Årsmelding Internettsida til laget har fått ein fin form, og Norunn Skretting har ansvaret for å fylgja opp denne. Det har

Transkript

1 Årsmelding 2010 Brusand idrettslag har hatt eit godt driftsår i 2010, med svært god inntening. Det har vore auka inntekt på mange, også nye områder, som gjer at det er god økonomi i laget. Gode rutinar for dugnadsinnsats er viktig å fokusera på, og det bør også vera eit mål for neste år, slik at den sportslege delen av laget vert det som er tydelegast. Hovudstyret har hatt oppe 26 saker i løpet av året. Det såg lenge ut som bingoen skulle svikta som viktig inntektskjelde, det førte til at fleire alternativ for inntening vart drøfta. Det viste seg likevel at det ikkje vart naudsynt, men hovudstyret fann vel ut at ein kan ha fleire føter å stå på. Inntektene har vore langt over budsjett, noko som har ført til at det er meir nedbetalt på lån, sett av meir til vedlikehald av hallen og gjort investeringar ut over budsjettet, for eksempel oppgradering av fotballmål og utstyr på banane. Det er etter kvart behov for ein del vedlikehald i hallen. Ytterdører er skifta og i år vart kafeen fiksa opp. Det er behov for å skifta fliser og mala ein del i garderobeområdet og i inngangspartiet på vest, noko som er ei prioritering for Det vil òg verta vurdert å ta ein del vedlikehald av klubbhuset på Kvalbein. Internettsida til laget har fått ein fin form, og Norunn Skretting har ansvaret for å fylgja opp denne. Det har 1

2 fungert svært godt, og me har fått til ei side som fungerer godt for å få ut informasjon til medlemmer og andre om aktivitet i laget. Adressa til sida er Elles har hovudstyret hatt ansvar for dugnad etter LHLdansane. Idrettslaget hadde også ansvaret for 17. mai i år. I tillegg arrangerte Brusand IL Barnas turnfestival i lag med Brusand turn. Dèt arrangementet gjekk framifrå, med svært gode tilbakemeldingar. Rundt 700 barn deltok, og det vart ei strålande helg på alle måtar. Eit lite sitat frå ei tilbakemelding kan me godt kosta på oss: Dere har klart det et fåtall klarer, ( ) dere har bare fått dette til helt knirkefritt. Alt har gått på skinner og helt av seg selv. Får ikke rost dere nok. Generelt er hovudstyret godt nøgde med den sportslege delen av drifta. Det er god aktivitet i laget på mange plan. Handballen har framleis fin utvikling, og det har også vorte auka aktivitet med to herrelag i fotball. Sykkelgruppa er ein fast gjeng som syklar det meste av året. Når det gjeld innebandyen har det vore god aktivitet, sjølv om dei ikkje speler i nokre seriar. Idrettsskulen har også jamn aktivitet. Når det gjeld inntekstbringande tiltak har dei tradisjonsrike arrangementa som kunstutstilling, julemesse og juledans gått svært godt. I tillegg fekk idrettslaget inn ein god slump på trehogst i jernbaneskogen, sal av kakeboksar og grønsakøskjer, tilbakebetaling av merverdiavgift og Grasrotandelen gjennom Norsk Tipping. Me set svært stor pris på at 126 personar til nå har gitt støtta si til Brusand idrettslag. Ei gåve frå overskotet til Kaifesten i Sirevåg kom også inn, noko som er ei kjekk overrasking. Medlemstalet i 2010 har vore 464 og fem æresmedlemmer. Medlemstalet er stabilt. Hovudstyret i 2010 har vore Knut Nygård, formann, Øyvind Sveinsvoll, nestformann, Ståle Helleren, kasserar, Svein Høyland, sekretær, Ellen Lomeland, styremedlem og Merete Undem Haver, som har vore varamedlem og representant for laget i Hå idrettsråd. I tillegg har John Garvik møtt for 2

