OS KOMMUNE Avdeling for Tenestestyring Utval: TENESTEUTVALET Møtestad: Skorpo Møtedato: 04.02.2009 Tid: 09.00 MØTEINNKALLING SAKLISTE Saksnr. Arkivsaksnr. Side Tittel 1/09 09/82 POLITISK KVARTER 3 2/09 08/105 TEMA I TENESTEUTVALET - KULTUR 5 3/09 09/190 OVERSIKT KOMMUNALE EIGEDOMMAR OG LEIGDE AREAL 7 4/09 09/163 INTERKOMMUNALT LEGEVAKTSAMARBEID MELLOM OS OG SAMNANGER - MELDINGSSAK 5/09 03/972 OS VASSVERK- NYTT RENSEANLEGG BYGG- OG UTOMHUSANLEGG, FORPROSJEKT 11 17 Desse sakene er ikkje ferdigbehandla og kjem på ei tilleggsliste: Årshjul, kommuneplan og kommunedelplanar. Spesialpedagogisk senter. Vedtekter for dei kommunale barnehagane. Det vert besøk på einingane slik: Os folkebibliotek kl. 13.30. Kulturskulen kl. 14.30. Innkalte: Funksjon Namn Forfall Møter for Leiar Hedevig Holst Medlem Stig Endre Nilsen Medlem Kari Fjeldstad Medlem Leiv Gunnar Heggland Medlem Nina B. Halhjem Medlem Bjørn Reidar Matland Medlem Helge F. Kjellevold Medlem Borghild Borgen Medlem Torunn Øvredal ADRESSE TELEFON WEB/EPOST INFO Rådhuset Sentralbord: 56 57 50 00 postmottak@os-ho.kommune.no Bankgiro: 6525.05.05676 Torggata 7 Telefax: 56 57 50 01 www.os.hordaland.no Org.nr.: 844 458 312 Pb.84, 5202 Os Dir. innval: 56 57 50 20
Medlemmer som ikkje kan møta må snarast melda frå til Os kommune, tlf. 56 57 50 00. Varamedlemmer møter berre etter særskild innkalling. Os, 22.01.2009 Terje Søviknes Ordførar Knut Terje Rekve Rådmann
Sak 1/09 MØTEBOK POLITISK KVARTER Saksbehandlar: Gunvor S. Heggland Arkiv: 033 Arkivsaksnr.: 09/82 Saksnr.: Utval Type/ Møtedato 1/09 Tenesteutvalet PS 04.02.2009 Uformell drøfting av ymse saker. ADRESSE TELEFON WEB/EPOST INFO Rådhuset Sentralbord: 56 57 50 00 postmottak@os-ho.kommune.no Bankgiro: 6525.05.05676 Torggata 7 Telefax: 56 57 50 01 www.os.hordaland.no Org.nr.: 844 458 312 Pb.84, 5202 Os Dir. innval: 56 57 50 20
Sak 2/09 TEMA I TENESTEUTVALET - KULTUR MØTEBOK Saksbehandlar: Beate Moberg Arkiv: 033 Arkivsaksnr.: 08/105 Saksnr.: Utval Type/ Møtedato 1/08 Tenesteutvalet PS 23.01.2008 16/08 Os eldreråd PS 21.04.2008 16/08 Tenesteutvalet PS 12.03.2008 21/08 Tenesteutvalet PS 09.04.2008 28/08 Tenesteutvalet PS 11.06.2008 35/08 Tenesteutvalet PS 24.09.2008 45/08 Råd for funksjonshemma PS 13.10.2008 54/08 Tenesteutvalet PS 10.12.2008 2/09 Tenesteutvalet PS 04.02.2009 Framlegg til vedtak: Tenesteutvalet tek informasjon om kulturarbeidet i Os kommune til orientering. Os, 21.01.2009 Knut Terje Rekve Rådmann ADRESSE TELEFON WEB/EPOST INFO Rådhuset Sentralbord: 56 57 50 00 postmottak@os-ho.kommune.no Bankgiro: 6525.05.05676 Torggata 7 Telefax: 56 57 50 01 www.os.hordaland.no Org.nr.: 844 458 312 Pb.84, 5202 Os Dir. innval: 56 57 50 20
Sak 2/09 Saksopplysningar: Tema i denne delen av møtet er kultur. Kultursjef, Lisbeth Axelsen og hennar medarbeidarar kjem og orienterer om arbeidet innan kulturområdet. Os, 21.01.2009 Beate Moberg Kommunaldirektør Side 5 av 21
Sak 3/09 MØTEBOK OVERSIKT KOMMUNALE EIGEDOMMAR OG LEIGDE AREAL Saksbehandlar: Beate Moberg Arkiv: 611 Arkivsaksnr.: 09/190 Saksnr.: Utval Type/ Møtedato 3/09 Tenesteutvalet PS 04.02.2009 Framlegg til vedtak: Tenesteutvalet tek saka om kommunale eigedommar og leigde areal til orientering. Os, 21.01.2009 Knut Terje Rekve Rådmann ADRESSE TELEFON WEB/EPOST INFO Rådhuset Sentralbord: 56 57 50 00 postmottak@os-ho.kommune.no Bankgiro: 6525.05.05676 Torggata 7 Telefax: 56 57 50 01 www.os.hordaland.no Org.nr.: 844 458 312 Pb.84, 5202 Os Dir. innval: 56 57 50 20
