Telemark Bondelag Utarbeidet av Bergit Li/Amund Johnsrud Til Styret m. 1. vara Kopi til 2. og 3. vara Protokoll styremøte Telemark Bondelag 17. november 2010 Tid: Onsdag 17. november 2010 kl 10.00. Stad: Landbrukets hus, Gvarv Desse møtte: Kjell A. Sølverød (leiar), Jon Midtbø, Olav S. Nordbø, Knut Draugedal (1. vara), Borghild Hardang-Hanto (TBK) Forfall: Tone Edland og Synne Vahl Rogn Saker: Sak 01/10 Godkjenning av innkalling og sakliste. Vedtak: Styret godkjenner innkalling og sakliste Sak 02/10 Godkjenning av protokoll frå førre styremøte Protokollen var sendt ut tidlegare, med kommentarfrist. Vedtak: Styret godkjenner protokoll frå styremøtet 19. oktober 2010. Sak 03/10: Referatsaker 1. Årsmøte i lokale bondelag Bamble. Olav møtte. 18 stk. Noko diskusjon om leiarvervet. Annecken S. Rosland ny leiar. Spørsmål til sak frå tidlegare om varslingsplikt i forhold til Kulturminnelova, spørsmål etter kva som er skjedd av oppfølging her frå NB/TB. Det vart peika på at utforming av enkelte toll-liner gir redusert toll på mjølk i foredla form. Dette vert i praksis eit hòl i grensevernet. Kom også kommentarar på utforminga av avløysarordninga Noko kritikk av det forholdet at tema i jordbruksforhandlingane blir kommentert av fylkeslaget før høyringsrunden med lokallaga er gjennomført.
Telemark Bondelag 2av 8 Sannidal og Skåtøy. Jon møtte. 10 stk. Triveleg møte m/ juletallerken Fokus på Open gard, der et er eit imponerande frammøte på arrangementa i laget. Peder Aarø attvald som leiar. Gjerpen. Kjell møtte Møte på Århus. 20 stk. Attval på Kim E. Ellingsen. Tok opp om veterinærkostnader, og om kompetansen på landbrukskontoret i forhold behovet. Synest at landbrukskontoret i kommunen har for lite kontakt mot næringa. Same tema kom opp i Siljan. Siljan. Kjell møtte. Ca 15 møtte. Attval på Anne Grethe Rønningene. Tema, jf. Gjerpen ovafor Fyresdal. Kjell møtte. Kim Hopland ny leiar. 9 frammøtte. Interesse for satsing på sau, tankar om prosjekt på dette i kommunen. Heddal. Kjell møtte. 14 frammøtte. Attval på Geir Olav Grini. Drøfting om utbygging av E134. Jordvern i forhold til optimal arealbruk. Om samdriftsproblematikk. Interesse for sauehaldet. Drangedal og Tørdal. Amund møtte. 20 stk. Elisabeth Kaasa ny leiar. Uttale til kommunen om forslag til nye kommunale politivedtekter. Vil regulere husdyrhaldet i desse vedtektene. Bør ikkje vere ein sak for desse, men på kommunestyremøtet etter årsmøtet vart det likevel vedtatt. Saka er tatt opp med juridisk avdeling i Norges Bondelag. Vinje og Tokke. Amund møtte. Felles arrangement i Åmot. 20 stk i Vinje og 5 på møtet i Tokke. Attval på Nils-Ole Lien og Tor Erik Sivertsen. Hadde felles tema om ny tiltaksretta handlingsplan for landbruket i Vest- Telemark. Sverre Bakke skogbrukssjef i Tokke gjorde greie for planen. Noko uklart om det blir ny høyringsrunde på planen, men den verkar til å vere lite forankra både i kommunane og den lokale landbruksnæringa. 2. Leiarkonferansen i Norges Bondelag 3.-4. november Vedlagde styrepapira låg fråsegn om ny stortingsmelding landbruk, som vart vedtatt på konferansen. Det er eit samla møte som står bak fråsegna. 3. Rovviltseminar 28. oktober I regi av den regionale rovviltnemnda, i Bø Fleire frå fylkesstyret deltok: Kjell, Tone, Olav, Knut. Gjennomgang av aktuell forsking, men ein del av denne forskinga verkar til å vere sprenging av opne dører. Generelt ser ein at gaupa er hovudproblem i vår region, men bjørnen kjem opp som eit stadig større problem i fleire område.
