Styre/råd/utval Møtedato Saknr Utval for plan, teknikk og næring /19 Kommunestyret /19. Arkiv: SONE - 02_45_2018, K2 - L13

Transkript

1 Bø kommune Styre/råd/utval Møtedato Saknr Utval for plan, teknikk og næring /19 Kommunestyret /19 Saksansvarleg: Kristin Karlbom Dahle Arkiv: SONE - 02_45_2018, K2 - L13 Arkivsaknr.: 18/2046 Detaljreguleringsplan for Gullbring studentheim. 2.gangs behandling Rådmannen tilrår: Detaljreguleringsplan for Gullbring studentheim vert endeleg godkjent jf. Plan- og bygningslova med følgjande endringar: 1. Føresegnene 8.2 får tillegg om at ved tiltak i kantsona til Prestevju, skal det tilretteleggast for reetablering av naturleg vegetasjon, og at biologisk sakkunnig skal delta i planlegging av evt sikringstiltak. 2. Føresegnene får tillegg om at dokumentasjon ved søknad om sikringstiltak innanfor omsynssona for naturmiljø skal vise plan for reetablering av vegetasjon langs Prestevju får tillegg om at uavhengig kvalitetssikring i henhold til NVE si kvikkleirerettleiar 7/2014 krevjast for tiltak innanfor faresona Kommunestyret Behandling: Ingebjørg Ø Nordbø MDG, fremma sitt framlegg frå PTN. Ingebjørg Ø. Nordbø sitt forslag på vegne av MDG blei sett opp mot tilråding frå PTN. Framlegget frå PTN utvalet vart vedteke med 20 stemmet mot 5 som gjekk til framlegget frå Ingebjørg Ø. Nordbø MDG. K- 17/19Vedtak: Detaljreguleringsplan for Gullbring studentheim vert endeleg godkjent jf. Plan- og bygningslova med følgjande endringar: 1. Føresegnene 8.2 får tillegg om at ved tiltak i kantsona til Prestevju, skal det tilretteleggast for reetablering av naturleg vegetasjon, og at biologisk sakkunnig skal delta i planlegging av evt sikringstiltak. 2. Føresegnene får tillegg om at dokumentasjon ved søknad om sikringstiltak innanfor omsynssona for naturmiljø skal vise plan for reetablering av vegetasjon langs Prestevju får tillegg om at uavhengig kvalitetssikring i henhold til NVE si kvikkleirerettleiar 7/2014

2 krevjast for tiltak innanfor faresona Utval for plan, teknikk og næring Behandling: MDG v. Ingebjørg Nordbø la fram fyljande alternative forslag til vedtak: 1. Det må utførast ei ny kartlegging av det biologiske mangfaldet i området før planen blir vedteke. 2. Saka sendas tilbake til tiltakshaver der ein ber om at dei vel andre løysingar som ikkje kjem i konflikt med detaljplanen for Evjudalen frå 2010, og intensjonane som låg til grunn for denne. MDG sitt forslag blei sett opp mot rådmannes tilråding. Rådmannes tilråding blei vedteke med 6 mot 1 røyst. PTN- 06/19Vedtak: Detaljreguleringsplan for Gullbring studentheim vert endeleg godkjent jf. Plan- og bygningslova med følgjande endringar: 1. Føresegnene 8.2 får tillegg om at ved tiltak i kantsona til Prestevju, skal det tilretteleggast for reetablering av naturleg vegetasjon, og at biologisk sakkunnig skal delta i planlegging av evt sikringstiltak. 2. Føresegnene får tillegg om at dokumentasjon ved søknad om sikringstiltak innanfor omsynssona for naturmiljø skal vise plan for reetablering av vegetasjon langs Prestevju får tillegg om at uavhengig kvalitetssikring i henhold til NVE si kvikkleirerettleiar 7/2014 krevjast for tiltak innanfor faresona. Bakgrunn for saka: Code Arkitektur har på vegne av Studentsamskipnaden i Sørøst-Norge fremja forslag om detaljreguleringsplan for Gullbring studentheim. Formål med planen er å legge til rette for bygging av studentbustader. Hovudutval for plan, teknikk og næring vedtok i møte (sak 91/18) å legge planforslaget ut til offentleg ettersyn. Planen har vore ute til offentleg ettersyn i perioden til , og det har kome 9 merknader til planforslaget (sjå vedlegg). Saksomtale: Forslagsstillar har kommentert dei innkomne merknadene, sjå vedlegg. Nedanfor er innkomne merknader oppsummert og kommentert: 1. NVE har ikkje rukke å sette seg inn i saka før fristen og tar forbehold om dette i si uttale. NVE meiner det er behov for uavhengig kvalitetssikring i henhold til NVE si kvikkleirerettleiar 7/2014 før det blir gitt byggeløyve. Det er viktig at dette blir fylgd opp i byggesak, gjerne av same geoteknikar. NVE uttaler at det ser ut ti l at geoteknikar ikkje har vidareført resultat frå rapport frå 2016 i ny rapport, og etterlyser ei vurdering søraust i sona. Dei etterlyser konkretisering av formuleringar om at det må fyllast noko på topp skråning og at flaumbekkar må fyllast og sikrast. I informasjon om kvikkleiresona i NVE-atlas står det at det ikkje er fare for erosjon, medan det er lagt til grunn i rapport frå Grunnteknikk at det er behov for erosjonssikring.