Sak 3/09 Vedlegg: Oversikt over kommunale eigedommar (elektronisk vedlegg sendt på e-post) Oversikt over areal kommunen leiger ( - - ) Rettleiar i bruk av www.kartios.no Saksopplysningar: Os kommune eig ein rekke eigedommar og leiger andre areal. Vi har no starta arbeidet med å laga ei fullstendig oversikt over dei eigedommar som kommunen eig og leiger. Oversikta over areala skal hjelpe oss når vi planlegg den kommunale drifta og utviklinga av Os kommune. Når det gjeld leigde areal skal oversikta hjelpe oss å sikra at alle avtaler vert fult opp som dei skal. Kommunale eigedommar: Vedlagd følgjer oversikt over dei eigedommar som kommunen eig med gards- og bruksnummer, adresse, matrikkel areal i m2, bruk av grunn og link til kart der ein kan finne flybilete heile døgnet heile året. Oversikta vert også sendt ut per mail. Dette fordi linken i saka ikkje verker, men denne vil fungera i excel-fila som vert sendt ut. Rettleiing: Det ligg ved saka ein rettleiing på korleis du finn adresse og eigedom på internettadressa www.kartios.no. Leigde areal: Vedlagd ligg det også ei oversikt over areal kommunen leiger med følgjande informasjon; objekt, adresse, eigar, leigar, dato for når avtalen vart inngått og bruksområde. Os, 21.01.2009 Beate Moberg Kommunaldirektør Side 7 av 21
Sak 4/09 MØTEBOK INTERKOMMUNALT LEGEVAKTSAMARBEID MELLOM OS OG SAMNANGER MELDINGSSAK Saksbehandlar: Eva-Mari Solberg Arkiv: G21 Arkivsaksnr.: 09/163 Saksnr.: Utval Type/ Møtedato 7/09 Os Formannskap PS 27.01.2009 4/09 Tenesteutvalet PS 04.02.2009 Framlegg til vedtak: Rådmannen vert gjeve fullmakt til å gå i tingingar om eit interkommunalt legevaktsamarbeid med Samnanger kommune. Os, 21.01.09 Knut Terje Rekve Rådmann ADRESSE TELEFON WEB/EPOST INFO Rådhuset Sentralbord: 56 57 50 00 postmottak@os-ho.kommune.no Bankgiro: 6525.05.05676 Torggata 7 Telefax: 56 57 50 01 www.os.hordaland.no Org.nr.: 844 458 312 Pb.84, 5202 Os Dir. innval: 56 57 50 20
Sak 4/09 Vedlegg: 1. Notat datert 12.11.2008 frå Sveinung Gangstø, Medisinskfagleg ansvarleg lege Os legevakt Innleiing Rådmannen oppsummerer i denne saka erfaringar etter 1 års drift av Os legevakt og kjem med framlegg om utviding av legevaktsentralen gjennom at Samnanger kommune kjøper legevaktstenester frå Os legevakt. Rådmannen ber om at det i første omgang vert teke ei prinsipiell avgjerd om det skal etablerast eit interkommunalt legevaktsamarbeid mellom Os og Samnanger. Føresetnaden er at samarbeidet ikkje skal medføra auka kostnader for Os kommune. Dersom dette let seg gjennomføra vert samarbeidet integrert i noverande legevaktstasjon. Kvifor interkommunal legevaktsentral? I lov om helseteneste i kommunen av 19. desember 1982 fekk kommunane ansvar for å sørga for allmennlegeteneste og legevaktsordningar. Før denne lovendringa hadde legevaktarbeidet vore basert på frivillige ordningar mellom legane. Kommunane har etter kommunelegeavtalen mellom KS og legeforeninga ansvar for å planlegga, organisera legevaktsteneste, under dette ansvar for lokalar, utstyr, hjelpepersonell og beredskapsgodtgjersle til legar. Hovudmålsettinga ved etableringa av interkommunal legevaktordning er, jmfr. vegleiar frå Sosial og helsedirektoratet IS-13/2003, side 7: Sikre befolkningens rett til øyeblikkelig hjelp Gi befolkningen visshet om at tjenestene er tilstrekkelige Stabilisere legedekningen i regionen Styrke rekrutteringen av nye leger ved en bedre organisering av vakttjenesten Bedre kvalitet på de akuttmedisinske tjenestene Bakgrunn for saka Samnanger kommune har handsama politisk sak 02.10.2008 om behov for interkommunal legevaktordning og venda seg deretter til Os kommune med førespurnad om kjøp av legevakttenester. Sitat frå vedtak fatta av Kommunestyre i Samnanger Sak 08/00192: Det vert inngått drøftingar med Os kommune om ein samarbeidsavtale om felles legevakt stasjonert i Os. Legevakt stasjonert i Os vert å sjå som ei løysing til Samnanger og evt. fleire omlandskommunar kan verta innlemma i Bergen Legevakt som ei interkommunal legevaktordning innanfor akseptable kostnader Samnanger kommune har berre 3 legestillingar, kommunelege 1 og 2, samt turnuslege. På grunn av kapasitetsproblem og ein ustabil legedekking har Samnanger behov for å styrkja legevaktsordninga. Samnanger nyttar som Os Hjelp 24 i Trondheim til betjening av legevakttelefonen på ettermiddagstid frå kl 16, samt helg og natt. Interkommunale vaktstasjonar er omfatta av sentrale avtalar mellom KS og legeforeninga. Dette inneber mellom anna at vaktstasjonen skal vera bemanna med hjelpepersonell, fortrinnsvis sjukepleiar. Om natta (kl 23-08) skal vaktlegen ha fast løn etter framforhandla satsar, eigendelar og trygderefusjonar går i dette tidsrommet som inntekt til kommunen. Den felles legevakta skal vera open frå kl 16 til 08 på kvardagar og heile døgnet i helger/høgtider. Erfaringar etter 1 års drift av Os legevakt Side 9 av 21
