2. Oppretting, opptrapping og vurdering av miljøkoordinatorstillingar - side 3

Transkript

1

2 Disposisjon 1. Arbeidsgruppa mandat og samansetjing - side 2 2. Oppretting, opptrapping og vurdering av miljøkoordinatorstillingar - side 3 3. Døme på miljøkoordinator sine oppgåver - svar frå kartleggingsarbeidet - side kartlegging - gjennomføring og deltaking førebyggjande arbeid kontaktskapande arbeid sosialpedagogisk arbeid 4. Arbeidsforhold - side fysisk plassering organisatorisk plassering utdanning/krav til kompetanse stillingsstorleikar 5. Felles retningslinjer for miljøkoordinator si rolle - side organisering arbeidsoppgåver 6. Tilvising til bakgrunnsdokument - side 8 7. Vedlegg - side 9 Spørjeskjema nytta i kartlegginga Leikanger, mars

3 1. Arbeidsgruppa mandat og samansetjing Bakgrunn for tiltaket Under handsaming av Mål og strategiar for vidaregåande opplæring i Sogn og Fjordane vart det i møtet i HO 27. februar 2008 sett fram forslag til nytt delmål (strekpunktet nedanfor). Vedtak: SAK 7/08 Mål og strategiar for vidaregåande opplæring i Sogn og Fjordane - "Rom for alle - syn for den enkelte" Kap Folkehelse og førebygging trivsel og tryggleik Framlegg til nytt delmål: - Miljøkoordinator si rolle er tydeleg for elevane Endeleg vedtak av handlingsprogrammet 21. mai gav slik ordlyd: - Utarbeide felles retningslinjer for miljøkoordinator si rolle. Fylkesdirektøren fastsette samansetjing og mandat for arbeidsgruppa. Samansetjing 2 miljøkoordinatorar - Tove Nedrebø, Øyrane og Ingebjørg Byrknes, Sogndal 1 rektor eller andre frå leiinga - rektor A. Ståle Meland, Stryn - leiar 2 elevrådsrepresentantar - leiar i elevorganisasjonen Martin Melander (Melander har ikkje lukkast i å finna ein ekstra elevrådsrepresentant) rådgjevar opplæringsavdelinga Knut Grinde - sekretær Mandat 1. Kartlegga - revidera eksisterande skjema for kartlegging av miljøkoordinator sine arbeidsoppgåver, og i tillegg ta med forventningar, tips og problemstillingar - gjennomføra ny kartlegging 2. Klargjera - kva som kan vera like arbeidsoppgåver ved alle skulane - miljøkoordinator sine oppgåver ved skulen - forventningar mellom miljøkoordinator og leiing 3. Utarbeida forslag til retningslinjer Framdriftsplan 15. september samansetjing og mandat for arbeidsgruppa skal vera godkjend i ULG 30. september gruppa skal ha avvikla første møtet, og sett opp framdriftsplan Januar 2009 gruppa skal vera ferdig med arbeidet 2

