Sogndal kommune Utval: FORMANNSKAPET MØTEINNKALLING Møtestad: Formannskapssalen Møtedato: 19.04.2007 Tid: 09:00 Eventuelt forfall kan meldast til telefon 57 62 96 00 - Varamedlemmar møter etter nærare avtale. Meldt forfall: Bjarne Lerum (FrP) Innkalla: Sigurd Sætre. Kl. 09:00 10:00: Kl. 10:00 10:30: Kl. 10:30 DAGSORDEN: Dialogmøte med representantar frå Kyrkjelege fellesråd. Informasjon om internasjonal veke v/arne Øi Formannskapsmøte. SAKSLISTE Saksnr. Arkivsaksnr. Tittel 23/07 07/153 Formannskapet 19.04. 2007 Opning - orienteringar - drøftingar 24/07 06/1728 Rv 55 - Omklassifisering av gamal riksveg ved Stedjebergtunnelen og ved Fatlabergtunnelen 25/07 07/868 Den interkommunale næringsretta utviklingsordninga 26/07 07/14 ÅRSREKNESKAP OG ÅRSMELDING 2006 - SOGNDAL KOMMUNE. Ovannemnde saker er offentleg utlagde i Tenestetorget, Sogndal bibliotek og Busenteret i Fjærland. Informasjon på heimesidene våre: www.sogndal.kommune.no Følgjande sak vert lagt fram i møtet: 27/07 07/704 Kompetanseplan for grunnskulen i Sogndal 2005-2008 Rullering av handlingsprogram for 2007 Sogndal, 13.04.2007 Karen Marie Hjelmeseter -ordførar- Gerd Kleiven formannskapssekretær
Sogndal kommune Sak 23/07 Formannskapet Saksh.: Gerd Kleiven Arkiv: 033 Arkivsak: 07/153 Saksnr.: Utval Møtedato 19/07 Formannskapet 15.03.2007 23/07 Formannskapet 19.04.2007 Sak 23/07 Formannskapet 19.04. 2007 Opning - orienteringar - drøftingar Pkt. 1. OPNING A. Konstituering av møtet: Møtet lovleg sett med følgjande til stades: Ordførar Karen Marie Hjelmeseter, varaordførar Bjørg Rimeslaatten, Claus Kvamme, Liv Synnøve Bøyum, Helge Torstad, Gunnstein Flugheim, Jarle Aarvoll, Norunn Finden Hellebø, Sigurd Sætre innkalla for Bjarne Lerum. Frå administrasjonen møter rådmann Jostein Aanestad Innkalling og sakliste godkjenning. Møteleiar: Ordførar Karen Marie Hjelmeseter Ope møte. B. Protokoll frå møtet 15.03. 2007 - godkjenning. Pkt. 2 ORIENTERINGAR OG DRØFTINGAR A. Orientering frå ordførar: Opplegg for dialogfasen 2007. Notat datert 11.04.2007. B. Orientering frå utval - referert: 1. Sogndal Kyrkjelege fellesråd: Referat frå møte 20.03.2007. 2. Sogndal Eldreråd: - Referat frå møte 20.03.2007. - Årsmelding 2006 3. Styre for Frivilligsentralen: - Referat frå møta 22. og 26.03.2007. - Årsmelding 2006 - Budsjett 2007 - Aktivitetsplan for Frivilligsentralen 2007. C. Innspel frå medlemane: D. Orientering frå rådmann: 1. Tettstadmidlar 2007 til opparbeiding av sentrumspark (journalpost 07/392). Søknad datert 29.03.2007 til Sogn og Fjordane fylkeskommune. E. Drøftingar: Pkt. 3 SKRIV OG MELDINGAR A. Styrevedtak frå KS Skriv nr. 3 datert 19.03.2007 vidaresendt til kommunestyremedlemane. Vedlegg til punkta: 2.A, 2.B.1, 2 og 3 og 2.D.1. Gerd Kleiven -F.sekr.- Side 2 av 10
Sogndal kommune Sak 24/07 Formannskapet Saksh.: Einar Nedrelo Arkiv: Q11 Arkivsak: 06/1728 Saksnr.: Utval Møtedato 24/07 Formannskapet 19.04.2007 Sak 24/07 Rv 55 - Omklassifisering av gamal riksveg ved Stedjebergtunnelen og ved Fatlabergtunnelen Rådmannen si innstilling: Formannskapet rår til at vegen frå ny avkøyrsle på Sogndalsida av Stedjebergtunnelen til avkøyrsle til Skjær (ca 700 meter) vert omklassifisert til kommunal veg. Kommunen tek vintervedlikehaldet på denne strekninga. Vegen frå ny avkøyrsle på Ytre Slinde og ut til siste avkøyrsle til bustad på Røvom (ca 310 meter) vert omklassifisert til privat veg. Statens vegvesen avklarar med eigarane av eigedomane langs denne vegstrekningen ansvaret for vedlikehaldet av denne vegstrekninga. Statens vegvesen tek naudsynt vedlikehald på resten av vegstrekningane utanom tunnelane, som vert tilrådd omklassifisert til vinterstengd gang- og sykkelveg. Vedlegg: Skriv datert 20.12.06 frå Statens vegvesen. Saksutgreiing: