SPORTSPLAN FOTBALLKLUBBEN VOSS

Transkript

1 SPORTSPLAN FOTBALLKLUBBEN VOSS Førebels vedteke Mars

2 Innhald 1. INNLEIING FOTBALL EIT LAGSPEL MÅLSETJINGAR, VISJON OG VERDIAR Klubben sin visjon Klubben sine målsetjingar Klubben sine verdiar Våre verdiar i praksis Spelar Trenar Foreldre Laga FAIR PLAY HOVUDMÅL OG RETNINGSLINJER FOR ORGANISERING AV AKTIVITETEN I FOTBALLKLUBBEN VOSS HOVUDMÅL OG RETNINGSLINJER BARNEFOTBALLEN 6 12 ÅR Oppstart Organisering av barnefotballen Seriestruktur i barnefotballen Treningar Kampar Jambyrde Hospitering? Turneringsbestemmingar for arrangement i eigen klubb og deltaking eksternt Fokuset i barnefotballen spørsmål om haldningar Utviklingstrapp barnefotballen HOVUDMÅL OG RETNINGSLINJER FOR UNGDOMSFOTBALLEN ÅR Organisering i ungdomsfotballen Treningar Kampar Speletid Jambyrde Norgesmesterskap (NM) Aldersbestemt NM aldersbestemt og A-laga i seniorfotballen

3 7.3 Turneringsbestemmingar for arrangement i eigen klubb og deltaking eksternt Utviklingstrapp i ungdomsfotballen HOVUDMÅL OG RETNINGSLINJER SENIORFOTBALLEN Målsetting for seniorlaga i perioden Kvinner A Herre A Kvinner B og Herre B Organisering seniorfotballen Treningar Kampar Seniorspelarane i klubben TRENARVEILEDAR SPELARUTVIKLING Spelarutvikling i barnefotballen Spelarutvikling i ungdoms- og seniorfotballen KEEPERTRENING TRENARUTVIKLING Målsetting Konsekvensar av målsettinga Målsetting trenarkompetanse Barnefotball 6 12 år Ungdomsfotball år DOMMARAR JENTESATSING PROSJEKT VOSS ANDRE IDRETTAR ANDRE KLUBBAR Målsetting Konsekvensar av desse målsettingane TELENOR XTRA - FOTBALLFRITIDSORDNING (FFO) KVALITETSKLUBB DUGNADSAND

4 1. INNLEIING har utarbeida ein sportsplan som skal vere eit hjelpemiddel for trenarar, lagleiarar, foreldre, spelarar og andre ressurspersonar som er involvert i klubben. en gir retningslinjer som er forankra i klubben sitt styre, og er difor eit styrande dokument som klubben sine medlem og bidragsytarar skal forhalda seg til. Me ynskjer å formidle sunne og gode verdiar for all aktivitet, både på og av bana og me håpar å kunne utvikle ei forståing for lagspelet i det mangfaldet fotball utspelar seg i. FBK Voss har gode forutsetningar til å verte ein leiande klubb både innan spelarutvikling og breiddefotball i vårt nærområde. Klubben har i dag eit flott anlegg, med to nye kunstgrasbanar og to grasbanar. Med ein sunn økonomi ynskjer me å fortsette å utvikle anlegget vårt slik at me heile tida tek nye steg. Me håpar og trur at sportsplanen skal kunne bidra til ein heilskap i arbeidet vårt og auka MEkjensla i FBK Voss. en skal reviderast kvart år av sportsleg utval. Planen skal godkjennast av styret i FBK Voss. Innspel til sportsplan gjev ein til sport- og klubbutviklar. Me ynskjer alle som er engasjert i klubben lykke til med arbeidet. 4

5 2. FOTBALL EIT LAGSPEL FBK Voss ynskjer å vera ein verdiklubb. Fotball er lagspel, og difor skal alt arbeid og all aktivitet i klubben vera prega av lagspel, samarbeid og inkludering. Me ynskjer å bli dyktige fotballspelarar, men aldri slik at det går ut over å bli gode menneske. Samspel, lagmoral, struktur og fair play er dei sentrale faktorane for fellesskapet i verdas største og mest populære sport. På same tid skal ein også utvikle individet i gruppa. Individet er viktig i gruppa, og gruppa er viktig for individet, utan tydelege skiljelinjer. I sum vert dette så veldig mykje meir enn 1+1 = 2. I praksis betyr dette at viss ein er ein del av eit fotballag så har det konsekvensar. Fotballen ynskjer alle velkommen, men det er frivillig og klubben organiserer aktiviteten innanfor visse rammer. Seier ein ja til å delta forpliktar ein seg til visse ting, dette gjeld både som spelar, føresett og/eller frivillig. Det er innanfor desse rammene individet skal utvikle seg og realisere sine ambisjonar. Å forstå kor viktig det er å forplikte seg til fellesskapet og kor mykje ein får igjen for å gjere det, er eit viktig premiss for at fotballen og lagspelet skal vere ei positiv oppleving for alle. Me ynskjer å kombinere samhaldet og fellesskapet i lagspelet med individuell utvikling. Dette er ei krevjande øving der alle; klubb, trenarar, spelarar og foreldre må bidra til at fotballen vert det den er tiltenkt EIT LAGSPEL! 5

6 3. MÅLSETJINGAR, VISJON OG VERDIAR Barne- og ungdomsfotballen baserer seg på tre pilarar som saman utgjer verdigrunnlaget for fotballen, på og utanfor bana. Våre verdiar, visjonar og målsettingar vil alltid ha desse tre grunnpilarane som utgangspunkt. 3.1 Klubben sin visjon At FBK Voss gjennom eit solid og meiningsfullt aktivitetstilbod til barn, unge og vaksne på Voss, skal skape stolte augneblink! 3.2 Klubben sine målsetjingar 1) FBK Voss skal ivareta spelarar og trenarar slik at flest mogleg held fram i klubben lengst mogleg i eit godt utviklingsmiljø tufta på dei tre T-ane: Tryggleik Trivsel Tilhøyring 2) FBK Voss skal gje eit tilpassa tilbod til gutar og jenter opp til 19-årsalderen. 3) FBK Voss skal ha resultatlag i seniorfotballen for begge kjønn. Desse laga skal ha lokal identitet og spegle spelarutviklinga som vert gjort i aldersbestemte klassar. Målsetjingane er i eit symbiotisk forhold der ein ikkje kan ha det eine utan det andre. Me ynskjer at topp skal vere med på å skape breidde og at breidde skal vere med på å skape topp. Måloppnåing for spelarutvikling vert vurdert ut i frå resultata til seniorlaga våre og kor mange spelarar me leverer til høgare divisjonar i seriesystemet. Voss er ein relativt liten plass utan høgskule, me erkjenner difor at det i periodar vil vere like viktig å få spelarar vidare til andre klubbar og at dette vil vere sportsleg like viktig som resultata til seniorlaga våre. 3.3 Klubben sine verdiar Vårt verdigrunnlag er tufta på Noregs Fotballforbund sine verdiar; «fotballglede, moglegheiter og utfordringar for alle». Fotballen skal vere ein arena for formidling av verdiar og haldningar som skapar gode fotballspelarar og gode lagspelarar, på alle områder i livet. TRYGGLEIK TRIVSEL - TILHØYRING 6

