Offentleg møteprotokoll Utval : FORMANNSKAPET Møtedato: 20.11.12 Sakliste Utvalsaktype/nr. Arkivsaknr. Tittel PS 71/12 12/811 BUDSJETT 2013 - ØKONOMIPLAN 2013-2016 PS 72/12 12/1363 SKATTLEGGING 2013 PS 73/12 12/1334 EIGEDOMSSKATT 2013 PS 74/12 12/1388 GEBYR- OG BETALINSSATSAR 2013 - LANDBRUK- OG TEKNISK PS 75/12 12/1056 REGULERINGSPLAN FOR SMÅBÅTHAMN M.M. I GJERSVIKA - PLANVEDTAK PS 76/12 12/1196 REGULERINGSPLAN FOR VÅGE SENTRUM - PLANPROGRAM PS 77/12 12/1371 KJØP AV AREAL TIL NYTT OMSORGSSENTER PS 78/12 12/1230 SØKNAD OM Å KJØPA TOMT 113/94 OG TOMT 113/95 I LUNDEHAGEN 2 PS 79/12 12/89 KOLLEKTIVTRANSPORT I DISTRIKTA 2013 PS 80/12 12/1153 SØKNAD OM TILSKOT TIL O-KART - ONARHEIM IDRETTSLAG PS 81/12 12/1298 TYSNESFEST 2013 Postadresse: Besøksadresse: Rådhuset Telefon: 5685 UGGDAL UGGDAL Telefaks:
Side 2 av 11 PS 82/12 12/1378 SØKNAD OM TILSKOT TIL REFLEKSVESTER PS 83/12 12/1383 AVTALE OM ÅRBAKKA - FORNYING ELLER OPPSEIING PS 84/12 12/1400 REVIDERING AV REGULERINGSPLAN FV 49 - UGGDAL PS 85/12 12/1150 YMSE Sak PS 71/12 BUDSJETT 2013 - ØKONOMIPLAN 2013-2016 Rådmann og økonomisjef orienterte innleiingsvis om ulike strategival som føl budsjettarbeidet, samt dei endringar som er gjort på bakgrunn av formannskapet si handsaming av budsjett 25.10.12. Kap. 1.1 Formannskapet stilte spørsmål ved auka på område 1570 kyrkjeleg administrasjon. Det vart vist til at auken i driftsutgiftene på dette område ikkje reellt sett er så stor, men at kyrkja i 2012 har hatt ein vesentleg bruk av fond for å balansera drifta. Formannskapet ba om at driftsbudsjettet for kyrkjeleg administrasjon vart redusert med kr. 50.000 for 2013. Kap 1.2: Det har ikkje lukkast administrasjonen å redusera ytterlegare med kr. 2 million for budsjettkapitlet for 2013. Formannskapet er tilfreds med arbeidet som har vore gjort på dette kapitlet og føreset at det vert arbeidd vidare med kutt for å koma ned på gjennomsnittlege kostnader for tilsvarande kommunar, referansen er kostratal. Kap 1.3: Det ikkje funne rom for ein ny stilling innan open omsorg i budsjett for 2013, men det er gjort litt i høve til timebudsjettet. Ordføraren viste til at det er uheldig at det ikkje er lagt opp til styrking av open omsorg, ikkje minst i ljos av dei signala som vart gjeve i arbeidsmiljøutvalet. Formannskapet ber om at det vert arbeidd vidare med å styrkja open omsorg, primært må det skje innanfor ramma.
