SAKSFRAMLEGG. Side 1 av 8. Sakshandsamar: John Olaf Røhme Arkivsaksnr.: 12/1505

Transkript

1 SAKSFRAMLEGG Sakshandsamar: John Olaf Røhme Arkivsaksnr.: 12/1505 Arkiv: H00 Sogn Lokalmedisinske senter (Sogn LMS). Invitasjon til deltaking i fase to forprosjektfasen. Rådmannen si tilråding: ::: Sett inn innstillingen under denne linja 1. Luster kommunestyre ser positivt på at det vert arbeidd vidare med utgreiing og konkretisering av eit framtidig Sogn Lokalmedisinske senter knytt til sjukehuset i Lærdal, jf. sluttrapporten etter forstudien og Lærdal kommune sin invitasjon av 18. mai Luster kommune melder seg i denne omgang interessert i å ta del i fase to/forprosjektet gjennom deltaking i delprosjekt 2 (fagnetteverk for ulike diagnosar) og delprosjekt 3 (standardiserte pasientforløp for ulike pasientgrupper), jf rådmannen si saksutgreiing. 3. Med grunnlag i at Luster kommune har eige legevakt og er i ferd med å etablere eige korttidsavdeling og augeblikklege hjelp tilbod (ØH tilbod), finn kommunestyret ikkje grunnlag for deltaking i delprosjekt 1 (legevakt, akuttsenger, intermediære senger). 4. Luster kommunestyre vil seinare - om naudsynt ta stilling til eige løyving/finansiering i høve arbeidet med fase to/forprosjektet. 5. Luster kommunestyre gjev rådmannen fullmakt til å vurdere og ta stilling til detaljert prosjektplan for fase to/forprosjektet så snart denne er klar, jf rådmannen si saksutgreiing. ::: Sett inn innstillingen over denne linja... Sett inn saksutredningen under denne linja Side 1 av 8

2 Saksutgreiing: Prenta vedlegg: 1. Invitasjon frå Lærdal kommune av til deltaking i fase 2 forprosjektfasen. 2. Sluttrapport etter forstudien: Sogn LMS. Etablering av eit lokalmedisinsk senter i Lærdal. 3. Innlegg i Sogn Avis av ordførar og rådmann i februar Uprenta vedlegg: 1. K. sak 64/09 Helse- og omsorgsplan for Luster kommune Samhandlingsreforma aktuelle dokument. 3. St.meld. nr 25 ( ): Mestring, muligheter og mening. Framtidas omsorgsutfordringar. 4. Meld. St. 16: Nasjonal helse- og omsorgsplan ( ). 5. K. sak 27/11 Distriktsmedisinsk senter (DMS) Sogn - invitasjon til deltaking i prosess 6. K. sak 41/11 Luster lokalmedisinske senter utgreiing 7. Lov om kommunale helse- og omsorgstenester (helse- og omsorgstjenesteloven). 8. Luster kommune sine budsjett for 2011 og K. sak 18/12: Ny korttidsavdeling og framtidig augeblikkleg hjelp tilbod (ØH-tilbod). Samandrag: Arbeidet med forstudien, som starta sommaren 2011, er no avslutta. Arbeidet har munna ut i ein sluttrapport med ei tilråding til vidare arbeid i ein fase to. I skriv av frå Lærdal kommune vert Luster invitert til deltaking i fase to - forprosjektfasen. For å sjå kva Luster no vert invitert til å delta på, må sluttrapporten og invitasjonen frå Lærdal sjåast i samanheng. I kapittel 8 i sluttrapporten vert styringsgruppa si tilråding skildra i fire punkt: 1) tre delprosjekt, 2) organisering, 3) finansiering og 4) prosjektplan for forprosjektet. Hovudspørsmålet for kommunestyret er i kva grad Luster kommune skal delta i fase to/forprosjektet og under dette grad av deltaking i følgjande delprosjekt: Delprosjekt 1: Interkommunal legevakt, akutt- og intermediære senger. Delprosjekt 2: Fagnettverk for ulike diagnosegrupper. Delprosjekt 3: Standardiserte pasientforløp for ulike pasientgrupper. Med grunnlag i at kommunane som har delteke i arbeidet med forstudien har ulik ståstad og framtidsplanar, er det i invitasjonen