LANGTIDSPLAN FOR BRUSAND IDRETTSLAG 2010-2013 Innleiing Brusand idrettslag ynskjer å kunna gje ungdom og eldre eit sosialt og idrettsleg tilbod. Planen strekker seg over ein 3-års periode fram til 2013. Ein vil konkretisere planen kvart år etter vedtak på årsmøtet i Brusand IL. Laget tek sikte på å revidera planen kvart tredje år. Det er hovudstyret i samarbeid med ei arbeidsgruppe som legg fram det reviderte forslaget, for å få årsmøtet si godkjenning. Arbeidsgruppa er valt av hovudstyret. Planen er eit styringsreiskap som klubben er pålagd frå årsmøtet, og det er berre årsmøtet som kan gjera endringar av planen, etter innstilling frå hovudstyret. LANGTIDSPLANEN GJELD ETTER: 1. Lover frå Brusand idrettslag 2. Årets budsjett 3. Vedtak frå siste ordinære årsmøte, eller ekstraordinære årsmøte Ansvaret for gjennomføring av planen har hovudstyret via gruppene og komiteane sine. Planen er delt inn i følgjande hovudgrupper: 1. Sportslege mål 2. Drift av laget 3. Anlegg 4. Økonomi/rekneskap Vi vonar langtidsplanen vil føra til debatt om retninga for Brusand idrettslag i framtida. 1
1. Sportslege mål 1.1 Fotball Brusand IL har i dag ei stor fotballgruppe som driv det bra på mange område. Målsetjinga for fotballgruppa: - Kunna gje eit tilbod til alle mellom 7 og 18 år av begge kjønn i aldersbestemte klassar - All fotball og barneidrett skal drivast etter NIF og NFF sine retningslinjer - Det bør vera eit mål å få flest mogleg unge spelarar frå eigen klubb til A- laget/damelaget. Men spelarar utanfrå som ynskjer å vera med, skal alltid vera velkomne - Heile klubben må arbeida for at yngre klassar skal fortsetja fram til seniornivå. - Klubben bør aktivt melda på spelarar med gode ferdigheitar til sonesamlingar - Minst to lag i aldersbestemte klassar bør delta i ei større sportsleg turnering - A-laget bør ha som mål å rykkja opp til 4. divisjon - På juniornivå skal det vera påmeldt lag etter kor mange spelarar det er innom den aktuelle årsklassen, og det er svært viktig å ha eit rekrutteringslag som fangar opp dei som fell utanfor A-laget - Fotballgruppa skal stå som arrangør av ei større fotballturnering for aldersbestemte lag - Ha eit best mogleg samarbeid med dei andre gruppene i laget - Utanom desse hovudmåla, må fotballgruppa utarbeida målsetjing/aktivitetsplan for det enkelte lag for sesongen 1.2 Handball Brusand IL har i dag ei handballgruppe som starta opp i 1996. Målsetjing for handballgruppa: - All handball og barneidrett skal drivast etter NIF og NHF sine retningslinjer - Å skapa eit sosialt og godt miljø innan handballgruppa og i idrettslaget - Skapa eit miljø i Ognahallen/kafeen, der både eldre og yngre kan møtast 2
- Handballgruppa skal gje barn eit tilbod når dei er ferdige innan barneidretten - Ta sikte på å stilla lag i serien innan dei aldersbestemte gruppene - Stabilisera Damer A i 5. divisjon - Trenar med erfaring frå handball til alle gruppene, pluss å gje trenarar og oppmenn kurstilbod - Utdanna dommarar etter kretsen sine krav - Forsøka å få i gang ei inntekstbringande turneringar eller liknande 1.3 Innebandy - Brusand IL har i mange år hatt ei innebandygruppe som har delteke i seriespel. Denne gruppa er ikkje aktiv lengre. Det må vere ei målsetting å få ny aktivitet i innebandyen. 