Side 3 av 11 Kap 1.4 Formannskapet tek endringane sidan handsaminga i møte 25.10.12 til vitande. Kap 1.9: Representanten Ingrid Restad meinte at formannskapet må ta inn over seg at inntektene ikkje møter utgiftene. I denne situasjonen er det turvande å vurdera inntektsnivået og då bør det vurderast å auka eigedomsskatten for 2013. Strategiske val: Formannskapet er positive til at det vert gjort vurderingar knytt til flytting av omsorgsbustader og bustader for PU til Uggdal som ein del av vurderinga knytt til nytt omsorgssenter. Dette inneber at bustader som i dag vert nytta til psykisk utviklingshemma kan omdisponerast til ny barnehage. Det vert føresett ein god dialog mellom tilsette og brukarar i samband med eventuelle endringar. Investeringsbudsjettet: I framlegg til investeringsbudsjett er det lagt opp til ulike alternativ for ei ombygging av rådhuset, det er mogeleg å gjennomføra ei etappevis utbygging. Føresetnaden for vidare arbeid med etablering av felles sekretariat og overgang til ein to nivåmodell er at det vert løyvd midlar til etablering av kundetorg og flytting av helsestasjonen. Ordføraren sette fram slikt framlegg: «Det vert sett av kr. 5. 000.000 til etablering av felles kundetorg og flytting av helsestasjonen i investeringsbudsjett for 2013.» Representanten Bjørn Lande gjorde framlegg om at det ikkje vart sett av midlar til ombygging av Rådhuset i 2013, men at ombygging a vert sett på vent i eitt år. Ved avrøysting vart framlegget frå ordføraren vedteke med 5 røyster ( K.H, A.M.F, J.M.D, A.S) mot 2 røyster (B.L, T.H.). Representanten Bjørn Lande meinte at kommunen må sikra turvande areal for næring og bustader og sette fram slikt framlegg: «Det vert sett av kr. 2. million til grunnkjøp i 2013 og i 2014.» Formannskapet slutta seg samrøystes til framlegget frå representanten Lande. Ordføraren viste til at det er sett av kr. 1 million til forprosjekt ved Tysnes skule i 2013, i den samanheng peika han på at det i samband med skulebruksplanen vart gjort eit arbeid som kan liggja til grunn for eit vidare prosjekt her. Det vart ikkje sett fram framlegg om å ta vekk dei løyvingane som er sett av til forprosjekt i 2013. Ordføraren sette fram slik framlegg knytt til trafikksikringstiltak: «Det vert sett av kr 350.000 til trafikksikringstiltak i 2013.» Formannskapet slutta seg samrøystes til framlegget frå ordføraren. Rådmannen ønskjer at midlane vert omprioritert innanfor ramma av dei løyvingane som allereie er sett av til vegtiltak. Formannskapet slutta seg til dette.
Side 4 av 11 Ordføraren sette fram slikt framlegg til vedtak: I. BUDSJETT 2013 Kommunestyret vedtek drifts- og investeringsbudsjettet for 2013 i samsvar med formannskapet si innstilling i vedlagde budsjettdokument og elles med dei føringane som går fram av møteboka for budsjettarbeidet. Kommunestyret godkjenner låneopptak i budsjett for 2013 med kr. 21,215 millionar. I. ØKONOMIPLAN 2013 2016: 1. Formannskapet si innstilling til økonomiplan vert vedteken slik ho ligg føre som vedlegg til denne saka. 2. Økonomiplanen sine hovudtal for 2013 vert å leggja til grunn som driftsramme for 2013. 3. Økonomiplanen sitt investeringsbudsjett for 2013 vert retningsgjevande for kva for prosjekt som kan førast opp i investeringsbudsjettet 2013. Formannskapet slutta seg til framlegget. FRAMLEGG TIL VEDTAK FRÅ FORMANNSKAPET 20.11.12: I. BUDSJETT 2013 Kommunestyret vedtek drifts- og investeringsbudsjettet for 2013 i samsvar med formannskapet si innstilling i vedlagde budsjettdokument og elles med dei føringane som går fram av møteboka for budsjettarbeidet. Kommunestyret godkjenner låneopptak i budsjett for 2013 med kr. 21,215 mill. II. ØKONOMIPLAN 2013 2016: 1. Formannskapet si innstilling til økonomiplan vert vedteken slik ho ligg føre som vedlegg til denne saka. 2. Økonomiplanen sine hovudtal for 2013 vert å leggja til grunn som driftsramme for 2013. 