3 fotballen og Gunn Hege Sirevåg for handballen. I tillegg har dagleg ledar, Odd Egil Stokkeland, vore med på styremøta. Til slutt vil hovudstyret takka samarbeidspartnarar, sponsorar og alle andre som deltek for å gjera Brusand idrettslag til eit lag der alle kan kjenna seg heime. Årsmelding Fotballgruppa Fotballen har ca 140 aktive fordelt på 13 lag. I år har det vore 10 styremøte. I tillegg kjem møter med lagledere, samt komitear i samband med Jærbanecupen. Jærbanecupen er største enkelt arrangement, og i år vart det satsa mykje på å få fleire lag til å delta og å betre sjølve gjennomføringa av cupen. Desse måla vart langt på veg nådd, men det økonomiske utbyttet etter eit såpass omfattande arrangement burde vore større. Drifta av Buå på Kvalbein er nå godt etablert, gir gode inntekter, og bidreg positivt til det sosiale miljøet rundt anlegget på Kvalbein. Økonomisk kjem ein ut med eit greitt overskot i år, hovudsakleg som følgje av høgare sponsorinntekt og meir offentleg tilskot enn det som var budsjettert. Dei to laga som reiste på utanlandsopphald i år samla inn større beløp til å dekke kostnader til desse turane. Desse tala har vore innom regnkapet, og det vises derfor uforholdsmessig høge tal både inn (eigenandel) og ut (reiseutgifter). Scoringsklubben har lege nede eit par år nå, men det er gjor nødvendige tiltak nå for at den er oppe og går igjen frå og med sesongen Godt oppmøte til Pølser, brus, premieutdeling og quiz i hallen fredag 22. oktober markerte avslutning av ein gild sesong for alle på aldersbestemte lag. For ikkje å gløyma all kaffien til dei mange foreldra som møtte opp i år. 3

4 Orientering frå handballgruppa Sidan handballen har årsmøte på hausten, vel me å ta med ei kort orientering frå leiaren. Årsmeldinga i handballen går alltid over to halve sesongar. I år har det vore delt slik: 1. del: Nancy Kvadsheim var leiar. Då med fire lag og minihandballen. Damelaget rykka opp i 5.div. 2. del: Nytt styre der to satt igjen. Gunn Hege S. Sirevåg er nå ny leiar. I denne sesongen er det meldt på fem lag og minihandballen. Damelaget er i 5.divisjon, og ligg på tredjeplass i skrivande stund. Det har vore stor dugnadsånd og arbeid i handballgruppa i For tida vert det arbeidd med rutinar og samarbeid med dei andre laga i klubben, noko som er eit mål for Handballgruppa vert stadig større, og spelarar strøymer til. Årsmelding 2010 for BIL-posten I år har BIL-posten kome ut med tre nummer. Også i år har me hatt ganske påkosta blad med sidetal på rundt 50 sider. Målet om betre rutinar for innlevering av stoff har stort sett fungert, noko som gjer det til eit greitt arbeid og redigera og setja saman bladet. Redaksjonen har fått mange positive tilbakemeldingar på bladet, og vil halda fram med same profilen i året som kjem. 4

5 Me har drøfta om bladet bør leggjast ut på internettsida, men kome fram at me ikkje gjer det, mellom anna ut frå omsyn til personvern. Redaksjonen har vore Svein Høyland, redaktør, Tone Lise Sundvor, Bjørg Ueland og Odd Egil Stokkeland. Årsmelding frå Idrettsskulen Idrettsskulen endra treningsstrukturen i vår la fokus på tre idrettsgreiner og korta ned på treningsperioden til minimums krave til Idrettsforbundet (20 veker i løpet av året). Og laga til eit samarbeid med dei andre laga i idrettslaget som fungerte godt, dette opplegget gjaldt skuletrinna. Treningane blei lagt opp til handball med handballtrenar og fotball med fotballtrenar, inne bandy og friidrett. I haust blei det liten interesse for Idrettskulen (i skuletrinna). Skuleelevane var med på treninga til handballen 3 gonger i november, men da møtte bare 3 stykk på treninga og det var skuffane. For 4 og 5 åringar var det få ungar i vår og i haust tre dobla an talet med ungar. Så det blei en travel haust for de 2 trenarane, til slutt fekk me med ein skuleelev frå 6 klasse og han er kjempeflink og hjelpa til. Ungane ser ut til å trivast de smiler og er blide når de går heim. 5