4 2. Oppretting, opptrapping, vurdering av miljøkoordinatorstillingar I 1999 sette fylkesdirektøren ned eit utval som skulle vurdera tiltak for å motverka mobbing og rasisme ved dei vidaregåande skulane, og fylkestinget løyvde pengar til satsing på skulemiljø og miljøarbeid blant elevane. I 2000 vedtok hovudutval for opplæring oppstart med ei prøveordning med 50% miljøkoordinatorar ved tre vg skular, Måløy, Sogndal og Øyrane. Rektorane fekk fullmakt til å organisera arbeidet på sin skule, innafor områda førebyggande arbeid, kontaktskapande arbeid og sosialpedagogisk arbeid. Frå 2001 vart stillingane ved Måløy, Sogndal og Øyrane utvida til 100 %. Då ordninga med miljøkoordinatorar vart evaluert i 2002, tilrådde fylkesdirektøren vidareføring av ordninga og utvida den i samsvar med føresetnadene som låg i økonomiplanen for Skulane Høyanger, Firda og Flora fekk oppretta miljøkoordinatorar i 50 % stilling, og vidare opptrapping skulle vurderast våren I 2004 vedtok fylkestinget Strategisk handlingsprogram for vidaregåande opplæring, der det gjekk fram at ordninga med miljøkoordinator hadde vore svært vellukka, og at ein burde utvida ordninga til alle skulane. Pr i dag har alle dei 13 vidaregåande skulane i fylket miljøkoordinator (Fagskulen og Sogn jord- og hagebruksskule har ikkje). Av desse har Måløy, Sogndal og Øyrane 100 % stilling, og dei andre 50 %. Etter ei forundersøking i april 2007 konkluderte forvaltningsrevisjonen i Sogn og Fjordane fylkeskommune med at ordninga med miljøkoordinatorar kvalitativt er i samsvar med intensjonane med oppretting av dette tenestetilbodet ( lite som tyder på at det fins særlege avvik i forhold til vedtaka som er gjort og dei mål og føresetnader som er nedfelt ). Revisjonen tilrådde difor at Kontrollutvalet ikkje gjekk vidare med dette som forvaltningssak. Erfaring med ordninga er tema på fylkesdirektøren sine skulebesøk, og tilbakemeldingar frå skule- og elevrepresentantar er positive. Også arbeidsgruppa har gjennom kartlegginga si motteke positive tilbakemeldingar på ordninga. 2.1 Grunnlaget for miljøkoordinator sine arbeidsoppgåver Ved oppretting av ordninga vart det lagt vekt på tre ulike tilhøve som grunnlag for arbeidet miljøkoordinator skulle utføra. Førebyggjande arbeid - ta initiativ til og fremja tiltak som aukar trivsel og styrkar miljøet ved skulen - særleg ha søkelys retta mot tiltak som motverkar mobbing, vald, rasisme og rusmiddelbruk Kontaktskapande arbeid - skapa best mogeleg kontakt mellom elevane og skulen - stimulera til aktiv deltaking i skulesamfunnet - stimulera til elevengasjement i opplæringa 3

5 Sosialpedagogisk arbeid - hjelpa elevar til å finna seg til rette på skulen - yta hjelp til elevar som har personlege vanskar, sosiale vanskar 3. Døme på miljøkoordinator sine oppgåver svar frå kartleggingsarbeidet 3.1 Kartlegging gjennomføring og deltaking (sjå spørjeskjema som vedlegg) Gjennom spørjeskjema til miljøkoordinatorane har det tidlegare vore gjennomført kartlegging av arbeidsoppgåvene deira ved dei ulike skulane, seinast våren Skjemaet som vart brukt då vart no ein god del endra, og i tillegg vart det sendt spørjeskjema også til leiing og elevråd. Sogn jord- og hagebruksskule og Fagskulen har ikkje miljøkoordinator, og i tillegg er det dette skuleåret ein vidaregåande skule som står utan. Omfanget var difor 12 skular. Etter litt purring vart svarprosenten veldig bra frå miljøkoordinatorane (11 av 12) og leiinga (10 av 12), medan vi fekk svar frå berre halvparten av elevråda (6 av 12). Dei innkomne svara er ordna under dei tre hovudgruppene, gjevne ved opprettinga. 3.2 Førebyggjande arbeid Svar frå elevråda vera der for elevar som treng det, vera tilgjengeleg på telefon, ha trua på oss, ha ungdommane i fokus, vera elevane si støtte, ta elevane si side i mange saker, følgja opp med praktiske gjeremål og samtalar, sjå til hybelbuarane og kontrollera at dei har det bra Svar frå miljøkoordinatorane driva haldningsskapande arbeid (mobbing, fysisk aktivitet, kosthald og rus), ha møte med rådgjevar, klassekontaktar og helsesøster, delta i ulike grupper (skulen si folkehelsegruppe, førebyggande forum, transportgruppe), skriva søknader og rapportar, setja fram frukost til elevane kjem om morgonen, markera spesielle dagar Svar frå leiinga kartlegga oppfølgingsbehov, ordna med måltid i kantina, open skule med middag, diverse aktivitetsdagar, organisera prosjekt og aksjonar, delta på møte i elevrådet og i folkehelsegruppa, ha kontakt med eksterne folk for førebyggande arbeid, vera kontaktperson og koordinator for VIP/psykisk helse, MOT, OD, trafikkdag og russestyre, rusførebygging, oppsøkande verksemd ute der ungdom ferdast, vera elevane sitt talerøyr og ombodsmann 3.3 Kontaktskapande arbeid Svar frå elevråda hjelpa til med møte og arrangement, ordna med skikkeleg oppslagstavle, vera synleg og tilgjengeleg for elevane, helsa på alle og spørja korleis det går, vera hjelpsam og engasjert, ha samtalar med ungdommen, følgja opp ungdom individuelt Svar frå miljøkoordinatorane ha ansvar for skuleopning og skuleavslutning, ball og diverse tilfeldig oppdrag (når det er ingen andre å spørja), informera om ulike aktivitetar i lokalmiljøet, samarbeida med vertskommune, ordna med skulefotografering, organisera Operasjon Dagsverk 4