frå Lærdal lagt til grunn at grad av deltaking i fase to/forprosjektet kan variere mellom dei aktuelle kommunane. Rådmannen tilrår at Luster melder seg interessert i å delta i fase to/forprosjektet gjennom deltaking i delprosjekt 2 og 3. Med grunnlag i at Luster kommune har eige legevakt, og er i ferd med å etablere eige korttidsavdeling og augeblikklege hjelp tilbod (ØH tilbod), tilrår rådmannen ikkje deltaking delprosjekt 1. Arbeidet med fase to/forprosjektet er føresett å gå frå august 2012 og fram mot sommaren Utval som har vedtaksmynde: Kommunestyret Fakta: Luster kommune er i skriv av frå Lærdal kommune invitert til å delta i fase 2 forprosjektfasen i arbeidet med vidare utgreiing og konkretisering av eit framtidig Sogn Lokalmedisinske senter (Sogn LMS), jf prenta vedlegg 1. A) Nasjonale og lokale føringar - bakgrunn/historikk: Samhandlingsreforma trådde i kraft Reforma byggjer på Stortingsmelding nr. 47 og føringar i denne reforma er skildra og lagt til grunn i aktuelle politiske saker og styringsdokument i Luster kommune dei seinare åra. Dette gjeld særleg: Side 2 av 8

3 1. Helse- og omsorgsplan (k. sak 64/09, vedteke ). Det vert i denne planen lagt opp til etablering av ei helse- og omsorgstrapp med 5 nivå. Ein viktig del av dette er styrking av tenestetilbodet på dei 4 nivåa under langtidsopphald i sjukeheim, og under dette etablering av ei ny korttidsavdeling i Gaupne for avlasting, utredning og behandling. 2. Vedtak om deltaking i forstudien i arbeidet med Distriktsmedisinsk senter (DMS) Sogn. Luster kommune har sidan sommaren 2011 delteke i arbeidet med ein forstudie, og grunnlaget for dette var vedtak i kommunestyret den , sak 27/ Luster kommune sine budsjett og økonomiplanar dei siste åra. Nasjonale føringar i samhandlingsreforma og lokale føringar i kommunen sin helse- og omsorgsplan er teke omsyn til i budsjetta dei siste åra. Dette gjeld særleg B-11 og B- 12, der ein i B-12 har konkretisert tiltaka og skildra økonomiske konsekvensar (av desse tiltaka) i samhandlingsreforma i høve kommunal eigendel ved sjukehusopphald, utskrivingsklare pasientar og augeblikkleg hjelp døgntilbod (ØH-tilbod). 4. Vedtak om utgreiing av Luster lokalmedisinske senter (K. sak 41/11, vedteke ). I denne saka gjorde kommunestyret vedtak om eit utgreiingsarbeid med klargjering av: a. Kva tilbod senteret bør gje og korleis tilbodet bør dimensjonerast. b. Korleis drifta av senteret bør organiserast. c. Kva bemanning senteret bør ha. d. Kva lokale som bør nyttast, ev om det bør byggjast nytt/meir. e. Kva drifta av senteret og ev investeringstiltak vil koste. f. Kva konsekvensar eit slikt senter vil ha for tilgrensande tenester. g. Kva avtale som må etablerast med helseføretaket (ØH-tilbodet). h. Om det er ønskjeleg med eit samarbeid utover kommunegrensa. i. Kva alternativ kommunen har til det å etablere eit slikt senter. j. Kva tidsplan som er realistisk for ei gradvis oppbygging mot full drift. 5. Vedtak om ny korttidsavdeling og framtidig augeblikeleg hjelp tilbod (ØH-tilbod). Denne saka vart handsama i kommunestyret 16. februar i år (sak 18/12) og gjev svar på arbeidsoppdraget rådmannen fekk av kommunestyret i saka nemnd i punkt 4 over. Saka skildrar og det parallelle løpet i høve utviklingsarbeidet i Luster og deltakinga i arbeidet med utgreiing av eit framtidig Sogn Lokalmedisinske senter (Namnet vart endra undervegs i høve det som var utgangspunktet skildra i punkt 2 over). Kommunestyret gjorde i denne saka eit detaljert vedtak i følgjande 5 punkt: 1. Ny korttidsavdeling i Gaupne. 