Alle kan nå lenger. Informasjonshefte skuleåret

Transkript

1 Alle kan nå lenger Informasjonshefte skuleåret

2 Velkommen til Ølen vidaregåande skule - veksthus for vett og vennskap! Skuleåret Sommarferien er over og skuleåret står for døra! Sjølv om eg har jobba på Ølen vgs nokre år no, er det alltid like spennande med første skuledag! Det vert liv og lyd i gangane igjen etter nokre stille sommarveker. Eg ser nyeog kjende fjes, nokre er spente, mange blide, og ein og annan ser ut som om det er litt tidleg å stille på skulen kl Alt slik det skal vere altså! Nytt skuleår - nye utfordringar og nye moglegheiter på mange vis. Utanfor kontorvindauget mitt veks nybygget vårt dag for dag. I løpet av våren 2020 blir bygget heilt ferdig og innflyttinga kan starte. Hausten 2020 blir alle utdanningsprogramma våre samla på arealet vårt her i Ølen sentrum. Som rektor synest eg det er fantastisk å kunne tilby nye undervisningslokale til elevane på byggfag og teknikk- og industriell produksjon. Når siste del av eksisterande bygg blir pussa opp deretter, har heile skulen gjennomgått full renovering. Ved skulestart er Vindafjord kommune i full gang med å skifte dekke i idrettshallen. Det har me sett fram til med lengsel. I sommar vart kunstgrasdekket på den store fotballbanen skifta også, så nokre veker med utegym må gå bra! Godt fysisk miljø er viktig for å lære og å trivast. Men like viktig er det å bli sett, bli inkludert og oppleve at ein er del av eit fellesskap. Ved Ølen vgs arbeider me for at både elevar og tilsette skal trivast og ha det bra. MOTsamlingar, VIP-makkeskap, klasseturar, fellesarrangement og kantine er nokre tiltak i så måte. Trivselsfaktor nummer ein er og blir likevel positive og gode møte mellom menneske. Grip sjansen dette skuleåret til å skaffe deg kunnskap og kompetanse for framtida! Grip sjansen til å få nye venner og til å styrke dei vennskapa du alt har. Øv deg i å samarbeide med ulike typar menneske på ein god måte, for det er og ein viktig kompetanse å ha med seg vidare i livet. Eg ynskjer alle eit flott skuleår ved Ølen vgs! Helsing Ruth J. Sæle -rektor

3 VELKOMMEN TIL ØLEN VIDAREGÅANDE SKULE I skulebrosjyra finn du viktig og nyttig informasjon og du bør ta vare på brosjyra til skuleåret er avslutta. Diverse informasjon om og frå skulen, m.a.: Utdanningsprogram Organisering av skuledagen Skulebøker, PC-ordning Kantina Lånekassen Skuleskyss Skulerute Tilsette ved skulen Romplan Ordensreglement for elevar i vidaregåande skular i Rogaland Dette bør du setje deg godt inn i. Her står det om rettane og pliktene dine og om ev. reaksjonar ved brot på reglementet. Retningslinjer for vurdering i Rogaland fylkeskommune Her vert det gitt særskild informasjon om vurdering, eksamen, m.m. Du finn desse retningslinjene på nettsida til skulen også. 7 Kontaktinformasjon: ØLEN VIDAREGÅANDE SKULE Adressa til skulen er : Litlehagen 2, 5580 Ølen Tlf. nr: E-post: Heimeside: olen-vgs@skole.rogfk.no

4 Utdanningsprogram ved Ølen vidaregåande skule: Studieførebuande utdanningsprogram (vg1, vg2 og vg3) Studiespesialiserande utdanningsprogram (ST) med programområda: Realfag, Språk, Samfunnsfag og økonomi 1STA, 2STA, 3STA og 3STB Idrettsfag (IF) 1IFA, 2IFA og 3IFA Ei gruppe påbygg til generell studiekompetanse ( PÅB 23t./30 t.) 3GSK Yrkesfaglege utdanningsprogram: Bygg og anleggsteknikk 1BAA Bygg og anleggsteknikk 2BTA Byggteknikk Design og handverk 2DHA Interiør og utstillingsdesign Elektrofag 1ELA Elektrofag 2ELA Elenergi Helse og oppvekstfag 1HOA og 1HOB Helse- og oppvekstfag 2BUA Barne- og ungdomsarbeidarfag 2HEA Helsearbeidarfag Teknikk og industriell produksjon 1TPA, 1TPB og 1TPC Teknikk og industriell produksjon 2ARA Arbeidsmaskinar 2INA Industriteknologi Alternativ opplæring: 1AOI Spesialundervisning i lita gruppe ST: VG1, VG2 og VG3 kan velje faget Breiddeidrett frå utdanningsprogrammet Idrettsfag. Nytt hausten 2019: Vg1 kan velje faget Teknologi og forskingslære som alternativ til breiddeidrett. Y-FAG: VG1 og VG2 kan velje faget Breiddeidrett frå utdanningsprogrammet Idrettsfag. Desse elevane får halve faget på VG1 og kan velje resten av faget på VG2. Val av desse faga skjer første skuleveka både for ST og Y-FAG-elevar