6 Svar frå leiinga elevretta tiltak i skulestartperioden, vera tilgjengeleg på kontoret og i kantina, vera tilgjengeleg på ettermiddag og tidleg kveld, ha særleg kontakt med hybelbuarar, opparbeida tillitsforhold til eleven, ha nært samarbeid med leiing og kontaktlærar, årboka 3.4 Sosialpedagogisk arbeid Svar frå elevråda gje ungdommane ein trygg base på skulen om dei treng nokon å snakka med, sjå til at alle elevar trivst, følgja opp ungdom på hybel, sjekka standarden på hyblar, vera med på møta til elevråda, vera med og laga morosame aktivitetar på temadagar, ha open skule (kanskje med billeg mat) som alternativ til berre ein tom hybel å komma heim til, ha open verkstad, laga quiz og andre aktivitetar som alle kan vera med på, planlegga felles opplegg for heile skulen, t.d. juleverkstad, arrangera swingkurs, bowling og karneval, skaffa midlar til ulike tiltak Svar frå miljøkoordinatorane vera kontaktperson, samtalepart og støttespelar, visa til/bestilla time hjå/følgja til ulike instansar (lege, sosialkontor, helsesøster, PPT), følgja opp ved bekymringsmeldingar, vera synleg og tilgjengeleg i elevmiljøet, driva vekking etter behov (ringing og fysisk), ha oppsyn med aktivitetar i friminutta, besøka sjuke elevar, utføra hybelbesøk (spesielt vg1), organisera og planlegga saman med hybelfadrar (frå vg2), organisera fadderordningar, ha ansvar for og delta på elevrådsmøta, gjera innkjøp, førebuing og organisering i samband med Open skule, få i gang diverse kurs (t.d. dans), vera vaksenkontakt på fritidsarrangement, ha ansvar for russen, organisera VIP, vera MOTkoordinator Svar frå leiinga bidra til gode rammer rundt elevane sin skulekvardag, vera omsorgsperson, kartlegga elevar som fell utanfor, fanga opp mobbing, få i gang generelle trivselstiltak, open skule, planlegga aktivitetar i lag med elevane (t.d. aktivitet i idrettshall, utflukter, skitur, bowling, bading, quiz, juleverkstad), temadagar, avslutningsdagar, vekking, kartlegga sosiale vanskar, vera kreativ i aktivitetsval, driva mekling elev-elev 5