2. Langtidsplassar i kommunen. 3. Framtidig augeblikkleg hjelp tilbod (ØH-tilbod). 4. Utbyggingsplanar. 5. Ev samarbeid i regionen og/eller med nabokommunane på nordsida. Det vert no arbeidd aktivt med oppfølging av kommunestyret sitt vedtak i denne saka. B) Arbeid med forstudien og tilråding frå styringsgruppa: Forstudiearbeidet har vore organisert med ei styringsgruppe beståande av rådmenn og representant frå leiinga i Helse Førde, og ei arbeidsgruppe sett saman av fagpersonar. Frå Luster kommune har helsesjef/kommuneoverlege delteke i arbeidsgruppa. Arbeidet med forstudien har munna ut i ein omfattande sluttrapport som syner arbeidet som er gjort i denne fasen og som gjev grunnlaget for invitasjon til deltaking i fase to/forprosjektet. Det vert difor vist til sluttrapporten jf. prenta vedlegg 2 - i høve til bakgrunn for prosjektet, arbeidet i forstudien og andre detaljar i høve grunnlaget for vidare arbeid. Side 3 av 8

4 Ein har i forstudien gjennomført ei kartlegging av status i høve folketal, alderssamansetjing, innretting av tenestetilbodet (t.d. legevaktorganisering), tilgjengelege ressursar/økonomi, kompetanse (t.d. legar, sjukepleiarar, fysioterapeutar) planar mm i dei deltakande kommunane. Kartlegginga syner at det er store skilnader mellom kommunane. Dette vert også trekt fram gjennom følgjande formulering i invitasjonen frå Lærdal: Om og på kva måte kommunen ønskjer å vere med vil vere avhengig av den einskilde kommune sine behov, ønske, økonomiske, personal og driftsmessige føresetnader og evner (..) Me ser at kommunane har ulike ståstader og interesser ut frå lokale skilnader og prioriteringar. Det er i vår felles interesse å komme fram til omforeinte løysingar der me viser respekt for kvarandre i høve til ulike synspunkt og meiningar. For å sjå klart kva kommunestyret no skal ta stilling til må invitasjonen frå Lærdal sjåast i samanheng med sluttrapporten frå styringsgruppa. Sluttrapporten munnar i kapittel 8 punkt 8.1 ut i ei tilråding frå styringsgruppa i fire punkt: 1) tre delprosjekt, 2) organisering, 3) finansiering og 4) prosjektplan for forprosjektet. Tre delprosjekt: I fyrste del av tilrådinga vert det tilrådd at vidare utgreiingsarbeidet i fase to/forprosjektet vert inndelt i tre delprosjekt. Omgrepet delprosjekt er ikkje nytta i sluttrapporten men det er semje i styringsgruppa om at dei tre aktuelle områda skildra i sluttrapporten vert konkretisert i følgjande tre delprosjekt: Delprosjekt 1: Pasientretta oppgåver som er geografisk avhengig av lokalisering i eit LMS i Lærdal: Interkommunal legevakt, akutt- og intermediære senger. Delprosjekt 2: Pasientretta oppgåver som er geografisk uavhengig: Fagnettverk for ulike diagnosegrupper. Delprosjekt 3: Kompetanse, system og IKT oppgåver som er geografisk uavhengige: Standardiserte pasientforløp for ulike pasientgrupper. Organisering, prosjektplan og framdrift: Under punkt 2 i tilrådinga vert forslag til organisering av arbeidet med forprosjektet skildra. Prosjektansvarleg vert Lærdal kommune og prosjektet vert organisert som eit overordna prosjekt med ulike delprosjekt. Alle kommunane som ynskjer å vere med vidare i forprosjektet må vere med i det overordna prosjektet. Det vert lagt opp til ei vidareføring av organiseringa med ei styringsgruppe beståande av rådmenn i deltakande kommunar, brukarrepresentant