5 Litt om fellesarrangement, førebyggjande arbeid, m.m. I tillegg til skulefaga vert det arrangert aktivitetar der vanleg timeplan er broten opp. Opplegga kan vere for grupper eller for alle elevane ved skulen. Døme på dette er: MOT, VIP-makkerskap og Tankevirus Dagsverk Korosten elevane sitt eige engasjement i Ukraina Aktivitetsdagar, turneringar td.fotball og volleyball Ekskursjonar - kan vere knytte til fag eller grupper, vere i inn- eller utland og kan ha varierande lengd Arbeidsutplasseringar Skuleval i valår, med tilhøyrande skuledebatt (2019) Måndag Tysdag Onsdag Torsdag Fredag Ploging: Periodisert undervisning VG1 og VG2 Y-fag Ploging: Periodisert undervisning VG1 og VG2 Y-fag Fagdag : 1ST/1IDR, 2ST/2IDR, 3ST/3IDR/3GSK Fagdag : 1ST/1IDR, 2ST/2IDR, 3ST/3IDR/3GSK Fagdag : 1ST/1IDR, 2ST/2IDR, 3ST/3IDR/3GSK Fagdag : 1ST/1IDR, 2ST/2IDR, 3ST/3IDR/3GSK Skule/fellestid- PED.PERSONALE Organisering av skuledagen Klassens time m/kontaktlærarar i partalsveker ( ) Elevrådstid/teamarbeid i oddetalsveker ( ) - 4 -

6 Fråvær Skulereglementet for elevar i vidaregåande skular i Rogaland finn du som eige vedlegg i denne brosjyra. Frå hausten 2016 blei det innført fråværsgrense i vidaregåande skule. Elevar med meir enn 10% udokumentert fråvær i eit fag får ikkje karakter. I spesielle tilfelle kan ein ha inntil 15 % udokumentert fråvær og likevel få karakter (Forskrift til Opplæringslova 3-3.) Oppmøteplikta er uansett 100% og Utdanningsdirektoratet presiserer at dette ikkje er ein «skulkekvote», men eit tiltak som skal kome skulking til livs. Eleven har sjølv ansvar for oppbevaring av dokumentasjon v/sjukmelding mm. til han/ho ikkje lenger er elev ved skulen. Merk: fråvær skal meldast 1.fråværsdag (jamfør pkt. 4.2). Meldinga sender du primært på itslearning til kontaktlæraren din, alternativt melder du frå på telefon til kontaktlærar/ Informasjonen. Kjem eleven meir enn 15 minuttar for seint til ein time, vert det rekna som timefråvær (jfr. Rogaland fylkeskommune si prosedyre i høve til fråværsgrensa). Fråværsdokumentasjonen skal vere skriftleg og skal leverast til kontaktlærar. Skulen gir ikkje permisjon til feriereiser i skuletida. Fråvær på aktivitetsdagar, første/siste skuledag, Dagsverk Korosten, uansett dagens lengd, vert ført som dagsfråvær. Vurdering Her viser ein til Retningslinjer for vurdering i Rogaland fylkeskommune og Forskrifta til Opplæringslova 3. I følgje forskrifta skal elevar ha undervegsvurdering ( 3-11) og sluttvurdering ( 3-17) i fag. Elevane skal ha halvårs- og sluttvurdering med karakter i faga, samt i orden og åtferd ( 3-13, 3-15 og 3-19). Karakteren skal gi uttrykk for oppnådd kompetanse på det tidspunktet karakteren vert sett. Undervegsvurdering utan karakter i fag kan både vere munnleg, i form av samtale med faglærar og skriftleg. Faglærar skal dokumentere at slik vurdering er gitt. Stort udokumentert fråvær (over 10%) fører til at du ikkje får halvårs-/standpunktvurdering i faget. Manglande vurderingsgrunnlag kan og medføre at du ikkje får karakter (sjølv om fråværsgrensa ikkje er overskriden eller fråværet er dokumentert - 3-3). Elevane sitt skulemiljø Opplæringslova kap. 9a, 2-6 seier at alle elevar har ein lovfesta rett til eit godt og trygt skulemiljø som fremjar helse, trivsel og læring. Alle tilsette på skulen har ei aktivitetsplikt til å følgje med, gripe inn, varsle, undersøke og setje inn tiltak. For meir info og korleis du går fram for å klage, sjå:

