Bygdebrev #6 TIL ALLE HUSSTANDANE I VINJE SKULEKRINS JULI 2012

Transkript

1 Bygdebrev #6 TIL ALLE HUSSTANDANE I VINJE SKULEKRINS JULI 2012

2 Hei! Her kjem det 6. og nest siste bygdebrevet i prosjektperioden til Liv i Vinje. Denne gongen har me fått tilsendt mykje god informasjon frå mange forskjellige og brevet har blitt rekordlangt! Det er berre å setje seg til i godstolen med ein god kopp kaffi. VINJE UNGDOMSLAG Ute av dvalen! Vinje ungdomslag er i sving att etter mange år i dvale og det nyvalde styret er: Signe Bråstøyl (leiar), Knut Erik Jordstøyl og Ole Johannes Romtveit. Vara: Åshild A. Ringhus og Kari Vinjerui. Ungdomsklubb 29. mars var det ungdomsklubb på Vinjar. 17 ungdommar var samla til film, kortspel, quiz, dans, ballspel og pizza. Trivleg å sjå så mange samla. Det kom ungdom frå Edland, Vinje og Åmot. Dette vil me gjera meir av. Takk til Åshild, Kari og Trine i arrangementskomiteen og takk til Vegar og Susanne som stilte som vakter saman med 3 vaksne. Det er planar om å få til ein klubbkveld i månaden frå september, så ungdom fylg med på facebooksida vår. LITT OM REVY Det har blitt prøva å få i gang teater og revy. Det har vore fleire møte og interessa er absolutt tilstades. Kostymelageret må fyllast att og noko har kome inn. Ungdomsklubb Bibliotekprosjekt

3 Kassa med dei gamle spilstykka er levera til laget, og det er arbeidd med nye tekstar. Teater- og revyarbeidet er knytt opp til Vinje ungdomslag. Arbeidet kjem i gang att frå hausten. BIBLIOTEKPROSJEKTET Vinje oppvekstsenter har no i to år vore med i programmet for skulebibliotek, som er administrert av Universitetet i Agder. I løpet av desse to åra har skulen blitt tilført kr ,- frå programmet, og mesteparten av dette har gått til frikaup av lærarar, til å arbeide med prosjektet. I det andre året, som no ligg bak oss, vart skulen med som ressursskule. Skulen er i dag den einaste ressursskulen i Telemark på skulebibliotek. Dette er noko å vera stolte av! Å vera ressursskule vil seia at andre skular kan koma på besøk for å lære om korleis me har organisert skulebiblioteket, og korleis ein kan nytte skulebiblioteket betre i undervisninga. Universitetet i Agder har gitt ut eit hefte om ressursskulane, der Vinje oppvekstsenter er omtala på fem av sidene, både med tekst og bilete. Båe bileta på omslaget til heftet er óg henta frå Vinje oppvekstsenter. Prosjektet vart avslutta ved at skulen sendte sluttrapporten den , men arbeidet me har starta med skulebiblioteket vil halde fram hjå oss. VINJE HANDVERKSLAG Spennande foredrag og kreative born I vårhalvåret hadde vi tre fine kveldar med bilete og foredrag: Tove Herberg fortalde om turen sin i Burma, Åse Bratland om kvinnebunaden i Vest-Telemark før og no, og Harald Kolstad om ølhøner. 50 stk av dei sto stilt ut på Haugsæl etterpå. Harald Kolstads ølhøne. I mars var det handverkskveldar med 16 flinke ungar. Dei teikna, nålefilta, snekra, dreiv med tinnstøyping, brikkevev og skinnarbeid. Hurra for ungar og instruktørar! Vinjeutstillinga 2012 Vinjeutstillinga 2012 opnar sundag 1. juli kl 14. Ove Mellingen kåserer og Solvending vil spela. Grenlandskunstnarane Oker er hovudutstillarar i år. Elles blir Vinje skogeigarlag markera med ei særutstilling i høve 100-årsjubileet. Utstillinga varer t.o.m. 12. august og er ope kvar dag Kurs og haustmarknad Til hausten kan det bli kurs: Åse Bratland vil starte bunadskurs. Vi kan brodere bunad og montere bunad Harald Kolstad vil lære oss å lage ølhøner. Sjå nærare lysingar! Det vert haustmarknad med inviterte handverkarar laurdag 25. august. Elles nye temakveldar og i oktober to kveldar for ungar att. Ope på Haugsæl fyrste laurdagen i kvar månad frå august til desember. To ledige verkstadrom, meld interesse! Sjå heimesida og facebook. VINJE JORDFRESARLAG Me er ein gjeng i Vinje som ynskjer meir fart i grønsakdyrkinga i området. Ideen kom frå Marit Sande som hadde eit forslag til skulen om dei kunne tenkje seg å setje i gang ein form for skulehage. Saka vart lufta for skulen men der vart konklusjonen at dette vart eit altfor stort prosjekt for dei. Det vart rødt litt om saka og me fann ut at det kunne vera ein gjeng interessera vaksne som sette i gang og kanskje invitera skuleborna til å vera med på visse oppgåver i eit grønsaksfelt. Men fyrst trong me å bli opplyste og få endå meir inspirasjon. Så då vart Knut Vollan frå forsøksringen i Tinn invitera til Vinjar. Han hadde førebutt eit foredrag bygt på spørsmål frå gruppa som no vil kalle seg jordfresarlaget og det var 14 personar som fylgde godt med og hadde endå fleire spørsmål som dei fekk grundige svar på. Etter vel to timar avslutta me kvelden godt nøgde og sikre på at dette vil me arbeide vidare med med tanke på å koma i gang neste år. Dersom det er fleire som har lyst til å vera med i dette jordfresarlaget som berre vil drive med grønsakdyrking (ikkje blomar), så meld frå til Marit Sande eller Ellen Nordstoga.

