DATO: SAKSHANDSAMAR: Anne Kristine Breivik SAKA GJELD: Mellombels særavtale om øyeblikkeleg hjelp døgnopphald for Vaksdal kommune

Transkript

1 STYRESAK GÅR TIL: FØRETAK: Styremedlemmer Helse Bergen HF DATO: SAKSHANDSAMAR: Anne Kristine Breivik SAKA GJELD: Mellombels særavtale om øyeblikkeleg hjelp døgnopphald for Vaksdal kommune STYRESAK: 21/16 A STYREMØTE: FORSLAG TIL VEDTAK 1. Styret i Helse Bergen gjer sin tilslutning til at Helse Bergen HF inngår mellombels særavtale til Tenesteavtale nr. 4 om døgnopphald for øyeblikkeleg hjelp som førelagt, med Vaksdal kommune. 2. Styret i Helse Bergen ber om at avtalen blir publisert på vår felles internettside for samhandling (

2 Oppsummering Helse Bergen HF, Haukeland universitetssjukehus har saman med Vaksdal kommune forhandla fram ein mellombels særavtale til tenesteavtale 4 om etablering og drift av kommunalt tilbod om døgnopphald for pasientar som har trong for øyeblikkeleg hjelp på kommunalt nivå. Slike kommunale tilbod blei pålagt ved lov frå 1. januar 2016 og skal etablerast i eit samarbeid mellom kommunar og spesialisthelsetenesta. Hausten 2015 retta Vaksdal kommune ein førespurnad til Voss kommune om å få ta del i deira interkommunale tilbodet om øyeblikkeleg hjelp døgnopphald. Voss kommune har stilt seg positive til at Vaksdal kommune også kan inkluderast i det interkommunale tilbodet i løpet av Vaksdal kommune ønskte å ha på plass eit tilbod om ØHD for sine innbyggjarar når den kommunale plikta blei sett i verk den 1. januar Kommunen tok difor kontakt med Helse Bergen HF, Haukeland universitetssjukehus og spurte om sjukehuset kunne bidra til ei mellombels løysing fram til Vaksdal kommune kan innlemmast i det interkommunale tilbodet ved Voss sjukeheim. Partane har drøfta situasjonen og har i fellesskap kome fram til ei mellombels løysing slik det går fram av vedlagte avtale. Vedlagte særavtale skal behandlast politisk i Vaksdal kommune og i styret for Helse Bergen. Etter at begge partar har signert avtalen skal han leggjast ut på den felles nettsida Fakta Bakgrunn for avtalen Eit av tiltaka i samhandlingsreforma er lovfesting av kommunane si nye plikt til å syte for tilbod om døgnopphald for pasientar som har trong for øyeblikkeleg hjelp (ØH) på kommunalt nivå. Plikta går fram av Lov om kommunale helse- og omsorgstjenester (helse- og omsorgstenestelova) 3-5, 3. ledd der det står: Kommunen skal sørge for tilbud om døgnopphold for helse og omsorgstjenester til pasienter og brukere med behov for øyeblikkelig hjelp. Plikten gjelder kun for de pasienter og brukere som kommunen har mulighet til å utrede, behandle eller yte omsorg til. Det er ein føresetnad at tilbodet skal vere betre eller like godt som eit alternativt tilbod i spesialisthelsetenesta, og at det skal bidra til å redusere talet på ØH-innleggingar i spesialisthelsetenesta. I perioden frå 1. januar 2012 då helse- og omsorgstenestelova trådte i kraft, og fram til og med 31. desember 2015, har tilbodet om øyeblikkeleg hjelp døgnopphald (ØHD) blitt fasa inn i ei rekkje kommunar, også i Helse Bergen, Haukeland universitetssjukehus sitt opptaksområde. I denne perioden har dei kommunane som har fått innvilga tilskot frå Helsedirektoratet og har starta opp tilbodet om ØHD, fått fullfinansiert dette etter ein fast sats. Helsedirektoratet har frå oppstart og fram til 1. januar 2016 dekt 50 % av satsen for finansieringa av tilbodet gjennom tilskotsordninga, og det tilhøyrande helseføretaket har dekt dei resterande 50 %. Frå 1. januar 2016 fekk alle kommunar ei lovbestemt plikt til å sørgje for tilbod om ØHD i 2