7 Ølen vgs nyttar tre sentrale program/opplegg i det systematiske, helsefremjande arbeidet og for å skape eit godt og trygt skulemiljø: MOT Robust ungdom, som har program på alle nivå. Tankevirus for VG1-elevar. VIP-makkerskap for alle klassane. Sosialrådgjevar og helsesjukepleiar er sentrale i dette arbeidet og kan treffast på skulen til faste tider (sjå oppslag). PC-ordning, skulenett, digital læringsplattform Alle elevar i Rogaland fylkeskommune må ha sin eigen personlege PC, som ein forpliktar å nytte dei åra ein er elev. Brukaravtale må signerast ved opplæring i/gjennomgang av IKTsystema ved skulestart. Pc-ordninga og programvare Rogaland fylkeskommune subsidierer datamaskinar til VG1-elevane ved dei vidaregåande skulane. Du kan velje mellom Windows og Mac. Du må merke deg at på TIP og elektrolinja nyttar dei program som berre finst for Windows. Vel du Mac på ei av desse linjene, må du kjøpe Windows sjølv og installere det på Mac-maskina i tillegg. All info om program og pc-ordninga finn du her: OBS! Nedlasting av Office bør skje heime. Skulen har kjøpt inn låsbare skap til oppbevaring av personlege PC-ar, men du må sjølv skaffe deg hengjelås dersom du vil nytte deg av dette tilbodet. Skapa er tilpassa maskinar med skjermar i max storleik 15,4 (dvs. 37cm x 37cm x 11cm). Som elev ved skulen fekk du ei tekstmelding før skulestart første skuleåret, der du laga deg ein brukarkonto. Denne brukaren med passord brukar du for å få tilgang til det trådlause nettet, på itslearning osv. Har du ikkje brukar, kontakt IKT-Mediatek. «Gamle» elevar nyttar brukarnamn og passord frå førre skuleår, nye elevar får oppretta brukarnamn og passord. Som elev vil du også få tilgang til itlearning, den digitale læringsplattforma til Rogaland fylkeskommune. Informasjon og kommunikasjon i einskildfaga føregår m.a. der. Du nyttar meldingssystemet i itslearning til kommunikasjon med kontaktlærar, faglærarar, medelevar, etc. På itslearning er det oppretta eit informasjonsfag for alle som er tilknytt Ølen vidaregåande skule :...Ølen vgs ALLE Her vert det lagt ut informasjon av generell karakter. Når skuleåret har teke til, må du sjølv sjekke at du har tilgang til dette faget og halde deg oppdatert gjennom skuleåret. Viktig informasjon, m.a. om eksamen, vert gitt her. Har du ikkje tilgang til faget, kontaktar du IKT-Mediatek. Det er utarbeida utfyllande IKT-reglar for Ølen vgs som du finn her i brosjyra. Desse supplerer det til ei kvar tid gjeldande reglement i Rogaland fylkeskommune

