saksframlegg Dato: Referanse: Vår saksbehandlar: 24.01.2018 6707/2018 Jan Eirik Søraas Saksnr Utval Møtedato Samferdselsutvalet 07.02.2018 Drosjeløyva i Møre og Romsdal - Statusrapport - 2017 Bakgrunn Faktatal Per 31. desember 2017 hadde vi slike tal drosjeløyve i drift i Møre og Romsdal: Spesialutrusta (< 9) Utvida løyve (10-17) Utvida spesialutrusta (10-17) Tal 182 løyvehavarar Ordinære løyve 202 11 2 Reserveløyve 104 8 5 25 Tal løyve totalt 306 19 5 27 Det er i alt 15 drosjeløyve (hovudløyve) som er lagt på is på grunn av nedgang i køyregrunnlaget. Reserveløyve er fleire stader blitt tildelt som mellombels erstatning. I desse kommunane blir behovet for tal drosjeløyve vurdert nærare. Berre ein av kommunane i fylket Stordal er pr. dags dato heilt utan drosjeløyve. Etterspurnaden etter drosjetransport i Stordal har blitt utført av drosjane i nabokommunane (Norddal og Ørskog). Tendensen i utviklinga innan drosjetransporten er framleis nedgang i køyregrunnlaget. Norges Taxiforbund avd Møre og Romsdal har sendt over ein rapport (vedlagt) om situasjonen for drosjane rundt om i kommunane i fylket spesielt om maxitaxiløyva, sjå under Øvrige forhold i rapporten. Pasienttransport Frå Norges Taxiforbund avdeling Møre og Romsdal har vi fått følgjande rapport: «Meditrans har etter avtale med helseforetaket fått avviklet sitt engasjement her i fylket på pasienttransport. Drosjene er bedt om å overta, og har sagt ja til det. Det betyr at all pasienttransport nå utføres av drosjene i fylket.
Det kjøres på en korttidig avtale, begge parter kan si opp med en måneds varsel. Herøy Taxisentral har kjøringen på Søre Sunnmøre, resten av fylket har Nordvest Taxi As. Når det kjøres på en så korttid avtale, står naturlig nok alle investeringer i nye biler på vent. Det er ikke en god situasjon. Helseforetaket la ut to anbud i fjor, et på våren og et i august 2017. Ikke til noen av disse kom det kvalifiserte tilbydere, Det har vært holdt en dialogkonferanse nå i januar 2018, og det blir muligens en konferanse til før et eventuelt tredje anbud legges ut. Drosjene er interesserte i å kjøre pasienttransport, men i de to anbudene som kom i fjor var de økonomiske betingelsene ikke slik at en fant det regningssvarende å kjøre på dem. Så langt Taxiforbundet vet, legges det nå ned betydelig arbeid fra taxinæringens forskjellige tilbydere for å kommunisere med helseforetaket slik at det kan komme et anbud som drosjene kan kjøre på. Om det blir drosjene som til syvende og sist får kjøringen under ny kontrakt, vet vi naturlig nok ikke.» Utfordringa for helseføretaket er at dei ikkje har fått inn bydarar i anbod på pasienttransporten i fylket. Anbod på pasienttransporten blir no lagt ut for tredje og sannsynleg siste gong. Bestillingstransport Vi har i dag FRAM Flexx tilbringartransport og/eller servicetransport i følgjande kommunar: Aure, Fræna, Halsa, Haram, Herøy, Haram, Molde (Skåla), Rauma, Sandøy/Aukra, Volda og Ørsta. Desse transportane går med drosje og blir tinga gjennom FRAM Kundesenter i Kristiansund. Bruken av FRAM Flexx kan bli betre, og vi har i 2017 gjennomført eit prosjekt der ei arbeidsgruppe har vurdert ordninga og har kome med ei innstilling til leiargruppa på samferdselsavdelinga om korleis FRAM Flexx kan utviklast framover. Det vil bli arbeidd med tiltaka i innstillinga i 2018. I 2016 hadde i alt 28 kommunar i Møre og Romsdal innført ordninga Trygt heim for ein 50-lapp, og i 2017 har ordninga blitt mellombels erstatta av Fram Flexx natt i nokre kommunar. I innstillinga for FRAM Flexx har arbeidsgruppa mellom anna foreslått å la ordninga Trygt heim for ein 50-lapp bli ein del av fylkeskommunen sitt FRAM Flexx-tilbod. Om forslaget blir gjennomført, vil det vere naudsynt å arbeide saman med kommunar, ungdomsråd og lokale drosjesentralar om «det nye» Trygt heim for ein 50-lapp-tilbodet. TT-transport I fleire kommunar har redusert køyregrunnlag for drosje spesialutrusta for transport for funksjonshemma medført at desse tilboda har forsvunne. Kommunane har valt å løyse spesialtransporten på forskjellige måtar, m.a. at brukarane nyttar eigne spesialtilpassa bilar med sjåfør. Den tilrettelagte transportordninga for funksjonshemma TT-transport skal i utgangspunktet berre tingast og utførast med drosje. I transportordninga blir det nytta både vanleg motorvogn (høgst 8 sitjeplassar, i tillegg til førarsetet) og småbuss/maxi-taxi (9 16 sitjeplassar, i tillegg til førarsetet), spesialutrusta for transport av rullestolbrukarar. I dag dekkjer mange av dei spesialutrusta drosjane fleire kommunar.