7 Å skape gode haldningar er oppseding i ordet sin beste betydning. «Det er lettare å skapa positive haldningar enn å endre dårlege». FBK Voss meiner at spelarane sine haldningar og verdiar legg grunnlaget for utvikling av både fotballferdigheiter og sosiale ferdigheiter. Dette betyr at me i alle samanhengar, på og utanfor banen, i trening og i kamp, skal legge vekt på dette. Alt arbeid og all aktivitet i klubben skal vera prega av tryggleik, trivsel og tilhøyring. Me ynskjer å bli dyktige fotballspelarar, men aldri slik at det går utover å bli gode menneske. Gjennom å kunne gje alle spelarar og trenarar i FBK Voss kjensla av tryggleik, trivsel og tilhøyring trur me at flest mogleg vil fortsette i klubben langt ut i ungdomsfotballen, og vidare i seniorfotballen. Om ikkje alltid som fotballspelarar, men også gjennom trenarengasjement, som dommar og/eller frivillig. Me veit at det er eit stort fråfall både blant spelarar og trenarar i overgangen mellom barne- og ungdomsfotballen og i slutten av ungdomsfotballen, å få fleire til å bli med vidare vert difor eit av satsingsområda til klubben i åra som kjem. Me erkjenner at veldig mange born og unge er med i barnefotballen og at det kanskje ikkje er naturleg at alle desse fortset like lenge, men me ynskjer ikkje at nokon skal slutte i FBK Voss på grunn av dårlege opplevingar uansett kva desse måtte vere! Så kva betyr verdiane TRYGGLEIK TRIVSEL - TILHØYRING for spelarar, trenarar og andre involverte i klubben? Kva konsekvensar får det for den måten me opptrer på og kva me vektlegg av haldningar både på og av bana? 3.4 Våre verdiar i praksis Spelar Spelarane skal oppmuntrast til å vere nysgjerrige og spørje. Me ynskjer å utvikle spelarar som tek ansvar for seg sjølv, for laget og for sine omgjevnader. Ein kan kjenne igjen spelarar frå FBK Voss også utan drakt og klubblogo, ved at våre spelarar: Tek ansvar! Gir alltid alt! «Me skal vere best på å gjere vårt beste» Er lærevillige og nysgjerrige! Bryr seg! FBK Voss meiner at spelarane sine haldningar og verdiar er heilt avgjerande for: 1. Korleis ein utviklar seg som fotballspelar og lagspelar 2. Kor gode lagkameratane og laget kan bli 7

8 3. Kor godt miljøet på laget og i klubben vert Dette får følgjande konsekvensar: - Treningsoppmøte, gje beskjed når ein ikkje kan - Oppmøte til kamp, gje beskjed i god tid når ein ikkje kan. Terminlista ligg der. - Vere presis - Møte førebudd til trening og kamp - Vere ein positiv faktor i det sosiale livet på laget og i klubben - Støtte medspelarar og trenarar/lagleiarar. - Fair play ALLTID! Trenar For oss er trenaren den som legg til rette for at spelarane skal bli nysgjerrige, lærevillige og gode lagspelarar. Trenaren gir tryggleik gjennom å vere tydeleg, føreseieleg og ved å alltid ha eit smil på lur. Trenaren skapar trivsel gjennom ei rettleiande og spørjande tilnærming til fotballaktiviteten. Trenaren skapar tilhøyring gjennom engasjement, omsorg og ved å ha eit blikk og omsut som strekkjer seg utover eige lag og ser heile klubben. FBK Voss meiner at trenarane sine haldningar og verdiar er heilt avgjerande for: 1. Korleis spelarane utviklar seg både sosialt og som fotballspelar 2. Korleis laget samla opptrer på trening og i kamp 3. Kor godt miljøet på laget vert Dette får følgjande konsekvensar: - Skal kunne namnet på alle spelarane - Ha eit tema for kvar økt «Kva øver me på i dag?» - Møt presis - Finn ut kven du er som trenar, ikkje herm etter andre - Me kan alle ha dårlege dagar, men la det påverke treninga og kampen minst mogleg - Ha eit ynskje om å utvikle deg som trenar og alltid ville lære litt meir - Fokus på utvikling ikkje prestasjon! - I løpet av ei økt skal du ha gitt ros til kvar enkelt spelar - Tydelege retningslinjer for oppmøte, pausar og avslutning skapar tryggleik - Ingen av spelarane er like, difor kan ein ikkje behandle alle likt - Ver ærleg og open 8

9 - Fair play god sportsånd - Målet er spelarar som smilar når treninga og kampen er ferdig! Foreldre Foreldra er dei viktigaste støttespelarane og bidragsytarane for å skape god aktivitet for alle involverte i klubben. Den viktigaste rolla til foreldra er å verke forsterkande på borna sin aktivitet. Foreldra må vite kva reglar som gjeld for laga og klubben, og sørgje for at desse vert overhaldt. Me ynskjer at foreldre skal vere støttande, legge til rette og gje ros. I barnefotballen vil me sjå foreldra på treningsfeltet, som kjegleflyttar, for å gje ros, for å blåse på såret og for å hjelpe trenarane med å skape ro og struktur på treningane. I ungdomsfotballen er det viktig at foreldra ikkje gløymer at sjølv om ein er blitt ungdom så betyr ikkje det at ein ikkje framleis treng støtte, rettleiing og oppfølging. Det er mykje å halde orden på i ein travel kvardag, så hjelp ungdommen med det. FBK Voss meiner at foreldre sine haldningar og verdiar er heilt avgjerande for: 1. Korleis borna og ungdom sine haldningar og verdiar til deltakinga i fotballen er 2. Korleis borna og ungdommen utviklar seg som fotballspelarar og lagspelarar 3. Kor godt miljøet vert på laget og i klubben Dette får følgjande konsekvensar: - Hald deg oppdatert på den informasjonen som vert gitt i frå trenar og klubb - Møt opp på foreldremøte - Prøv å ta på deg verv og oppgåver på og rundt laget/laga det er moro og sosialt! - Det er borna sin aktivitet unngå å ha ambisjonar på borna sine vegne - Ver positiv, støttande og oppmuntrande både til eige born, laget, trenarane og klubben - Lær borna kva retningslinjer som gjeld for laget og klubben - Ver med å planlegg fotballåret i lag med borna. Kor tid har ein trening, kor tid har ein kamp? - Ver gode førebilete! Borna er meir opptatt av kva du gjer enn kva du seier. - Prøv å sjå dine eigne born som ein del av eit lag og ein del av klubben! Laga Dei rollane ein har i aktiviteten vil vere førande for korleis ein opptrer både inn mot lagspelarar, motspelarar, trenarar, lagleiarar, føresette og andre medlem og engasjerte personar i klubben. Men det er også viktig å hugse på at ein som lag representerer klubben på 9

