HORDALAND FYLKESKOMMUNE Regionalavdelinga Planseksjonen Arkivsak 201000669-14 Arkivnr. 714 Saksh. Vinje, Signe; Ege, Ingun; Skår, Øystein, Ekerhovd, Per Morten Saksgang Møtedato Kultur- og ressursutvalet 30.11.2010 DETALJPLAN AV KYRKJEVEGEN 2, GNR 45 BNR 322, MANGER, RADØY KOMMUNE. MOTSEGN SAMANDRAG Radøy kommune har lagt reguleringsplan for Manger gnr 45, bnr 322, Kyrkjevegen 2, ut til offentleg ettersyn i brev datert 14.10.2010. Området er på tomta til den gamle prestebustaden mellom Manger kyrkje og bedehuset. Føremålet med planarbeidet er å leggje til rette for forretningsbygg med tilhøyrande infrastruktur. Planforslaget er ikkje i tråd med gjeldande reguleringsplan frå 2008, eller gjeldande kommunedelplan. Reguleringsplanen er i konflikt med nasjonale kulturminneverdiar og bryt med gode prinsipp for tettstadsutvikling. Manger kyrkje, gravplass og kulturmiljø vil bli sterkt skjemma av det omsøkte forretningsbygget med tilhøyrande infrastruktur. Forretningsbygget passar heller ikkje inn med den omkringliggjande byggjestrukturen, som er definert både av kyrkja og av eksisterande sentrum. Fylkesrådmannen tilrår motsegn på grunnlag av at planen ikkje ivaretek omsynet til kyrkja, gravplass og kulturmiljø, og rår i frå framlegget av omsyn til tettstadsutvikling. FORSLAG TIL VEDTAK 1 Framlegget til plan er i strid med omsynet til opplevinga av kyrkja og gravplassen og vil verke sterkt svekkjande på eit viktig kulturmiljø. Kultur- og ressursutvalet fremjar motsegn til planforslaget grunna omsynet til kulturminneinteressene. 2 Hordaland som region treng gode lokalsenter. Planforslaget bryt med prinsipp for god tettstadsutvikling. Kultur- og ressursutvalet rår i frå planforslaget grunna ansvaret for heilskapleg tettstadsutvikling.
Paul M. Nilsen Jan Per Styve Vedlegg: Gjeldande reguleringsplan (2008) Reguleringsplan off. ettersyn 2
FYLKESRÅDMANNEN, 22.11.2010: 1. Bakgrunn Radøy kommune har lagt reguleringsplan for Manger gnr 45, bnr 322, Kyrkjevegen 2, ut til offentleg ettersyn i brev datert 14.10.2010. Området er på tomta til den gamle prestebustaden mellom Manger kyrkje og bedehuset. Føremålet med planarbeidet er å leggje til rette for forretningsbygg med tilhøyrande infrastruktur. Hordaland fylkeskommune bad om utsett frist til januar 2011 for å handsame saka politisk. Radøy kommune gav ein utsett frist til 28.12.2010. Planavgrensing Planområdet ligg i Manger sentrum. Det er avgrensa i sørvest av Kyrkjevegen (ein del av Fv 409), i nordvest mot Manger kyrkje og gravplass, i nordaust mot LNF-område og i søraust mot bedehus, jf. utsnitt av plankart på figur. Manger kyrkje Fv 409 Bedehus Fig. 1. Utsnitt av reguleringsplanen som er på offentleg ettersyn. Fig. 2. Utsnitt av gjeldande plan godkjent 2008 3
Fig. 3. Flyfoto av planområdet og nærområde med kyrkje og gravplass Ca. planområde Fig. 4. Utsnitt av gjeldande kommunedelplan. Fig. 5. Manger kyrkje, vestfasade. 4
2. Skildring av planforslaget Tiltakshavar som er Kyrkjevegen 2 AS ønskjer i planen å omregulere til forretning, kontor, tenesteyting, gravlund, parkeringsplassar, pendlar-/-innfartsparkering, veg, fortau, kollektivhaldeplass og grønstruktur. Hovudintensjonen med planen er jf. det offentlege høyringsbrevet å leggje til rette for forretningsbygg og tilhøyrande infrastruktur. Planforslaget gjev løyve til å byggje opptil eit 12 meter høgt møne og 9 meter høg gesims, som vil liggje med langsida tett inntil kyrkjegarden (sjå fig. 1). Den gamle prestebustaden som ligg på tomta i dag er planlagt riven. Denne bustaden er frå 70-talet. 