8 Reglar for bruk av data ved Ølen vidaregåande skule Berbar elevmaskin skal aldri koplast til nettet ved kabel, berre via trådlaust nettverk. I skuletida skal datamaskinane brukast til - tekstbehandling/rekneark for skriving/løysing av oppgåver - innhenting av informasjon via internett - e-post i samband med skulearbeid - spesialprogram som trengst i samband med skulearbeid - Det er faglærar som er ansvarleg for innhaldet i timane og som avgjer om, til kva og korleis dei ulike verktøya (som PC og Mac) skal nyttast til ei kvar tid. Tryggleik - Det er forbode å laste ned program som kan vere skadelege for datautstyret - Vis varsemd ved bruk av eigne USB minnepinnar. Hugs på virusfare. - Systemansvarleg har lagt inn restriksjonar som avgrensar tilgangen til skulen sitt nettverk og internett. Bruk av pc på amfi - Datarommet (amfiet) skal berre brukast av personar med gyldig brukarnamn og under tilsyn av lærar. - Mat og drikke skal IKKJE nyttast i datarom eller ved skulen sine datamaskinar - Chatting/spel (også web-basert) er ikkje tillate på skulen sine datamaskinar - Vis omsyn ved bruk av datautstyr - Det er strengt forbode å endre på pc-innstillingar/bruke programvare på dei stasjonære maskinane - Rydd opp etter deg - Lærarar og mediatekansvarlege har høve til å vise bort elevar som ikkje bruker pc-ane til skulearbeid Elles viser ein til ordensreglement og norsk lov. Kontakt IKT-Mediatek dersom du er usikker på kva du har lov til. Brot på reglar vil få konsekvensar. Dagsverk Korosten Ølen vgs har eige Dagsverk Korosten (tilsvarande det nasjonale Operasjon Dagsverk) der elevane gir inntektene frå ein arbeidsdag, kr. 400,- til ulike formål i Korosten i Ukraina. Vårt lokale dagsverk har same målsetjing som det nasjonale: "Tanken bak Operasjon Dagsverk er at ungdomar i Noreg skal gi ein dag av si utdanning og arbeide slik at ungdommar andre stader i verda skal få moglegheit til å få ei utdanning." Ei undergruppe av Elevrådet besøkte Korosten våren 2018 og la fram forslag til Elevrådet til kva midlane kan nyttast til. Elevrådet bestemmer prosjekt

9 Elevsamtalar Elevar har rett til jamnleg dialog med kontaktlærar om utviklinga si i lys av Opplæringslova 1-1 (Forskrift til Opplæringslova 3-8). Denne retten vert m.a. dekka gjennom elevsamtalar minimum to gonger årleg og jamnleg kommunikasjon med kontaktlærar i avsette kontaktlærartimar. Elevane vert oppfordra til å bruke kontaktlærartimane til å halde seg oppdaterte om fagleg utvikling og ha oversikt over eige fråvær. Det er og tilbod om oppstartsamtalar for VG1-elevar med føresette ved skulestart. Bli kjent-tur for VG1-elevane og Påbygg For alle VG1-elevar vert det i løpet av veke arrangert bli kjent-tur med overnatting. Påbyggselevane dreg i veke 37. Elevane går opp på føremiddag dag 1 og er attende til skuleslutt på dag 2. Ein dreg klassevis til fjells. Kontaktlærarar er med i tillegg til kroppsøvingslærarar for den aktuelle klassa. Ulike oppgåver av fagleg og sosial art står på programmet. I tillegg vert det felles matlaging, rydding og andre oppgåver som høyrer med. Tid til friare sosial aktivitet vert det også! Læringsstøttande prøvar For VG1-elevane vert det i løpet av dei første skulevekene gjennomført læringsstøttande prøvar etter behov i rekning, lesing og engelsk (grunnleggjande ferdigheiter). Prøvane gir lærarane grunnlag for læringsfremjande tilbakemeldingar til elevar på alle nivå. Reglement for utlån av lærebøker i Rogaland fylkeskommune: 1. Generelt/virkeområde Skulebøker Alle elevar i vidaregåande skule får tilbod om gratis læremiddel, jfr. Reglement for utlån av lærebøker i Rogaland fylkeskommune. Gjeld for alle offentlege vidaregåande skular i Rogaland. Reglementet gjeld det skulen har definert som felles pensumlitteratur i faga. For skulebibliotekets øvrige utlån av bøker og anna materiell, gjeld skulens eige reglement. 2. Utlånsordning Ved skulestart vil elevane få utlevert bøkene dei treng. Kvart eksemplar har ein unik strekkode og eleven må levere tilbake det same eksemplaret ved skuleårets slutt. Eleven MÅ skrive namn, klasse og skuleår på innsida av bokpermen. Dette for å forhindre at bøker vert bytta om på. Eleven skal sjå til at bøkene er i tilfredsstillande stand. Dersom eleven byter fag eller avbryt opplæringa i løpet av skuleåret, skal bøkene leverast til utlånsansvarleg umiddelbart. Det er ikkje tillete å notere, streke under tekst, bruke uthevingstusj eller liknande i bøkene. Strekkoden må vere intakt