Statens vegvesen tilrår at ca 700m gamal veg frå avkøyrsle frå ny veg til Stedjebergtunnelen ut til Skjær vert omklassifisert til kommunal veg. Det vert vidare tilrådd at ca 1700m gamal veg på utsida Stedjeberget vert omklassifisert til vinterstengt gang- og sykkelveg. Vegvesenet tilrår vidare at ca 310 m gamal riksveg på Ytre Slinde vert omklassifisert til kommunal veg eller privat veg eller gang og sykkelveg. Vegvesenet ynskjer primært at vegen vert nedklassifisert til kommunal veg. Vegvesenet tilrår vidare at resten av vegen utanfor Fatlatunnelen vert omklassifisert til vinterstengd gang og sykkelveg. Vurdering: Veganlegget som vert liggjande att på utsida av tunnelane skal tene som gang- sykkelveg utanom vintertida. For strekninga Ytre Slinde til forbi Fatlaelvi tek vegvesenet naudsynt vedlikehald, bortsett frå vintervedlikehaldet. Det same vil gjelde på strekninga frå der vegen til Skjær tek av til innpåkøyringa på utsida av Stedjebergtunnelen. Det er positivt at desse strekningane vert haldene opne som vinterstengde gang- og sykkelvegar. Vegvesenet ønskjer at resten av vegstrekningane (ca 700 + 300 meter) vert omklassifiserte til kommunal veg. Rådmannen meiner det er naturleg at vegen frå ny avkøyrsle på Sogndalsida av Stedjebergtunnelen til avkøyrsle til Skjær vert omklassifisert til kommunal veg. Denne vegstrekninga fører fram til næringsområdet på Skjer, samtidig som det kan verta mykje nytta som turveg som del av fjordstien. Vegen frå ny avkøyrsle på Ytre Slinde og ut til siste bustadkøyrsle på Røvom vert tilrådd omklassifisert til privat veg. Dette utgjer ein strekning på ca 310 meter, og i liknande saker har slike vegstrekningar vorte omklassifiserte til privat veg. Side 3 av 10
Sak 24/07 Det må ev. avklarast mellom Statens vegvesen og eigarane av eigedomane langs vegstrekninga ansvaret for vedlikehaldet av denne vegstrekninga. Sogndal, 11. april 2007 Jostein Aanestad rådmann Side 4 av 10
Sogndal kommune Sak 25/07 Formannskapet Saksh.: Jostein Aanestad Arkiv: U01 Arkivsak: 07/868 Saksnr.: Utval Møtedato 25/07 Formannskapet 19.04.2007 Sak 25/07 Den interkommunale næringsretta utviklingsordninga Saka vert lagd fram utan tilråding Vedlegg: Utkast til vedtekter for den interkommunale næringsretta utviklingsordninga Oversikt over hovudtypar av tiltak for bruk av midlar over kap 551, post 60 Saksutgreiing: Bakgrunn: Fylkestinget har gjort vedtak om at det skal opprettast ei foreining med namnet Den Interkommunale Næringsretta Utviklingsordninga som kompensasjon for auka arbeidsgjevaravgift i kommunane Førde, Sogndal og Flora (INU FSF). Foreininga har som føremål: - å fordele alle næringsretta utviklingsmidlar løyvd over kap. 551.61 i statsbudsjettet til Sogn og Fjordane fylkeskommune og som blir gitt som kompensasjon for bortfall av differensiert arbeidsgjevaravgift for verksemder i kommunane Førde, Sogndal og Flora. - å utarbeide forslag til handlingsplan og lokale retningsliner for korleis denne kompenasjonsordninga best kan nyttast for å fremje næringslivsutvikling i desse kommunane. Dette for at konkurranseulempa med bortfall av differensiert arbeidsgjevaravgift skal bli minst mogeleg - å sjå til at fordelinga av midlar skjer i tråd med retningsliner og føringar gitt av Sogn og Fjordane fylkeskommune og Kommunal- og regionaldepartementet (KRD). - å styrke samarbeidet mellom offentleg og privat sektor i dei involverte kommunane, samt vidareføre det sterke næringslivsengasjementet som vart etablert under DAA-ordninga og underbygge eit forsterka samarbeid mellom dei involverte kommunane, totalt sett. I 2007 er rammene for ordninga fastsett til 21,2 mill. kroner. Det er ei verksemd i Sogndal kommune som betaler full arbeidsgjevaravgift, og som bidreg til å generere midlar til ordninga. Vedlegg 2 gjev eit oversyn over aktuelle område for bruk av midla i ordninga. Det går fram av punkt 6 i utkast til vedtekter at styret for ordninga skal ha 10 medlemmar, og at eitt medlem vert peika ut av kvar av det tre kommunane. Side 5 av 10