4 «Jenter på hjul» på besøk på Mjonøy. GANG OG SYKKELVEG: VINJE BRO - JORDIVEGEN Detaljreguleringsplanen for denne vegen er samrøystes vedteken i plan- og miljøutvalet og Vinje kommunestyre. Så nær ei gjennomføring har det ikkje vore før. Plankontoret kan ikkje fastslå når arbeidet med vegen kjem i gang, men opplyser at det står att grunnerverv, ivaretaking av områda for kulturminne og byggjeplan. BROI I SMØRKLEPP Som mange veit så har det vore i gang eit arbeid med å få til ei bro der den gamle stokkutleggsbroi sto over Smørkleppåi. Den gamle broi er teikna i bygdesoga av Hugo Olaus Wolff i Arbeidet starta i 2009 og kom eit godt stykke på veg. Det har vore gjort mykje dugnadsarbeid av svært mange. Men det har vore ein del hindringar å forsere og konklusjonen er no at det ikkje let seg gjera å byggje bro. Grunnen er at etter mykje fuktig vêr har det gått ras i området som har teke med seg ein del av vegen. Etter det er det ikkje tilrådeleg å fara der med maskiner som kan byggje opp det brukaret som er nødvendig for å få opp stokkutleggsbroi. Ein kunne få opp ei hengjebru men då det ikkje er aktuelt for grunneigarane å gjeva løyve til ei slik bro, må prosjektet diverre skrinleggjast. I TV-RUTA Dei som var benka framom tv-skjermen tysdag 5. juni fekk sjå Jenter på hjul (TV2) vitje både Mjonøy, hjortefarmen på Kingland, Vinje biletgalleri og Bodil på Rauland. Bra reklame for området vårt! GALLERI MJONØY Opning av utstilling på Mjonøy laurdag kl 14. Konsert med Lars Ole Hagen. Gratis inngang! ZUMBA Friskvernsentralen gjev tilbod om zumba på Vinjar. Det starta opp i mars og er kvar torsdag. Me er så heldige å ha den 17-årige danseinstruktøren Helina Lundestad buande i skulekrinsen her. Ho leier oss trygt og friskt gjennom Zumbakveldane. Dette er så god trim at me blir både raudleitte og sveitte, samtidig som det er moro! Det er godt oppmøte og me satsar på framhald til hausten. BESØK FRÅ HJELMELAND I vår tok representantar frå Hjelmeland kommune og frivillige lag og foreiningar kontakt med Vest-Telemark Næringsutvikling. Dei ynskte informasjon om Bulystsatsinga i Vest-Telemark. Bygdelivsmeklar og ein av prosjektarbeidarane i Liv i Vinje, Elisabeth Lid, såg sitt snitt til å informere om prosjektet Liv i Vinje, og vise fram Mjonøy. Dei besøkande var imponerte over