10 Eleven vert rådd til å sette bokbind på bøkene. Alle bøkene skal leverast tilbake ved slutten av skuleåret i henhold til den enkelte skules oppsette innleveringsplan. Bøkene må leverast personleg, slik at skulen får gitt eleven beskjed om eventuelt manglande bøker før siste frist. Siste frist for å levere tilbake utlånsbøkene er skulens siste offisielle skuledag. 3. Erstatning ved tap/skade Eleven er ansvarleg for lånte bøker. Det betyr at eleven eller elevens føresette må erstatte bøker som vert skada eller tapte i utlånsperioden eller som ikkje vert leverte tilbake innan innleveringsfristen. Det krevst ikkje erstatning for normal slitasje. Skulen vil krevje tapet erstatta etter alminnelege erstatningsreglar, jfr. kap.1 i Skadeerstatningsloven. Erstatninga vil som hovudregel vere attskaffingsprisen for boka/bøkene. Skulen må i det enkelte tilfelle vurdere om vilkåra for å krevje erstatning er til stades. Uavhengig av manglande levering og uteståande erstatningskrav, er skulen pliktig til å halde eleven med nødvendige læremiddel. Dersom ei bok blir tapt i løpet av skuleåret, kan eleven få låne ei ny bok av utlånsansvarleg. Skulle boka ikkje bli levert inn innan siste innleveringsfrist, vil det bli sendt erstatningskrav til elev eller føresette med 30 dagars betalingsfrist. Dersom kravet ikkje vert innfridd, vil det bli sendt til inkasso. Skulen tar ikkje imot bøker etter skulens siste offisielle dag. Dette fordi skulen umiddelbart må bestille inn nye bøker. Erstatningskravet må betalast og eleven kan ikkje rekne med å få ettergitt beløpet dersom boka seinare skulle komme til rette. 4. Underskrift av avtale Lånereglane for utlån av lærebøker vert aksepterte når eleven/føresette har samtykka til Reglement for utlån av lærebøker i Rogaland fylkeskommune på Vg1. Når lånereglane er aksepterte, gjeld dette for heile skuleløpet og også ved skulebyte innan fylket. Dersom eleven er under 18 år, må ein føresett skrive under/samtykke. Skulefotografering Det vert skulefotografering 16., 17. og 18. september 2019, klassevis og portrett. Elevane vel sjølve om dei vil bestille bilete og eventuelt kva dei vil ha. Skulekantina vår er open alle dagar kl og I skulen si kantine kan du kjøpe sunn og god mat og drikke. Det er og høve til å kjøpe seg varm mat tre dagar i veka. Meny vert distribuert på oppslag kvar veke. Betalingsmiddel: Vipps eller kort - ikkje kontantar! Elevane får tilbod om gratis graut mellom kl og tre dagar i veka. God handhygiene er viktig og skulen har difor hengt opp behaldarar med handdesinfisering ulike stader på skulen

11 Info om LÅNEKASSEN Er du elev i vidaregåande skule og har ungdomsrett, får du utstyrsstipend frå Lånekassen. Du får stipendet uansett kor mykje foreldra dine tener. Hugs at du må søkje for å få det. Dersom du ynskjer at Lånekassen skal vurdere om du har rett til andre stipend (grunnstipend eller bustipend) må du oppgi det i nettsøknaden din. Er du over 18 år og bortebuar, kan du søkje om lån. Har du ungdomsrett, får du nå full støtte til vidaregåande opplæring i Norge, sjølv om du ikkje har full studiebelastning. Når du har fått opptak, søkjer du om stipend på lanekassen.no. Bruk søknaden for vidaregåande opplæring. Søknadsfrist for stipend og lån for hausten er 15. november! For deg som er under 18 år og skal søkje om stipend til vidaregåande: For at du skal få pengane, må ein av foreldra dine signere for deg. Dersom dei har ein digital postkasse, får dei svaret på søknaden din digitalt og kan signere avtalen raskare. Les meir om oppretting av digital postkasse på Uansett om foreldra dine har digital postkasse, eller ikkje, kan dei signere elektronisk under «Foreldresignering» på Lånekassen sine sider. Les meir om stipend og lån på og sjekk Lånekassen si side på Facebook for deg i vidaregåande skule, Stort fråvær kan føre til reduksjon/tap av stipend. Ulike reglar for Rogaland og Hordaland: ROGALAND Skuleskyss På finn du info i oppslaget Skuleskyss. I dette oppslaget finn du lenke til nettsida til Kolumbus. Her vil du finne temakart som viser «ungdomsbillettsona». Elevar som bur utanfor sona (utanfor det raude feltet) og har meir enn 6 km til skulen, har rett på fri skuleskyss. Gjeld også for elevar over 22 år. Elevane må sjølve søkje om fri skuleskyss via Min skyss hjå Kolumbus (gjeld ikkje elevar med særlege behov). Opprett brukar og logg inn. Elevar som mister Kolumbuskortet sitt, kontaktar Informasjonen på skulen og får eit midlertidig reisepass. Kolumbus sender nytt kort m/faktura på kr. 50,- Elevar som gløymer kortet sitt, får fylgje skuleskyssen til skulen, men kontaktar skulen og får eit midlertidig reisepass til heimreisa