og representant frå Helse Førde HF og ei overordna arbeidsgruppe med representantar frå kommunehelsetenesta i deltakande kommunar, samt representantar frå Helse Førde HF. For kvart delområde vil ein vurdere å etablere delprosjekt som er samansett av fagpersonar frå kvar kommune som vil vere ansvarleg for å gjennomføre kartlegging og analyse innan det aktuelle område. Kommunane som deltar kan få prosjektansvar for ulike delprosjekt. Samstundes er det ein føresetnad at spørsmåla om organisering må vurderast nærare når det er avklara i kva grad ulike kommunar ynskjer å delta. Dersom einskilde kommunar ikkje ser behov for deltaking i enkelte delprosjekt, er det høve til å reservere seg for slik deltaking, jf følgjande formulering i siste avsnitt under punkt 2 organisering: Det vert vist til sluttrapporten særleg kapittel 5 for utfyllande forklaring av kva som ligg i dette. Side 4 av 8

5 Dersom enkelte kommunar ikkje ser behov for deltaking i enkelte delprosjekt er det høve til å reservere seg for slik deltaking. Endegele avklaringar i høve organiseringa av arbeidet i fase to/forprosjektet vil ein kome attende til i ein detaljert prosjektplan, jf følgjande formulering under punkt 4 prosjektplan: Som prosjektansvarleg vil Lærdal kommune utforme ein detaljert prosjektplan som styringsgruppa for forprosjektet får fullmakt til å godkjenne. Forprosjektet skal etter planen starte i august 2012 og gå fram mot vår/sommar Fasen skal munne ut i ein sluttrapport som vert grunnlaget for vurdering av vidare deltaking. Kvar kommune kan velje å seie ja til deltaking på nokre eller alle tenester som vert lagt inn i senteret, eller nei til vidare deltaking. Siste fase vert eit hovudprosjekt der ein skal realisere Sogn LMS i Lærdal. Finansiering: Under punkt 3 vert finansieringa skildra i grovt. Prosjektet har motteke 5 mill kr i tilskot i statsbudsjettet for Midlane må nyttast til utgreiing og etablering og kan ikkje nyttast til investering eller drift. Midlane vil dels gå til prosjektleiing og dels til frikjøp av ressursar i forhold til gjennomføring av ulike delprosjekt. Prosjektet har såleis eiga finansiering og sak i ktet i utgangspunktet ikkje medfører kostnadar for kommunen utover eigeninnsats frå eigne medarbeidarar. Samstundenes er ikkje alt avklara, og kommunane må difor vere budde på å legge inn ei avgrensa ekstra finansiering i form av tilskot til det samla budsjettet. C) Status for Lærdal sjukehus og tenester frå Helse Førde: Arbeidsgruppa og prosjektleiinga har hatt god dialog med Helse Førde HF om kva tenester og tilbod dei vil satse på framover ved Lærdal sjukehus. Helse Førde HF har fleire prosjekt i relasjon til lokalsjukehuset i Lærdal. Ny medisinsk klinikk er eit prosjekt som har som mandat å sikre moderne, kunnskapsbaserte og trygge helsetenester i medisinsk klinikk. Målet er å utforme ei robust medisinsk avdeling ved sjukehuset i Førde og ved dei to lokalsjukehusa. Vidare er dei i gong med utredning av etablering av pasienthotell ved Lærdal sjukehus og dei ynskjer å styrke og vidareutvikle tilbodet av polikliniske tenester ved lokalsjukehuset. Gjennom dialogen med helseføretaket er uvissa kring lokalsjukehuset avklara. Det er tydeleg at Helseføretaket satsar på eit livskraftig lokalsjukehus med gode tenester til innbyggjarane i regionen også i framtida. Vurdering: Kommunestyret skal i denne saka ta stilling til om og ev. i kva grad Luster kommune skal delta