5 HAR DU EI FIN TOMT ELLER TO? Påfonndajen kva me hadde fått til i prosjektet, og Aasne og Lars Ole framførde Vinjesongen for dei - til stor jubel! HEIMESIDA Kari og Luke ynskjer å arbeide vidare med heimesida til Liv i Vinje, og gjerne halde kurs for folk som er interesserte i å kunne legge inn stoff der. PÅFONNDAJEN 2012 Påfonndajen vart grunna snomangel flutt frå Bøgrend til Vinje. Skirenn vart bytt ut med sykkelløp og trillebørrenn. Trillebørrennet vart vunne av eminente Vinjeflatens herreforening. Etterpå var det program inne på Vinjar med premieutdeling til alle deltakarane. Det var sal av suppe laga av Vinje gardsmat og utlodding av fine premiar. GRATIS VED Styret i Liv i Vinje har motteke innspel om at det hadde vore fint å få rydda skog på nedsida av vegen for å få betre utsikt over vatnet og Vinjeflaten når ein kjem køyrande frå Bøgrend mot Vinje. Nokre telefonar er tatt, og no er det opna for at det kan hoggast. Dei som er interesserte i å gjera dette, og skaffe seg gratis ved, kan ta kontakt med Olav Rui på telefon Han veit kvar du kan hogge og viser deg kvar du kan starte. Bustadgruppa Bustadgruppa har det siste året m.a. jobba med å prøve og finne laglege tomter me kan by fram. Me har henta fram att huskrull-konseptet frå 70-talet, hatt nokre alternativ på blokka, og sjekka ut desse med kommunen og ute i felt. Førebels har me landa på to konkrete stader som me no lagar eit prospekt på med litt informasjon og bilete. Desse vil bli lagt ut på heimesida og kan også printast ut og distribuerast. Me tek imot fleire gode forslag Men om det er fleire alternativ så er det berre bra! Så om du som grunneigar kan ha ein stad ein kan få til fine tomter kan me i bustadgruppa og Liv i Vinje vera med på å formidle dette, og kanskje dukkar det opp nokon som finn draumetomta si akkurat der! Sol, utsikt, skogens ro, badeplass eller tursti? Har du ei fin tomt du trur nokon vil trivast på, så gje oss i bustadgruppa beskjed. SEMINARET LIV OG BULYST april arrangerte Vest-Telemark Næringsutvikling AS, Norsk Landbruksrådgiving Østafjells og Liv i Vinje kurs om generasjonsskifte på gardsbruk. Kurset vart halde på Mjonøy og gjekk over to dagar. Arrangørane er godt nøgde med deltakinga. Kurset sette fokus både på dei formelle sidene i samband med generasjonsskifte på gardsbruk, og ikkje minst på dei menneskelege utfordringane og den vanskelege samtala. For at deltakarane skulle få størst mogleg utbytte av kurset, og på bakgrunn av erfaringar frå tidlegare kurs, vart heile familiane inviterte både kjøpar, seljar og andre involverte familiemedlem. LIV I VINJE OG VEGEN VIDARE Folkemøte med evaluering av prosjektet den 19. september Fyrst litt historikk for å skjerpe minnet, og som førebuing til møtet: Fylgjande lysing stod å lesa på etterjolsvinteren 2009 i VTB: «Bygdemobilisering i Vinje skulekrins. Møte på Vinjar 5. mars kl. 19. Program: Elevar ved Vinje skule. Arne Vinje. Folk frå administrasjonen i Vinje kommune. Musikk ved Sonja, Ingvild og Anders B. Kaffe og kake. Vinje, Smørklepp og Mogane grendelag. Vinje oppvekstsenter.» Rundt 90 personar møtte fram den kvelden. Folk i krinsen var uroa for kva som kom til å skje her når den seiste forretninga i området nettopp hadde blitt nedlagt og skulen meldte om lågare elevtal. Ville framtida bli slik at me som bur her må til Åmot for å finne møtestader? Noko måtte gjerast! Alt same kvelden vart det sett ned dugnadsgrupper: Ei for musikk, kor og dans,