Sak 4/09 Frå november 2007 har Os kommune hatt ein fast legevaktsstasjon i Os Røde Kors sitt nybygg i Kolskogen. Dette har vore eit stort framsteg for legevakttenesta i kommunen. Legevakta er her samlokalisert med ambulansetenesta, noko som har styrka samarbeidet mellom legane og ambulansepersonellet. Vaktstasjonen på Os legevakt er i tillegg til vakthavande lege bemanna med sjukepleiar kl 16 23 på kvardagar og kl 9 17 i helgene. Sjukepleiarbemanninga utgjer til saman 1,5 årsverk. Resten av døgnet vert legevakttelefonen betent av Hjelp24 i Trondheim, dei formidlar ved behov kontakt med vaktlege i Os. Avtalen med Hjelp 24 skal også i løpet av 2009 leggjast ut på anbod i tråd med gjeldande anbodsreglement. Driftsmodell for interkommunalt samarbeid Etter som Os allereie har etablert ein legevaktstasjon vil det for Os og Samnanger den enklaste løysinga vera at Samnanger kjøper legevaktteneste frå Os. Fordelar for Os ved eit interkommunalt vaktsamarbeid: Fleire legar i vaktordninga Auka kvalitet på tenesta Deling av utgifter Os kommune før eller seinare må ta Auka tryggleik for vaktlegar med kontinuerleg sjukepleiarbemanning Høve for oppdeling av vaktdøgnet Fast stasjonert lege på legevakta Samnanger skal også framover få stasjonert ambulansebil ( First Responder ) i kommunen, noko som vil medføra at både Os og Samnanger har god beredskap sjølv om legen er oppteken i anna akuttoppdrag. Ulemper for Os ved eit interkommunalt vaktsamarbeid: I sjeldne tilfelle vil det vera naudsynt for lege med utrykking til akuttoppdrag i Samnanger. Os kommune vil då vera utan vaktlege. Dette er ein situasjon som også førekjem i dag når vaktlegen til dømes må følgja ein dårleg pasient til sjukehuset. Driftsutgifter ved utviding til interkommunal legevaktsentral Rådmannen legg som premiss i denne saka at etablering av interkommunalt samarbeid ikkje skal medføra auka driftsutgifter for Os kommune. Vår eiga legevaktsordning, som til no har hatt avgrensa opningstider, har i 2008 kosta om lag 3.000.000 kr i netto driftsutgifter. I budsjettet for 2008 vart det avsett 2.780.000 kr netto til legevaktordninga. Overskridinga på vel 200.00o kr ser administrasjonen i samanheng med eingongskostnader i første driftsår og nokre faste utgifter til t.d. husleige og reinhald som skulle ha vore budsjettregulert i 2008. I tillegg er legevakta rekneskapsført saman med anna kommunal teneste, slik at det må takast atterhald om at dette er eit førebels overslag. For 2009 vil legevakta bli rekneskapsført som eiga teneste for å få betre oversyn over kostnadene. Eit førebels estimat syner at utviding til døgnope legevakt bemanna med både lege og sjukepleier 24 timar, vil auka driftsutgiftene med om lag 1.800.000 kr pr. år. Rådmannen kan ikkje av omsyn til kommunen sin vanskelege økonomi rå til ei slik utgiftsauke utan at det vert dekt inn ved sal av legevakttenester eller gjennom omlegging av dei faste kostnadene. Side 10 av 21
Sak 4/09 Ei 24 timers lokalt bemanna legevaktsordning, med både lege og sjukepleier, vil ta bort behovet for kjøp av tenester frå Hjelp 24. Alternativ til Hjelp 24 kan vera å tilføra desse pengane til anna kommunal teneste, mot at tenesta overtek ansvaret for legevakttelefonen på dagtid. Rådmannen har vurdert denne løysinga og ser også fordeler med ei slik ordning. Den mest aktuelle tenesta som ligg til rette for å overta ansvaret for legevaktstelefonen er pleie og omsorg. Denne tenesta er døgnbemanna frå før og har alltid sjukepleiar på vakt. Gjennom å tilføra midlane som i dag vert brukt til Hjelp 24 vil tenesta kunna få styrka bemanninga si med ekstra helsepersonell. Dersom det vert fatta ei prinsipiell avgjerd om etablering av interkommunalt samarbeid kring legevakta vil administrasjonen oppnemne ei arbeidsgruppe som får i oppgåve å greie ut evt. konsekvensar av integrering av