i vidare arbeid med utgreiing og konkretisering av eit Sogn LMS i Lærdal. Grunnlaget for rådmannen si vurdering av deltaking i fase to/forprosjektet og dei ulike delprosjekta, er i hovudsak 1) status innan det aktuelle tenesteområde i Luster kommune, 2) gjeldande nasjonale og lokale føringar/vedtak/planar og 3) arbeidet med forstudien. Det må etter rådmannen si vurdering leggjast stor vekt på at Luster kommune er godt i gang med gjennomføring av lokale politiske vedtak for å følgje opp samhandlingsreforma. I tillegg ser ein klart etter forstudien at deltakande kommunar har ulik ståstad og ulike planar som kan gje ulik grad av deltaking, jf følgjande formulering i invitasjonen frå Lærdal kommune: Om og på kva måte kommunen ønskjer å vere med vil vere avhengig av den einskilde kommune sine behov, ønske, økonomiske, personal og driftsmessige føresetnader og evner (..) Me ser at kommunane har ulike ståstader og interesser ut frå lokale skilnader og prioriteringar. Side 5 av 8

6 Vurdering av deltaking i delprosjekt 1: Legevakt, akutt- og intermediære senger: Legevakt: I pkt i sluttrapporten seier arbeidsgruppa følgjande i høve behovet for legevakt: I høve til etablering av eit LMS ved Lærdal sjukehus så ser arbeidsgruppa det som nødvendig at ein etablerer ei interkommunal legevakt ved sjukehuset som ein basis for å utvikle andre tenester. Ei slik legevakt må ha lege stasjonert ved sjukehuset (s.22). I høve Luster kommune og ev. legevaktvurdering har arbeidsgruppa sagt følgjande: Luster, Sogndal og Leikanger ser i dag ikkje behov for legevaktsamarbeid i form av ei felleslokalisering av legevakt for sine innbyggjarar ved Lærdal sjukehus (s 22). I same avsnitt står det og at desse kommunane kan vere interessert i å kjøpe ringeteneste på natt i form av at legevaktslege på legevakt i Lærdal siler telefonar frå pasientar slik at ein får ei vurdering frå ein lege på om dette er noko som må tilsjåast av legevaktslegen i den enkelte kommune som har vakt eller om det kan vente til dagen etter. Grunnlaget for dette finn ein på side 8 i sluttrapporten: Helse Førde HF har kome med utspel til kommunane om at dei ikkje ser for seg å drifte legevakttelefonen ved Lærdal sjukehus lenger og at kommunane enten lyt overta denne teneste sjølv, eller så vert tenesta lagt til Førde. Dette innspelet kom heilt mot slutten av arbeidet med forstudien og det er seinare avklara at Luster kommune på kort sikt vil kjøpe denne tenesta frå AMK ved Førde sentralsjukehus. Dette fordi kommunen må ha denne tenesta og dette er den beste løysinga. Saka må ev vurderast på nytt om det på sikt vert moglege å kjøpe denne tenesta frå eit Sogn LMS i Lærdal Rådmannen si vurdering er at Luster kommune har ei godt fungerande legevakt og rådmannen ser ikkje at denne bør vurderast på nytt no. Legevaktorganiseringa var opp til vurdering i eiga sak i 2005 og rådmannen tilrådde da eit legevaktsamarbeid med Sogndal og Leikanger etter ein vertskommunemodell med Sogndal som vertskommune. Kommunestyret gjorde den følgjande vedtak (sak 48/05): 1) Luster kommune vil ikkje gå inn for felles legevakt ned Sogndal og Leikanger. 2) Rådmannen blir bedt om å utarbeide ein rapport om rekrutteringsarbeid for legar i Luster. 