10 ein måte som følgjer Fair play reglane og som gir andre eit positivt inntrykk av oss som klubb. FBK Voss meiner at laget sine haldningar og verdiar er heilt avgjerande for: 1. Korleis spelarane utviklar seg både sosialt og som fotballspelarar i trening og kamp 2. Korleis andre klubbar og lag oppfattar oss som klubb 3. Kor godt miljøet i klubben vert Dette får følgjande konsekvensar: - Trenarar, lagleiarar og/eller kampvertar har eit ansvar for å ta i mot motstandarlaga våre på ein høfleg og positiv måte. - Laget skal alltid gjennomføre Fair play helsing før kamp - Me ryddar etter oss på bana og i garderobane både på heime- og bortebane. - Som lag skal me sørgje for at dommaren vert tatt vare på. Spontane reaksjonar er ein ting å til stadigheit klage på dommaren er ikkje lov! - Me skal alltid stille til dei kampane som er satt opp, om det er i serie eller på cupar. - Vis forståing og ha ei god fotballoppleving for ALLE som fokus! 4. FAIR PLAY Fair play er alt me gjer i klubben. Det er verdiane i sportsplanen, det er sjølve sportsplanen, det er trygge rammer for aktiviteten, det samfunnsansvaret me tek som klubb osb. Oppsummert så er Fair play eit godt klubbmiljø som me ynskjer å vera ein del av og som me er stolte over. Ein skil ikkje Fair play frå resten av aktiviteten, men me ynskjer å ha eit utval som har ansvar for at det vert ein del av all aktivitet me har. Målsettinga til Fair play utvalet er å skape klubbkjensle, klubbkultur og klubbmiljø tufta på verdiane i sportsplanen. Verdiane skal visast igjen i haldingane og åtferda til klubben sine medlem og gjennomsyre all aktivitet i klubben. 10

11 5. HOVUDMÅL OG RETNINGSLINJER FOR ORGANISERING AV AKTIVITETEN I FOTBALLKLUBBEN VOSS Alderstrinna har ulike retningslinjer når det gjeld organisering av aktiviteten. Visjonen og målsettinga til klubben er dei same uavhengig av om ein er i barnefotballen, ungdomsfotballen eller seniorfotballen, men dei får ulike konsekvensar når det gjeld organisering av aktiviteten. For å sikre at flest mogleg opplever utvikling og trivsel med fotballaktiviteten har me laga ei utviklingstrapp. Dette er eit rettleiande dokument for trenarar, spelarar og foreldre og søkjer å oppnå at alle i FBK Voss har den same forståinga og målsetting med den aktiviteten me organiserer. Utviklingstrappa er eit vedlegg til en og er eit meir praktisk dokument inn mot dei ulike aldersgruppa. Ein har vald å lage ei utviklingstrapp for barnefotballen og ei for ungdomsfotballen. Utviklingstrappa skal vere ei hjelpande hand til både trenarar, foreldre og spelarar i kvardagen. Den stakar ut kursen både sportsleg og sosialt og er eit viktig verktøy for at me som klubb skal kunne nå målsettingane våre, kvar dag! 11

12 6. HOVUDMÅL OG RETNINGSLINJER BARNEFOTBALLEN 6 12 ÅR For aldersgruppa 6-12 år gjeld NFF sine retningslinjer for barnefotball og NIF sine barnerettigheiter og bestemmingar om barneidrett. Å skulle starte på fotball er spennande og ofte ukjend både for spelarar og føresette. Etter kvart går det meir og meir av seg sjølv, men det betyr at informasjon og praktisk tilrettelegging er ekstra viktig i starten slik at ein får gode vanar. Me er heilt avhengig av at det er føresette som står for planlegging og gjennomføring av treningar og kampar. Etter tilbakemeldingar frå dei som er og har vore trenarar i klubben så er det ein ting me kan trekke fram som stort sett alle er einige i; Det å vere nok trenarar på feltet er avgjerande for å skape gode treningar og for å føle meistring som trenar. Det er naturleg at spelarar og trenarar utviklar seg i lag, ver difor ikkje redd for å bli med på feltet når borna startar på fotball. Inga spelarutvikling utan trenarutvikling! 6.1 Oppstart FBK Voss startar opp med treningar hausten borna byrjar i 1.klasse. Foreldremøte vert gjennomført fyrste onsdagen i september. Etter dette vert det satt opp seks treningar dei påfølgande onsdagane frå 17:00 18:00. Dei fire fyrste treningane vert organisert og gjennomført med hjelp av allereie etablerte trenarar i klubben. Dei to siste treningane vert organisert og gjennomført av foreldre. Me er heilt avhengig av foreldretrenarar både i barneog ungdomsfotballen. Klubben ynskjer difor å legge best mogleg til rette for at foreldretrenarane får ein god start og får den tryggleiken dei treng for å gjennomføre treningane på best mogleg vis. 6.2 Organisering av barnefotballen Seriestruktur i barnefotballen Seriestrukturen har vert i endring dei siste åra. No er det vedteke at følgjande organisering skal gjelde for barnefotballen: 12

13 6 og 7 åringane: Spelar 3ar fotball organisert som Serieturnering 8 og 9 åringane: Spelar 5ar fotball med kampar på måndagar 10 og 11 åringane: Spelar 7ar fotball med kampdagar tysdag og torsdag 12 åringane: spelar 9ar fotball med offside. Kampdag i hovudsak på torsdagar Treningar Aktiviteten i barnefotballen vert organisert med utgangspunkt i alder. Dei som er like gamle, trenar og spelar kampar i lag. På treningsfeltet er alle i lag. Fordi det i ung alder er store forskjellar i modning og utvikling nyttar ein seg av differensiering. Fokuset skal vere på at kvar einskild skal oppleve meistring og utfordring på kvar økt, og over tid. Sjå «Utviklingstrapp Barnefotball» for meir informasjon om treningar Kampar Dei åra ein spelar 3ar fotball organisert som serieturnering byter spelarane jamleg kva lag dei spelar på og det er inga fast inndeling. Når ein kjem inn i 5ar fotballen vert inndeling av lag til bestemt ut i frå kva skule ein går på, så langt dette lar seg gjere. Laginndeling skal vera eit tema på alle foreldremøte. Ved anna laginndeling enn etter skular skal dette klarerast med sport- og klubbutviklar. Speletid I barnefotballen skal alle spelarane ha lik speletid i løpet av sesongen. Grunnen til at ein seier i løpet av sesongen er at ein ynskjer jamnast mogleg kampar. Det skal ikkje vere eit mål å vinne med flest mogleg mål. Dette er trenaren sitt ansvar og skal bli tatt opp i fair play møtet mellom trenarane før kampstart Jambyrde Trenarane leiar ein fotballkamp der fair play, trivsel og utvikling er hovudmålet. Våre spelarar og motstandarlaget sine spelarar skal gjennom tryggleik og utfordringar føle meistring ute på banen. Jamne og tette kampar er resepten for dette. Våre trenarar i lag med motstandarlaget sine trenarar skal difor legge vekt på at: - Me handhever regelen om pressfri sone - Justerer på laget ut i frå stillinga i kampen Ledar vårt lag med mange mål kan me: 13