6 «Traktor-og sjauegjengen» og «Litt-av-kvartgjengen». Bustadgruppe vart òg starta. Mådagsmiddagen kom i gang alt 23. mars 2009! Og det vart vald eit styre, - etter lystprinsippet! Grasrotprosjektet fekk namnet Liv i Vinje, og det vart søkt Vinje kommune om midlar. Vinje kommune støtta prosjektet ved å løyve pengar til prosjektleiar (70% stilling) i 3 år, frå til Det vart tilsett prosjektleiar, og etter kvart prosjektmedarbeidarar. Prosjektet fekk fylgjande målsetjing: På stutt sikt: Auke trivsel og livskvalitet for dei som bur i Vinje skulekrins. Leggje til rette for opparbeiding av nye tomter, ny busetnad og rørsle i ein sovande bustadmarknad. Leggje tilrette for nye næringsetableringar i Vinje. På lengre sikt: Auke folketalet og sikre beste skule-og fritidstilbodet for ungane i Vinje. Arbeide for at Vinje skal vera ein attraktiv stad å bu, arbeide og oppleva. Dette var litt om bakgrunnen for prosjektet. Har dei tiltaka som prosjektet har sett i gang for å nå desse målsetjingane lykkast? Kva med til dømes Bøgrend Autofest, songa Heim te Vinje, Paafonndajen, Paafonnprisen, Mådagsmiddajen, Bygdebreva, Bøgrend Automarken? Prosjektperioden er i ferd med å renne ut, og me som bur her må finne ut kva me vil vidare. Styret for LiviVinje ynskjer derfor å høyre med grasrota, altså du og dine som bur her i krinsen, om dette. Bør prosjektet halde fram, og i så fall i kva form? Er nokon av tiltaka i prosjektperioden så bra at dei må halde fram? Korleis taka med gode erfaringar frå prosjektet på vegen vidare frå ? Kom på folkemøtet i september. Meir info om møtet kjem når det nærmar seg. Katzenjammer kjem til Bøgrend! LIV I VINJE - INFORMASJON PÅ BØGREND AUTOFEST Liv i Vinje tenkjer å lage ei plakat med informasjon om prosjektet som kan henge ein stad under festivalen. På same staden kan også tomteprospekta til bustadgruppa henge, samt evt. annan relevant informasjon. Dersom det er nokon som har informasjon dei vil ha med her, t.d. annonser om ledige hus, tomter eller reklame for verksemder dei driv, skal me prøve å få til det. Send i så fall ein førespurnad til silje@livivinje.no (tlf ) BØGREND AUTOFEST august Programmet for dei tre festivaldagane i august er no klart. Til saman står det 16 artistar på scena. Blant desse finn du artistar som Katzenjammer, Odd Nordstoga, Susanne Sundfør, Blåmann Blåmann, Amund Maarud m. fl. I tillegg til konsertar vert det også i år utradisjonell bingo med Bingokongen Ronny Haugeland. Det vert også festivalcamp med hengekøyehotell, ein eigen fotoboks Bøgrend Autofokus, samt leselounge med Vest-Telemark Blad der det vert stilt ut gamle artiklar om Bøgrend Auto, musikklivet i Vinje og andre saker frå bygda. Elles lagar Bodil Nordjore & Øystein Løvlie svært kortreist mat, og Vinje Gardsmat sel drikke og småmat. I tillegg vert det sal av kvalitetskaffe ved kaffekvern.no. Bra førehandsal av billettar Førehandsalet av billettar er betre enn nokon gong tidlegare, og det er under 100 dagspass att kvar dag, og mindre enn 100 festivalpass att totalt. Hugs at du kan skrive ut billettane heime i år. Billettane finn du på billettservice, og her er prisane: Festivalpass: 850,- + billettavgift. Dagspass: 400,- + billettavgift NB: arrangementet har 20-års aldersgrense. På heimesidene finn du fullt program, info om artistane og anna praktisk informasjon du treng om årets festival. Lyst til å vera med å arrangere festival? Me treng frivillige! 1 dag ordensvakt = gratis festivalpass (2 dagar fri!) Er du staut og stødig som vakt? Rigge og rydde festivalområdet? Hente og bringe artistar mellom Auto`n og Mjonøy? Tapetsere Telemark med plakater? Sanitetsvakt? Les meir på Meld i frå til Sigrid Vesaas: e-post: sigrid.vesaas@gmail.com - Tlf: God sommar!

7

8