Årsmelding Øystese Fotball 2012

Transkript

1 Årsmelding Øystese Fotball 2012 Styret Styret fram til : Leiar: Per Dysterud Skrivar: Arild Lillevik Styremedlem: Per Magne Normann Styremedlem: Andre Laupsa Styremedlem: Ingmar Sægrov Styremedlem: Roger Vassnes Styremedlem: Sigmund Vik Styremedlem: Kristi Opsanger Styret frå og med : Leiar: Karsten Samland Skrivar: Kari Øystese Styremedlem: Hallgeir Botnen Styremedlem: Andre Laupsa Styremedlem: Terje Melstveit Styremedlem: John Johansen Styremedlem: Sigmund Vik Styremedlem: Arild Lillevik Valkomité: Rekneskap: Rune Vik, Vidar Østerbø, Arild Lillevik Vekstra Administrasjon frå Dagleg leiar: Roger Vassnes Dagleg leiar Hardanger Talentutvikling: Ingmar Sægrov Dagleg leiar Telenor Xtra fotballsfo: Anders Næs Møte og arbeid i styret Styret har i 2012 hatt i alt 11 styremøte og 2 arbeidsmøter. Styreleiar møter fast i styret i Øystese Idrettslag. Frå og med november gjekk Øystese Fotball over til ny organisasjon der styret legg føringar for dei ansatte og sportsplanen medan administrasjonen/dei ansatte gjer dei oppgavane som styret setter dei til og følgjer føringane i sportsplanen

2 Organisasjon Klubben har i dag tre tilsette, med i alt 2 stk 100 % stillingar. Klubben sin daglege leiar gjer jobben på dugnad medan dagleg leiar Hardanger Talentuvikling og dagleg leiar Telenor Xtra FotballSFO vert lønna gjennom Hardanger Talentuvikling. På sikt bør ein vurdere å ansette ein dagleg leiar i ein lønna stilling men det er pr dags dato ikkje nok økonomi i klubben til det. Hardanger Talentuvikling AS er eit selskap der Øystese Fotball har skutt inn 50% av aksjekapitalen og Øystese Idrettslag har skutt inn 50% av aksjekapitalen. Men i og med at Fotballen er ein del av idrettslaget er Hardanger Talentuvikling 100% eigd av Øystese Idrettslag. Vekstra (tidlegare Hardanger Rekneskap) fører rekneskapen for Hardanger Talentuvikling. Sjå forøvrig eigen årsmelding frå Hardanger Talentuvikling Medlemmar Klubben har i 2012 hatt 318 aktive medlemar. Det har aldri vore fleire fotballspelarar i Øystese Fotball og ein hadde i 2012 heile 26 lag i seriesystemet som også er det høgaste antalet nokosinne Representasjon Ingmar Sægrov har vore på NFF sitt cupfinaleseminar. Roger Vassnes har stilt på møter i regi av Hordaland Fotballkrets. Og representantar for Øystese Telenor Xtra FotballSFO har stilt på NFF sine møter i regi av Telenor Xtra. Øystese Kunstgrasbane Den nye flotte utvida kunstgrasbanen i Øystese står no ferdig med gjerde, ballfangnett og innbyttarbuer. Banen i Øystese var for liten for spel i 3 divisjon og vart i løpet av året utvida 8 meter i lengden og 2 meter i breidden slik at speleflata er no 100x59 meter. Det inneberer at banen no er 1 meter for smal men dette får ein dispensasjon frå NFF slik at ein kan bruka banen i 3 divisjon. Takka vera generøst bidrag frå Trond Mohn, oppsparte midlar og ein enorm dugnadsinnsats vart det i løpet av hektiske veker i vår gjennomført følgjande: Banen vart utvida, ny tribune kom på plass med 400 seter frå Odd Grenland (henta på dugnad med lastebil av Rune Hammer og Helge Børven), nye innbytarbenkar, nytt 3 generasjons kunstgras på heile banen og ny utstyrsbu Styret vil takke alle som bidrog med dugnad i samband med Øystese kunstgras! Kapasiteten på bana er allereie sprengt på dei fleste tidspunkt. Dessutan er det mykje uorganisert aktivitet på bana på tidspunkt då den ikkje er i bruk av klubben sine lag. Slik at det er folk på bana omtrent heile tida Styret meiner derfor det er naudsynt å begynne jobben med å sjå seg om etter ny bane allereie no. Og sette av pengar til dette kvart år.