14 - La den spelaren på laget vårt som trivst best som back utan spel i ryggen, bli utfordra ved å spela sentral midtbane - Flytta den venstrebeinte spelaren over på høgre sida. - La midtstopparen spele spiss, og la spissen spele midtstoppar. Ligg me under med mange mål kan me: - La våre beste spelarar utfordre deira best spelarar, uavhengig av posisjon på bana - La dei andre spelarane spele i trygge rollar - Nytte moglegheita til å sette inn på ein ekstra spelar når ein ligg under med fire mål. Dette kan gje jamnare kampar og lar fleire spelarar på laget få meir speletid Hospitering? Me har vald å ikkje gjennomføre hospitering i barnfotballen. Dette har fleire årsaker: - Fram til ein vert 10 år tilbyr FBK Voss berre ei trening i veka. Frå år er dette talet oppe i maks tre. Det betyr at å nytte seg av andre tilbod og spele fotball på eige hand er dei viktigaste tiltaka for å fremje utvikling. - Trygge rammer gjennom å bli kjend med lagspelarar, trenarar og sjølve organiseringa av aktiviteten tek lang tid. Tida i barnefotballen formar spelarane på så mange fleire måtar enn berre i ferdigheitsutviklinga. Å lære seg dei sosiale reglane og rammene for aktiviteten er minst like viktig dette vurderer me at skjer på best mogleg vis gjennom å høyre til ei gruppe. - Utviklingstrappa i barnefotballen den raude tråden. Målsettinga til klubben er å i større grad enn tidlegare sikre seg at den aktiviteten som skjer på treningsfeltet er planlagt og har ei meining i utviklinga til spelarane. Ein tek eit steg om gongen og går ikkje vidare før ein har meistra dette. - Hospitering av spelarar er eit av områda som skapar konfliktar. Det er meir aksept for hospitering når spelarane trer inn i ungdomsfotballen og rammene for aktiviteten endrar seg. MEN: me ynskjer å ha eit best mogleg kamptilbod til alle spelarane i klubben. Det betyr at ein i visse tilfelle må låne spelarar av kvarandre på tvers av alder. Dette skal ikkje forvekslast med hospitering, men skal vere ei hjelpande hand til klubben sine lag og spelarar. Retningslinjene for lån av spelarar i barnefotballen på tvers av aldersgrupper er nærmare skildra i «Utviklingstrapp Barnefotballen». 14

15 6.3 Turneringsbestemmingar for arrangement i eigen klubb og deltaking eksternt Alle laga som er påmeldt til seriespel får og moglegheit til å delta på turneringar. Ikkje alle spelarane på laga ynskjer å delta eller har moglegheit til å delta på turneringar, men alle skal få tilbodet. Økonomi skal aldri vere grunnen til at ein ikkje deltek. Om det er økonomiske spørsmål i forhold til turneringar så skal ein ta kontakt med administrasjonen. Ein held på laginndelinga som ein nyttar i seriespel så langt det lar seg gjere. Om ein må dele inn i nye lag til turneringar så skal ein prøve å sette saman mest mogleg jamne lag med tanke på ferdigheiter og innsats år: - Vårslepp Cup IL Ørnar - Voss Cup FBK Voss - Eideshagen Cup Bulken IL - Kan delta på dag-/ helgecupar i Hordaland år: - Vårslepp Cup IL Ørnar - Voss Cup FBK Voss - Ål Cup Ål Idrettslag - Eideshagen Cup Bulken IL - Kan delta på dag-/ helgecupar i Hordaland FBK Voss dekkjer lagspåmelding til Vårslepp Cup og Voss Cup. Dei som startar opp med fotball hausten i 1.klasse får moglegheit til å delta på Eideshagen Cup. Deltaking på turneringar ut over det som er skissert her skal alltid avklarast med sport- og klubbutviklar. Det gjeld og om det er spelarar som har fått spørsmål om å delta på turneringar med andre klubbar. 6.4 Fokuset i barnefotballen spørsmål om haldningar Fotball er idrett, sport og konkurranse. Noko som igjen gir vinnarar og taparar. Så vert det opp til oss og ta stilling til kva me ynskjer å oppnå med fotballen, kva er fotball for oss som klubb? Korleis snakkar me om kampen, kva spør me om? Avgrensar ein kriteria for meistring til mål slept inn og mål scora så vert det veldig snevert. Var det ikkje ein god pasning om den ikkje førte til mål? Viss spelarane gir alt dei kan på bana, men møter eit betre lag og får mål i mot og scorar ingen, var ikkje innsatsen verdt noko? 15

16 Ein skal ikkje gløyme kva fotballen handlar om, nemleg å hindre mål og score mål, men det er korleis ein gjer det, forsøket, øvinga, læringa og utviklinga som bør vere fokuset. La borna kunne oppleve utfordring og meistring i alle delar av aktiviteten. Hugs at det finst faktisk gode og dårlege måtar å både vinne og tape kampar på! 6.5 Utviklingstrapp barnefotballen For å sikre at me når målsettingane som er satt i barnefotballen, både sportsleg og sosialt har me laga ei utviklingstrapp som meir detaljert skildrar korleis ein ynskjer organisering og gjennomføring av treningar og kampar i dei ulike årsklassane. Denne ligg på heimesida til klubben både i heilheit og delt inn i ulike alderstrinn, under hovudmenyen «Barnefotball». Tilgjengeleg frå