3 Det leggast inn krav under føresegnene til omsynssona for kvikkleire om uavhengig kvalitetssikring i tråd med uttala frå NVE. Kommunen tar initiativ til møte med NVE, forslagsstillar og grunnteknikar på bakgrunn av munnleg dialog med NVE der spørsmåla NVE stiller til rapporten kan drøftast. 2. Fylkesmannen i Vestfold og Telemark gjer merksam på at erosjonssikring og stabilisering i fareområde for kvikkleire vil kunne føre til store inngrep i gråor-heggeskogen langs Prestevju. Dei tilrår difor at føresegnene til omsynssona naturmiljø blir supplert med krav om tilrettelegging for reetablering av naturleg vegetasjon etter ein utarbeidd plan. Det bør leggast særskilt vekt på ivaretaking av bekkeløpet og naturleg kantsone langs denne. Innspelet frå Fylkesmannen bør følgjast opp med krav i 8.2 om at ved tiltak i kantsona til Prestevju, skal det tilretteleggast for reetablering av naturleg vegetasjon får tillegg om at dokumentasjon ved søknad om sikringstiltak innanfor omsynssona for naturmiljø skal vise plan for reetablering av vegetasjon langs Prestevju. 3. Statens vegvesen peiker på at områdereguleringsplanen for Campus ikkje opnar for to avkøyringar frå Gullbringvegen, og meiner detaljreguleringsplanen bør vere i tråd med denne. Dei ber om at alternativ utan ekstra avkøyring leggast fram. SVV ber om at alternativ utan ekstra avkøyring leggast fram. Sidan sørlege avkøyring er felles med hotellet, vil eit alternativ med ei avkøyring bety at det er sørleg avkøyring som nyttast og at tilkomst til hovudinngang mot Gullbringvegen vil måtte skje via baksida av bygget og rundt på nordsida. Forslagsstillar grunngjev nordlege avkøyring med omsyn på beredskap og tilkomst til HC-plassar. Dei presiserer at det er ein vesentleg fordel at brannbil og ambulanse kan køyre inn på tomta framfor hovuinngangane til bustadene. Trafikkbelastninga på avkøyringa vil bli svært låg, siden det berre vil bli etablert 11 biloppstillingplassar på tomta, som vil ha tilkomst frå to avkøyringar. Det tilseier at avkøyringa vil medføre eit minimalt problem for gåande og syklande på g/ s- vegen og biltrafikken i Gullbringvegen. Forslagsstillar sine argument for å tillate foreslått avkøyring tilseier at denne bør bli liggande i planen. Eksisterande avkøyring til p-plass for Gullbring studentheim er vist som stengt i planen. 4. Telemark fylkeskommune har ingen merknader til planforslaget. 5. Miljøhygienisk avdeling kommenterer at problemstillingar vedrørande støy vert ivaretatt gjennom byggteknisk forskrift (TEK 17) og NS 8175:2012 Lydforhold i bygninger, og forutset at evt. radonproblematikk vert ivareteke i byggesaken. Dette vil bli fylgd opp i byggesaken. 6. Naturvernforbundet i Midt-Telemark rosar miljøambisjonane til nye Gullbring studentheim, men forventar at miljøverdiane i gråor-heggeskogen med C-verdi (lokalt viktig) ved Prestevju vert påakta vidare. Denne er del av ein ravinedal, ein raudlista naturtype, og gråorheggeskog tiltrekker seg store mengder hekkande spurvefugl. Naturverdiane her utviklar seg fort. Asplan Viak tilrådde i si kartlegging (2010) ingen inngrep i lokaliteten. Planforslaget legg opp til