7 4. Arbeidsforhold 4.1 Fysisk plassering Arbeidsgruppa ser det som viktig at elevane lettast råd skal kunna nå miljøkoordinator ved skulen. Det vil seia at kontoret deira bør vera lett tilgjengeleg for elevane 4.2 Organisatorisk plassering Det er viktig med faste samarbeidspartar i det sosialpedagogiske arbeidet. Det vil seia samarbeid med rådgjevarar, spes.pedkoordinator, ppt, OT og skulehelsetenesta. Dei ved skulen som arbeider med desse oppgåvene, bør vera underlagt same leiar. For å dekka dette best råd, bør miljøkoordinator sitt kontor ikkje ligga for langt frå andre personar i desse oppgåvene. Det må tenkast gjennom kva mottakargruppe miljøkoordinator skal ligga på når det gjeld intern og ekstern informasjon, direkte og pr e-post. Miljøkoordinator må få tilgang på informasjon som er aktuell for oppgåver som skal gjerast og for å få til godt samarbeid Utdanning/krav til kompetanse Sosialpedagogisk tenking er viktig for ein slik stilling. Det bør vera krav til høgskuleutdanning, men realkompetanse kan til ein viss grad vega opp for manglande formalkompetanse. Arbeidsgruppa tenkjer seg t.d vernepleiar, barnevernpedagog, sosionom, sjukepleiar som passande utdanning. 4.4 Stillingsstorleikar Tala nedanfor er henta frå Søkjar- og opplæringsstatistikken for , med elevstatistikk pr 1. oktober Som ein ser, er det svært store skilnader i storleik på skulane. Kolonnen til høgre viser stillingsstorleik i dag, og vi ser at små skular med vel 100 elevar har like stor ressurs som skular med fem gonger så mange elevar. Arbeidsgruppa meiner at ingen skule bør ha mindre enn 75% stillingsstorleik, og at ein deretter justerer opp stillingane i samsvar med elevtalet ved skulen. Skule Tal elevar Stillingsstorleik Dale % Eid % Firda % Flora % Hafstad % Høyanger % Luster % Mo og Jølster % Måløy % Sogndal % Stryn % Øyrane % Årdal % 6

8 5. Felles retningslinjer for miljøkoordinator si rolle Ut frå kartleggingsarbeidet som er gjort, føreslår arbeidsgruppa ei ansvarsdeling på ein del oppgåver. Den som står som hovudansvarleg syter for at aktiviteten skjer, frå planlegging til gjennomføring. Det betyr ikkje at denne personen skal gjera alt arbeidet åleine. Det kan gjerne skje i samarbeid med mange, men som hovudansvarleg syter ein for at alt er planlagt, og at alt og alle er på plass når aktiviteten skal skje. Då skulen sin eigenart, tal elevar ved skulen, miljøkoordinator sin stillingsstorleik, m.m. spelar ei viktig rolle, er det vanskeleg å fastsetja like arbeidsoppgåver for alle. Arbeidsgruppa føreslår likevel desse retningslinjene for miljøkoordinator si rolle: 5.1. Organisering Miljøkoordinator o må vera lett tilgjengeleg, noko som må visast att i fysisk plassering ved skulen o må ha formalisert samarbeid med rådgjevartenesta ved skulen, spes.pedkoordinator, kontaktlærarar, skulehelsetenesta, OT-tenesta, PPT og ulike eksterne instansar, lag og organisasjonar o bør vera underlagt og rapportera til same leiar som samarbeidspartane o er ein viktig medarbeidar i skulen sitt rapporteringsarbeid, og bidreg til årsmeldinga frå sitt område o må ha mynde i samsvar med lokal avklaring 5.2 Arbeidsoppgåver Miljøkoordinator bør ha hovudansvar for t.d. o støttesamtalar med enkeltelevar o konfliktløysing elev-elev o hybelbesøk o kveldsaktivitetar og sosiale arrangement o open skule o opplegg med russen o elevråd Miljøkoordinator bør ha medansvar for t.d. o miljøtiltak i samband med skulestart, t.d. bli-kjend-dagar o juleball o avslutningsfestar om våren o folkehelsearbeid generelt (som medlem i folkehelsegruppa) o tobakk, snus, rus og ernæring o ulike trafikktiltak (t.d. opplegg i samband med refleksdagen om hausten) o ulike program og aktivitetar som VIP, MOT og OD o ulike aktivitets- og temadagar 7

