Makrorapport. April Side 1

Transkript

1 Makrorapport April 2018 Side 1

2 Makrobiletet Ute i den store verda dreier det meste seg opp handelskrig mellom USA og Kina. Trump har sidan presidentkampanjen sagt at han vil gjere noko med handelsunderskotet til USA, så dette er ikkje noko som nyleg har kome på bordet. I mars begynte støyen for alvor, då Trump presenterte straffetoll på aluminium og stål. I ein månad no har Trump og Xi Jinping kasta den ein importavgifta etter den andre på kvarandre. Resultatet av denne runddansen har vært at kinesiske og spesielt amerikanske børsar har falt kraftig siste månaden. Til no har det ikkje vært dei store ringverknadane, og støyen har vært lokal. Oslo Børs er for tida «all time high), oljeprisen har steget og krona har til no styrka seg. Det retta overraskande angrepet mot syriske mål, såg ut til å skape ein god del støy. Det var eit samkøyrd angrep frå USA, Frankrike og Storbritannia. Putin og Russland var svært lite nøgd med angrepet på deira allierte. Førebels har ikkje handlingane gitt noko utslag i marknaden, valuta eller aksjar. I Norge er det framleis optimisme i industrien. Norsk industri melder om auka ordretilgang i første kvartal Det rapporterast om auka ordretilgang frå eksportmarknaden. Utsiktene for andre kvartal er totalt sett positiv. Mange industrileiarar ventar at ordretilgangen både frå heime- og eksportmarknaden vil auke vidare. Produsentar av investeringsvarer, innsatsvarer og konsumvarer er optimistiske for det komande kvartalet. Side 2

3 Valutamarknaden Den norske krona har svinga ein del den siste månaden, men kanskje ikkje så mykje som ein hadde venta med tanke på den støyen som har vært knytt til den påtroppande handelskrigen mellom Kina og USA. Påska er ei spesiell tid på året då vi er løyva ein del meir ferie enn resten av verda. Resten av marknaden er stort sett open. Påska brukar å være prega av lite volum i norske krona, og ofte ein negativ bevegelse, så også dette året. Onsdag 28. mars kom det ei kronesvekking på ettermiddagen. Denne svekkinga vart stort sett reversert første opningsdag etter påska. Det som har talt i krona sin fordel er den stigande oljeprisen den seinare tid. Samstundes spekulerer stadig fleire i at sentralbanken kjem til å sette opp renta i september. Den svenske krona er ein av dei som har gått svakast den siste tida. Sidan årsskiftet har den svekka seg med over sju prosent mot den norske krona. Inflasjonen i Sverige har høgare enn i Norge, men er svakare enn dei hadde sett føre seg. Samstundes fortset prisane i bustadmarknaden å falle. Av dei store valutaene ser vi at EURCHF begynner å nærme seg det gamle 1,20-nivået. Det som tidlegare var eit golv, som vart forsvara av den sveitsiske sentralbanken, kan no ende opp som eit tak, som kan bli vanskeleg å bryte gjennom. Om det taket skulle halde kan det bli vanskeleg å bryte gjennom 8,00 nivået i CHFNOK. Det vil dei neste dagane vise oss. Side 3

4 Renter Utviklinga i retninga i rentemarkanden har om lag vært som venta etter hendingane i mars, om enn med litt sterkare kraft enn ein såg føre seg. Ei nedjustering av inflasjonsmålet trakk renta opp i den korte enden og ned i den lange enden. I perioden etter at inflasjonsmålet vart senka har 3 månader Nibor steget med 15 bp. medan 10 års swaprenter har falt med tilsvarande. Stadig fleire ventar at renta skal bli sett opp i andre kvartal i år, hovudsakleg i september. Ser ein på tala bak, frå Norges Bank, er det berre prisa inn eit 32 prosent sannsyn for renteheving nettopp i september. Noregs Bank har ikkje prisa inn ei renteheving før i rentemøtet i desember. Sidan sentralbanksjefen sa at dei venta ei heving av styringsrenta etter sommarferien kan det sjå ut til at marknaden har tatt for gitt ei renteheving i september. Inflasjonstala frå mars synte ein lågare kjerneinflasjon enn Norges Bank hadde sett føre seg. Spesielt var det prisen på klede som var årsak til fallet. Norges Bank hadde sett for seg ein kjerneinflasjon på 1,5 prosent, der den i røynda var 1,2 prosent. Det er for tida stor skilnad mellom inflasjonen og kjerneinflasjonen. Det er hovdusakleg grunna høge straumprisar som ikkje er med i kjerneinflasjonstala. Grunna at ein del faktorar i inflasjonstala er volatile, er det ikkje noko grunn til at det vil påverke rentesettinga til Norges Bank. Side 4