4 omfattande inngrep i lokaliteten. Prestevju er ein liten biotop, og inngrep vil få alvorlege konsekvensar for naturmangfaldet. Fylkesmannen rår ifrå fylling og graving, i strid med geoteknikars tilråding om å fylle igjen flaumbekkar. NVMT stiller spørsmål ved korleis fylkesmannen si tilråding om å spare vegetasjon langs bekken kan oppfyllast, med store tiltak i bekken som sannsynlegvis vil bety omfattande hogst. NVMT ber om ny biologisk kartlegging retta mot tiltaka i planforslaget, som betre kan svare på reelt skadeomfang av tiltaka så tidleg som mogleg. NVMT forventar at kommunen følger planforslaget si parkeringsløysing med eit minimum av p - plassar. Dette er i tråd med kommunale målsettingar om reduksjon av biltrafikk i Bø sentrum og auka bruk av sykkel og gange. Signala i vedtaket i PTN-utvalet om krav om fleire p-plassar, gir inntrykk av at kommunen fører ein sjøvmotseiande politikk, til forvirring for framtidige utbyggarar og innbyggarane. Større parkeringskapasitet framstår ikkje som naudsynt med studentheimen sin nærleik til USN, og med USN sine oppmodingar til studentane om redusert bilbruk. NVMT fryktar at auka p-krav vil føre til auka press på lokaliteten i Prestevju. Forslagsstillar kommenterer at tiltakshaver tar sikte på å få utarbeidd ei vurdering av naturmangfaldet i Prestevju opp mot dette tiltaket. Vurderinga planleggast gjort i samråd/dialog med geoteknikar og evt andre relevante aktørar. I 6 i føresegnene er det krav om at sikringstiltak innanfor grøntstrukturen skal gjennomførast etter detaljert planlegging og kontroll av sakkunnige innan hhv geoteknikk og biologi, og det er krav om at geoteknisk rapport og rapport om biologiske tilhøve skal leggast ved søknad om tiltak. Dette kravet er tatt inn nettopp for å sikre at naudsynte sikringstiltak i størst mogleg grad blir tilpassa omsynet til det biologiske mangfaldet. Slik blir biologen tatt inn tidleg i prosessen, slik NVMT oppmodar til. 8.2 bør supplerast med at krav om at evt tiltak innanfor omsynssona for naturmiljø ikkje berre skal skje etter planlegging av geoteknisk sakkunnige, men også biologisk sakkunnige. Sjå kommentar under Fylkesmannen si uttale når det gjeld reetablering av vegetasjon i kantsona til bekken. Etter rådmannen si vurdering er det viktig å sikre at kunnskap om det biologisk mangfaldet ligg til grunn for utforming av sikringstiltak innanfor naturtypelokaliteten, slik at tiltaka vert gjennomført så skånsamt som råd. Utbygginga vil få negative konsekvensar for lokaliteten, men SSN sitt prosjekt vert vurdert som så viktig for utvikling av Campus Bø og dermed USN si framtid i Bø, at ein i denne saka vurderer utbyggingsinteressene som viktigare enn omsynet til C-lokaliteten. Ein meiner difor at det er viktigare å sikre biologisk kompetanse inn i prosjekteringa, enn å stille krav om ein ny kartlegging før planen blir vedtatt. Når det gjeld parkering, er rådmannen si tilråding av parkeringsløysinga i planforslaget vert fylgd opp, slik Naturvernforbundet oppmodar til. Samstundes har kommunen tilbudt SSN å leige areal til parkering på vestsida av Gullbringvegen (innanfor område BKB3 i områdereguleringsplan for Campus) i ein periode på inntil 9 år. Parkeringa vil vere opparbeidd og klar til bruk ved ferdigstilling av prosjektet. Dette er resultat av vedtaket ved 1.gongs behandling av planforslaget i PTN-utvalet, der utvalet ber aktørane om å prøve å finne ei heilskapleg parkeringsløysing. Rådmannen har drøfta parkeringsutfordringane med alle aktørane i området. Formannskapet ga i sak 92/18 ( ) forhandlingsutvalet fullmakt til å forhandle fram avtale om utleige av areal langs Gullbringvegen til p-plassar for SSN. Denne er no signert av SSN og vil bli lagt fram for formannskap og kommunestyre. 7. Bø hotell tar opp parkeringsbehovet og viser til tidlegare søknad om kjøp av areal til parkering vest for Gullbringvegen, og ber no om å få leige parkeringsareal. Hotellet peikar på at det allereie er ei parkeringsutfordring i Gullbringområdet, og at det er innlysande at dette vert forsterka utviding av studentbustadene til 280 personar. Dei ber om at utbyggarar må dekke eige parkeringsbehov i tråd med gjeldande reguleringsføresegner. Kunnskapsparken kan få opp mot 150 arbeidsplassar.