3 kommunen og tilbodet er frå 1. januar 2016 finansiert av staten via rammebevillinga til kommunane. Ulvik herad, Granvin herad, Kvam herad (natt) og Eidfjord kommune har tidlegare etablert eit samarbeid med Voss kommune om etablering av ØH-døgnopphald. Voss kommune har tatt på seg å vere vertskommune for eit interkommunalt tilbod om ØHD. I denne samanheng har Voss kommune inngått tosidig samarbeidsavtale etter kommunelova 28-1 b og e, med dei nemnde kommunane om heilt eller delvis å levere tilbod om kommunal ØHD til deira innbyggjarar. Det har vore dialog mellom kommunane Vaksdal og Voss omkring deltakinga i det interkommunale legevaktsamarbeidet og i det interkommunale tilbodet om ØHD med Voss kommune som vertskommune. Hausten 2015 retta Vaksdal kommune ein førespurnad til Voss kommune om å få ta del det interkommunale tilbodet om ØHD. Voss kommune har stilt seg positive til at Vaksdal kommune også kan inkluderast i det interkommunale tilbodet, men ikkje frå oppstart. Voss kommune starta drifta av dei 3 interkommunale ØHD-plassane den 4. januar 2016, men inntil den nye avtalen om interkommunal legevakt er vedtatt i alle samarbeidskommunane, ønskjer ikkje kommunen å utvide ØHD-tilbodet med ein ekstra kommune. Vaksdal kommune ønskte å ha på plass eit tilbod om ØHD for sine innbyggjarar når den kommunale plikta blei sett i verk den 1. januar Kommunen tok difor tatt kontakt med Voss sjukehus, Haukeland universitetssjukehus, Helse Bergen og spurte om sjukehuset kunne bidra til ei mellombels løysing fram til Vaksdal kommune kan innlemmast i det interkommunale tilbodet ved Voss sjukeheim. Partane har drøfta situasjonen og har i fellesskap kome fram til ei mellombels løysing slik det går fram av vedlagte avtale. Helse- og omsorgstenestelova forpliktar kommunar og regionale helseføretak til å inngå samarbeidsavtale som skal bidra til at pasientar og brukarar får eit heilskapleg tilbod om helse- og omsorgstenester ( 6-1), sjå Helse Bergen si styresak 06/12, behandla i styremøte den 24. januar Avtalane mellom kommunane og det regionale helseføretak skal også omfatte «beskrivelse av kommunens tilbud om døgnopphold for øyeblikkelig hjelp etter 3-5, 3. ledd», jamfør helse- og omsorgstenestelova 6-2 nr. 4. Helse Vest RHF har i brev av bedt helseføretaka om å inngå og vere part i samarbeidsavtalane med kommunane, jf. spesialisthelsetenestelova 2-1 e, 2. ledd. Etter at partane har signert avtalane skal dei leggjast ut på den felles nettsida om samhandling ( jf. helse- og omsorgstenestelova 6-4. Helsedirektoratet har gitt ut rettleiingsmateriell for det kommunale ØHD-tilbodet, jf. "Kommunenes plikt til øyeblikkelig hjelp døgnopphold. I vedlegg 2 til rettleiaren frå 2012 står mellom anna berekningsgrunnlaget for plikta til ØHD for kvar einskilde kommune. Det går fram av berekningsgrunnlaget at antatt liggedøgn for Vaksdal kommune er 248 per år. Det svarar om lag til 0,7 seng. Vaksdal kommune har konkludert med at det ikkje er hensiktsmessig ut frå krava som blir stilt til ØHD tilbod å etablere dette i eige kommune. Mellom anna vil ikkje den legevaktordninga kommunen har på noverande tidspunkt tilfredstille krava om rask responstid for lege alle dagar, heile døgnet. 3