5 Olje og råvarer Oljeprisen har steget kraftig sidan midten av mars og er opp om lag $ 10 i nemnde periode. Den siste oppgangen på $2 har bakgrunn i store lagertrekk, og då særskilt bensinlagera. Ein skal sjølvsagt ikkje så vekk frå at uroa i Syria og Jemen har hatt noko å seie for den stigande oljeprisen vi har sett i det siste. Oljeprisen har ikkje vært høgare sidan det brutale oljeprisfallet i For oljeselskapa er dette særs godt nytt. Dei tener mykje meir pengar no, enn dei gjorde ved tilsvarande oljepris i 2014, då oljeselskapa har vært gjennom store omstruktureringar og kostnadskutt. Det er aukande etterspurnad etter olje i verda, og forventningane om etterspurnaden blir oppjustert (OPEC). Med dagens veksttakt er det sjansar for at den daglege etterspurnaden bryt den magiske 100 millionar fat grensa i fjerde kvartal i år. For 2017 låg den daglege etterspurnaden på om lag 97 millionar fat dagleg. Vi ser samstundes at det stadig er fleire riggar i drift i USA med den stigande oljeprisen. Siste tolv månader er det kome 160 fleire riggar i drift. Mot normalt kom den største auka i riggar siste veka offshore og ikkje på landbaserte riggar. Neste OPEC møte i er i juni. Då er det mogleg at dei vil ta stilling til om kutta i produksjonen (og eksporten) skal halde fram inn i Eit slikt fortsatt kutt er avhengig at partar som Russland er samde i strategien. Kontaktinfo Jan Arne Aasen T: E: jan.arne.aasen@ssf.no Torgeir Strandenes T: E: torgeir.strandenes@ssf.no Sivert Roti T: E: sivert.roti@ssf.no Andreas Campbell Pedersen T: E: andreas.campbell.pedersen@ssf.no Meklarbordet T: E: valuta@ssf.no Side 5

6 DISCLAIMER Rapporten må sjåast på som marknadsføringsmateriale med mindre den er utarbeidd i samsvar til krav for investeringsanalyse, jfr. Forskrift til verdipapirhandellova 2007/06/29 nr Rapporten er utarbeidd av Sparebanken Sogn og Fjordane (SSF). Denne baserer seg på kjelder som vert vurdert som truverdige, men SSF garanterer ikkje at informasjonen er presis, eller fullstendig. Uttalelsane i rapporten reflekterer SSF si oppfatning på det tidspunktet rapporten vart utarbeidd, og SSF tar atterhald om retten til å endre oppfatning utan varsel. Rapporten skal ikkje sjåast som eit tilbod, eller tilråding om kjøp, eller sal av finansielle instrument, eller deltaking i nokon form for investeringsstrategi. SSF tar ikkje på seg ansvar for verken direkte, eller indirekte tap, eller utgifter som skuldast forståinga av og/eller bruken av denne rapport. Informasjon om SSF sine Alminnelege forretningsvilkår er tilgjengeleg på vår heimeside Denne rapporten er berre meint å være til bruk for våre klientar, ikkje for offentleg publikasjon. SSF har org.nr i Føretaksregisteret, er medlem av Norges Fondsmeglerforbund og underlagt tilsyn av Finanstilsynet i Noreg. Ytterlegare informasjon om SSF finn ein på Side 6