3) Det blir vidare bedt om framlegg på evt. tiltak for det vidare arbeidet med rekruttering. Rapport med tiltak blir å legge fram for kommunestyret innan utgangen av ) Prosess for det vidare arbeidet samt drøfting av rapporten og evt. framlegg til tiltak, blir å ta opp i formannskapet i god tid før saka blir fremja på nytt. Prosess for det vidare arbeidet skal òg drøftast. Saka om legevaktorganiseringa har ikkje vore teke opp etter dette. Rådmannen har fylgt opp vedtaket og lagt til grunn at Luster skal ha eige legevakt. Samstundes vil rådmannen peike på at det ikkje kan utelukkast at drifta av dagens legevakt i Luster kan bli utfordra i framtida, og at ein da truleg må vurdere alternative samarbeidsløysingar. Akutt- og intermediære senger: I sluttrapporten har arbeidsgruppa følgjande vurdering i høve dette spørsmålet: Ved etablering av ein regional sengepost ved Lærdal sjukehus er 4 sengeplassar vurdert å vere dekkande i høve til behovet for akuttsenger dersom alle kommunane vel å nytte Sogn LMS. Per i dag ser ikkje Vik, Sogndal og Luster behov for å nytte eit slikt tilbod (s.7). Dette vert fylgt opp slik under pkt i same rapport: Side 6 av 8

7 Nokre kommunar har planar om å opprette døgntilbod ved øyeblikkeleg hjelp i eigen kommune allereie frå inneverande år, medan fleirtalet av kommunane ikkje har planar om å opprette eit slikt tilbod i eigen regi (s.22). Bakgrunn for dette standpunktet er for Luster sin del kommunen sin helse- og omsorgsplan og særleg kommunestyret sitt vedtak frå februar i år om etablering av ny korttidsavdeling og framtidig augeblikeleg hjelp tilbod (K. sak 18/12, jf skildring av dette over). Dette arbeidet er no godt i gang i høve bemanning, utbygging og dialog med Helse Førde HF. Med grunnlag i status i høve legevakt og pågåande arbeid med etablering av korttidsavdeling og augeblikkleg hjelp tilbod, er rådmannen si tilråding at Luster ikkje bør delta i delprosjekt 1. Luster sin ståstad i høve dette har vore den same i heile forstudiefasen og har vore signalisert tydeleg av kommunen sin helsesjef i arbeidsgruppa, av rådmannen i styringsgruppa og av rådmannen og ordføraren i eit innlegg i Sogn Avis i februar i år der dei skriv (utdrag): Kommunane har i utgangspunktet eit ulikt tenestenivå og ulik økonomi. Dette heng saman med ulik kommunestorleik, ulikt busettingsmønster, ulik nærleik til sjukehus, ulik organisering av legevakt, ulik rekruttering mv. Det særeigne med Luster er at vi er den desidert største kommunen (areal), vi har ei god helseteneste, vi har vore gode på rekruttering, vi har eiga legevaktordning, vi har eiga ambulanseteneste og vi har ei godt utbygd pleie- og omsorgsteneste med eitt unnatak: Vi manglar korttidsplassar på sjukeheimsnivå. Ut frå dette vedtok kommunestyret i 2009 at vi skulle etablere ei eiga korttidsavdeling. Dette følgde vi opp ved eit utbyggings- og løyvingsvedtak no i februar. I tillegg vedtok vi nokre andre tilpassingar, som utvikling av 4 augeblikkleg hjelp plassar (ØH) som skal vere i drift seinast frå 2016, jf. nytt lovkrav. Denne interne omstillinga, frå berre langtidsplassar til også korttidsplassar og eit fåtal ØH-plassar, har Luster kommune vore heilt opne i arbeidet med «Lærdalsprosjektet». Og vi har ikkje fått «merknader» frå nabokommunane til dette. Luster kommune ser ingen motsetnad i det å gjere gode omstillingar i eigen kommune og det å vere med i eit ev lokalmedisinsk senter i Lærdal. Utgangspunktet vårt vil vere at innbyggjarane våre skal ha gode tenester og at vi skal ha ein effektiv ressursbruk. Det vi greitt kan gjere lokalt, det bør vi gjere lokalt. Og der vi er for små, bør vi samarbeide i regionen og med