17 7. HOVUDMÅL OG RETNINGSLINJER FOR UNGDOMSFOTBALLEN ÅR Ungdomsfotballen er dei åra barn vert til vaksne. Dette skjer i eit fascinerande og individuelt tempo. Me ynskjer at dette skal vere ein styrke for oss som klubb, fordi me utviklar sosiale ferdigheiter i eit samspel. Med læring frå tidlegare år, vert pasningen endå meir presis, og me spelar på kvarandre sin godfot. Ungdomsfotballen er dei åra me skal sette alt me har lært tidlegare inn i ein heilskap. 7.1 Organisering i ungdomsfotballen Treningar For å ivareta våre målsettingar så trener alle treningsgrupper innanfor same alderstrinn på same tid og på same bane så langt dette lar seg gjere. Fram til og med det året ein fyller 16 år skal også alle spelarane ha det same trenings- og kamptilbodet. Fordi me ikkje kan ha eit tilbod som tilfredsstiller ynskjer og behova til kvar enkelt spelar, så vil ein i slutten av ungdomsfotballen stille større krav i forhold til kva spelarane forpliktar seg til. Dette går like mykje på den oppdragande funksjonen til fotballen som det gjeld å nå dei sportslege målsettingane. Ein må ta val og stå for desse. I dagens samfunn er dette kanskje endå viktigare enn det var tidlegare, då vala er uendelege og ungdommen ofte har ei forventning om at ein skal få tid til alt. Dette betyr i praksis: - Eit tilbod for dei som prioriterer fotballen og forpliktar seg til å stille på trening og kampar. - Eit tilbod for dei som ynskjer å ha moglegheiten til å prioritere andre ting enn fotballen «Kva er fotball for meg?» Fordi fotball er eit lagspel så må me forvente at spelarar i samråd med foreldre tek desse vala på alvor og forstår konsekvensane av dette. Det er viktig at ein tek ansvar for sine lagspelarar, trenarar og støtteapparat, det er dei som får det vanskeleg om ein ikkje gjer som ein har sagt, 17

18 og det er dei som opplever glede, meistring og fellesskap når ein stiller opp. Ynskjer og behov kan endre seg i løpet av eit år, men ein ynskjer at ein uansett skal vere ærleg om prioriteringar og kor mykje tid ein vil nytte på fotballen Kampar Me prøver så langt det lar seg gjere å ha eit kamptilbod til alle som ynskjer det. Det igjen forutset at spelarar møter til kamp når dei skal, både borte- og heimekampar og at foreldre bidreg i dei ulike rollane som skal til for å danne eit lag. NFF Hordaland tilbyr ulike divisjonar for alle aldersgrupper i ungdomsfotballen. Dette betyr at ein allereie frå fyrste året i ungdomsfotballen har moglegheit til å differensiere kamptilbodet. Dette er eit nyttig verkemiddel for at alle spelarane i løpet av sesongen skal ha ein kamparena der dei opplever utfordringar og meistring. Som klubb må me skape ei haldning blant trenarar, spelarar og foreldre der det ikkje er ei rangering av lag 1 og lag 2, men der alle er like mykje verdt uansett kva lag ein spelar på. Dette er ei målsetting me SKAL klare å nå! Men det krev at alle forstår og snakkar om det på ein måte som er positiv og støttande. Spelarar flyttar mellom, og ikkje opp og ned! Kamparenaen skal vere like utviklande som treningsarenaen, det betyr at utfordring og meistring er like viktige prinsipp her. Trenarane skal ha mandatet til å vurdere kva kamparena som gir best utvikling for kvar enkelt spelar Speletid Å spele kampar kan og bør vere minst like utviklande som å trene. Men for at det skal vere det er ein avhengig av å få speletid. Speletid i ungdomsfotballen er ofte eit betent tema. Me har som utgangspunkt at me ynskjer at alle som vert tatt ut til kamp skal spele minst ein omgang, MEN dette er ikkje ein absolutt regel! Det er alltid mange variablar som kan påverke dette. Oppmøte på trening og innsats på trening vil vere bestemmande for speletid. Nokre gonger vert det skadar som gjer at ein må avvike frå planen. Andre gonger er det spelarar som har sin hovudkamparena på eit anna lag og dermed vert med på andre vilkår enn dei andre spelarane. Dialog og kommunikasjon mellom spelar og trenar er det viktigaste verktøyet me har for å unngå konfliktar rundt dette! Dei som hospiterer opp på kamp skal starte kampen. 18

19 7.1.4 Jambyrde Prinsippet om jambyrdige kampar gjeld og i ungdomsfotballen. Det betyr ikkje at det ikkje er lov å vinne kampar med mange mål, men trenaren si innstilling skal aldri vere å vinne med flest mogleg mål. Ha same innstilling til kampar som til trening, la det vere ein utviklingsarena for både eigne- og motstandarlaget sine spelarar. Fokuset skal ikkje vere på resultatet i kampen, men på å sjå igjen det ein øver på i trening og at spelarane gjer sitt beste. Det finst faktisk gode og dårlege måtar å både vinne og tape ein kamp på! 7.2 Norgesmesterskap (NM) Aldersbestemt FBK Voss melder på lag i aldersbestemt NM frå og med 16 år. I tillegg har åringane moglegheit til å melde seg på Adidas Cup som er uoffisielt NM for gutar og jenter opp til 17 år. I NM deltek lag i frå heile Noreg og er dermed eit godt bilete på spelarutviklinga i dei ulike klubbane. Me har vald følgjande oppsett i forhold til kven som deltek i kva klassar: 16 år: 1.prioritet er dei spelarane som fyller 16 det året den sesongen. Men ein kan hospitere opp yngre spelarar om det er hensiktsmessig. 19 år: Spelarar i alderen år. Til NM vert det gjort uttak og alle spelarane kan ikkje forvente å få delta. Ein ynskjer til ei kvar tid å delta med dei spelarane som ein vurderer at har kome lengst ferdigheitsmessig, som har ambisjonar som fotballspelarar og som viser dette gjennom treningsoppmøte og innsats på treningane NM aldersbestemt og A-laga i seniorfotballen Aldersbestemt NM startar som regel i mars og vert spela samstundes med seriespel både i ungdoms- og seniorfotballen. Dette kan by på utfordringar når det gjeld bruk av spelarar og kva prioriteringar ein skal gjere. Seniorlaga er dei einaste resultatlaga i klubben, men aldersbestemt NM i ungdomsfotballen fell inn i same kategori. Som regel betyr dette at ein spelar kan vere involvert begge plassar. Kampar (i serie eller cup) for herre A eller kvinne A vil alltid gå framføre aldersbestemte NM-kampar, men ein ynskjer at det vert lagt til rette for at spelarane har moglegheit til å delta begge plassar. Dette krev kommunikasjon, planlegging og samarbeid mellom trenarane og laga. 19