3. Økonomiplanen sitt investeringsbudsjett for 2013 vert retningsgjevande for kva for prosjekt som kan førast opp i investeringsbudsjettet 2013. Sak PS 72/12 SKATTLEGGING 2013 FRAMLEGG TIL VEDTAK FRÅ FORMANNSKAPET 20.11.12:
Side 5 av 11 I samsvar med tidlegare år vert det kommunale skattøret sett til høgaste sats. Sak PS 73/12 EIGEDOMSSKATT 2013 Representanten John Martin Dale sette på vegne av Framstegspartiet slik framlegg til vedtak: «Det vert innført eit botnfrådrag på eigedomsskatt tilsvarande kr. 200.000 for skatteåret 2013.» Framlegget frå representanten Dale fekk 1 røyst (J.M.D) for og 6 røyster ( K.H, A.M.F, I.R, A.S, B.L, T.H.) mot. Representanten Ingrid Restad sette fram slikt framlegg til vedtak: «Eigedomsskattesatsen for 2013 vert sett på 3 promille.» Framlegget frå representanten Restad fekk 3 røyster ( K.H, A.M.F, I.R) og 4 røysta ( A.S, J.M.D, A.S, B.L, T.H) mot. Framleggsstillarar tok dissens og det ligg då føre følgjande framlegg til vedtak frå formannskapet: FRAMLEGG TIL VEDTAK FRÅ FORMANNSKAPET 20.11.12 MED 4 RØYSTER (A.S, J.M.D, B.L, T.H): I medhald av eigedomsskattelova 3 og 4 vert det vidareført i 2013 utskriving av eigedomsskatt på alle faste eigedomar i heile Tysnes kommune. Eigedomsskattesatsen er for 2013 på 2 promille. Det vert ikkje innført botnfrådrag for bustaddelen av eigedommar som ikkje vert nytta til næringsverksemd i 2013. I medhald av eigedomsskatteloven 7 bokstav b vert bygning som har historisk verdi fritatt for eigedomsskatt. Nyoppført bygning som heilt eller delvis vert brukt som bustad vert fritatt etter eigedomsskatteloven 7 bokstav c i 5 år, eller til kommunestyret endrar eller opphevar fritaket. Også tidlegare vedtekne fritak etter eigedomsskattelova 7 bokstav a vert vidareført. Eigedomsskatten skal betalast i to terminar; april/mai og september/oktober. Ved taksering og utskriving av eigedomsskatt nyttar kommunen tidlegare vedtekne skattevedtekter og retningsliner.
Side 6 av 11 FRAMLEGG TIL VEDTAK FRÅ FORMANNSKAPET 20.11.12 MED 3 RØYSTER (K.H, A.M.F, I.R): I medhald av eigedomsskattelova 3 og 4 vert det vidareført i 2013 utskriving av eigedomsskatt på alle faste eigedomar i heile Tysnes kommune. Eigedomsskattesatsen er for 2013 på 3 promille. Det vert ikkje innført botnfrådrag for bustaddelen av eigedommar som ikkje vert nytta til næringsverksemd i 2013. I medhald av eigedomsskatteloven 7 bokstav b vert bygning som har historisk verdi fritatt for eigedomsskatt. Nyoppført bygning som heilt eller delvis vert brukt som bustad vert fritatt etter eigedomsskatteloven 7 bokstav c i 5 år, eller til kommunestyret endrar eller opphevar fritaket. Også tidlegare vedtekne fritak etter eigedomsskattelova 7 bokstav a vert vidareført. Eigedomsskatten skal betalast i to terminar; april/mai og september/oktober. Ved taksering og utskriving av eigedomsskatt nyttar kommunen tidlegare vedtekne skattevedtekter og retningsliner. Sak PS 74/12 GEBYR- OG BETALINSSATSAR 2013 - LANDBRUK- OG TEKNISK Rådmannen orienterte om at det er kome ei ny forskrift knytt til gebyr i deling og konsesjonssaker etter jordlova. Det vert no arbeidd med eit felles regulativ for desse sakene for samarbeidsområde Fusa, Samnanger, Os og Tysnes. Med bakgrunn i ovanståande vert