5 Bø hotell uttaler at hotellet ikkje må bli bortgøymd bak ruvande bygg tett inn til tomtegrenser, særskilt ikkje mot sør med innsyn frå Gullbringvegen. Ber om at Gullbringvegen har ein standard og funksjon som kan betene ei aukande trafikkmengde i området. Bø hotell er ein av Telemark sine viktigaste reiselivsbedrifter, og kan ikkje godta at deira produkt vert forringa av at nye bygg er til sjenanse for deira kunder. Fyrste del av uttala er ein søknad om leige av parkeringsareal, og blir fylgd opp i eigen sak der leigekontrakt med Bø Hotell Eigedom blir lagt fram for formannskap og kommunestyre, tilsvarande leigekontrakt med SSN, sjå kommentar om parkering under uttale frå Naturvernforbundet. Forslagsstillar kommenterer at dei ulike merknadene om parkering delvis peikar mot kvarandre, der naboar i området hevder behov for meir parkering enn i planforslaget, medan Naturvernforbundet støtter forslaget ut fra miljøhensyn. Tiltakshavar meiner Naturvernforbundet sin merknad er i tråd med både kommunen og tiltakshavar sin ambisjon om å legge til rette for auka sykkelbruk og redusert bilbruk i Bø sentrum. For å avlaste parkeringsutfordringa på området inngår SSN likevel ei avtale med kommunen om leige av parkeringsareal (ca 1300 m2) på g/bnr 51/8. Når det gjeld plassering av nybygget i høve til hotellet, så følgjer dette av byggegrensene, som er i tråd med byggegrensene i områdereguleringsplanen. 8. Gullbring kulturanlegg uttaler at USN sin parkeringsplass er sprengt, og at p-plass ved Gullbring difor på dagtid er svært belasta med bilar frå USN, noko som kan bli forverra dersom Bø hotell avsluttar si utleige av 50 p-plassar til USN. Gullbring kulturanlegg fryktar at bebuarar på Gullbring studentheim ikkje vil nytte langtidsparkering ved Grivi studentheim, men nytte opne parkeringsplassar i nærleiken. Auka parkering ved kulturanlegget vil vere ei utfordring for dagleg drift fordi mange av brukararne kjem i bil i dag, og fordi ein ønskjer å utvide nedslagsfeltet for Gullbring kulturanlegg framover. Dei er heilt avhengige av dagens kapasitet og har avtale med USN og Bø hotell om parkering på deire område i samband med større arrangement. Tre-firedobling av tal studenthyblar og redusert p-kapasitet vil kunne begrense aktiviteten ved Gullbring kulturanlegg. Kollektivdekning til og frå Bø er god, internt i Bø er den dårleg, og kan ikkje samanliknast med dei andre stadene SSN har bygd studentbustader utan p-plassar. Kulturanlegget uttaler at friluftsliv er ein viktig tiltrekningskraft for studentar, og bil vil vere viktig for å kome seg til friluftsområda. Gullbring kulturanlegg ber om at kommunen ikkje fråviker frå krav i områdereguleringsplanen når det gjeld p-plassar, og tilrår at desse leggast i p-kjellar. Sjå kommentar om parkering under uttale frå Naturvernforbundet og Bø Hotell. 9. Bø kunnskapspark ber om at utbygging i området forhalder seg til gjeldande reguleringsplanar. Det er avgjerande at området kan betene ein sterkt aukande trafikkmengde, og at det blir lagt

6 til rette for nok parkeringsplassar. Detaljreguleringsplanen er i hovudsak i tråd med gjeldande områdereguleringsplan, med unntak av parkeringskravet. Sjå kommentar under Naturvernforbundet og Bø hotell for løysing av dette. Konklusjon Detaljreguleringsplanen for Gullbring studentheim bør vedtakast i tråd med Plan- og bygningslova med dei presiseringane av føresegnene som er omtalt over. Vedlegg: Planbeskrivelse Gullbring studentheim Plankart Føresegner Gullbring studentheim Detaljreguleringsplan for Gullbring studentheim gongsbehandling Uttale frå Fylkesmannen i Vestfold og Telemark Uttale fra NVE- Konkret forespørsel Detaljreguleringsplan for Gullbring studentheim - Bø kommune Dokument 18/ Detaljreguleringsplan for Gullbring studentheim. Høyringsuttale. sendt fra Statens vegvesen Høringssvar til offentleg ettersyn av detaljreguleringsplan for Gullbring studentheim. Bø kommune.pdf Uttale vedr. detaljreguleringsplan for Gullbring studentheim fra Miljøhygenisk avdeling Innspill til detaljreguleringsplan for Gullbring studentheim fra Bø hotell Høringsuttalelse Gullbring Studentheim fra Grullbring kulturanlegg AS Innspill fra Bø kunnskapspark Forslagsstillar sine kommentarer til innkomne merknader Innspel til detaljreguleringsplan for Gullbring studentheim fra Naturvernforbundet i Midt-Telemark Parter: Studentsamskipnaden i Sørøst-Norge Code arkitektur