3 Sportslege resultat Sesongen 2012 var ein ny god sesong for Øystese Fotball. Herrar senior A-laget vårt leverte sterke resultat i 3 divisjon menn og enda til slutt på ein sterk 5 plass på tabellen. Laga på 2 og 3 plass (Florø og Voss) slo ein med solide siffer både borte og heime. Alle jevne kamper enda med 1 måls tap eller uavgjort. Øystese vann ingen kamper med mindre enn 2 mål slik at om ein kunne fått dei jevne kampane til å bikke i rett favør ville det hatt store utslag på sluttresultatet. I cupen klarte Øystese for fyrste gong i historia å kvalifisere seg til første ordinære runde etter å ha slått ut Stord (2-1 på bortebane) og Hovding (8-1 på heimebane). I første ordinære runde var Vard Haugesund motstander. Eit lag som rykka opp til Adeccoligaen i år. Sjølv om Øystese haldt følgje til 2-2 enda kampen med 5-2 siger for Vard Haugesund. Også i 2013 er målet å kvalifisera seg til 1 ordinære runde av cupen Hovudtrenar for herrar senior var Håkon Østevold og Johnny Mikal Gallefoss med Endre Hanssen som hjelpetrenarar. Herrar junior Målsetjinga for juniorlaget var i 2012 opprykk frå 3 divisjon, og dette målet klarte ein med god margin på slutten då juniorlaget vann 9-2 mot Gneist i den avgjerande opprykkskampen. Juniorlaget vart og kretsmeister i 3 divisjon etter å ha slått dei andre avdelingsvinnarane Minde (4-3) og Trott (4-1) 3 av juniorspelarane vart tatt opp i A stallen i løpet av året Hovudtrenar for junior var Ingmar Sægrov Ungdomsfotball Klubben har i 2012 hatt eit gutelag 96/97, eit gutelag 98 og eit smågutelag 99.I jenteklassen har ein hatt eit jentelag 96/97, eit jentelag 98 og eit småjentelag 99. Både gutelaget 96/97 og 98 vann sine avdelingar i 3 divisjon og kjempa om å verta kretsmester, men der kom begge laga til kort. Småguttelaget 99 vann sin avdeling og rykka opp til 1 divisjon der dei leverte mange sterke kamper men enda eit par poeng bak vinnaren av 1 divisjon Også jentelaget i 98 vann sin avdeling på våren og kvalifiserte seg med det til å spela i 1 divisjon. Også på dette nivået klarte jentene i 98 seg bra I tillegg til å delta i serien også laga vore med på høvesvis Regy Cup (det eldste gutelaget og det eldste jentelaget) og Sogndal Cup (dei andre laga). I Sogndal Cup fekk smågut 99 gleda av å vera pausekamp i eliteseriekampen mellom Sogndal og Fredrikstad. Gut 98 vann B sluttspelet og Jenter 99 tok bronse i B sluttspelet. Sogndal Cup er ein tradisjon for laga frå 11 til 14 år der Øystese har svært gode erfaringar både sportsleg og sosialt