Telemark Bondelag 3av 8 Vert eit nytt møte mellom landbruksorganisasjonane i regionen, den 22. november, i Skien. Kjell og Olav deltar. Viktig å få flest mogleg av organisasjonane til å stille på dette møte for å drøfte samordning og felles syn på den komande kvotejakta. 4. Kontaktmøte med AT Skog og Bondelaga i Agder 2. november Kjell og Amund deltok for TB. Føremålet med møtet i Grimstad var å finne fram til område som eigner seg for meir samarbeid. Av tema som vart tatt opp var m.a.: Problematikken rundt linerydding/erstatninger og bistand fra organisasjonene. Kontakt mot landbruksskulane og utdanningssystemet elles. AT Skog konsentrerer seg om høgskulesystemet, Bondelaga kan bruke deira namn i forhold til arbeidet med vidaregåande utdanning. AT interessert i moglegheitane for å få til eit fagskuletilbod innanfor landbruk Orientering om ordningane med samarbeidsadvokater. Kan desse utfylle kvarandre betre? Oppmode til meir fellessaker for jord og skog på samlingane som Bondelaget har for samarbeidande advokatar og rekneskapskontor. Generelt om styrking av rådgivingstenestene for landbruket Kontakt mot Fylkeskommunen. Arbeidet med strategi- og handlingsplanar i fylka, og bruk av investeringsmidlane over Landbrukets utbyggingsfond. AT har ønske om at skogbrukstiltak vert tatt meir med her. På møtet fekk deltakarane også ei oppdatering om diskusjonen omkring den nye Naturindeksen som er utarbeidd av Direktoratet for naturforvaltning. Det er svært problematisk at den målar tilstanden i den norske skogen opp mot ein teoretisk førestilling om natur heilt utan menneskeleg påverknad. Naturindeksen illustrerer dei store utfordringane organisasjonane og våre medlemmar står overfor i møte med sterke krefter innanfor den offentlege naturvernforvaltninga med tilknytte forskingsmiljø. Det vil krevje mykje av landbruksorganisasjonane å møte dette på ein effektiv måte i tida framover. Vedtak: Styret merkar seg dei framlagde referatsakene. Sak 04/10: Orienteringssaker 1. Leiarmøtet i Telemark Bondelag, fordeling av oppgåver På møtet hadde ein ei oppdatering av program og påmelding. Gjennomgang av ansvar for dei enkelte programpostar. Ser ut til å bli vel 40 deltakarar, nokre av dei bare på dag 1.
Telemark Bondelag 4av 8 Fylkesstyret bør førebu spørsmål til debatten med Smedshaug og Vinje Kjell ordstyrar på dag 1 og ønskjer velkomen til middagen. Ordnar med takk for maten-tale. Dag 2: Vert Synne spurd som ordstyrar, evt. i samarbeid med Amund. Det vert gruppearbeid regionvist, der føremålet er å vidareføre det ein har starta på av felles planlegging. Amund samordnar dette med Jon og Synne. 2. Regionmøte i januar 2011 Møta blir gjennomført slik: Tysdag 18. januar på Norsjø hotell, Akkerhaugen, Einar Frogner. Same dag på Morgedal hotell, med Jostein Lindland Onsdag 19. januar på Hotell Vic, med Einar Frogner. For Amunds del kolliderer møtet den 19. med samling i Norges Bondelag for organisasjonssjefane i fylka. 3. Søknad om innsyn i lokaliseringdata GPS-merkt gaupe. Påklage av avslag Avslagsbrev frå DN låg ved styrepapira. På møtet vart det dela ut kopi av brev der vi påklagar vedtaket. Det er sendt til fristen som var måndag 15. november. Saka er drøfta undervegs med Sissel Fykse, advokat i Norges Bondelag. 4. Samråd, fylkesplan Jon deltok på møtet på Brattrein. Tema var innovasjon, nettverk og klyngestruktur. Mykje fokus på Kongsberg og Herøya. Jon tok opp tema bedriftsrådgiving for landbruket. Mykje snakk om nyetablering, men i næringsarbeidet kan ein med fordel fokusere meir på eksisterande verksemd. Vi må hugse på at 9 av 10 nye føretak er ikkje levedyktige. Derfor viktig å utvikle det vi har. Behov for meir rettleiing på dette området. Til saka tok Kjell opp det som var drøfta på samrådingsmøtet med AT Skog, om å lage eit prosjekt med føremål å styrkje samarbeidet mellom landbruksskulane i Telemark og Agder. Tanken er at ein kunne fordele liner og tilbod meir mellom skulane og styrkje det faglege innhaldet og rekrutteringa til kvar skule. Til dømes kan ein etablere eit fagskuletilbod på ein av landbruksskulane, og grunnutdanning på ein eller fleire av dei andre. Grunnutdanninga på vidaregåande nivå og eit mogleg fagskuletilbod, kunne også bli sett i samanheng med ulike vidareutdanningstilbod, i regi av andre aktørar. Slik som Bygdekompasset og Agrofram i Bondelaget/BSF sin regi, og Næringsutvikling på gardsbruk (NUG) i regi av LR.