3. Fylkesrådmannen sine merknader Denne fråsegna er knytt til to punkt: I kor stor grad planforslaget har tatt omsyn til kyrkja og gravplassen, og korleis forslaget høver inn i sentrumsutviklinga av Manger sentrum. Kultur og kulturminne Planområdet grensar mot Manger kyrkje, som er oppført i 1891 og er listeført. Det har tidlegare stått to eldre kyrkjer på staden, den yngste var ei steinkyrkje oppført 1743 og den eldste var ei stavkyrkje frå mellomalderen. Kyrkjegarden rundt Manger kyrkje går attende til mellomalderen og er såleis eit automatisk freda kulturminne. I gjeldande reguleringsplan for Manger Sentrum (vedteke i kommunestyre 25.09.08) er området som no er på høyring avsett til B/F2, 3.1.4 Byggjeområde for kombinert bustad/forretning og O9 framtidig gravplass. I føresegna, sist revidert 12.09.08, pkt. 3.1.4 står det: Innafor området søraust for kyrkja (B/F2) kan det førast opp bygningar og anlegg til kontor og publikumsretta offentlege føremål. Utforming og plassering av bygg samt utnytting av tomta må ta omsyn til kyrkja og gravplassen ved sida av. Det nye planforslaget legg no opp til næringsverksemd med forretning, kontor, tenesteyting og parkering. I forslag til føresegn pkt. 3.2.2 står: Område for næringsverksemd F/K/T1 skal nyttast for dagligvarehandel/kontor og anna tenesteyting. Fylkesrådmannen synest dette formål er i strid med føresegn 3.1.4 i gjeldande reguleringsplan. Gjeldande reguleringsføresegn legg til grunn at utforming av område B/F2 må ta omsyn til kyrkja og gravplassen. Hordaland fylkeskommune som sektormynde i høyringsprosessen knytt til gjeldande reguleringsplan har vore oppteken av at ein må ta omsyn til kulturmiljøet som den listeførte kyrkja og gravplassen representerer. Eit forretningsbygg med tilhøyrande parkeringsareal i det aktuelle område vil skiple omsynet til kyrkje- og kulturmiljøet. I planforslaget som er på høyring er det ikkje tatt tilstrekkeleg omsyn til kyrkja og gravplassen som kulturminne. Sentrumsutvikling Hordaland er avhengig av eit nettverk av attraktive og godt fungerande tettstader og kommunesenter. Desse må planleggjast og utviklast på ein berekraftig måte, noko som inneber både fysisk, funksjonelt og estetisk kvalitet. Det er derfor av regional interesse at alle nye byggjetiltak i sentrumsområde er tilpassa resten av senterstrukturen. I denne saka betyr det at ein må ta omsyn både til kyrkja og til bygningane på motsett side av vegen. Kyrkja ligg midt i ein stor kyrkjegard, og får såleis ein strukturell viktig posisjon i området, som nye prosjekt må rette seg etter. Den byggjestilen og arealutnyttinga det er lagt til rette for i planen bryt med den strukturen som kyrkja har lagt. På motsett side av vegen er det etablert næringsbygg som ligg langsetter hovudvegen. Byggjestrukturen i planen, med eit bygg som vender på tvers av fylkesvegen, samsvarar ikkje med byggjestrukturen i resten av sentrum. Det bryt såleis med prinsipp for god tettstadsutvikling. Desse tema har blitt fremja i fleire møte i saka, utan at det er blitt tatt omsyn til i planen som no er på høyring. 5
Konklusjon Fylkesrådmannen vurderer at reguleringsplanen ikkje er i tråd med overordna plan, og at planen ikkje tek nok omsyn til kyrkja, kulturmiljøet og byggjestrukturen i kring. Tiltaket vil derfor vere i konflikt med nasjonale interesser knytt til listeført kyrkje og kulturmiljø. Fylkesrådmannen tilrår derfor motsegn til planforslaget av omsyn til opplevinga av kyrkja og kulturmiljøet, og rår i frå planforslaget av omsyn til tettstadsutviklinga. 6