4 Klubben har hatt følgjande representasjon på kretslag/utviklingstiltak : På gut 99 vart både Simon Høyland og Erlend Lilletveit Kvåle tatt ut på Talentsenter Vest. På gut 99 var i tillegg til Simon og Erlend; Sindre Gjøsæter, Benjamin Mikkelsen og Mathias Johansen på kretslagstreninger Barnefotball Det har i 2012 vore 18 lag i barnefotballen. Dei fleste av desse spelar i lokal serie men enkelte lag har spelt i Bergensserie pga av få andre lag lokalt i Hardanger. Gut 00, gut 01, jente 00 og jente 01 har alle deltatt i Bergensserie, 01 laga har i tillegg deltatt i lokal serie. Det er positivt at det i vår klubb deltek nesten like mange jenter som gutar i barnefotballen. På nokon trinn er bortimot 100% av ungane med på fotball. Barnefotballen er elles prega av positiv framgang og god/stor aktivitet. Berre i 2012 har laga frå klubben deltatt i fleire cupar, Walther Holmes Cup i Ålvik, Øystese Cup, Norheimsund sommercup, Fana Cup og Nordnes Cup er nokon av dei cupane der lag frå Øystese har deltatt. I seriespelet prøver ein å legge til rette for jevne kampar slik at ungane lærer seg både å tape og vinne, men det er fleire lag i barnefotballen som har til gode å tape ein seriekamp Sportsplan Gjeldande sportsplan er revidert og styret oppmodar alle trenarar og foreldre til å setta seg inn i sportsplanen som legg føringar for klubben. Utdanning Aktiviteten på utdanning har ikkje vore so høg som den burde. Ein har prøvd å iverksette C trenar kurs med Ingmar Sægrov som instruktør men pga for få påmeldte er det kurset utsatt. Målet er å ha utdanna trenarar på alle lag. Også på dommersida ser det tynt ut og klubben vil i starten av 2013 gjennomføre eit dommarkurs i Holmatun Nettsida Klubben har hatt ei eiga internettside som webredaktør Trygve Laupsa fornya i år. Heimesida har mellom 3 og 500 besøkande kvar dag og er soleis blant dei mest besøkte heimesidene i Kvam Fotballskular Klubben har i år arrangert tre fotballskuler. Cato Guntveit fotballskule i palmehelga med 80 deltakarar. TINE fotballskule like før skulestart med 100 deltakarar og islandsk fotballskule i haustferien med i alt 45 deltakarar.

5 Øystese Cup Øystese Cup vart arrangert for 1. gong i pinsehelga med 32 deltakande lag frå heile Hordaland og ca. 300 deltakarar. Det var eit vellukka arrangement både med omsyn til resultat og kvalitet. Øystese var velsigna med kanonvær i pinsehelga og omtrent alle lag sa at dette ville dei delta på også i 2013 Turneringsleiar for Øystese Cup i 2012 var Roger Vassnes Klubben vil også i 2013 arrangere Øystese Cup Knokkel Cup Øystese Fotball arrangerte for 3 år Knokkelcup. Denne gongen deltok det 9 oldboys og old girls lag, noko som er på same nivå som tidlegare. Banketten vart i år også arrangert på Hardangerfjord Hotel. Telenor Xtra Fotball SFO Øystese er ein av tre klubber i Hordland og ein av førti i Norge som er ein del av Telenor Xtra Fotball SFO. Dette er eit satsingsprosjekt frå NFF og vert i Øystese drifta av Hardanger Talentutvikling AS. 21 born er ein del av dette tilbodet der ein kan trene fotball kvar dag etter skuletid Klubbens dag Øystese arrangerte for fyrste gong i 2012 klubbens dag der ein samla ca 100 fotballspelande born til aktivitetar, bingespel, kampar på tvers av aldersgrense og mykje moro Dette er eit tiltak som bør vidareførast i 2013 Økonomi Det økonomiske resultatet for Øystese Fotball i 2012 vil gje eit lite overskot. Dette er eit bra resultat, ikkje minst på grunn av at ein rekna med 2012 som eit utfordrande økonomisk år på førehand grunna utviding av bane og at ein har gjeve gratis treningsdress til alle spelarane som har betalt treningsavgift Styret meiner klubben bør ha som mål å bygge ein ny kunstgrasbane, og meiner at klubben sin økonomi bør disponerast med eit slikt føremål for auga. Øystese Fotball har inga gjeld eller uteståande fordringar For ytterligare informasjon om økonomien i 2012 viser me til årsrekneskap.

6 Takkeord Øystese Fotball vil elles nytta høvet til å takka våre samarbeidspartnarar for god støtte gjennom sesongen. Styret ynskjer å retta ein særskild stor takk til alle trenarar/ leiarar/ tilsette og alle dei føresette som gjer at me kan byggja anlegg og driva ein klubb med høg aktivitet. Øystese 23. desember 2012 Karsten Samland Kari Øystese John Johansen Andre Laupsa Hallgeir Botnen Terje Melstveit Sigmund Vik Arild Lillevik