legevakttelefon i anna kommunal teneste. Vidare vil administrasjonen ta initiativ til å etablere ei prosjektgruppe med representantar frå begge kommunar for å utarbeida ei bindande avtale som regulerer både dei økonomiske, organisatoriske og faglege aspekta ved samarbeidet. Oppsummering Eit legevaktsamarbeid med Samnanger vil auka kvaliteten på legevakttenesta i Os og vaktlegane vil få betre arbeidsvilkår utan vesentleg auke i nettoutgiftene for tenesta. Det er gjort eit overslag som syner at brutto meirkostnad for Os ved ei naudsynt styrking av legevakta i samband med interkommunalt samarbeid vil liggja på omkring 1,8 millionar kroner i året. Rådmannen legg til grunn at denne meirkostnaden skal kunna dekkjast inn gjennom sal av tenester til, i denne omgang, Samnanger kommune. Framlegg til vedtak: Rådmannen vert gjeve fullmakt til å gå i tingingar om eit interkommunalt legevaktsamarbeid med Samnanger kommune. Nils Petter Borge Kommunalsjef Eva-Mari Solberg Einingsleiar Side 11 av 21
Sak 4/09 Ordførar Terje Søviknes Os kommune Postboks 82 5202 OS Interkommunalt legevaktsamarbeid mellom Os og Samnanger Litt om legevakt i Os tidlegare Os kommune har i mange år slitt med å få ei godt fungerande legevaktteneste. Det har vore fleire årsaker til dette. Samanliknbare kommunar har lenge hatt faste legevaktstasjonar med sjukepleiarbemanning, i Os måtte legen arbeida ut frå eige kontor. I tillegg har vaktgodtgjersla for legane i Os vore dårlegare enn i nabokommunane. Legane i kommunen har i mange år arbeida for betre arbeidstilhøve. Situasjonen i dag Frå november 2007 har vi hatt ein fast legevaktsstasjon i Os Røde Kors sitt nybygg i Kolskogen. Dette har vore eit stort framsteg for legevakttenesta i kommunen. Legevakta er her samlokalisert med ambulansetenesta, noko som har styrka samarbeidet mellom legane og ambulansepersonellet. Vaktstasjonen er bemanna med sjukepleiar kl 16 23 på kvardagar og kl 9 17 i helgene. Resten av døgnet vert legevakttelefonen betjent av Hjelp24 i Trondheim, dei formidlar ved behov kontakt med vaktlege i Os. Publikum har gitt uttrykk for at det føler seg betre ivaretekne av lokal sjukepleiar enn av sjukepleiar på Hjelp24. Det kan nemnast at alle klagesaker i samband med legevakt til no i 2008 gjeld episodar som har skjedd på tidspunkt der det ikkje har vore lokal sjukepleiar på vakt. Alt i 2001 vart det fatta eit politisk vedtak om at legar på vakt skulle få med seg hjelpepersonell. Det er godt dokumentert at risiko for medisinske feil er mykje større når ein arbeider aleine. Sjukepleiarbemanning på legevakta vil derfor gje innbyggjarane eit betre akuttmedisinsk tilbod. Eit anna argument er som det fleire gonger har vorte peika på, er tryggleiken for vaktlege. Diverre har det dei seinare åra vore ei rekke tilfeller med vald mot vaktlege. Det er ikkje forsvarleg å vera aleine med pasientar som kan vera rusa eller psykisk ustabile. Det kan nemnast at eit nyoppretta bukollektiv for personar med psykiske lidingar har 3 personar på vakt om natta, det vart argumentert med at bebuarane kan vera utagerande og at det då er for lite med 2 på vakt. Det er eit paradoks at legar på vakt må vera aleine når dei på natta må ta i mot pasientar som kan vera både ustabile og utagerande. Utforminga av legevaktlokala er ikkje tilfredsstillande. Slik forkontoret er utforma, er det vanskeleg å halda teieplikta. Pasientane må passera bak ryggen på sjukepleiar og kan då sjå dataskjermen. Når det gjeld sikkerheit, er det lite ønskeleg at pasientar skal stå/gå bak ryggen på sjukepleiar. Sannsynlegvis vil det koma ei HMS-sak på dette. Legevakta manglar også lunsjrom/kvilerom for sjukepleiar. Det er teikna eit forslag til utviding av lokala som vil løysa dei problema som her er påpeika. Desse tilhøva må utbetrast uavhengig av spørsmålet om interkommunalt vaktsamarbeid. I Os er halvparten (7 av 14) fastlegar for tida fritekne for legevakt på grunn av alder. For å få ei akseptabel vaktbelastning for vaktpliktige legar er kommunen avhengig av å leiga inn eksterne legar. Interkommunalt samarbeid Side 12 av 21