1.4 Idrettsskulen Med idrettsskulen skal Brusand IL gje eit tilbod til dei minste frå 4 til 10 år. Det skal vera eit tilbod som er spanande og sosialt (også for foreldra), og allsidig. Trivsel er eit nøkkelord. Gjennom idrettsskulen skal vi freista å engasjera både barn og foreldre, og rekruttera framtidige leiarar blant foreldra. Gjennom idrettsskulen får mange foreldre sitt første møte med idrettslaget. Det er viktig at Brusand IL framstår på ein positiv og god måte. Brusand IL bør gjennom idrettsskulen leggja opp til eit aktivt samarbeid med naboklubbane våre. 1.5 Nye grupper/aktivitetar Brusand IL bør sjå positivt på initiativ til det å oppretta nye grupper, men må samstundes vurdera i kor stor grad den nye gruppa konkurrerer om medlemmar som allereie er aktive. Det er viktig at BIL ikkje spreier ressursane sine over så mange forskjellige område at dei ikkje klarer å halda gangen i noko. 3
Sykkelgruppe Det er oppretta ei sykkelgruppe, men det bør vera større breidde for dei som deltek. Styret må arbeida for å få til fleire nivå. Treningsrom Det er eit mål å få i gang treningsrom i denne perioden. Hovudstyret bør oppretta ei gruppe som tek seg av plangleggjing og utføring. Det bør vera eit mål at drifta av dette tilbodet skal vera inntektbringande. Seniorgruppe Det må undersøkast om det er pensjonistar som vil ta initiativ til å starta ei trim- og aktivitetsgruppe. Der bør kafeen i Hallen vera ein sentral møteplass. 2. Drift av laget 2.1 Utdanning og opplæring For å auka kompetansen, må laget tilby medlemmer og tillitsvalde kurs og opplæring. - Tillitsvelde bør få tilbod om administrative kurs kvart år - Trenarkurs til dei som ønskjer det - Kvart år bør flest muleg gå på dommarkurs. I tillegge bør ein motivere og rekruttere ungdom på aldersbestemte lag (frå 13 år og oppover ) til dommarkurs - Klubben bør leggja til rette for at trenarar og leiarar får delta på intern opplæring før sesongen startar - Klubben bør sørgje for opplæring i førstehjelp til trenarar og oppmenn - Alle utgifter til kurs skal dekkjast av klubben 2.2 Informasjon Det er viktig at flest mogleg får riktig og god informasjon om idrettslaget. - Laget skal verta betre kjend i bygda og i kommunen. Her kan heimesida, www.brusand-il.no, brukast aktivt - God informasjon til dei aktive sine heimar den einskilde gruppa har ansvar for dette 4
- Gje ut BIL- posten tre gonger i året - Kontakt med massemedia, og arbeida aktivt for at informasjon vert gjeven gjennom desse 2.3 Samarbeid med andre lag Generelt bør vi ha eit ope og godt forhold til alle andre lag og organisasjonar i bygdene rundt oss. For laget vårt må det vera naturleg å samarbeida med andre lag som driv idrett. - Godt samarbeid med Brusand Turn - Samarbeida med andre lag i aktuelle arrangement eller idrettslege tiltak 2.4 Brusand IL og Ogna skule Vi samarbeidar med skulen for at begge partar kan utnytta kunstgrasbanen og hallen på beste måte. - Ha jamleg kontakt med Ogna skule - Behalda avtalen med skulen og kommunen om bruk av hallen i skuletida 2.5 Miljø eit lag for alle Eit godt miljø og trivsel er svært viktig for laget. Alle skal trivast og føla seg velkomne. Arbeida for å vidareutvikle eit godt idrettsmiljø i heile laget. - Miljøarrangement, så som turar, dugnad eller samkome av ulike slag, bør vidareutviklast i laget - Vi må arbeida for ei sterk klubbkjensle for Brusand idrettslag - Det skal vera ein språkbruk i laget som ikkje støyter nokon i frå oss - Idrettsaktivitetar skal vera frie for alkohol og andre rusmiddel 5