Helse Førde. Vurdering av deltaking i delprosjekt 2: Fagnettverk for ulike pasientgrupper: Kva som ligg i dette er skildra slik i punkt i sluttrapporten: Det å drive med kompetanseutvikling og målretta forbetringsarbeid er utfordrande i ein liten kommune med avgrensa tal på fagpersonar og tilgjengelege ressursar. Vidare kjem fleire kommunar med tilbakemelding på at dei i liten grad har forskingskompetanse i eigen kommune. Fleire opplever eit behov for auka innsikt og kunnskap i høve til brukargrupper, men at ein ikkje er i stand til å gjennomføre slike prosjekt i isolasjon. I høve til etablering av fagnettverk er det naudsynt å involvere spesialisthelsetenesta slik at ein sikrar tilgong på spesialisert kompetanse og rettleiing slik at ein kan utvikle meir spesialisert kunnskap i kommunane. Dersom ein etablerer fagnettverk på tvers av kommunane i høve til store diagnosegrupper så kan desse saman byggje større kompetanse, utforme betre rutinar og system for kompetanseheving i tenesta i eigen kommune og vere ein ressurs både inn mot direkte pasientbehandling og inn mot forbetring av kvaliteten i tenestene i eigen kommune. Rådmannen er samd i denne vurderinga og vil tilrå at Luster kommune deltek i vidare arbeid med delprosjekt 2. Samstundes er det ei utfordring at det vert etablert mange nettverk som i Side 7 av 8

8 sum er svært ressurskrevjande gjennom mykje oppfølging, arbeid frå mange mm. Som ein del av arbeidet med prosjektplanen for fase to/forprosjektet vil rådmannen difor gjere ei samla vurdering av tilsette si deltakinga i ulike fagnettverk. I dette ligg og ei nærare vurdering av omfanget av deltaking i delprosjekt 2. Vurdering av deltaking i delprosjekt 3: Standardiserte pasientforløp for ulike pasientgrupper. Kva som ligg i dette er skildra slik i punkt i sluttrapporten (utdrag): Standardiserte pasientforløp er ein metode for å gje eit heilskapleg koordinert helsetilbod til ulike målgrupper. Dette betyr at ein utarbeidar retningslinjer og rutinar i høve til korleis ein skal møte brukarar med ulike diagnosar og kva oppfølging desse skal ha av dei kommunale tenestene og spesialisthelsetenesta. Eksempelvis kan eit utforme slike retningslinjer i høve til store grupper av kronikarar som t.d. KOLS, diabetes og demens. Ein slik rettleiar vil då angi ansvar for ulike oppgåver, når ein slik brukar skal ha besøk av heimetenesta, når fastlegen skal ha tilsyn med brukaren, involvering av andre tenester i form av tilrettelegging av bustad og liknande. På samen vis kan ein utforme slike retningslinjer for pasientar som har kome i retur frå sjukehus for å leggje til rette for god rehabilitering og mottak i kommunen slik at ein hindrar retur til sjukehus (..) For pasientane og helsepersonell kan slik arbeidsmetodikk bidra til auka kvalitet i tenesta, sikre systematikk ved at tenesta ikkje er personavhengig og bidra til lik behandling, førebygge reinleggingar ved at ein får i gang tiltak raskt ved forverring og bidra til at brukarane er i stand til å vere lengre i eigen heim eller forsterka bustadtilbod. Rådmannen er samd i denne vurderinga og vil tilrå at Luster kommune deltek i vidare arbeid med delprosjekt 3. Graden av deltaking må vurderast i samband med utarbeiding av den detaljerte prosjektplanen for fase to/forprosjektet. Dato: Jarle Skartun rådmann John Olaf Røhme ass. rådmann Særutskrift skal sendast: m/kopi til:... Sett inn saksutredningen over denne linja Side 8 av 8