I tillegg til den vanlege transportordninga fikk Møre og Romsdal saman med Nord- Trøndelag og Aust-Agder godkjent av Samferdselsdepartementet å delta i ei forsøksordning for å betre TT-ordninga (tilrettelagt transport) for brukarar med tyngre funksjonshemming. Ordninga vart gjort gjeldande for perioden 1. juli 2012 1. april 2014, seinare vidareført ut 2016. For 2017 godkjente departementet denne transporten som ei utvida ordning som alle fylka kunne søke om å bli med på. Ordninga gjeld i Møre og Romsdal for dei tidlegare 9 deltakande kommunane (Averøy, Kristiansund, Molde, Rauma, Surnadal, Vestnes, Volda, Ørsta og Ålesund) i tillegg til M2 og M4 (for alle blinde/sterkt synshemma og rullestolbrukarar). Skole- og rutekøyring Det er ruteselskapa som er delegert mynde til å inngå kontrakt med undertransportørar om skole- og rutekøyring i fylket. I stor grad gjeld dette kontrakt med drosjesentralar/drosjeløyvehavar. I ein del utkantdistrikt er skole- og rutekøyring for ruteselskap hovudinntekta for drosjeløyvehavar. Slik transport blir utført med både vanlege drosjar og maxi-taxi. Nye ruteselskap som har vunne anbod på skole- og rutekøyring har ikkje medført store endringar på undertransportørsida. Pirattaxi Det er tidlegare blitt avvikla møte med politiet i Kristiansund, Ålesund og Molde om utfordringar i høve til pirattaxi. For vår del har det vore viktig å prioritere trafikksikring for passasjerar og at det er naudsynt med løyve for å utøve persontransport med motorvogn mot vederlag. Politiet i Molde avvikla natt til søndag 16. juli 2017 saman med Statens vegvesen, Samferdselsavdelinga og Skatteetaten m a kontroll av pirattaxi. Det vart i den kontrollen ikkje avdekka pirattaxi. Politiet ønsker sjølv om dei har mangel på kapasitet å bidra til å ta dei verste utøvarane av pirattaxi. Rundt nyttår vart person meldt av Politiet i Molde for pirattaxi. Vi sett stor pris på at Politiet følger opp Aksjon pirattaxi og at lovbrot blir godt synleggjort gjennom media. Vurdering Drosje er etter yrkestransportforskrifta pålagt driveplikt, dvs. 24 timers vakt dersom den ikkje er knytt opp mot ei vaktskiftordning gjennom nærare samarbeid med andre drosjeløyvehavarar/drosjesentral. Drosjene er derfor viktig i beredskapssamanheng og ein viktig del av kollektivtrafikken i fylket. Samferdselssjefen konstaterar I 2017 vart det tildelt 10 ordinære drosjeløyve og 7 reservedrosjeløyve. I tillegg er det tildelt fleire mellombelse reserveløyve. Skifte av løyvehavar ser ut til å vere aukande. Klagenemnda i fylket behandla i 2017 ei drosjesak (søknad om oppretting av konkurrerande drosjesentral Kristiansund).