2.6 Idrettsmøte Det er viktig at klubben deltek på dei ulike idrettsmøta for å få innsyn i, og kjennskap til korleis organisasjonar og lag arbeider. - Senda utsendingar til krets- og forbundsting. Dette må vurderast økonomisk - Ha representant frå laget i Idrettsrådet i Hå. 3. Anlegg Brusand IL ynskjer at Ognahallen skal vera eit samlingspunkt for folket på Brusand, Ogna og i Sirevåg. I dag har BIL aktivitetar på tre forskjellige stader. Ognahallen, kunstgrasbanen og ballbingen ligg på Ogna, bingoen er på kommunehuset på Brusand, og stadion med grasbanen ligg på Kvalbein. Denne spreiinga av verksemda fører til ekstra arbeid og organisering. Det er difor eit mål for oss å samla all aktiviteten til Brusand idrettslag på ein stad, ved Ognahallen. Det er ikkje berre det praktiske og organisatoriske som er argument for utvidinga av BIL sitt tilbod i samband med Ognahallen. Vel så viktig er det at Brusand idrettslag ynskjer å vera ein miljøskapar, og då er det viktig å ha mange og gode aktivitetar på same staden. Målsettinga må vere at idrettsanlegget framstår som eit moderne nærmiljøanlegg. Økonomisk vil dette på sikt gje Brusand IL fleire bein å stå på ved bruk av nærmiljøanlegget til ulike typar arrangement. Det må arbeidast vidare med grasbanar på Ogna. 3.1 Nye anlegg Brusand idrettslag vil arbeida for å bygga ut nærmiljøanlegget på Ogna: - I kommuneplanen ligg det føringar for to grasbanar på austsida av hallen. Det er viktig å realisera desse planane for å letta arbeidet i laget, for å betra kvaliteten på det tilbodet vi gjev i dag, og for å skapa og vidareutvikle eit godt sportsleg miljø i klubben vår. 6
3.2 Vedlikehald Laget må legga vekt på å halda anlegga i god stand, slik at dyre utbetringar grunna dårleg vedlikehald vert unngått. Alt vedlikehald bør verta gjort som eigeninnsats/med eigne midlar/tilskot, og ikkje finansierast med langsiktig lån. 3.3 Drift Drift av anlegga bør i hovudsak verta utført som dugnadsinnsats med tilrettelegging frå dagleg leiar. Drift av Ognahallen bør verta utført etter same mønster. Grasklypping på Kvalbein stadion, og ved nærmiljøanlegget på Ogna, må som tidlegare verta utført av Hå kommune. 4 Økonomi 4.1 Bruk av budsjett Laget har hatt ein stor vekst i omsetnaden. Dette gjer at det vert stilt strengare krav til styring av økonomien. For å kunna planlegga aktiviteten betre, er det viktig at budsjettarbeidet er grundig. Dette vil skapa større tryggleik for laget. - Gruppene utarbeidar budsjettforslag til hovudstyret - Budsjettet skal avspegla forventa aktivitet i gruppene - Kvar månad skal rekneskapet kontrollerast opp mot budsjettet på gruppenivå i hovudstyret - Hovudstyret skal søkja fram eit budsjett som går i overskott til årsmøtet, for å opparbeida eigenkapital til framtidige investeringar 7
4.2 Leige av rekneskapstenester BIL nyttar i dag ekstern bokføring og vil halda fram med det. 4.3 Innkjøpsrutinar m.m. Dagleg leiar har ansvar for innkjøp av forbruksmateriell. BIL nyttar i hovudsak dei firma som har gjeve laget økonomisk støtte. 4.4 Eksisterande inntekter Brusand IL har fleire arrangement som betyr mykje for laget. Bingoen, juledansen, basaren, julemesse og kunstutstilling. Desse arrangementa må vidareutviklast. - Betra dei inntektskjeldene vi har nå - Auka talet på medlemmer - Nytta dei høve som er til å ta på seg dugnadsoppdrag - Ha Hå kommune som fast leigetakar på dagtid i hallen 4.5 Framtidige inntekter Laget har gjort seg avhengig av nokre få store inntektskjelder. Ein må i framtida freista å få fleire bein å stå på. - Søkja å etablera faste arrangement som gjev store inntektsmoglegheiter - Betra dei inntektskjeldene som kan koma av aktiv marknadsføring av Ognahallen - Ny og større fotballturnering når kunstgrasbanen på plass - Vurdera å få i gang eit lotteri av eit eller anna slag på vårparten - Vurdera muligheiter for å dra i gang messe, bygdedagar, familiekonsert eller liknande 8