt. Dei fylka som deltek i ferjekortsamarbeidet i dag er Buskerud, Vest- Agder, fylka på Vestlandet, nokre samband i Trøndelag, Nordland og Finnmark.

2 I den nye løysinga vil dagens verdikort/storbrukarkort bli erstatta av eit nytt ferjekort som blir kalla AutoPASS ferjekort. Førehandsinnbetalt beløp blir lagt inn på ein sentral kundekonto som blir kalla AutoPASS ferjekonto. Overgang frå dagens ferjekortløysning til AutoPASS-ferjekort vil bety ein vinst for trafikantane i form av brukarvenlegheit og redusert risiko for tap og misbruk av innbetalt forskot. I AutoPASS-ferjekortløysinga ligg innbetalte pengar på ein konto, og trafikantane vil gjennom mobiltelefon, nettbrett, pc ol. kunne lese av saldo, transaksjonar, overføre pengar og motta varsling når saldoen er låg. Om kortet blir tapt kan det enkelt bli sperra og tap av pengar vil derfor ikkje skje i vesentleg omfang. AutoPASS brikkebetaling Arbeidet med innføring av AutoPASS løysinga kan delast inn i fasar. Første fase er at dagens ferjekort blir skifta ut med AutoPASS-ferjekort. Deretter vil Statens vegvesen og fylkeskommunane vurdere innføring av AutoPASSbrikkebetaling i ferjesambanda etter kvart som dei lysast ut på anbod i nye ferjekontrakter. Det er allereie vedteke innføring av AutoPASS brikkebetaling på følgjande samband i riksvegferjedrifta: Moss Horten: Oppstart Anda Lote: Oppstart Mannheller-Fodnes og Hella-Dragsvik-Vangsnes: Er lagt til rette for innføring i I tillegg har det vore køyrd eit prøveprosjekt på strekninga Flakk- Rørvik i Sør- Trøndelag. Dette prosjektet er no blitt ei fast ordning. Det er mogleg å innføre halv eller heilautomatiske løysingar for AutoPASS brikkebetaling. AutoPASS-brikkebetaling halvautomatisk løysing Innføring av AutoPASS-ferjekort vil opne for bruk av AutoPASS-brikke som betalingsløysning. Der dette er innført kan AutoPASS-ferjekort ikkje bli brukt. Utstyr for brikkelesing kan vere installasjonar ved innkjøring til oppstillingsområdet, ved ombordkøyring på ferja eller handhaldt leseutstyr hjå billettør. Ved halvautomatisk løysing vil kjøretøy utan gyldig avtale betale manuelt, enten på land eller om bord. Ei slik løysing vil sikre at alle betalar og risiko for tapte inntekter er minimal. Løysinga vil kunne gje mindre utfordringar i høve til plass på kaiområdet til installasjonar, og den vil gi lågare kostnader knytt til teknisk utstyr. Men den vil samtidig gje eit visst omfang av kontantbillettering. Denne løysinga vil krevje at passasjerbetaling blir teken bort på sambandet.

3 AutoPASS-brikkebetaling heilautomatisk løysing Det vil si bruk av AutoPASS-brikke som betalingsløysing. Der dette er innført kan ikkje AutoPASS-ferjekort nyttast. Utstyr for brikkelesing kan som følgje av plassbehov berre vere installasjonar ved innkjøring til oppstillingsområdet, kombinert med kamera som tar bilde av passeringar utan gyldig avtale og fakturering av kunden i etterkant. Ei slik løysing vil gje ein viss risiko for tapte inntekter og medføre auka kostnader til billedhandsaming og innkrevjing. Tidspunkt for innføring Overgang til AutoPASS-ferjekort vil bli innført på fylkesvegferjesambanda frå om Statens vegvesen og dei andre fylkeskommunane som i dag er inne i det nasjonale ferjekortsamarbeidet vel å halde fram med det. Overgangen til AutoPASS-brikkebetaling midt i ein avtaleperiode vil krevje større endringar der dei økonomiske verknadene vil vere meir uforutsigbare. For våre samband vil dette berre vere aktuelt i forbinding med utlysing av nye samband på anbod. Utifrå gjeldande plan vil dette skje: Nordmørspakken 2020 Romsdalspakken 2020 Åfarnes-Sølsnes 2019 Gammel fylkesveg 2019/21 Indre Sunnmøre 2020 Midtre Sunnmøre 2019 Nye ytre Sunnmøre 2019/21

