Forskrift om adressetildeling i Fitjar kommune.

Transkript

1 Forskrift om adressetildeling i Fitjar kommune. Heimel: Denne forskrifta er fastsett av Fitjar kommunestyre 19\ med heimel i lov 17. juni 2005 nr. 101 om eigedomsregistrering (matrikkellova) 21, forskrift 26. juni 2009 nr. 864 om eigedomsregistrering (matrikkelforskrifta) 59 og lov 18. mai 1990 nr. 11 om stadnamn (stadnamnlova). 1. Adressesystemet i kommunen. 1. Fitjar kommune skal vera eit eige adresseringsområde. 2. Adressesystemet i kommunen byggjer på vedtekne adresseparsellar. Ein adresseparsell er ein veg, vegstrekning, eit klart definert og avgrensa område langs offentleg veg, eller eit nærare definert område utan vegtilkomst. 3. Der det er vegar i kommunen som går over kommunegrensa skal adressene samordnast med nabokommunen så langt råd er. 4. Alle næringseigedommar, bustader og fritidsbustader i kommunen er adresseverdige og skal ha eigen adresse. (matrikkelforskrift 50 første ledd) 5. Sidevegar til overordna veg kan vera eigen adresseparsell og få eige adressenamn dersom sidevegen er: a) Kortare enn 200 meter og fører til minst 10 adresseeiningar eller b) Lengre enn 200 meter og fører til minst 5 adresseeiningar. c) Der adresseeiningar kan knytast til eit naturleg avgrensa område, bør området ha eige adressenamn dersom det i området er minst 5 adresseeiningar. 2. Offisiell adresse Med offisiell adresse meiner ein: 1. Vegadresse, gitt med vegnamn, adressenummer og eventuelt bokstav eller: 2. Matrikkeladresse, gitt med gardsnummer, bruksnummer og eventuelt festenummer og/eller undernummer med tilhøyrande matrikkeladressenamn. Til offisiell adresse kan og eit brukseiningsnummer (bustandnummer) og\eller adressetilleggsnamn høyre til.

2 Det skal innførast vegadresser i heile kommunen. Når adressene er på plass i kommunen opphøyrer bruk av matrikkeladresser. 3. Retningsliner for utforming av adressesystemet og nummerering av adressane Utarbeidinga av adresseparsellar skal ha som hovudføremål å gjere det enkelt for alle å finne fram. 1. Startpunkt for nummertildelinga av adresser til veg eller område med eige adressenamn er normalt der vegen eller tilkomsten tek av frå overordna veg. Der ein adresseparsell har to eller fleire tilknytingspunkt til overordna veg, skal utgangspunktet for nummereringa starta ved første tilkomst i forhold til aukande nummerretning på overordna veg. 2. Ved tildeling av adressenummer i Fitjar kommune skal adresseverdige bygg langs høgre vegkant tildelast oddetal og adresseverdige bygg langs venstre vegkant tildelast partal (bestemt ut i frå naturlig startpunkt for veg). 3. Nummereringa langs sidene til ein veg bør gå mest mogleg parallelt. Det bør settast av ledige adressenummer i tilfelle utbygging. 4. Avstandsprinsippet vert nytta i områder med spreidd busetnad, det vil si at adressenummer vert rekna ut frå startpunktet til vegen med 10-meters avstand. Eksempel: Ei adresseeining som ligg 300 meter frå der vegen startar får tildelt adressenummer Avstandsprinsippet bør nyttast der avstanden mellom dei fleste adresseeiningane er større enn 50 meter. 6. Adressemynda kan også nytte ein kombinasjon av tradisjonell adressering og adressering ut frå avstandsprinsippet. 4. Val av adressenamn: 1. Kommunen avgjer namn på alle adresseparsellar(vegnamn og områdenamn) på fritt grunnlag. Namna må passa inn i eit samordna system for adressering, og dei skal ikkje kunna forvekslast med andre eksisterande adressenamn eller mykje brukte og allment kjende stadnamn i adresseområdet. 2. Skrivemåten for stadnamn skal vera i samsvar med reglane i stadnamnlova med tilhøyrande forskrifter. Kommunestyret kan vedta utfyllande reglar for fastsetjing av namn på adresseparsellar. 3. Gjennom namnsettinga skal ein etter beste evne verna om og ta vare på lokal kulturarv. Skrivemåten skal vera i samsvar med det lokale målføret.

