Rentemøte. 21.Mars Side 1

Transkript

1 Rentemøte 21.Mars 2018 Side 1

2 Rentemøte 21. mars Sentralbanksjef Øystein Olsen signaliserte på rentemøtet i desember og i sin årstale at Norges Bank skal auke styringsrenta frå 0,75 til 1 prosent 21. mars. Etter tre månader med god vekst i norsk økonomi, men noko lågare vekstmoment i verdsøkonomien trur vi Olsen kjem til å auke styringsrenta med 0.25 prosentpoeng. Gitt dagens situasjon med svak krone, inflasjon over forventning og relativt sterk oljepris, vil truleg Olsen auke renta ytterligare ein gang etter sommaren. Spenninga er knytt til om den langsiktige rentebana blir endra og viss Olsen sett opp rentebana vil det tolkast positivt for krona og den kan stryke seg på nyheita. Les meir om bakgrunnen i rapporten. Korleis bruker Norges Bank renta til å styre økonomien? Norges Bank styrer etter eit fleksibelt inflasjonsmål på 2 prosent. Det vil si at dei vil ha kjerneinflasjonen stabilt rund 2 prosent på lang sikt, men ønsker samstundes stabilitet i økonomien som heilhet (realøkonomien). Styringsrenta er eit av verkemidla som brukast for å oppnå det langsiktige inflasjonsmålet. Ei auka rente kjølar ned realøkonomien ved auka rentekostnad på lån og investeringar, samt styrka valutakurs, alt anna likt. Isolert sett gir styrka krone lågare inflasjon, men også svekka konkurransekraft for norske eksportbedrifter. Frykta for ein rask styrking av krona gjer blant anna at Norges Bank no går varsamt fram med rentehevinga. Side 2

3 Faktorar bak rentebeslutninga Noreg har det siste halve året hold eit godt vekstmoment og med det vore «annleis landet», mens momentet i verdsøkonomien har avtatt. IMF (International Monetary Fund) har nedjustert sitt vekstansalg tre gongar sidan hausten 2018 og sentralbanken i Europa (ECB) nedjustere sine anslag i starten av mars. Norsk kjerneinflasjon ligg no over målet på 2 prosent og kom sist ut på 2.6%. Isolert sett dreg dette mot at Norges Bank skal sette opp renta. Høgare rente gir styrka norsk krone og igjen lågare importert inflasjon (fordi varane vi importerer er relativt billigare) og redusert inflasjon. Norsk økonomi har kome seg etter oljekrisa. Regionalt Nettverk teiknar eit fint bilete av økonomien her heime. Oppgangen hos kontaktane held fram, og det er venta vekst dei neste seks månadane. Særskilt er det auka oljeinvesteringar, digitalisering og høge offentlege investeringar som bidreg mest. Norsk arbeidsløyse har hatt ein fallande trend. Arbeidsmarknaden er stramare, som vil seie fleire i arbeid, hardare konkurranse om arbeidstakarane og dermed auka lønningar. Auka lønn har isolert sett to effektar; i) Auka betalingsevne hos lønnstakar ii) auka inflasjon som direkte konsekvens av økt lønn. Arbeidsmarknadssituasjonen dreg i seg sjølv mot renteauke. Side 3