Telemark Bondelag 5av 8 Styret drøfta temaet noko, og i ordskiftet vart det mellom anna peika på at det kan vere negativt for naturbruksutdanninga at den er inndelt i mange liner. Burde heller vore satsa på ei grunnleggande utdanning, og spesialisering på eit seinare tidspunkt enn i dag, f. eks. på fagskulenivået. Styret ønskje å leggje eit styremøte til Søve når ny rektor er på plass og klar til å ta ei drøfting med oss om rekruttering, kompetanseutvikling, status for landbrukets yrkesutøvarar, jf. fagbrevdebatten. Til eit slikt fagtema er det samtidig aktuelt å spørje nokon av dei som arbeider med NBs rekrutteringsprosjekt om å kome, t. d. Einar Frogner Vedtak: Styret merkar seg dei framlagde orienteringssakene. Sak 47/10 Bygdevis. Mål, oppgåver, organisering Vedlegg som følgde saksutgreiinga som bakgrunn og til orientering i saka: 1. Brev frå BSF Telemark til medlemsorganisasjonane 2007-12-17 2. Brev frå TB til BSF. Synspunkt på BSF i framtida. 2008-01-18 3. BSF Telemark/TB. Avtale om overtagelse av studievirksomhet. 2008-04-01 4. Vedtekter for Bygdevis. Rev. 2010-03-15 5. BSF Telemark. Protokoll, eks. ord. årsmøte 2008-04-17 6. BSF Telemark. Protokoll, ord. årsmøte 2008-04-17 7. Bygdevis. Protokoll, årsmøte 2009-03-07 8. Bygdevis. Protokoll, årsmøte 2010-03-13 9. Instruks for dagleg leiar Bygdevis. Vedtatt 2008-06-26 10. Arbeidsavtale mellom Bygdevis og Landbrukstjenester Telem. 2009-06-30 11. Bygdevis. Årsmelding 2008 12. Bygdevis. Årsmelding 2009 13. Bygdevis. Rekneskap 2009 14. Bygdevis. Rekneskapsutdrag pr. 2010-11-08 15. Bygdevis. Arbeidsplan 2010 16. Bygdevis. Protokoll, styremøte 2008-06-26 17. Notat, møte mellom TB og LRØ 2010-08-23 18. BSF. Mal for samarbeidsavtale mellom BSFs regionkontakt og BSF sentralt Det var laga utgreiinga til saka, som følgde møteinnkallinga. Den omhandla desse punkta: 1. Frå BSF Telemark til Bygdevis 2. Samarbeid med LRØ? 3. Mål og oppgåver for ei felles verksemd innan etter- og vidareutdanning Nye rammer for finansiering Nye læringsmodellar
Telemark Bondelag 6av 8 Nye samarbeidspartnarar Fellestiltak 4. Forslag til vidare framdrift. Invitere inn potensielle medeigarar Samarbeid om felles kompetansetiltak Fleire og nye samarbeidspartnarar Indre og ytre krins Leiing og drift av prosjekt 5. Regionkontakt for BSF i Telemark? På bakgrunn av utgreiinga, drøfta fylkesstyret saka vidare i møtet: Styret ser det som nødvendig å bruke ein del meir tid på å definere mål og oppgåver for Bygdevis, men at det samtidig er viktig å kome betre i gang med verksemda og gjere seg erfaringar med korleis ein skal bruke Bygdevis som arrangør av kurs- og kompetansetiltak. Her vert det ei avveging mellom kor mykje tid og kreftar ein bør bruke på ei omorganisering og forsøk på å utvide eigarskapen til Bygdevis alt nå, framfor å auke aktiviteten innanfor dagens modell. Men om ein vél å halde på dagens modell bør TB samtidig bruke Bygdevis meir aktivt som ei plattform for å samarbeide og koordinere kursaktivitet med andre organisasjonar i telemarkslandbruket. Slik vi ser det er det eit stort behov for meir koordinering her. Den konkrete organiseringa av kurs og kompetansetiltak i landbruket bør skje på ein så enkel og smidig måte som råd. Det kan bety at Bygdevis får to hovudoppgåver å fylle: 1) Arrangere eigne kurs i regi av Bygdevis og 2) fungere som ein arena for informasjonsutveksling og samordning mellom organisasjonane på området etter-/vidareutdanning og kompetanseutvikling Når det gjeld 1) kan det konkrete arbeidet skje anten ved at Bygdevis sin administrasjon gjer arbeidet med å lage til kurs (pr i dag er denne administrasjonen lagt Bondelagskontoret på Brenna), eller ved at ein gjer avtaler med andre kursarrangørar om å gjere jobben på oppdrag