rådmannen si innstilling endra slik: «Kommunestyret finn med tilvising til ovanståande utgreiing å auka gebyra på områda: plansaker, bygge- og delingssaker, kart og oppmåling/matrikkel og andre gebyr vert å auka med 5 % frå 01.01.13. Gebyr for delings- og konsesjonssaker etter jordlov vert endra i samsvar med ny sentral forskrift av 1.1.2012. Gebyr for delingssaker etter jordlova vert sett til kr. 2000,- Gebyr for saker etter konsesjonslova vert sett til kr. 5000,- Andre gebyr innan område landbruk og teknisk vert ikkje auka i 2013.» FRAMLEGG TIL VEDTAK FRÅ FORMANNSKAPET 20.11.12:
Side 7 av 11 Kommunestyret finn med tilvising til ovanståande utgreiing å auka gebyra på områda: plansaker, bygge- og delingssaker, kart og oppmåling/matrikkel og andre gebyr vert å auka med 5 % frå 01.01.13. Gebyr for delings- og konsesjonssaker etter jordlov vert endra i samsvar med ny sentral forskrift av 1.1.2012. Gebyr for delingssaker etter jordlova vert sett til kr. 2000,- Gebyr for saker etter konsesjonslova vert sett til kr. 5000,-. Andre gebyr innan område landbruk og teknisk vert ikkje auka i 2013. Sak PS 75/12 REGULERINGSPLAN FOR SMÅBÅTHAMN M.M. I GJERSVIKA - PLANVEDTAK FRAMLEGG TIL VEDTAK FRÅ FORMANNSKAPET 20.11.12: Med heimel i plan- og bygningslova 12-12 vert reguleringsplan for småbåthamn m.m. i Gjersvika godkjent med denne endring: Plangrense i nord vert sett i eigedomsgrense mellom gnr,96/1 og gnr. 95/4. Sak PS 76/12 REGULERINGSPLAN FOR VÅGE SENTRUM - PLANPROGRAM Med heimel i plan- og bygningslova 4 1 og 12-8, startar arbeidet med reguleringsplan for Våge sentrum. Planprogrammet vert kunngjort, sendt på høyring og lagt ut til offentleg ettersyn. Sak PS 77/12 KJØP AV AREAL TIL NYTT OMSORGSSENTER
Side 8 av 11 Med tilvising til kommunestyret sitt vedtak i sak 29/10 og ovanståande premissar, vert det å kjøpa inn ca 46,4 daa av gnr 66, bnr 5 i samsvar med føringane i intensjonsavtalen mellom partane. Rådmannen får fullmakt til å forhandla fram og inngå den endelege avtalen; likeså å følgja opp saka i forhold til delings- og kartlovgjevinga, plan- og jordbrukslovgjevinga og eventuelle andre særlovområde. Sak PS 78/12 SØKNAD OM Å KJØPA TOMT 113/94 OG TOMT 113/95 I LUNDEHAGEN 2 Rådmannen tilrår; 1. Tomt nr. 21, gnr. 113/gnr 94, vert tildelt Knut Neland/Kjersti Lygre Sundfjord. 2. Tomt nr. 22, gnr. 113/bnr 95, vert tildelt Kjetil Hestad. 3. Tomtene vert selt til kr. 70.000,- pr. stk i samsvar med tidlegare vedtak i kommunestyret. Sak PS 79/12 KOLLEKTIVTRANSPORT I DISTRIKTA 2013 Med tilvising til ovanståande utgreiing søkjer Tysnes formannskap om lenging av «Snøggbåtbuss» - prosjektet frå/til Malkenes Uggdal ut 2013. Kommunen vil arbeida for at ruteopplegget skal verta betre kjent blant potensielle brukarar. Sak PS 80/12 SØKNAD OM TILSKOT TIL O-KART - ONARHEIM IDRETTSLAG
Side 9 av 11 Innstilling frå rådmannen fekk 2 røyster (J.M.D, A.S) for, 4 røyster imot ( B.L, I.R, A.M.F, K.H). Søknad om tilskot til o-kart frå Onarheim Idrettslag vert ikkje stetta. Sak PS 81/12 TYSNESFEST 2013 Ordføraren sette fram slikt framlegg til vedtak: «Søknad frå stiftinga Tysnesfest vert stetta slik den ligg føre. Det vert gjeve tilskot stort kr. 450.000 for 2013. Endringa vert innarbeidd i budsjett for 2013.» Formannskapet slutta seg samrøystes til framlegget. Søknad frå stiftinga Tysnesfest vert stetta slik den ligg føre. Det vert gjeve tilskot stort kr. 450.000 for 2013. Endringa vert innarbeidd i budsjett for 2013. Sak PS 82/12 SØKNAD OM TILSKOT TIL REFLEKSVESTER Ved avrøysting fekk ikkje rådmannen si innstilling nokon røyster.