9 6. Tilvising til bakgrunnsdokument - Oppretting av miljøkoordinatorstillingar ved dei vidaregåande skulane (arkivsak 00/02015 i møte i Hovudutval for undervisning 15. mars 2000) - Opptrapping av miljøkoordinatorstillingar i vidaregåande skular (arkivsak 0017 i møte i Hovudutval for opplæring 23. mai 2002) - Utdrag av brev frå miljøkoordinatorane til fylkesdirektøren av 10. juni 2004 med søknad om felles retningslinjer for miljøkoordinatorane i fylket (arkivsak 04/ ) - Svar frå fylkesdirektøren til miljøkoordinatorane av 26. november 2004 (arkivsak 04/ ) - Brev frå fylkesdirektøren til dei vg skulane v/ rektor av 16. februar 2005 om felles forum for rådgjevartenesta, OT- koordinatorane og miljøkoordinatorane (arkivsak 04/ ) 8

10 7. Vedlegg Spørjeskjema nytta i kartlegginga Miljøkoordinator sine oppgåver - svar frå miljøkoordinator Namn: Skule: Stillingsstorleik: Utdanning og yrkesbakgrunn: Kva kompetanse føler du at du treng? Organisering Kven er leiaren din/kven har personalansvar for deg? Kven samarbeider du fast med/kven har du organisert samarbeid med? Kven ynskjer du skal vera dine framtidige samarbeidspartar? Kva adresseliste ligg du på (ved informasjon internt)? Abeidsoppgåver Kva er dei viktigaste arbeidsoppgåvene dine på dagtid? Kva er dei viktigaste arbeidsoppgåvene dine på kveldstid? Kva faste prosjekt eller oppgåver har du hovudansvar for? Kva faste prosjekt eller oppgåver har du medansvar for? Forventningar Kva tykkjer du er dei viktigaste arbeidsoppgåvene dine? Kva føler du leiinga tykkjer er dei viktigaste arbeidsoppgåvene dine? Tips til andre Kva tykkjer du at du har lukkast svært godt med? Evt problemstillingar Kva ser du på som ekstra problematisk/kva ynskjer du å endra? november

11 Miljøkoordinator sine oppgåver svar frå leiinga Namn: Skule: Funksjon i leiinga: Tal elevar ved skulen: Organisering Kven er miljøkoordinator sin leiar/kven har personalansvar? Kven samarbeider mk fast med/kven har vedkommande organisert samarbeid med? Kven ynskjer du skal vera mk sine framtidige samarbeidspartar? Kva adresseliste ligg mk på (ved informasjon internt)? Abeidsoppgåver Kva er mk sine viktigaste arbeidsoppgåver på dagtid? Kva er mk sine viktigaste arbeidsoppgåver på kveldstid? Kva faste prosjekt eller oppgåver har mk hovudansvar for? Kva faste prosjekt eller oppgåver har mk medansvar for? Forventningar Kva meiner leiinga er mk sine viktigaste arbeidsoppgåver mk gjer? I kva grad veit du at mk og leiing har same forventningar til dei viktigaste arbeidsoppgåvene? Tips til andre Kva tykkjer du mk ved skulen din har lukkast svært godt med? Evt problemstillingar Kva ser du på som ekstra problematisk/kva ynskjer du å endra når det gjeld mk sitt arbeid/mk sine arbeidsoppgåver? november

12 Miljøkoordinator sine oppgåver - svar frå elevråda Skule: Abeidsoppgåver 1. Kva meiner de bør vera mk sine viktigaste arbeidsoppgåver på dagtid? 2. Kva bør vera mk sine viktigaste arbeidsoppgåver på kveldstid? Tips til andre 3. Kva tykkjer du miljøkoordinatoren har lukkast svært godt med? Evt problemstillingar 4. Kva ser de på som ekstra problematisk/kva ynskjer de å endra når det gjeld miljøkoordinator sine arbeidsoppgåver? november