4 Aktiviteten i norske hushaldningar ligg på eit middels nivå. Månadleg forbruksvekst i detaljhandelen er moderat til låg. Gjeldsvekst hos hushaldningane aukar med 5.6% årlig og er ein faktor som talar for å halde renta uendra. Auka rente gjer høgare rentekostnad og redusert betalingsevne hos dei med høge lån. Samstundes er det spådd positiv reallønnsvekst dei neste åra, som på si side gjer hushaldningane betre rusta for ytterligare renteauke. Utviklinga i norsk krone ligg 2.3% svakare enn Norges Bank sitt anslag. Krona ligg på eit historisk lågt nivå og tillater Norges Bank å sette opp renta. Sett i lyset av den svake krona og at Noreg er ein nettoeksportør, vil truleg ikkje ein moderat styrking av NOK ramme Noregs internasjonale konkurransekraft i særleg grad. Ei auke i styringsrenta skal isolert sett gje ei styrka krone fordi etterspurnaden etter NOK aukar når renteauke i mange høver signaliserer ein robust økonomi. Rentedifferansen mellom NOK og andre valutapar blir høgare og det blir meir attraktivt å kjøpe NOK. Internasjonale forhold har ikkje endra seg mykje sidan desembermøtet. Vekstanslaga for verdsøkonomien (frå IMF) er satt ned frå 3.7% til 3.5% i 2019 og skuldast til dels handelskrigen mellom Kina og USA, Brexit og venta lågare vekst i Kina. Både sentralbakane i USA (FED) og Europa (ECB) signaliserer eit meir pessimistisk framtidssyn og legg med det føringar på Norges Bank. Viss Olsen er for aggressiv i rentehevingane vil krona kunne styrke seg såpass at Noreg mister internasjonal konkurransekraft. Side 4

5 Norges Bank tok ned rentebana, i den lange enden, både i møtet i september og desember, med til saman 22 basispunkter. Med bakgrunn i punktane over ser vi ikkje føre oss at rentebana vert tatt ned ved dette høvet. Spørsmålet er om den blir tatt opp. Dei fleste indikatorar, inkludert Regionalt Nettverk, talar for heving av rentebana, mens global uro og gjeldsvekst talar for å la den stå uendra. Fleire av faktorane har blitt vekta forskjellig på dei to møta, som til dømes oljeprisen som var $79 i september og $57 i desember. No ligg oljeprisen midt i mellom og vil truleg bli vekta nøytralt. Korleis rentebana blir kjem mest truleg an på kor tungt Styret i sentralbanken vekter den globale uroa. Sjå dei ulike vektigange frå pengepolitisk rapport i september og desember under: Utvikling i rentebana 2,00 1,50 1,00 0,50 jun. 18 jun. 19 jun. 20 jun. 21 PPR2 PPR3 PPR4 PPR 4/18 PPR 3/18 Side 5

6 DISCLAIMER Rapporten må sjåast på som marknadsføringsmateriale med mindre den er utarbeidd i samsvar til krav for investeringsanalyse, jfr. Forskrift til verdipapirhandellova 2007/06/29 nr Rapporten er utarbeidd av Sparebanken Sogn og Fjordane (SSF). Denne baserer seg på kjelder som vert vurdert som truverdige, men SSF garanterer ikkje at informasjonen er presis, eller fullstendig. Uttalelsane i rapporten reflekterer SSF si oppfatning på det tidspunktet rapporten vart utarbeidd, og SSF tar atterhald om retten til å endre oppfatning utan varsel. Rapporten skal ikkje sjåast som eit tilbod, eller tilråding om kjøp, eller sal av finansielle instrument, eller deltaking i nokon form for investeringsstrategi. SSF tar ikkje på seg ansvar for verken direkte, eller indirekte tap, eller utgifter som skuldast forståinga av og/eller bruken av denne rapport. Informasjon om SSF sine Alminnelege forretningsvilkår er tilgjengeleg på vår heimeside Denne rapporten er berre meint å være til bruk for våre klientar, ikkje for offentleg publikasjon. SSF har org.nr i Føretaksregisteret, er medlem av Norges Fondsmeglerforbund og underlagt tilsyn av Finanstilsynet i Noreg. Ytterlegare informasjon om SSF finn ein på Kontaktinfo Jan Arne Aasen T: E: jan.arne.aasen@ssf.no Torgeir Strandenes T: E: torgeir.strandenes@ssf.no Sivert Roti T: E: sivert.roti@ssf.no Andreas Campbell Pedersen T: E: andreas.campbell.pedersen@ssf.no Meklarbordet T: E: valuta@ssf.no Side 6