4 Takstendringar Innføring av AutoPASS-betalingsløysing på ferje må ha som utgangspunkt at dette skjer utan endring i inntektene for fylkeskommunen innføringa må være provenynøytral. Det betyr at endringar i passasjerbetaling, rabattar og takstgrupper samla må gje same inntekt som i dag. Overgang frå dagens ferjekort til AutoPASSferjekort medfører i utgangspunktet ingen takstendring. Takstendring ved AutoPASS brikke Ved eventuell innføring av brikkebetaling frå 2019 vil passasjerbetaling falle bort. For å oppnå provenynøytralitet må ein må rekne med auke i prisar for alle lengdegrupper for kjøretøy, men kanskje spesielt for lengdegruppa under 6 meter når passasjerbetalinga fell vekk. Ein slik auke kan stimulere til meir samkjøring, gir betre kapasitet på ferjene og gjev god miljøeffekt. Infrastruktur I orienteringa frå Statens vegvesen blir det lagt opp til at operatør skal være eigar av infrastruktur som er nødvendig for å bruke ordninga. Dette vil i så fall bety at operatørane må leggje avskrivinga av utstyret inn i sine driftskontrakter. Med denne modellen vil fylkeskommunen sine tilskot til rederia bli høgare enn i dag. Alternativet er at fylkeskommunen er eigar av utstyret og stiller det til disposisjon for operatør. Då vil behovet for oppgradering og nødvendige utskiftingar følgje den tekniske levetida og ikkje kontraktstida med operatør. Investeringane vil i så fall bli en del av fylkeskommunen sitt investeringsprogram. Mindre utstyr som billetteringsmaskiner og handhaldne brikkelesarar bør eigast av operatør. Vurdering Målsettinga er at AutoPASS som betalingssystem i ferjedrifta vil lette trafikkavviklinga på ferjesambanda og gjere betalinga enklare for både ferjemannskap og passasjerar. Det vil vere opp til kvar enkelt fylkeskommune å bestemme om ein ønskjer å vidareføre ferjekortsamarbeidet og seinare innføre AutoPASS-brikkebetaling i fylkesvegferjesamband. Uansett løysing vil fylkeskommunane framleis vere takststyresmakt. Løysinga med ein sentralisert administrasjon («Sentral tjenesteleverandør») av AutoPASS ferjekort og AutoPASS brikker er ein modell vi støttar. Alle partar vil ved en slik innføring få ein aktør å halde seg til. Det vil bli enklare å kjøpe kort og brikkar og fordele pengestrømmen ut til fylkeskommunar og ferjeselskap. Denne løysinga effektiviserer forvaltninga av kundekonti, utstedar AutoPASSferjekort og brikker og behandlar transaksjonar på vegne av alle ferjeselskapa som er med i ferjekortsamarbeidet. I tillegg vil sentral tenesteleverandør også handtere dataflyt mot utstedarar av AutoPASS brikker for transaksjonar som ikkje er knytt til ferjerabattavtalar. Oppretting av «Sentral tjenesteleverandør» inneber auka kostnader i høve til dagens ordning og at drifta av denne blir belasta ferjeselskapa gjennom bruk av tenesta. Kostnadene for drift av tenesta vil bli delt mellom ferjeselskapa etter tal transaksjonar. Kostnadene for innføring av «Sentral tjenesteleverandør» blir vurdert som låge pr. transaksjon sidan dei største riksvegferjesambanda vil vere med.