Sak 4/09 Nye forskrifter seier at legar ikkje lenger kan påleggast å gå hyppigare enn 4-delt vakt. Det er på bakgrunn av dette komen ein førespurnad frå Samnanger kommune om vaktsamarbeid med Os då dei berre har 3 faste legar i kommunen. For Os og fleire andre kommunar i Bergensregionen var det for nokre år sidan tale om felles legevakt med Bergen om natta, dette har det av ulike grunnar ikkje vorte noko av. Dei seinare åra har det likevel vorte vanleg med interkommunale legevaktstasjonar. Av dei større kommunane i Bergensregionen er det forutan Os berre Askøy som no ikkje har interkommunalt vaktsamarbeid, men Askøy har likevel døgnbemanna vaktstasjon. Interkommunale vaktstasjonar er omfatta av sentrale avtaler. Dette inneber mellom anna at vaktstasjonen skal vera bemanna med hjelpepersonell, fortrinnsvis sjukepleiar. Om natta (kl 23-08) skal vaktlegen ha fast løn etter framforhandla satsar, eigendelar og trygderefusjonar går i dette tidsrommet til kommunen. Den felles legevakta skal vera open frå kl 16 til 08 på kvardagar og heile døgnet i helger/høgtider. Det er to alternative modellar for interkommunale legevaktstasjonar: 1. Legevakta er organisert som eit interkommunalt selskap 2. Legevakta er ei avdeling av helseetaten i vertskommunen og seljer tenester til andre deltakande kommunar Etter som Os allereie har etablert ein legevaktstasjon vil det for Os og Samnanger den enklaste løysinga vera at Samnanger kjøper legevaktteneste frå Os. Fordelar for Os ved eit interkommunalt vaktsamarbeid: Fleire legar i vaktordninga Auka kvalitet på tenesta Deling av utgifter Os kommune før eller seinare må ta Auka tryggleik for vaktlegar med kontinuerleg sjukepleiarbemanning Moglegheit for oppdeling av vaktdøgnet Fast stasjonert lege på legevakta Ulemper for Os ved eit interkommunalt vaktsamarbeid: I sjeldne tilfelle vil det vera naudsynt for lege med utrykking til akuttoppdrag i Samnanger. Os kommune vil då vera utan vaktlege. Dette er ein situasjon som også førekjem i dag når vaktlegen til dømes må følgja ein dårleg pasient til sjukehuset. Oppsummering Eit legevaktsamarbeid med Samnanger vil auka kvaliteten på legevakttenesta i Os og vaktlegane vil få betre arbeidsvilkår utan vesentleg auke i nettoutgiftene for tenesta. Det er gjort eit overslag som syner at brutto meirkostnad for Os ved ei naudsynt styrking av legevakta i samband med interkommunalt samarbeid vil liggja på omkring 1,8 millionar kroner i året. Forhandlingar med Samnanger må sjølvsagt gjennomførast, men det er grunn til å tru at denne meirkostnaden i hovudsak kan dekkast inn. Dersom Os kommune vel å gå inn for eit samarbeid, må det etablerast ei prosjektgruppe med representantar frå begge kommunar for å utarbeida ei bindande avtale som regulerar både dei økonomiske, organisatoriske og faglege aspekta ved samarbeidet. Som nemnd tidlegare er det sterke argument for ei opprusting av legevakttenesta i Os uavhengig av interkommunalt vaktsamarbeid. Sannsynlegvis vil det etter kvart koma sentrale krav om sjukepleiarbemanning på legevaktstasjonar. Os kommune må derfor vera førebudd på auka kostnader til legevakttenesta dersom det ikkje vert noko av samarbeidet med Samnanger. Det kan nemnast at Os i dag har lågare utgifter til legevakt pr innbyggjar enn det samanliknbare kommunar har. I samband med oppbemanning av legevakta ved eit interkommunalt samarbeid er det aktuelt å vurdera lokal bemanning med sjukepleiar også den tida det ikkje er vaktsamarbeid, det vil seia mellom kl 8 og 16 på kvardagar. Ei slik løysing vil gjera det lettare å rekruttera sjukepleiarar då dei vil kunna få ein betre turnus. Med ei slik løysing vil Os kommune ikkje lenger måtta kjøpa tenester frå Hjelp24. Tvert imot vil det då kunna verta aktuelt Side 13 av 21
