Oppfølging av ungdom med lovfesta rett til vidaregåande opplæring utanfor arbeid og opplæring

Transkript

1 Oppfølging av ungdom med lovfesta rett til vidaregåande opplæring utanfor arbeid og opplæring

2 Samarbeidsavtale mellom Hordaland Fylkeskommune og NAV Hordaland Avtalen gjeld fordeling av ansvar mellom partane for oppfølging av ungdom med lovfesta rett til vidaregåande opplæring utanfor arbeid og opplæring.

3 Samarbeidsavtale 3 1. Føremål med avtalen Føremålet med avtalen er å styrke samarbeidet mellom skular, den fylkeskommunale oppfølgingstenesta (OT), fagopplæringa og NAV for å få på plass ein strukturert, samordna og målretta bistand for unge som står utanfor opplæring og arbeid. Målet er å få ungdom som ikkje er i opplæring eller arbeid tilbake til vidaregåande opplæring eller til ordinært arbeid. Begge partar oppmodar til lokale initiativ for samarbeid som strekk seg lenger enn det avtalen legg opp til. Avtalen mellom NAV Hordaland og Hordaland fylkeskommune skal medverke til meir berekraftige strukturar og systematisk samarbeid mellom partane. Det er eit leiaransvar at avtalen er forankra i alle einingar. Avtalen skal vere kjend blant tilsette ved alle NAV-kontor, tilsette i Opplæringsavdelinga og i dei vidaregåande skulane i Hordaland Fylkeskommune. NAV-kontora skal ha høvelege rutinar som koordinerer den kommunale og statlige verksemda i NAV. Hordaland fylkeskommune skal ha rutinar som regulerer og koordinerer ansvar mellom seksjon for fagopplæringa, Oppfølgingstenesta (OT/PPT) og dei vidaregåande skulane. 2. Forankring Partane sin samla innsats i høve målgruppa er forankra i Lov om grunnskulen og vidaregåande opplæring (opplæringslova) og Lov om arbeids- og velferdsforvaltninga (NAV lova), med forskrifter. 3. Målgruppe og ansvarsdeling Avtalen skal klargjere arbeidsdeling og ansvar mellom partane i arbeidet med målgruppa. Målgruppa for denne avtalen er (1) rettsungdom som ikkje er i vidaregåande opplæring eller arbeid, (2) elevar/lærlingar som har vanskeleg for å bli formidla ut i bedrift/lære og (3) elevar som etter skulen si vurdering vil ha store utfordringar på den ordinære arbeidsmarknaden i etterkant av skule. Arbeidsretta tiltak i regi av NAV kan for denne målgruppa understøtte føremålet om å auke gjennomføringa av vidaregåande opplæring.

4 4 Samarbeidsavtale 4. Rutinar for ansvarsdeling og samarbeid Rettsungdom som ikkje er i vidaregåande opplæring eller arbeid Samarbeidet skal sikre at ungdom kjem i meiningsfull arbeidsretta aktivitet i ventetida fram mot vidare opplæring. Skuleleiinga har ansvar for at det vert gjennomført ein avklaringssamtale med ungdommen. Seksjon for fagopplæring har ansvar for at det vert halde avklaringssamtale for lærlingar og at OT vert kopla inn der dei skal overta saka. Alle avklaringssamtaler skal resultera i ein oppfølgingsplan. Ved høve tar OT kontakt med NAV. Det skal avklarast om arbeidsretta tiltak er hensiktsmessig. Når ungdom med opplæringsrett registrerer seg hjå NAV, og det er uklart om det har vore gjennomført ein avklaringssamtale, skal det lokale NAV-kontor varsle kontaktpersonen i Oppfølgingstenesta og dei blir samde om vidare aktivitet. Oppfølgingstenesta skal gi status for den aktuelle ungdomen, eventuelt få på plass ein oppfølgingsplan. NAV skal då prioritera å kalle inn ungdomen. Det må gjennomførast ei behovsvurdering av NAV, og egna tiltak skal setjast i verk. NAV skal orientera oppfølgingstenesta når tiltaket er gjennomført eller avbrote. Oppfølgingstenesta skal og orienterast om det av ulike grunnar ikkje har vore mogleg å setje i gang tiltak. Oppfølgingstenesta og det lokale NAV- kontor skal peike ut kvar sin kontaktperson for å letta arbeidet i enkeltsaker. Partane skal halde kvarandre oppdatert ved skifte av kontaktperson. For å sikre kontinuitet i arbeidet, bør det vere faste møte, til dømes ein gong i månaden. Elevar/lærlingar som har vanskeleg for å bli formidla ut i lære Samarbeidet skjer mellom Fagopplæringa og NAV og har som målsetting å skaffe ungdom læreplass. Seksjon for fagopplæring har ansvaret for formidling av ungdom til høveleg læreplass. For ungdom som er vanskeleg å formidla ut i lære, har fagopplæringa ansvar for å avklare utfordringar og behov hos den enkelte. Eigne verkemiddel skal nyttast for å få til avtalar med lærebedrift. Der fylkeskommunen sine verkemiddel ikkje er tilstrekkeleg, kan NAV sine arbeidsretta tiltak nyttast, med mål om lærekontrakt.

5 Samarbeidsavtale 5 Arbeidsgjevar/mogleg lærebedrift bør vere identifisert av seksjon for fagopplæring eller opplæringskontor. Seksjon for fagopplæring har ansvar for overgang inn mot vidare opplæring i bedrift. NAV har ansvar for ungdomen i tiltaket. Det arbeidsretta tiltaket skal vere kortvarig, og skal avsluttast når lærekontrakt vert inngått. Om ein ungdom som har søkt, men ikkje fått læreplass, melder seg på NAV, skal NAV kontakte seksjon for fagopplæring og avklare vidare saksgang. Både fagopplæringa og det lokale NAV-kontor skal ha ein namngjeven kontaktperson. Partane skal halde kvarandre oppdatert ved skifte av kontaktperson. For å sikre kontinuitet i arbeidet bør det vere faste møte, til dømes ein gong i månaden. Elevar som skulen vurderer vil ha store utfordringar på den ordinære arbeidsmarknaden, i etterkant av skule Gruppa omfattar ungdom som vil ha behov for eit varig tilpassa arbeid, og ungdom som vil trenge langvarig bistand og oppfølging frå NAV for å kunne gjere bruk av si arbeidsevne i eit ordinært arbeidsliv. Samarbeidet er mellom den enkelte vidaregåande skule og NAV. Den vidaregåande skulen skal i løpet av siste skuleår kalle inn NAV til eit samarbeidsmøte om enkelteleven. Om det er ei ansvarsgruppe kring eleven, er dette eit egna forum. Målet er å tryggje overgangen frå skule til arbeid. Det bør i møtet avklarast kva tid NAV skal ta over hovudansvaret for oppfølginga. NAV har ansvar for å gje informasjon om rett på eventuelle ytingar. Før innsøking til relevant tiltak kan skje, skal det gjerast ein behovs- og arbeidsevnevurdering av NAV. NAV må ha tilgang til relevant informasjon, både med tanke på arbeidsevnevurdering og innsøking til tiltaket.

6 6 Samarbeidsavtale 5. Rutinar for skriftleg samtykke frå ungdomen for utveksling av relevant informasjon skal følgjast opp av alle partar. 6. Avtalens varighet Avtalen gjeld til 2017 og skal revideras etter tre år, med mindre ein av partane seier den opp. 7. Avtalen trer i kraft ved signering. Opplæringsdirektør i Hordaland Fylkeskommune Fylkesdirektør NAV Hordaland

7

8 Juli 2013