4 På grunnlag av dette har Helse Bergen HF kome til at vi ønskjer å bidra til at Vaksdal kommune oppfyller sin plikt til å sørgje for tilbod om ØHD i tida frå 1. januar 2016, fram til Vaksdal kommune kan innlemmast i det interkommunale tilbodet ved Voss sjukeheim. Denne løysinga er ikkje i samsvar med målet frå sentrale styresmakter om at kommunalt ØHD-tilbod skal redusere talet på innleggingar i spesialisthelsetenesta for dei aktuelle pasientgruppene. Særavtalen er difor ein mellombels avtale og gjeld frå 1. januar 2016 og maksimalt fram til 31. desember I denne perioden har kvar av partane høve til å seie opp avtalen skriftleg, med 1 månads frist. ØHD-tilbodet for pasientar frå Vaksdal kommune blir i denne perioden lokalisert til Voss sjukehus. Partane er samde om at sjukehuset ikkje skal reservere ei spesiell seng til desse pasientane, men plassere pasientane der ansvarleg helsepersonell ved sjukehuset finn det rett avhengig av pasientens tilstand. Styret har tidlegare godkjent avtalar om etablering og drift av kommunal ØHD i dei andre kommunane i Helse Bergen sitt føretaksområde. Avtale som gjeld for kommunane Fjell og Sund blei behandla på styremøte 26. april 2012 (sak 28/12 A), for Os kommune på styremøte 29. mai 2012 (sak 39/12 A), for kommunane Øygarden og Fusa på styremøte den 22. juni 2012 (sak 47/12 A), for Askøy i styremøte den 24. januar 2013 (sak 08/13 A), for Kvam herad og Voss kommune 21. februar 2013 (sak 19/13 A), for Austevoll kommune (sak 18/14 A) og for Bergen kommune på styremøte den 28. januar 2016 (sak 10/16 A). Kommentarar Nivå på avtalen Det vedlagte forslaget til avtale i denne saka er formelt sett ein særavtale til felles «Tenesteavtale 4, Skildring av kommunen sitt tilbod om døgnopphald for øyeblikkeleg hjelp etter 3-5, 3.ledd» etter Helse- og omsorgstenestelova 6-2 nr. 4. På styremøte den 22. juni 2012 (sak 46/12 A) gav styret sin tilslutning til at Helse Bergen HF inngjekk tenesteavtale 4 med kommunane i vårt opptaksområde. I denne tenesteavtalen står det at det i tillegg til tenesteavtale 4 skal utarbeidast særavtalar når kommunane er klare for å etablere eit slikt tilbod, og kommunen og sjukehuset er samde i at det blir etablert tilbod om ØH-døgnopphald. Finansiering av tilbodet Kommunale tilbod om øyeblikkeleg hjelp døgnopphald er frå 1. januar 2016 finansiert av staten via rammebevillinga til kommunane. Vaksdal kommune har fått rammetilskot for å drifte eit kommunalt ØHD-tilbod for sine innbyggjarar. På grunnlag av dette er partane samde om at Vaksdal kommune skal betale Voss sjukehus, Haukeland universitetssjukehus, Helse Bergen ein pris per døgn i den perioden Voss sjukehus oppfyller Vaksdal kommune si plikt til å sørgje for eit tilbod om døgnopphald for helse- og omsorgstenester til pasientar og brukarar med behov for øyeblikkeleg hjelp. Døgnprisen er rekna ut frå den summen Vaksdal kommune har fått i rammetilskot for å drifte eit kommunalt tilbod om ØHD (kr ,-), delt på talet på døgn i

5 Vaksdal kommune skal i samsvar med dette betale kr. 3289,62 per døgn i den perioden denne avtalen gjeld. Konklusjon Særavtalen sendes til styret i Helse Bergen for behandling. Etter at særavtalen er behandla, godkjent og signert av begge partar skal avtalen publiserast på vår felles internettside, Vedlegg: 1. «Mellombels særavtale om døgnopphald for øyeblikkeleg hjelp lokalisert til Voss sjukehus» (dvs. særavtale til tenesteavtale nr. 4) 2. Tenesteavtale nr. 4 slik den blei vedteken i styret i 2012 (sak 46/12 A) 5