12 Elevar som bur innanfor sona (i det raude feltet) må kjøpe Ungdomsbillett, som er rimelegaste alternativ for ungdommar frå og med 15 år til og med 22 år. Billetten kostar kr. 299,- pr. mnd. og er gyldig i 30 dagar. Du har fylgjande moglegheiter til å kjøpe ungdomsbillett: I mobilappen «Kolumbus Billett» På nettsida til Kolumbus.no På Turistinformasjonen i Haugesund (hugs å ta med legitimasjon). Kontant skyssrefusjon: Har du meir enn 3 km mellom heimen og næraste busstopp og minst seks kilometer lang skuleveg, kan du få refundert utgifter til privat skyss for denne strekninga. Refusjonen gjeld ikkje dersom fylket ordnar med annan skyss. Skjema for kontant skyssrefusjon kan hentast i Informasjonen på skulen eller via denne lenka: Søknadsfrist: 15.september HORDALAND Elevar som bur i Etne kommune har fri skuleskyss. Fyll ut søknadsskjemaet du får på skulen og lever dette i Informasjonen. Du får då utlevert eit midlertidig busskort frå Skyss. Når skulen har motteke dei permanente korta, får du beskjed. Kontant skyssrefusjon: Har du meir enn 3 km mellom heimen og næraste busstopp, kan du få refundert utgifter til privat skyss for denne strekninga. Refusjonen gjeld ikkje dersom fylket ordnar med anna skyss. Ta evt. kontakt med Informasjonen på skulen. Scooter- og mopedparkering Dei av elevane som køyrer scooter eller moped til skulen skal parkere på oppmerka parkeringsplass ved idrettshallen. Kostpengar Elevar som har kjøkken som del av undervisninga vert fakturerte for matkostnadar. Kopipengar Alle elevane på skulen får eit kopieringskort som inneheld 200 stk. kopiar. Når kvoten er brukt opp, må den einskilde eleven betale for påfyll på kortet sjølv, 50 kr. om gongen med Vipps på IKT/Mediatek

13 BRANNVARSLING TIL ELEVAR/TILSETTE 1 DEN SOM OPPDAGAR BRANN VARSLAR BRANN. BRUK BRANNVARSLAR. GI MELDING TIL PERSONALROM/ INFORMASJONEN. 2 BRANNVARSLING VERT VARSLA MED KORTE STØYT I RINGEKLOKKA. 3 GÅ ROLEG OG SAMLA UT. IKKJE BRUK HEISEN. BRUK NÆRASTE UTGANGSDØR. 4 INGEN SKAL TA MED SEG SKULESAKER ELLER KLEDE. 5 ALLE SKAL MØTE PÅ SAMLINGSPLASS, SOM ER KUNSTGRASBANEN AUST FOR SKULEN (MELLOM SKULEN OG IDRETTSHALLEN). INGEN GÅR FRÅ SAMLINGSPLASS UTAN LØYVE. REKTOR