Sak 25/07 Vurdering: I K-sak 0054/06 om næringsorganisering i Sogndal kommune heiter det i punkt 6 at: Formannskapet, ordførar og rådmann sine sentrale funksjonar i næringsarbeidet vert vidareført. Med bakgrunn i dette kan det vera naturleg at ordførar eller rådmann vert peika ut til medlem i styret i INU FSF. Sogndal, 12. april 2007 Jostein Aanestad rådmann Side 6 av 10
Sogndal kommune Sak 26/07 Formannskapet Saksh.: Kåre Træen Arkiv: 004 &14 Arkivsak: 07/14 Saksnr.: Utval Møtedato 26/07 Formannskapet 19.04.2007 Sak 26/07 ÅRSREKNESKAP OG ÅRSMELDING 2006 - SOGNDAL KOMMUNE. Rådmannen si innstilling: 1. Årsrekneskap og årsmelding 2006 for Sogndal kommune vert vedteke med dei disposisjonar som er gjort i vedlagd årsrekneskap og årsmelding. 2. Rekneskapsmessig mindreforbruk kr 9 090 016 vert disponert slik: Pensjonsfond 300 000 Fond for arbeidsmiljø 100 000 Grunnkapital Kraftfond II 450 000 Avkastningsfond Kraftfond II 546 921 Rentereguleringsfond 1 800 000 Avdragsfond 2 700 000 Vedlikehaldsfond 591 000 Fond for grunnkjøp 2 602 125 3. Rådmannen får fullmakt til å disponere midlar frå vedlikehaldsfondet i samsvar med dei behova for vedlikehaldstiltak som er dokumentert i tilstandsrapport for den kommunale bygningsmassen. 4. Formannskapet får fullmakt til å disponere midlar frå fond for grunnkjøp. Vedlegg: - Årsrekneskap og årsmelding 2006 eige hefte. - revisjonsmelding 2006 - vedtak i kontrollutvalet (lagt fram i f-møte) Saksutgreiing: Kommunestyret skal vedta årsrekneskap og årsmelding innan seks månader etter utgangen av rekneskapsåret. Det er formannskapet som innstiller til vedtak i kommunestyret. Kopi av revisjonsmelding skal vere sendt formannskapet før formannskapet si handsaming. Kontrollutvalet skal gje uttale om årsrekneskapen til kommunestyret før kommunestyret gjer vedtak. Kopi av denne uttalen skal vere formannskapet i hende før dette organet avgir innstilling om årsrekneskapen til kommunestyret. Kontrollutvalet har møte 17. april, og uttalen frå kontrollutvalet vert lagt fram i møte til formannskapet. Rådmannen utarbeider årsmeldinga, og fremjar denne for formannskapet. Kontrollutvalet har fått tilsendt årsmelding til utvalet sitt møte om uttale til årsrekneskapen. Kommunestyret skal handsame årsrekneskapen og årsmeldinga samtidig. For kommentarar til drifts- og kapitalrekneskapen vert det vist til årsmeldinga. Side 7 av 10
Sak 26/07 Avsetjingar og finansiering i kapitalrekneskapen. Rådmannen tilrår at ikkje budsjetterte inntekter i kapitalrekneskapen vert avsett til ubunde kapitalfond og at ikkje budsjetterte utgifter i kapitalrekneskapen vert finansiert med bruk av lånemidlar, salsinntekter og fond slik som det er gjort i kapitalrekneskapen pr. prosjekt frå side 9 i rekneskapen og forklaring i årsmelding kap. 2.2 side 8. Rådmannen tilrår at rekneskapsmessig mindreforbruk kr 9 090 016, vert disponert slik: Pensjonsfond 300 000 Fond for arbeidsmiljø 100 000 Grunnkapital Kraftfond II 450 000 Avkastningsfond Kraftfond II 546 921 Rentereguleringsfond 1 800 000 Avdragsfond 2 700 000 Vedlikehaldsfond 591 000 Fond for grunnkjøp 2 602 125 Frå 2004 har kommunen ein større sjølvrisiko på AFP-pensjon mellom 62 og 64 år. Det er og auke i tal AFP-pensjonistar. Ettersom kommunen har påteke seg sjølvrisiko vert det som i 2004 og 2005 tilrådd å avsette kr 300 000 til pensjonsfondet for å møte denne risikoen. Pr 31.12.06 var saldo i fondet kr 600 000, utgifter i 2006 kr 719 000. Som oppfølging av tiltak for