Frå 15. desember 2017 vart aldersgrensa for å inneha drosjeløyve heva frå 70 til 75 år. Det er framleis mange stader i fylket problem med å leggje til rette for god drosjeservice. Interne konfliktar gjer dette til ei stor utfordring. Arbeid pågår framleis med å godkjenne/ajourføre vedtekter og reglement for drosjesentralane/samarbeidsordningar, jf. samferdselsutvalet sitt vedtak i møte 14. desember 2009 om å godkjenne felles vedtekter og reglement for drosjesentralane i Møre og Romsdal. Det er inngått mellombels avtale om pasienttransporten med helseføretaket for alle drosjane i fylket. MediTrans AS er ute av bildet. Det er stor usikkerheit om framtida for pasienttransporten, jfr uttale frå taxiforbundet. Denne situasjonen gjer at mange ventar med å søke på ledige drosjeløyve. Redusert køyregrunnlag har også medført søknad om redusert køyreplikt. Samferdselsdepartementet har, etter positiv tilråding frå samferdselssjefen, godkjent redusert driveplikt for drosjane på Stranda, på Ørskog og på Sandøya. Dette vil vere mest aktuelt i utkantdistrikta/øyane. Framhaldande problem med å oppretthalde maxi-taxiløyva spesialutrusta for transport for funksjonshemma, spesielt i utkantane, jfr rapport frå taxiforbundet. Fleire løyve blir søkt nedgradert til motorvogn registrert for høgst 8 sitjeplassar, spesielt på grunn av redusert køyregrunnlag og problem med å skaffe sjåfør(ar) med utvida sertifikat. Det er krav om at slike motorvogner skal vere godkjent etter Forskrift om universell utforming av motorvogn i løyvepliktig transport mv. Målet med FRAM Flexx sine bestillings- og servicetransportar er å gje innbyggjarane i distrikta eit godt kollektivtransporttilbod gjennom å nytte m a drosje og å styrke køyregrunnlaget for drosjane i distrikta. Dette er eit framhaldande arbeid. Kontaktmøta med drosjenæringa vil bli oppretthalde som ein viktig møteplass for diskusjon om framtida for næringa. Vi avviklar eit slikt møte 14. februar 2018. Fylkeskommunen er avhengig av at det blir oppretthalde drosje i distrikta, for å kunne løyse dei transportordningane fylkeskommunen har i dag og har planer om i framtida. Å oppretthalde drosje i distrikta er viktig for både kommunane, innbyggjarane, ruteselskapa og fylkeskommunen. Vi prøver best mogleg å legge til rette slik at køyregrunnlaget for drosjane skal bli oppretthalde/eller auka gjennom fylkeskommunale transportar, t d bestillingstransport, skoletransport, rutekøyring mv. Kommunane har i liten grad engasjert seg for å auke køyregrunnlaget til drosjane. Den tidlegare opparbeidde 24-timars vaktberedskapen drosjane har hatt vil kunne forsvinne. Dette er noko kommunane i ettertid oppdagar for seint når drosjetilbodet er borte. Framleis er det diskusjon rundt om i kommunane om kjøp av institusjonsbilar/- miljøbilar. Vi meiner at kommunane nøye bør vurdere kostandene ved både innkjøp og drift av slike småbussar. Nedgang i køyregrunnlaget for dei spesialutrusta drosjane har medført/vil kunne medføre at transporttilbodet for dei funksjonshemma/rullestolbrukarar forsvinn.
Mange eldre og uføre i kommunane vil ved bortfall av drosjeløyve få problem med å kome seg til/frå serviceinstitusjonar, butikk, lege m v. Vi har tidlegare (12. november 2014) orientert fylkeseldrerådet om situasjonen for distriktsdrosjane. Eldrerådet har gjeve kommentarar til m.a. Økonomiplanen 2015-2018 om bestillingstransport med drosje. I Kollektivstrategi 2012-2021 har fylkeskommunen som mål å arbeide for å samordne dei transportane Møre og Romsdal fylkeskommune tilbyr. I tillegg er det ved organisering av bestillingstransport eit mål å opprette eit felles køyrekontor. I distrikta skal vi ha eit samarbeid med kommunar, stat, drosjenæringa og andre for å få til god løysingar for bestillingstransport. Målet er å sjå dei ulike transportbehova ute i distrikta i samanheng, og å samordne desse transportane gjennom ei felles bestillingsordning, jf. prøveprosjekt på bestillingstransport. Vi er no i gong med å teste ut ei slik samarbeidsløysing FRAM Flexx. Det må fokuserast på samarbeidsordningar mellom drosjeløyvehavarane for å leggje til rette for eit best mogleg køyregrunnlag, arbeidstilhøve, rekruttering til yrket og til framhaldande tilgjenge for drosjetenester. Forslag til vedtak: Samferdselsutvalet tek saka til vitande. Ottar Brage Guttelvik fylkesrådmann Arild Fuglseth samferdselssjef Vedlegg 1 Statusrapport frå Norges Taxiforbund avd Møre og Romsdal - 2017