20 7.3 Turneringsbestemmingar for arrangement i eigen klubb og deltaking eksternt Alle laga som er påmeldt til seriespel får og moglegheit til å delta på turneringar. Ikkje alle spelarane på laga ynskjer å delta eller har moglegheit til å delta på turneringar, men alle skal få tilbodet. Økonomi skal aldri vere grunnen til at ein ikkje deltek. Om det er økonomiske spørsmål i forhold til turneringar så skal ein ta kontakt med administrasjonen. Følgjande turneringar er skissert for dei ulike alderstrinna 13 år: - Varegg Cup eller Lerøy Sandviken Jentecup - Lerum Cup eller Sør Cup - Ål Cup - Kan delta på dag-/ helge-cupar i Hordaland år: - Varegg Cup eller Lerøy Sandviken Jentecup - Dana Cup - Ham Kam Talentcup og/eller Regy Cup (eller tilsvarande) - Kan delta på dag-/ helgecupar i Hordaland Utgangspunktet for deltaking på turneringar er at ein prøver så langt det lar seg gjere å stille med reine årsklasse-lag. Me veit av erfaring at dette ofte kan vere utfordrande å få til, spesielt på Dana Cup. Her er planlegging og påmelding i god tid veldig viktig! Ham Kam Talentcup og Regy Cup er nivådelte cupar som betyr at årgangen stiller med eit lag på Ham Kam Talentcup og eit anna lag på Regy Cup eller tilsvarande turnering. Deltaking på turneringar ut over det som er skissert her skal alltid avklarast med sport- og klubbutviklar. Det gjeld og om det er spelarar som har fått spørsmål om å delta på turneringar med andre klubbar. 7.4 Utviklingstrapp i ungdomsfotballen For å sikre at me når målsettingane som er satt i ungdomsfotballen, både sportsleg og sosialt har me laga ei utviklingstrapp som meir detaljert skildrar korleis ein ynskjer organisering og gjennomføring av treningar og kampar i dei ulike årsklassane. Denne finn ein i heilskap og delt opp i ulike alderstrinn på klubben si heimeside. Tilgjengeleg frå

21 8. HOVUDMÅL OG RETNINGSLINJER SENIORFOTBALLEN FBK Voss ynskjer til ei kvar tid å ha minimum to seniorlag på damesida og minimum to seniorlag på herresida. Dette er for å kunne ivareta spelarutviklinga og ha kunne tilby eit kamptilbod til dei som ynskjer det. 8.1 Målsetting for seniorlaga i perioden Kvinner A Kvinner A skal i denne perioden stabilisera seg i 2.divisjon. Etter opprykk i sesongen 2017 er det naturleg at laget prøver å halde seg i divisjonen dei komande sesongane Herre A Herre A skal i denne perioden rykke opp til 4.divisjon og stabilisere seg der Kvinner B og Herre B FBK Voss skal ha 2.lag som hevdar seg på høgast mogleg nivå. For Kvinner B betyr dette å halde seg i 4.divisjon. For Herre B betyr det å hevde seg i toppen i 6.divisjon. Laga skal gje ein utviklingsmoglegheit som er mest hensiktsmessig i forhold til 1.laga. Laga skal vere ein god kamparena for spelarar som meiner at dette er eit tilstrekkeleg høgt nivå og som har tilpassa motivasjon og dugleik. 8.2 Organisering seniorfotballen Seniorlaga er resultatmålslaga i klubben. Det er desse laga sine resultat som vert målestokken for kor godt ein har ivaretatt breidda og kor dyktig ein har vore på spelarutvikling. Skal desse laga spegla det arbeidet som vert gjort i klubben må ein forvente at ein primært nyttar seg av dei lokale spelarane ein har til rådigheit. Spelarar nytta på desse laga er ikkje «ferdige produkt» og difor skal individuell utvikling av spelarane også vere eit av hovudfokusa her. 21

22 8.2.1 Treningar Ein ynskjer at så langt det lar seg gjera så skal seniorlaga ha det same talet på treningar og ha dei same treningstidene. Treningsgruppene til seniorlaga vert tatt ut av seniortrenarane. Desse treningsgruppene skal/kan justerast i løpet av sesongen Kampar I seniorfotballen melder ein ikkje på lag til divisjonssystemet, men vert plassert ut i frå korleis det gjekk førre sesong Speletid Det som skil desse laga frå alle andre i klubben er i hovudsak disponering av spelarar i kampar. På seniorlaga står trenaren fritt til å ta med seg spelarar på kamp som ikkje vert nytta. Men det er viktig at ein til kvar tid klarar å ha fokus på utvikling og resultat for laget og på same tid ivareta utviklinga til enkeltspelarar. 8.3 Seniorspelarane i klubben Dei som spelar på seniorlaga må vere bevisst sitt ansvar som førebilete for andre spelarar i klubben. Å kjenne til klubben sine verdiar og handle i tråd med desse er difor særleg viktig i seniorfotballen. Og dette er minst like viktig utanfor bana som på bana. 9. TRENARVEILEDAR Trenarveiledar er eit av klubben sine satsingsområde i påfølgjande periode. FBK Voss ser på trenarveiledar som den viktigaste funksjonen i klubben for at en skal ligge til grunn for aktiviteten på feltet, og for å kunne ivareta og utvikle trenarane i klubben Målsettinga for perioden er å ha på plass fire trenarveiledarar i klubben; ein for barnefotballen, to i ungdomsfotballen og ein trenarveiledar som har det organisatoriske hovudansvaret (Sportssjef). Meir inngåande informasjon om rolla som trenarveiledar finn ein i tilknyting til klubben sitt organisasjonskart med utval og rolleskildringar. Tilgjengeleg på klubben sine heimesider frå

23 10. SPELARUTVIKLING Ein viktig del av spelarutviklinga er å heile tida gje utfordringar etter ferdigheiter. Det er då naturleg å la spelarar prøve seg på ulike nivå, og hospitere både opp og ned. For å gjere dette på ein mest mogleg ryddig måte og for ivareta spelarane på best mogleg vis er det viktig at «hospiteringsstigen» er tydeleg Spelarutvikling i barnefotballen I barnefotballen skjer spelarutviklinga gjennom ekstratilbod. Det vil seie at ein kan velje å melde seg på Fotballfritidsordninga (FFO) eller Prosjekt Voss for å få fleire treningar og større utfordringar. Hospitering skjer i svært liten grad i barnefotballen og skal alltid gå via sport- og klubbutviklar. Ved å ha dyktige trenarar på feltet som differensierer så meiner me at me kan ivareta spelarutviklinga på ein god måte i barnefotballen Spelarutvikling i ungdoms- og seniorfotballen I ungdoms- og seniorfotballen skjer spelarutviklinga gjennom lagstreninga, hospitering og ekstra tilbod. Når ein kjem i ungdomsfotballalder vert det fleire tilbod i frå krets og sone som vil fungere som spelarutvikling. Me tilbyr Prosjekt Voss fram til spelarane fyller 16 år. På lagsnivå hospiterer dei spelarane som har behov for ekstra utfordringar opp ein årsklasse i trening og kamp. Hospiteringa skal vere strukturert på den måten at spelaren er opp ein årsklasse eller nivå, men fortsett med å ha sin hovudarena med jamnaldrande. Om både spelar, trenar og føresette meiner at det er mest hensiktsmessig å permanent flytte over i ei anna treningsgruppe så vil ikkje dette lenger vere hospitering. Eit permanent flytte av spelarar skal alltid gå via sport- og klubbutviklar. 11. KEEPERTRENING Keeper er ein utsatt posisjon på eit lag, på mange ulike måtar. Det er litt andre ferdigheiter knytt til denne rolla i forhold til det å vere utespelar. Det er «lettare» å byte inn/ut ein utespelar i løpet av ein kamp enn keeperen, noko som ofte får dei følgjene at keeperrolla vert fordelt på færre spelarar. Me ser at me som klubb i stor grad er for dårleg til å ta vare på keeperane i treningssamanheng. Men det er ikkje noko grunn til at det skal vere slik, men me ser at mangel på trenarressursar og kompetanse diverre har gått fyrst ut over dei som ynskjer å utvikle seg som keeper. 23