arbeidsmiljø som tilsettedagen, er det tilrådd avsett kr 100 000. Avkastninga for kraftfond II var i 2006 på kr 2 196 921, av dette er det etter budsjettet avsett til avkastningsfondet 1,2 mill kroner. Resterande vert tilrådd disponert til prisregulering av grunnkapitalen kr 450 000 og auka avsetjing til avkastningsfondet med kr 546 921. Kommunestyre vedtok i 2006 endring i kommunen sin lånestrategi slik at gjeldsportefølgja vert forvalta med større fleksibilitet for val av renterisiko. For å møte endringar i kapitalutgifter knytt til marknadstilhøva skal det prioriterast å gjere avsetjingar til eit rentereguleringsfond. Storleiken på dette fondet vert vurdert ut i frå den del av låneportefølgja som er knytt til generaløkonomien (totale lån redusert med formidlingslån, VAR-lån og lån med rentekompensasjon), og sentrale prognose for renteutviklinga (Norges Bank og SSB). Pr 31.12.06 utgjer nemnde lånestorleik om lag 200 mill kroner, og prognose tilseier at renta skal auke. Forskjellen mellom flytande rente og 5 års fast rente er no om lag 1 %. Under føresetnad at 50 % av lån knytt til generaløkonomien kunne vore knytt til fast rente, utgjer differansen i årleg rente mellom flytande og fast om lag 1 mill kroner. Med dette som grunnlag, og for å sikre seg fram i tid, tilrår rådmannen at det vert avsett 1,8 mill kroner til rentereguleringsfondet, slik at fondet har ein kapital på 5 mill kroner. Det er i kommunen sine reglar for finansforvaltning vedteke at rådmannen får fullmakt å bruke av rentereguleringsfondet, når renteutgifter som følgje av renteauke vert meir enn budsjettert. I økonomiplan 2007 2010 er det budsjettert med avdragsutsetting på til saman 2,7 mill kroner. Kommunestyret har vedteke at avdragsutsetting på til saman 2,7 mill kroner i planperioden vert henta inn at i samband med rekneskapsresultat og/eller framtidig økonomiplanar. I rekneskap 2006 hadde FDV tenestene eit mindreforbruk på kr 591 000. Kommunen har eit stort etterslep på vedlikehald av kommunale bygningar, vurdert til 25 mill. kroner. Det vert tilrådd at mindreforbruket på 591 000 kroner vert avsett til vedlikehaldsfondet, og at rådmann Side 8 av 10
Sak 26/07 får fullmakt til å disponere midlar frå vedlikehaldsfondet i samsvar med dei behova for vedlikehaldstiltak som er dokumentert i tilstandsrapport for den kommunale bygningsmassen. Kommunen skal i dei næraste år gjennomføre innløysing av grunnareal til ein stor kostnad som det ikkje er teke høgd for i økonomiplanen. Dette gjeld m.a. utviding av kommunalt næringsområde på Kaupanger og ev. i Fjærland, festeareal for kommunal drift på Fosshaugane, utviding av Åbergevegen, strandlinje i Sogndal sentrum, parkeringsplass Stedje kyrkje, utviding av kyrkjegarden på Kaupanger, utvikling av Mundal sentrum, bustadområde for sosial bustadbygging på Ulvahaugen og div. festeareal frå Opplysningsvesenets fond. Dette er areal som er regulert til offentlege føremål eller arealbruksendringar som ligg i 10-på-topp punkt i gjeldande økonomiplan og i framlegg til revidert kommuneplan. Det er ikkje teke høgd for grunnkjøp i gjeldande økonomiplan. Til delfinansiering av nemnde tiltak vert det tilrådd å avsette 2,6 mill kroner på eit fond for grunnkjøp. Det vert tilrådd av formannskapet får fullmakt til å disponere midla frå fond for grunnkjøp. Sogndal 12.4.2007 Jostein Aanestad rådmann Side 9 av 10
Sogndal kommune Sak 27/07 Formannskapet Saksh.: Knut Ole Myren Arkiv: A00 &34 Arkivsak: 07/704 Saksnr.: Utval Møtedato 27/07 Formannskapet 19.04.2007 / Kommunestyret Sak 27/07 Kompetanseplan for grunnskulen i Sogndal 2005-2008 Rullering av handlingsprogram for 2007 Dokumenta til denne saka vert lagt fram i møtet. Sogndal, 13.04.2007. Gerd Kleiven -F.sekr.- Side 10 av 10