14 SKULERUTE FOR SKULEÅRET VEDTEKEN I SKULEUTVALET , REVIDERT REVIDERT PGA FEIL I ANTAL SKULEDAGAR. Fylkeskommunen gir forskrift om skule- og feriedagar, sjå Elevane skal ha 190 skoledagar. I skuleruta for gjeld følgjande som forskrift og kan ikkje endrast: Første elevdag måndag 19. august Haustferie veke 41 ( oktober) Felles planleggingsdag haust tysdag 12. november Vinterferie veke 9 (24.februar 28.februar) Felles planleggingsdag vår onsdag 12. februar August Skulestart for elevane mån September 21 Oktober Haustferie veke 41 (7.-11.) 18. November Felles planleggingsdag, tys Elevfri dag fre. 29. Desember Siste skuledag for elevane før jul fre Januar Første skuledag for elevane etter jul tor Februar Felles planleggingsdag ons. 12. Vinterferie veke 9 ( ) 14 Mars Dagsverk Korosten mån April Påskeferie Mai Off. høgtidsdagar fre. 1. og tors Juni Off. høgtidsdagar mån. 1. Siste skuledag for elevane fre Sum elevdagar 190 Planleggingsdagar: Onsdag 14., tordag 15. og fredag 16. august 2019 Tysdag 12. november 2019 Fredag 29. november 2019 Onsdag 12. februar 2020 Korosten måndag = Skulefellestid alle pedagogar

15 OVERSIKT OVER TILSETTE VED ØLEN VIDAREGÅANDE SKULE LEIING IKT-MEDIATEK Navn: Funksjon/avdeling: Navn: Funksj/avd. Sæle, Ruth Rektor Langhelle, Johannes IKT-pedagog Helland, Gjertrud Avd.leiar stud.spes. Fosse, Sten IKT-teknikar Olav Hogne Espe Avd.leiar yrkesfag De Wilde, Claudia Mediatek Ingelin Håheim Avd.leiar idrett, sos.- /spes.ped. Stople, Leikny H. Kontorleiar RÅDGJEVARAR OT Hauso, Marit Sos.ped.rådgjevar Johannessen, Gro OT-rådgjevar Martinsen, Jens Martin Yrkes-og utd.rådgjevar LÆRARSTAB LÆRARSTAB Aasbø, Lyder Mindor TIP Johannesen, Gro ST Andreassen, Kristina S. ST Karlsen, Tom Erik ID Berge, Oddlaug Skare EL Kleven, Roar ST Berge, Ståle ST/ID Klæboe, Karine Anette Orset ID Bjørge, Leiv Espen TIP Klæhaug, Susan BA Brårmo, Åsmund BA Langhelle, Johannes HO/AO Bådsvik, Bengt TIP Lundestad, Raymond ID Dalen, Eydis ST Lærdal, Svein Helge TIP De Wilde, Claudia ST Matre, Svalaug ST Eike, Iren HO Molnes, Frode EL Eikeland, Hans-Erik ST Myrset, Jorid ST Ekroll, Hilde Lindaas ST Nistad, Anne ID Espeland, Laila HO Næs, Guro ST Forus, Nina ST Ohm, Cecilie ST Furseth, Janet ST Opedal, Inge TIP Førre, Ingeborg Anfinsen ID Risøy, Hanne Jorunn Aasen ST Gjerde, Linn ST Rogne, Bente AO Gloppen, Kirsten ST Rustaj, Lirim EL Grønnestad, Kristine HO Rødseth, Thomas Johan ST Haaland, Reidar Ness BA Stakland, Øystein ST Hauso, Marit AO Steinnes, Grete Iren HO Hetland, Torunn ST Susort, Jan Vidar TIP Husby, Bjørn Gunnar ST Torvestad, Sigrun Marie DH Håland, Liv ST Tveit, Anne Berit Skipevåg ST Jarmer, Gunn Rakel HO Tverå, Astri Tjelmeland ST Tjelle Veum, Marit ST KONTORPERSONALE OPPLÆRING SANDEID FENGSEL Stople, Leikny Kontorleiar Lilleland, Mai Venke Koordinator Lunde, Camilla F. Rosseland, Hanne Rådgjev./underv. Staurland, Annfrid Gjerde, Asbjørn Underv. Duddeck, Eva Mattingsdal, Kjell Ove Miljøarbeidar MILJØPERSONALE DRIFTSLEIAR Haugland, Haldis L. Lothe, Peder Indreland, Ingunn REINHALD Silgjerd, Heidi Miljøterapeut Andersen, Irene NY Miljøarbeidar Eikeland, Synøve H. KANTINE Haugland, Haldis L. Spartveit, Tove Hundseid, Cissel Eikeland, Synøve H

16 n 2