Sak 4/09 at Os tilbyr nabokommunar å drifta legevakttelefonen på tilsvarande vis som Hjelp24 gjer for Os i dag. Det er også mogleg at sjukepleiar på vakt på dagtid vil kunna utføra andre sjukepleiaroppgåver i tillegg til å svara på vakttelefonen. Sjukepleiar på vakt vil også betra akuttberedskapen i kommunen ved at dei kan rykka ut saman med lege ved ulukker eller livstrugande sjukdom. Konklusjon Leiinga ved Os legevakt vil tilrå at Os kommune vedtek å gå i forhandlingar for å etablera eit interkommunalt legevaktsamarbeid med Samnanger kommune. Sveinung Gangstø Medisinskfagleg ansvarleg lege Os Legevakt Side 14 av 21
Sak 5/09 MØTEBOK OS VASSVERK- NYTT RENSEANLEGG BYGG- OG UTOMHUSANLEGG, FORPROSJEKT Saksbehandlar: Johannes Håkonsund Arkiv: M16 Arkivsaksnr.: 03/972 Saksnr.: Utval Type/ Møtedato 239/05 Plan- og bygningsutvalet PS 03.11.2005 157/05 Os Formannskap PS 08.11.2005 76/05 Os kommunestyre PS 15.11.2005 32/06 Os Formannskap PS 21.02.2006 22/06 Os kommunestyre PS 07.03.2006 32/08 Plan- og bygningsutvalet PS 31.01.2008 40/08 Plan- og bygningsutvalet PS 28.02.2008 194/08 Plan- og bygningsutvalet PS 25.09.2008 73/08 Os kommunestyre PS 28.10.2008 5/09 Tenesteutvalet PS 04.02.2009 Framlegg til vedtak: Tenesteutvalet i Os kommune tek Rådmannen si utgreiing vedkomande bygg og utomhusanlegg for nytt vassbehandlingsanlegg til orientering. Os, 22.01.09 Knut Terje Rekve Rådmann ADRESSE TELEFON WEB/EPOST INFO Rådhuset Sentralbord: 56 57 50 00 postmottak@os-ho.kommune.no Bankgiro: 6525.05.05676 Torggata 7 Telefax: 56 57 50 01 www.os.hordaland.no Org.nr.: 844 458 312 Pb.84, 5202 Os Dir. innval: 56 57 50 20
Sak 5/09 Behandling i Os kommunestyre i møte 28.10.2008 Behandling i utvalet: Administrasjonen skal koma attende til spørsmålet om korrosjonskontroll som vart stilt av Jostein Bondevik (Krf). Samrøystes vedak som innstillinga. Vedtak: Os kommunestyre godkjenner at det nye vassbehandlingsanlegget skal byggjast på Hetleflåten, ved grensa mot Skogen. Os kommunestyre tek rådmannen si utgreiing om val av reinseprosess og framdrift til orientering. Behandling i Plan- og bygningsutvalet i møte 25.09.2008 Behandling i utvalet: Innstillinga vart samrøystes vedteken. Vedtak: Os kommunestyre godkjenner at det nye vassbehandlingsanlegget skal byggjast på Hetleflåten, ved grensa mot Skogen. Os kommunestyre tek Rådmannen si utgreiing om val av reinseprosess og framdrift til orientering. Behandling i Plan- og bygningsutvalet i møte 28.02.2008 Behandling i utvalet: Det vart halde orientering om denne saka frå klokka 0800. Johannes Håkonsund og Arne Håkon Rød orienterte. Lisbeth Axelsen (H) stilte spørsmål om eksisterande røyranlegg i høve til lekkasjar. Lisbeth Axelsen (H) stilte spørsmål om trykk i høve dagens situasjon. Terje Sperrevik (Tvs) stilte spørsmål om det er tilstrekkelig vatn i Gåssandvatnet. Terje Sperrevik (Tvs) stilte spørsmål om valte anleggstype er framtidsretta. Elles vart det stilt det stilt spørsmål kring følgjande tilhøve under debatten: - Kontrakt i høve grunneigarar - Prosessar i høve kommunestyrevedtak 76/05 Terje Sperrevik (Tvs) vil vurdera og be om at denne saka vert sendt over til kontrollutvalet for vurdering Endra plassering av anlegget og val av reinsemetode må leggjast fram for kommunestyret. Lisbeth Axelsen(H) ba om at dette ikkje skal gjerast før avtalar med grunneigarane om leidningstrasè sørover er klarert. Side 16 av 21
Sak 5/09 Gustav Bahus (Frp) la fram følgjande nytt framlegg til vedtak: Plan- og bygningsutvalet tek Rådmannen si utgreiing om bygging av nytt vassbehandlingsanlegg til orientering. Dette vedtaket vart samrøystes vedteke. Vedtak: Plan- og bygningsutvalet tek Rådmannen si utgreiing om bygging av nytt vassbehandlingsanlegg til orientering. Behandling i Plan- og bygningsutvalet i møte 31.01.2008 Behandling i utvalet: Gustav Bahus (FrP) ba om at saka vart utsett til 28.02.08 for synfaring og orientering. Plan- og bygningsutvalet ber om at sakshandsamar kjem og held ein orientering om saka før synfaring 28.02.08 (kl. 0800). Plan- og bygningsutvalet vil mellom anna ha svar på følgjande spørsmål: Økonomi i høve andre alternativ Avtalestruktur i høve å føra leidningar over anna manns grunn Avtale med grunneigar Valg av teknologi Plassering, val i høve plan Vedtak: Saka vart utsett for synfaring Behandling i Os kommunestyre i møte 07.03.2006 