Side 10 av 11 Søknad om tilskot til refleksvestar til «Tjukkasgjengen» vert ikkje stetta. Sak PS 83/12 AVTALE OM ÅRBAKKA - FORNYING ELLER OPPSEIING Ordføraren sette fram slikt framlegg til vedtak: «Rådmannen får fullmakt til å reforhandla leigeavtale med Årbakka handelsstad.» Formannskapet slutta seg samrøystes til framlegget frå ordføraren. Rådmannen får fullmakt til å reforhandla leigeavtale med Årbakka handelsstad. Sak PS 84/12 REVIDERING AV REGULERINGSPLAN FV 49 - UGGDAL Rådmannen orienterte om ny regulerinsplan Uggdal. Med bakgrunn i ovanståande vedlegg, rår rådmannen formannskapet til å gjera følgjande vedtak: Oppdatert reguleringsplankart og føresegner er å rekna som mindre vesentlege justeringar, det er såleis ikkje turvande med ny handsaming av planen etter plan- og bygningslova. Det vert føresett at planen vert gjennomført i dialog med grunneigarar og det vert oppmoda om at tinging av grunn vert forsert. Sak PS 85/12
Side 11 av 11 YMSE Representanten John Martin Dale stilte under ymseposten følgjande spørsmål: «I forbindelse med at rådmannen har valt å si opp sin stilling, har det komet fram opplysningar om at han forut for oppseiinga har vært i samtaler med ordføraren om bestingelser som kunne opna for at han ville fortsette i stillingen. (Lønnsjustering samt ev. åremålsstilling). Ordføraren har etter sigande ikkje svart på desse henvendelane. Han har heller ikkje lagt saken fram for formannskapet for drøfting. Dette resulterte i oppseiing frå rådmannen. Når nå kommunen må ut på marknaden for å få tilsatt ny rådmann, vil dette sannsynligvis medføra ikkje ubetydelig utgifter mange hundre tusen. I tillegg vil den pågåande omstillingsprosessen sittande rådmann har starta, bli betydelig forsinka. Dette vil også utsette årlige innsparingar i same størrelse. I sist formannskapsmøte ble det vedtatt, etter forslag frå ordføraren, om å gå inn for åremålstilsetting av ny rådmann. Kan ordføraren orientere formannskapet om kvifor formennene ikkje er blitt informert om at sittande rådmann har opna for at han kan bli i stillingen mot lønnsjustering/åremålsstilling.» Ordføraren viste til at spørsmålet er kome inn for seint til at representanten Dale kan få svar i møte. Ordføraren viste elles til at personalsaker i utgangspunktet høyrer heime i kommunen sitt utval for arbeidsgjevar/arbeidstakarspørsmål som er administrasjonsutvalet, og at det i den samanheng kan vera naturleg at saka vert sendt over dit for nærare vurdering.