24 Tiltak som klubben skal få på plass er difor: 1) Fast keepertrening ei gong i veka på tvers av aldersgrupper og lag. a. Jenter i ungdoms- og seniorfotballen b. Gutar i ungdoms- og seniorfotballen 2) Eigne keeperskular: a. Klubben kan dekke deltaking på keeperskular for spelarar i ungdoms- og seniorfotballen etter søknad til Dagleg Leiar. 3) Utdanning av eigne trenarar: a. Sørgje for at trenarane på dei ulike laga og alderstrinna også har kompetanse på keepertrening b. Utvikle og ta vare på dei som ynskjer å bidra på trenarsida når det gjeld keepertrening. 4) Ressurspersonar for keeperane a. Få på plass eigne ressurspersonar som har som si einaste oppgåve å ivareta og følgje opp keeperane i klubben Målsetting 12. TRENARUTVIKLING FBK Voss skal leggje til rette for trenarutvikling som er tilpassa dei sportslege målsettingane til klubben. Trenarane er dei viktigaste ressurspersonane når det gjeld å drive fotballaktiviteten etter dei verdiane og målsettingane som klubben har. Trenarutvikling betyr å skape gode møteplassar for utveksling av erfaringar og bygging av det sosiale trenarfellesskapet. Trenarutvikling betyr å gje dei trenarane som ynskjer det tilbod om utdanning Konsekvensar av målsettinga I kvalitetsklubbprosjektet ligg det visse krav til klubben når det gjeld utdanning av trenarar. FBK Voss har som målsetting å bli godkjend som Kvalitetsklubb på Nivå 1, som igjen betyr at eit løft på utdanningssida er viktig for klubben. Me meiner at utdanning av trenarar er eit viktig verktøy for å skape tryggleik, trivsel og tilhøyre både for spelarar og trenarar. At trenarane føler at dei meistrar og utviklar seg på feltet trur me at vil vere med å halde dei både lenge og godt i fotballen. Gjennom å skape møteplassar for trenarane på tvers av lag og nivå, 24

25 ynskjer me å skape eit fellesskap der ein drar veksel på kvarandre sine erfaringar og får gode faglege og sosiale diskusjonar rundt det å vere fotballtrenar Målsetting trenarkompetanse Barnefotball 6 12 år - Ein trenar pr. lag med minimum barnefotballkvelden - Ein trenar pr. årskull med minst eit delkurs frå NFF Grasrottrenaren Ungdomsfotball år - Ein trenar pr. lag med ungdomsfotballkvelden - Ein trenar per årskull med NFF Grasrottrenaren 13. DOMMARAR Det å utdanne og ta vare på dommarar i FBK Voss har lenge vert eit forsømt område. Utan dommar, ingen kamp og dette er noko klubben tek på alvor. Med bakgrunn i dette har me difor satt ned eit eige Fair Play og dommarutval som skal ta seg av denne delen av klubben sin aktivitet. Tiltak: 1) Klubbdommarkurs kvart år der alle spelarar som er 14 år deltek, uavhengig om dei har lyst til å dømme kampar eller ikkje. 2) Få minimum tre eller fire av dei som tidlegare har delteke på klubbdommarkurs til å ta rekrutteringsdommarkurs kvart år. 3) Følgje opp dei som er dommarar, både på feltet og gjennom sosiale tiltak. Skape eit dommarmiljø i klubben. I sone Voss ynskjer ein sesongen 2019 å opprette ei dommargruppe som på tvers av klubbane skal ivareta dommarane og rekruttere nye dommarar. 14. JENTESATSING I NFF sin Handlingsplan er eit av satsingsområda jenter. Auka jentedeltaking i alle ledd og på alle nivå er viktig for å ta heile fotballfamilien til eit nytt nivå. Pr. i dag har FBK Voss mange aktive jenter både i barnefotballen og i ungdoms- og seniorfotball, men det kan bli fleir. På trenarsida har me mange engasjerte kvinnelege trenarar i barnefotballen, men 25

26 når ein kjem over i ungdoms- og seniorfotballen mister ein dei fleste av desse. Som klubb ynskjer me: 1. Få fleire jenter til å spele fotball lenger 2. Få fleire kvinnelege trenarar både i barne- og ungdomsfotballen For å få dette til har me identifisert to områder som vert viktige: 1. Få eit klarar bilete av kva jentene ynskjer å få ut av fotballen. Ha fokus på trygge, sosiale miljø der spelarane opplever medbestemming og utvikling. 2. Følgje opp dei kvinnelege trenarane i større grad. Skape eit kvinneleg trenarmiljø og legge til rette for at fleire fortset som trenarar i ungdoms- og seniorfotballen. 15. PROSJEKT VOSS Prosjekt Voss er FBK Voss sitt ekstratilbod for klubben sine eigne spelarar, men også for spelarar i alle våre naboklubbar. Målsettinga er for Prosjekt Voss er: - Skape gode fotballopplevingar - Utvikle seg som individuell fotballspelar, gjennom auka kunnskap og betre ferdigheiter - Motivere og stimulere til meir og betre eigentrening og eigenaktivitet - Vere ein utviklingsarena for fotballtrenarar Prosjekt Voss som ekstratilbod ligg utanom den vanlege aktiviteten og dei som melder seg på må betale ein sum for å få vere med. Prosjekt Voss skal vere noko anna ei vanleg fotballtrening og me har stort fokus på differensiering og det at spelarane skal ta eigarskap til den aktiviteten dei driv. Prosjekt Voss skal vere ein arena der ein øver meir og betre enn ein får moglegheit til på lagstreningar. 16. ANDRE IDRETTAR Me bur i ei idrettsbygd der dei fleste startar med fleire idrettar. Som klubb meiner me at det er viktig at me har eit tydeleg standpunkt i forhold til korleis me stiller oss til andre idrettslag og idrettar. FBK Voss ynskjer at våre spelarar skal drive med fleire idrettar. Me meiner at dette vil verke positivt inn på utvikling av både fotballferdigheiter og sosiale ferdigheiter. 26