5 Det må gjerast tilpassing i dagens billettmaskiner og baksystem for å kunne lese og handsame transaksjoner knytt til dei nye AutoPASS ferjekorta. Kostnader til slik tilpasning det her er tale om er rekna å være låge. Dersom fylkeskommunane sluttar seg til denne modellen vil drift av «Sentral tjenesteleverandør» om kort tid lysast ut på anbod. Det er Statens vegvesen som vil stå som systemeigar. Det vil bli oppretta eit systemeigarforum der fylkeskommunane blir invitert til å delta. Som nemnd tidlegare i denne saka kan ein gå vidare til AutoPASS brikkebetaling når våre samband skal ut på nye anbod. Dersom vi skal innføre brikkebetaling må det innførast eit nytt ferjetakstregulativ som er vesentlig forenkla i høve til dagens takstregulativ. Sidan passasjerane slepp å betale inneber takstregulativet som skal vere provenynøytralt - at det blir dyrare for kvar lengdegruppe for kjøretøy enn i dag. Dette vil venteleg også verke inn på trafikken sidan det vil bli økonomisk gunstig å fylle opp med fleire passasjerar i bilane. I bynære samband vil fråfall av passasjerbetaling kunne slå negativt ut på inntektene til operatørar/fylkeskommunane. I andre samband vil fråfall av passasjerbetaling ikkje slå nemneverdig ut. Det er derfor viktig at fylkeskommunane - som har takstmynde på fylkesvegferjene - har moglegheit for å påverke nivået i takstane og korleis ein legg takstane ut i dei forskjellige lengdegruppene. Når det blir gratis for passasjerar på ferjene, medfører dette truleg at mange køyrer til ferjekaia for å parkere bilen der og tar ferja over. Dette vil føre til ei auke i parkeringsbehovet på ferjekaiene, spesielt der det er bynært eller kor det er gode korrespondansar med buss i rute. Saman med aktuelle kommunar bør det leggast til rette for auka parkeringsmoglegheiter der dette er aktuelt. Dette vil auke behovet for investering i infrastruktur, men vil redusere behovet for ekstrakapasitet på ferjesambanda. Det er viktig at fylkeskommunane er med i AutoPASS arbeidet, både på ferje og på veg, slik at trafikantane ikkje opplever at dei må ha ei betalingsløysing på veg og ei anna løysing på ferje. Vi kan ikkje ha det slik at betalinga skjer på forskjellig måte frå fylke til fylke. Hovudmålet med AutoPASS må vere at det blir enklast mogleg for trafikantane. Alle ferjesamband i Møre og Romsdal med unntak av sambandet Geiranger Hellesylt er med i dagens ferjekortsamarbeid og endringa betyr - litt forenkla sagt - berre utskifting av kort. Denne løysninga krev ingen takstendring sidan passasjerbetaling kan vidareførast. Løysinga krev heller ingen endring i teknisk utstyr og det er ikkje sannsynleg at dette vil ha nemneverdige økonomiske verknader på noverande kontrakt med operatørar. Fylkesrådmannen anbefaler at vi deltar vidare i det nasjonale ferjekortsamarbeidet som medfører erstatning av dagens verdi-/og storbrukarkort med nye AutoPASSferjekort frå tidspunkt for innføring av AutoPASS-ferjekonseptet ( ). Det er vidare fylkesrådmannens vurdering at man i nye ferjeanbod 2019 legg til grunn innfasing av AutoPASS-brikkebetaling på samband der dette let seg forvare økonomisk.

6 Ei sak som tek for seg innføring av AutoPASS brikke på fylkesvegferjesamband blir å kome tilbake til i god tid før neste anbodutlysing i ferjedrifta. Fylkesrådmannen er av den oppfatning at fylkeskommunen skal stå som eigar av nødvendig infrastruktur på veg/kai for å forvalte ordninga. Forslag til vedtak: Møre og Romsdal fylkeskommune er positiv til innføring av AutoPASS ferjekort frå 1. januar Modellen med «Nasjonalt ferjekortsamarbeid» må vidareførast i dette konseptet. Møre og Romsdal fylkeskommune er positiv til innføring av AutoPASS brikke i dei sambanda der dette kan forsvarast økonomisk. Innføring vil som hovudregel skje når ferjesambanda startar opp i nye kontraktar frå 2019 av. Før neste anbodsutlysing innan ferjedrifta skal økonomiske, praktiske og administrative konsekvensar ved AutoPASS brikkeløysing vere vurdert. Ottar Brage Guttelvik fylkesrådmann Vedlegg 1 Brev frå SVV av AutoPASS-ferje 2 Orientering til fylkeskommunene Arild Fuglseth samferdselssjef