for Bygdevis. Det er nærliggjande å tenkje seg at dette i stor grad kan verte LRØ. Styret ser det som eit mål at TB og LRØ etablerer eit tettare samarbeid innanfor kursverksemda i telemarkslandbruket, og brukar Bygdevis som ei plattform for å få dette til. Med tanke på 2) bør TB gjennom Bygdevis invitere alle landbruksorganisasjonane i fylket til faste møte for informasjonsutveksling om kompetansetilbod retta mot landbruksnæringa, til idédugnad på dette saksfeltet og til samordning av planlagde tiltak. I ein del andre fylke får ein til å utgi ein felles årleg kurskatalog for landbruket. Det er ønskjeleg å få til noko
Telemark Bondelag 7av 8 tilsvarande i Telemark, og. Når rutinane er innarbeidd, bør ein slik katalog vere tilgjengeleg frå ca 1. august kvart år Styret drøfta mogleg omorganisering av Bygdevis og konkluderte med at ein ikkje gjer endringar i eigarskapen til verksemda i første omgang. I staden vil vi invitere til ei breiare samansetjing av styret for Bygdevis. Pr. i dag er styremedlemmane valde blant styret i TB. Ved komande årsmøte bør vi heller freiste å få vald eit styre om også har medlemmar frå andre lag og organisasjonar, som det er aktuelt for TB å samarbeide med om kurs- og kompetansetiltak. I tillegg kan det vere aktuelt å ha eit fagråd i Bygdevis, dvs eit organ, samansett av ansvarlege for kurs- og kompetanseutvikling i dei organisasjonane som vil vere med i eit samarbeid gjennom Bygdevis Det vert ei viktig oppgåve for dette nye Bygdevis-styret å be om og hente inn konkrete kursoppdrag frå ulike hald i telemarkslandbruket, og få gjennomført desse, anten i regi av Bygdevis aleine, eller i eit samarbeid mellom Bygdevis og ein eller fleire organisasjonar. Eit av måla må vere at arbeidet med organisering av kursa vert gjort så enkelt og rasjonelt som råd. Inn til vidare vert administrasjonen av Bygdevis verande i på Bondelagskontoret. Kontoret vil sjå på moglegheitene for å prioritere opp arbeidet med å arrangere kurs- og opplæringstilbod. Det vert samtidig tatt kontakt med LRØ med sikte på å fordele oppdrag og arbeidsoppgåver med dei innanfor dette feltet, og for drifta av Bygdevis. Vedtak: Styret i Telemark Bondelag bed inn dei andre landbruksorganisasjonane i fylket til eit orienteringsmøte, med føremål informasjonsutveksling, samarbeid og arbeidsdeling innanfor kurs- og kompetanseutvikling i landbruket. Det er ønskeleg å halde møtet i løpet av januar 2011. På det same møte vil TB også invitere til deltaking i styret for Bygdevis, slik at ein på årsmøtet i Bygdevis 2011 kan velje eit styre som har med deltakarar frå andre, i tillegg til medlemmar frå styret i TB. Fylkeskontoret gjennomgår sine oppgåver med sikte på å prioritere opp arbeidet med å arrangere kurs- og opplæringstilbod gjennom Bygdevis. Det vert samtidig tatt kontakt med LRØ med sikte på å fordele og samordne oppdrag og arbeidsoppgåver innanfor kurs- og kompetanseutvikling, og for drifta av Bygdevis.
Telemark Bondelag 8av 8 Open post Knut Om økologisk produksjon. Kommenterte at det synest å vere ein del uheldig spekulasjon i å hente ut økologiske meirtilskot. Tilskota skal dekkje kostnader ved meirarbeidet som økologisk drift fører med seg. Kva om brukaren ikkje følgjer opp dette i praksis? Uheldig vriding i høve til konvensjonelle produsentar. Det er uheldig for omdømet til jordbruket. Fylkesstyret bør sjå meir på saka i samband med innspelet til jordbruksforhandlingane til våren. Kjell Vestfold Bondelag har invitert til samarbeid om eit ope møte i januar m/vestfold og Buskerud. Truleg lagt i Larvik. Tema er innspurt på arbeidet med den nye stortingsmeldinga om landbruk. Aktuelt å spørje Terje Lien Aasland om å delta i panel. Møtet slutt kl. 14.50. Ved protokollen: Amund Johnsrud