27 Dette gjeld uansett alder og nivå, men får ulike konsekvensar for spelarane. Me ser ikkje noko grunn til at ein skal spesialisere seg tidleg. Men det å drive med fleire idrettar krev meir av spelarane enn om ein berre driv med fotball, spesielt når det gjeld planlegging! Kor mykje fotball ynskjer ein å spele? Korleis fordeler ein aktiviteten i løpet av året, mellom idrettane? Ynskjer ein å konkurrere med dei ivrigaste og «beste» fotballspelarane så er det naturleg at viss ein ikkje har det same treningsoppmøte på grunn av at ein driv med andre idrettar så må ein ta dette igjen på områda innsats og ferdigheiter Målsetting 17. ANDRE KLUBBAR FBK Voss har som målsetting å vere ein ressursklubb for fotballklubbane i vår sone. Me ynskjer å legge til rette for at våre naboklubbar skal ha så mange aktive som mogleg, lengst mogleg. Me ynskjer å legge til rette for at me kan samarbeide tett og utveksle både kunnskap og erfaringar, spesielt i barnefotballen. Me skal framsnakke våre naboklubbar! 17.2 Konsekvensar av desse målsettingane Vårt utgangspunkt er at det er viktig både for spelarar, trenarar og lagleiarar at ein klarar å oppretthalde eit godt tilbod i naboklubbane. På denne måten får ein nytta alle dei ressursane ein har på Voss på best mogleg vis. FBK Voss skal aldri prøve å «hente» spelarar frå andre klubbar, men me vil aldri nekte nokon frå andre klubbar å spele fotball hjå oss. Trenarar og lagleiarar som ynskjer samarbeid eller erfaringsutveksling med andre klubbar skal alltid ta kontakt med sport- og klubbutviklar eller dagleg leiar før ein initierer noko. Dette er viktig for at klubbane skal fungere som sjef for aktiviteten. 18. TELENOR XTRA - FOTBALLFRITIDSORDNING (FFO) Telenor Xtra Fotballfritidsordning (FFO) er eit samarbeid mellom Noregs Fotballforbund og Telenor. Dette er eit landsomfattande fotballtilbod etter skuletid. Fotballaktiviteten er sentral, men skal utformast som eit supplement til den vanlege fotballtreninga på ettermiddagen, og 27

28 ikkje vere eit rekrutteringstiltak. Målsettinga er å utvikle rørsleglede og gode vanar. I tillegg til den fysiske aktiviteten skal fokuset vere på kosthald, pedagogisk kyndig leksehjelp, Fair play og trening av sosiale ferdigheiter også utanfor fotballbana. FBK Voss tilbyr FFO til elevar ved Gjernes, Gullfjordungen og Vangen skule. I tillegg har me FFO+ som i større grad enn vanleg FFO tilbyr rein fotballaktivitet. Her vil fokuset vere på individuell ferdigheitsutvikling. Dette tilbodet vert gitt til alle elevar i 5. 7.klasse i Voss Kommune. FFO og FFO+ er ein del av det totale aktivitetstilbodet som me som klubb tilbyr. Det betyr at ein så langt det lar seg gjere tilpassar dette tilbodet til aktiviteten på lagsnivå. 19. KVALITETSKLUBB Kvalitetsklubbprosjektet er eit konsept som er retningsgivande for utviklingsarbeidet i klubben og samarbeidet mellom klubb og forbund. I NFF sin Handlingsplan er kvalitetsklubb trekt fram som eit av satsingsområda. Det me jobbar mot no er å nå nivå 1 som Kvalitetsklubb (det er 3 nivå). Utgangspunktet frå NFF er at godt strukturerte klubbar trekker til seg frivillige og gir grobotn for sunn barne- og ungdomsidrett.. Me erkjenner at me som klubb må bli mir strukturerte og tydlege ovanfor våre spelarar, trenarar, lagleiarar, føresette og andre involverte. Dette gjeld på alle områder av klubbaktiviteten, og då kanskje spesielt på dei sportslege målsettingane og det sportslege tilbodet. 20. DUGNADSAND Botnen for det arbeidet som blir gjort i klubben må vere ei forståing av at ein som utøvar, trenar, leiar og foreldre i ein breiddeklubb som FBK Voss er ein del av eit fellesskap. Dette fellesskapet blir leia av eit årsmøte, som igjen vel eit sett av personar til å leie klubben. Denne leiinga har ikkje berre det sportslege ansvaret, men og t.d. det økonomiske ansvaret. Særleg i forhold til økonomi er det viktig at alle har ei felles forståing av at klubben treng midlar til ordinær drift (t.d. påmelding av lag i seriar, baneleige), oppgradering (t.d. drakter, ballar) og investeringar (t.d. ny kunstgrasbane, klubbhus) ut over det ein belastar den einskilde i treningsavgift. Historisk sett er det ingen andre tema det blir krangla like mykje om som dei metodane idrettslag nyttar for å få inn ekstra midlar, t.d. dugnader, loddsal, kioskarbeid og arrangement. Det er difor viktig at alle forstår at denne typen arbeid er viktig og heilt nødvendig for klubben, og at ein som medlem har eit ansvar når det gjeld deltaking på dugnad 28

29 Ut over viktigheita av dugnadsand for økonomien i klubben, er det viktig å merke seg at dette arbeidet held treningsavgiftene nede slik at flest mogleg har moglegheit til å spele fotball, og i tillegg kan vere med på å gje oss ei auka ME-kjensle. Dugnad er sosialt! Den viktigaste dugnaden ein gjer er den som gjeld aktiviteten til born og vaksne på banen. Klubben er heilt avhengig av at frivillige tek på seg rolla som trenar, lagleiar, kampvertar, turneringsansvarleg, dommaransvarleg osb. I ungdoms- og seniorfotballen får riktig nok trenarane ein sum for den jobben gjer, men den er ikkje anna enn symbolsk. Å bidra på treningar, på kampar, til ulike utval, på turneringar osb. er den viktigaste dugnaden ein kan bidra med. Me ynskjer alle med på laget uansett kunnskap eller tidlegare erfaringar! FBK Voss skal gjennom eit solid og meiningsfullt aktivitetstilbod til barn, unge og vaksne på Voss, skal skape stolte augneblink! 29