Behandling i utvalet: Egil Lekven (Sp) kom med følgjande tilleggsframlegg: Kommunestyret føreset at alle abonnentar som i dag er knytt til vassverket også vert sikra reinsa vatn når det nye anlegget i Skogen vert teke i bruk. Administrasjonen sitt framlegg vart samrøystes vedteke. Senterpartiet sitt tilleggsframlegg vart samrøystes vedteke. Vedtak: Os kommunestyre tek rapport frå Cowi a/s, kvalitetssikring av teknisk løysing og økonomisk ramme for alt.3 Skogafjellet, datert 23. januar 2006 til orientering. Kommunestyrets grunngjeving for vedtak i sak 76/05 om å etablera det nye renseanlegget på Skogen står ved lag. Det skal hentast inn anbod med nedlegging av leidning både i vatn og i veg dersom det er praktisk mogeleg. Saka kjem opp att som ny sak i formannskapet Side 17 av 21
Sak 5/09 Nødvendige budsjettjusteringar må vurderast i samband med forprosjekt og detaljprosjektering av vassrenseanlegg og ved framlegging av avtale med Statens vegvesen om framføring av ny vasstilførsle / ny kloakkleidning i gangvegen langs E- 39, når denne er klar (fordeling vatn/kloakk). Etter dette kan kommunalteknisk eining gå vidare med prosjektet, med utlysing av prosjekteringsarbeida og oppretting av avtale med grunneigar (ar). Kommunestyret føreset at alle abonnentar som i dag er knytt til vassverket også vert sikra reinsa vatn når det nye anlegget i Skogen vert teke i bruk. Behandling i Os Formannskap i møte 21.02.2006 Behandling i utvalet: Espen Aspenes (FrP) kom med følgjande nytt framlegg til 3. avsnitt: Det skal hentast inn anbod med nedlegging av leidning både i vatn og i veg dersom det er praktisk mogeleg. Saka kjem opp att som ny sak i formannskapet Innstillinga, med ovannemnde tillegg, vart samrøystes vedteke. Vedtak: Os kommunestyre tek rapport frå Cowi a/s, kvalitetssikring av teknisk løysing og økonomisk ramme for alt.3 Skogafjellet, datert 23.januar 2006 til orientering. Kommunestyrets grunngjeving for vedtak i sak 76/05 om å etablera det nye renseanlegget på Skogen står ved lag. Det skal hentast inn anbod med nedlegging av leidning både i vatn og i veg dersom det er praktisk mogeleg. Saka kjem opp att som ny sak i formannskapet Nødvendige budsjettjusteringar må vurderast i samband med forprosjekt og detaljprosjektering av vassrenseanlegg og ved framlegging av avtale med Statens vegvesen om framføring av ny vasstilførsle / ny kloakkleidning i gangvegen langs E- 39, når denne er klar (fordeling vatn/kloakk). Etter dette kan kommunalteknisk eining gå vidare med prosjektet, med utlysing av prosjekteringsarbeida og oppretting av avtale med grunneigar (ar). Behandling i Os kommunestyre i møte 15.11.2005 Behandling i utvalet: Gustav Bahus (FrP) kom med følgjande tilleggsframlegg frå FrP/H: Før prosjektet vert realisert med lokalisering Skogen, skal det gjennom ei ekstern kvalitetssikring i høve teknisk løysing og økonomisk ramme. Framlegg til vedtak saman med FrP/H sitt tilleggsframlegg vart samrøystes vedteke. Vedtak: Os kommunestyre godkjenner at det nye vassrenseanlegget vert plassert på Skogen i samsvar med tilrådinga frå Kommunalteknisk eining. Side 18 av 21
Sak 5/09 Grunngjevinga for vedtaket er at området på Skogen ligg sentralt plassert i trykklinja. Det er mogleg å etablera eit nytt reintvassbasseng i nærleiken av anlegget og dette alternativet gjev den mest rasjonelle vassverksdrifta i framtida. Før prosjektet vert realisert med lokalisering Skogen, skal det gjennom ei ekstern kvalitetssikring i høve teknisk løysing og økonomisk ramme. Behandling i Os Formannskap i møte 08.11.2005 Behandling i utvalet: Samrøystes vedtak som innstillinga frå administrasjonen. Vedtak: Os kommunestyre godkjenner at det nye vassrenseanlegget vert plassert på Skogen i samsvar med tilrådinga frå Kommunalteknisk eining. Grunngjevinga for vedtaket er at området på Skogen ligg sentralt plassert i trykklinja. Det er mogleg å etablera eit nytt reintvassbasseng i nærleiken av anlegget og dette alternativet gjev den mest rasjonelle vassverksdrifta i framtida. Behandling i Plan- og bygningsutvalet i møte 03.11.2005 Behandling i utvalet: Gustav Bahus (Frp) fremja forslag om å ta ut dei siste to setningane. Haldor Fosse (SV) fremja følgjande tillegg til framlegg til vedtak: og vert handsama etter plan- og bygningslova på vanleg måte. Framlegg til vedtak, med tillegg, minus dei to siste setningane, vart samrøystes vedteke. Vedtak: Os kommunestyre godkjenner at det nye vassrenseanlegget vert plassert på Skogen i samsvar med tilrådinga frå Kommunalteknisk eining og vert handsama etter plan- og bygningslova på vanleg måte. Side 19 av 21