3 5. Fråvik. Adressemyndet kan gjera unntak frå prinsippa som er sett i punkt 1 og 3 for å gjera det lettare å finne fram og/eller for å unngå større endringar i det etablerte adressesystemet. 6. Skilting Kommunen er ansvarleg for oppsetjing og vedlikehald av vegskilt og andre adressenamnskilt for kommunale vegar. Alle grunneigarar eller festarar som får tildelt adressenummer til bygg ut frå vegadresse, har plikt til å kosta, setje opp og halda ved like nummerskilt eventuelt også brukseiningsnummer på kvar einskild brukseining etter nærare reglar gitt i 8, jf matrikkelforskrifta 57, 3. ledd. Adressemynda skal utarbeide ein skiltplan for kommunen og kan nytta: Adressenamnskilt (729 << Gate/adressenamnskilt>> i skiltforskrifta) Områdeskilt Adressenummerskilt Tilvisingsskilt Adressemerke for brukseining For eksisterande bygg som får tildelt adressenummer etter vegadresse, skal nummerskilt væra sett opp innan eit år etter at adressetildelinga er gjort kjent. For nye bygg skal nummerskilt vera sett opp samstundes med at bygget blir teke i bruk. Adressemynda skal føre kontroll med at reglane i dette punktet vert følgd og gje nødvendige pålegg. Pålegg som ikkje vert teke omsyn til, kan adressemynda utføra for eigar/festar si rekning. 7. Plassering av skilt, materialval, utforming og utføring/montering Nummerskilt og eventuelle tilleggsskilt skal plasserast slik at det er tydeleg kva for bygg det høyrer til. Skilta skal vera lett synlege frå den vegen dei høyrer til, og haldast reine og heile med tydelege tal og eventuelt bokstavar. Samstundes bør skilta plasserast slik at dei er godt leselege når det er mørkt. Nummerskilt skal som hovudregel plasserast 2,5 meter over bakken og så vidt mogeleg til høgre for inngangsdør og innkjørsler frå veg. Der det vil vera vanskeleg å sjå skiltet frå veg, skal nummerskilt setjast opp i passande høgde på portstolpe, innhegning/gjerde, stolpe eller anna egna stad, om mogeleg til høgre for inngang/innkøyring.

4 Dersom nummerskiltet vender mot annan veg enn den adressa er knytt til, skal det under nummerskiltet monterast skilt som viser kva veg bygningen er adressert til. Sjølv om eigedommen ikkje har inngang eller innkøyring frå den vegen som nummerskiltet er knytt til, bør det setjast opp vanleg nummerskilt til vegen. Under nummerskiltet skal det plasserast tilvisingsskilt som fortel frå kva for veg eigedommen har tilkomst. Der adressemyndet finn det naudsynt, kan adressemyndet krevja at det vert sett opp ytterlegare tilvisingsskilt for å gjere det lettare å finne frem. Huseigar pliktar å sjå til at nummerskilt er godt synleg, og ikkje er skjult av tre, busker, andre skilt eller liknande. Nummerskilt og tilleggsskilt skal vera av aluminium eller anna rustfritt materiale. Dei skal festast solid, rustfritt og haldbart. Nummerskilta skal ha svarte tal og eventuelt bokstavar, i tillegg til svart kantbord på kvit eller kvitliknande reflekterande bakgrunn. Teksthøgde skal vera 105 mm og skilthøgde 150 mm. Skiltbredda varierer med tal siffer i nummeret og skal være 150mm for 1- sifra tall, 220 mm for 2- sifra tall og 280 mm for 3- sifra tall. Andre skilttypar skal godkjennast av adressemyndet. 8. Ansvar for fastsetjing av namn i Fitjar kommune. 1. Adressemynde Formannskapet er adressemynde i kommunen og har ansvaret for fastsetjing av namn. Rådmannen har ansvar for adresseforvaltninga i kommunen. Rådmannen har mynde til å delegere oppgåver vidare. 2. Innstillingsmynde(Stadnamngruppe) Stadnamngruppa skal bestå av 3 politisk valde representantar, med sekretariat frå administrasjonen. Stadnamngruppa skal førebu arbeid knytt til fastsetjing av namn og skrivemåte for stadnamn/adressenamn etter reglane i lov om stadnamn, og har innstillingsmynde til formannskapet på dette området. 3. Namnemynde Formannskaper er namnemynde i Fitjar kommune og har ansvaret for endeleg fastsetjing av namn. Namnemyndet gjer vedtak om skrivemåten for stadnamn/adressenamn etter reglane i lov om stadnamn. Namnemyndet har også ansvar for å gje uttale på vegne av kommunen om skrivemåten av stadnamn/adressenamn som kommunen ikkje har vedtaksrett for. 4. Ansvar for tildeling av offisielle adresser Rådmannen får delegert ansvar for tildeling av offisielle adressar og nummerering etter reglane i matrikkellova og tilhøyrande forskrift.

5 9. Endring av tildelt adresse Før adressemynda med heimel i matrikkelforskrifta 50 endrar ei adresse, skal eigar/festar til aktuell eigedom eller eigedomsdel ha fått melding og høve til å uttale seg om forslag til endringa. Eigar/festar kan søke adressemyndet om å få tildelt adresse endra til ei meir teneleg adresse. Døme: Endra adressenummer til annan veg som huset på eigedommen har tilkomst til. 10. Når forskrifta trer i kraft. Forskrifta trer i kraft frå 1. januar 2013.