Sak 5/09 Vedlegg: Plan VVA-anlegg, dat 12.12.08 Digitalt vedlegg: Forprosjekt Os vba E2, utgåve 1, dat 12.01.09 Saksopplysningar: Generelt: Os kommune skal byggja nytt vassbehandlingsanlegg i området Skogen/Hetleflåten. Det er inngått avtale med aktuelle grunneigarar om kjøp av tomt for sjølve vassbehandlingsanlegget samt sikra rettar for tilkomst og framføring av veg og leidningsanlegg. Os kommune har inngått avtale med Nordic Water AB (entreprise E1) om levering av eit komplett prosessanlegg av typen Dynasand inklusive UV-anlegg, anlegg for PH-justering og pumpeanlegg. Med bakgrunn i ovannemnde gjorde Os kommunestyre, i møte 28.10.2008 sak 73/08, følgjande vedtak: Os kommunestyre godkjenner at det nye vassbehandlingsanlegget skal byggjast på Hetleflåten, ved grensa mot Skogen. Os kommunestyre tek rådmannen si utgreiing om val av reinseprosess og framdrift til orientering. Os kommune har vidare inngått avtale med Asplan Viak AS om prosjektering av bygg og utomhusanlegg (entreprise E2) samt avtale om prosjektering av veg- og leidningsanlegg til vassbehandlingsanlegget (entreprise E3). Detaljplanlegging av veg- og leidningsanlegg (E3) er under arbeid og kontrahering av grunnentreprenør vil venteleg skje i løpet av mars 2009. For å få råvatn fram til vassbehandlingsanlegget må det utførast omlegging av eksisterande vassleidningsanlegg i Storestraumen samt tilkopling til det nye leidningsanlegget i gang- og sykkelvegen langs E39 mellom Storestraumen og Ulvenskiftet. Planlegging av samankoplingsarbeida for vatn (og kloakk) er starta og framdrift for gjennomføring av anleggsarbeida må tilpassat arbeida for leidningsanlegga ved vassbehandlingsanlegget. Bygg- og utomhusanlegg: Asplan Viak AS fått i oppdrag å utarbeide forprosjekt og detaljprosjekt for bygg og utomhusanlegg. Med grunnlag i forprosjektet har Asplan Viak sendt inn søknad om rammeløyve. Når det gjeld utforming av bygg samt tekniske installasjonar og utomhusanlegg (inklusive utjamningsbasseng) vert det vist til vedlagde forprosjekt med teikningar (digitalt format). I forprosjektet er følgjande hovudtema omtala/utdjupa: Tomt for vassbehandlingsanlegg Utforming av anlegget Byggjeteknikk Elektro Energi og miljø Side 20 av 21
Sak 5/09 Reintvassbasseng og utvendige VA-anlegg Kostnadar Før vidare arbeid med detaljprosjekteringa kan fullførast må Os kommune ta endeleg stilling til utforming av bygg/val av materialar samt byggtekniske detaljar som ikkje er avklara i forprosjektet. Teknisk område vil derfor, i samråd med Verneombodet i kommunen (teknisk område) og konsulent, innan kort tid ta endeleg stilling til ovannemnde detaljar. I forprosjektet er det estimert eit kostnadsoverslag for entreprenørkostnadar for bygg- og utomhusanlegg (E2) på om lag 22 mill kr. Dette er om lag i tråd med tidlegare kalkylar. Kostnadar for prosjektgjennomføring (grunninnløysing, planlegging, oppfølging etc) er her ikkje medrekna. Framdrift for arbeidet med kontrahering av entreprenør er kontraktfesta til medio mars 2009. Grunna mellom anna seinka framdrift for prosjektering av ny vegtilkomst til behandlingsanlegget (E3) vil anleggsarbeida i samband med bygg- og utomhusanlegg (E2) venteleg ikkje starta opp før etter fellesferien i 2009. Tilkomst for installasjon av maskin- og prosessanlegg (E1) vil tidlegast kunna skje 8-9 mnd etter at bygningsarbeida er starta. Forventa oppstart av prøvedrift/ordinær drift av behandlingsanlegget vil då ikkje kunna skje før september/oktober i 2010. Os, 19.01.09 Johannes Håkonsund Side 21 av 21