Sakshandsamar, telefon Jan Vidar Voster, 5557 2034 Vår dato 13.12.2017 Dykkar dato 15.11.2017 Vår referanse 2015/14985 421.4 Dykkar referanse 16/47 Tysnes kommune Rådhuset 5685 Uggdal Samordna uttale til detaljregulering for Uggdal bustadområde - gnr. 66, bnr. 4, 6, 101 mfl. Vi viser til brev av 15.11.17 og detaljregulering for Uggdal gnr. 66, bnr. 4, 6, 101 mfl., til offentleg ettersyn. Utval for landbruk/teknisk har i møte 22.06.17 vedteke planframlegget skal leggjast ut til offentleg ettersyn. Frist for uttale er 03.01.18. Bakgrunn Planområdet er lokalisert på Uggdalseidet, ca. 1 km sør for Uggdal sentrum. Totalt dekkjer planområdet omlag 232 daa. Føremålet med planen er å leggja til rette for bustadføremål med tilhøyrande vegtilkomst, leikeplassar, friområde og turvegar mm. Planområdet inkluderer og ein del eksisterande busetnad, strandsone og sjøareal. Planen er å oppdatera dei eldre reguleringsplanane som går inn i området for å få ein samla plan for heile området. Det er også ønskjeleg å leggja til rette for ei utviding av eksisterande småbåthamn og elles andre anlegg i sjø. Kommunen skriv av planen legg opp til utbygging av 100 nye bueiningar fordelt på ulike hustypar (einebustad, fleirmannsbustad og kjede/rekkehus/blokk). I kommuneplanen er det sett av areal til bustadar, næringsverksemd, kombinert byggje og anleggsføremål, småbåthamn (nåverande og framtidig utviding) og LNF innanfor plangrensa. Fylkesmannen i Hordaland Postadresse: Postboks 7310, 5020 Bergen Besøksadresse: Statens hus, Kaigaten 9, Bergen Telefon: 55 57 20 00 Kommunal- og samfunnsplanavdelinga Kontakt: www.fylkesmannen.no/melding Nettside: www.fylkesmannen.no/hordaland Org.nr: 974760665
Fylkesmannen si vurdering Vi tykkjer det er positivt at kommunen ønskjer å erstatta dei eldre reguleringsplanane i området med ein ny og heilskapleg plan. Planområdet er forholdsvis stort (232 daa). Plangrensa strekkjer seg frå sjøen i Søreidsvika og nordaustover, via eit høgdedrag som ligg på kote +64 på det meste og ned til Kyrkjevatnet i nordaust. Eit ubygd område som ligg sørvest for det nye bustadområdet (BK på plankartet) inngår i ein tidlegare reguleringsplan. Her er det lagt til rette for både leilegheitsblokker og småhus i kombinasjon med kontorlokale. I følge planomtalen er det planlagt ei utbygging av dette området med to blokker med 9 og 12 leilegheiter i kvar. 2
Av plan- og bygningslova (pbl.) 1-8 går det som kjent fram at det i 100-metersbeltet langs sjøen skal takast særleg omsyn til natur- og kulturmiljø, friluftsliv, landskap og andre allmenne interesser. Dei allmenne verdiane i 100-metersbeltet er såleis alltid av nasjonal interesse. I Hordaland fylke er det gjort kartlegging av viktige områder for utøving av friluftsliv. I følge Miljødirektoratet sine kartdata over natur- og friluftsområde er området kartlagt som viktig for utøving av friluftsliv. Strandsona med tilhøyrande sjø og vassdrag er kategorisert til å vera eit viktig friluftslivsområde, medan Myklestadskogen med Kyrkjevatnet og nordvestlege delar av planområdet er vurdert som svært viktig friluftslivsområde. Plankartet viser at det er planlagt bustadtomtar (BFS 5 og 6) med tilhøyrande veganlegg på eit høgdedrag (kote + 64), og bustadtomtar (BFS 8,9,10) på eit anna høgdedrag (kote + 63). Fylkesmannen tykkjer at dette er ei særs uheldig plassering av bustadar innanfor bustadføremålet i KPA. Sjølv om området er sett av til bustadføremål i gjeldande kommuneplan, betyr ikkje det at heile området kan byggjast ut, eller at det kan plasserast bustadar kor som helst innanfor dette området dersom ein skal få til ei god planløysing for mellom anna landskapstilpassing og friluftsliv. Det er også i liten grad tatt omsyn til korleis utbygginga skal innpassast i landskapet. Sidan ny plan er vurdert til ikkje å utløyse krav om konsekvensutgreiing eller landskapsanalyse, er det ikkje kjent om tilhøva i planen vil gje negativ landskapsverknad og såleis vert for dominerande i fjordbassenget. I planomtalen står det at planområdet ligg nært til sjø, og det nye bustadområdet vil vere godt synleg både frå fjorden og frå fylkesvegen som passerer aust for området. Planomtalen si vurdering av effektane på landskapet er at området som kan byggjast med blokkbygningar ikkje vil danna ein silhuett i landskapet. Ei eventuell blokkutbygging (BK) plassert i skråninga i front mot sjøen vil medføre store terrenginngrep og verte særleg eksponert mot landskapsrommet. Dette vil få særleg negativ effekt for fjernverknaden, sett i frå sjøen. Slik prosjektet ligg føre nå, vil den stå fram som dominerande i landskapet. Fylkesmannen saknar difor ei meir konkret vurdering av planen sine verknader av kva slags konsekvensar den vil få for omsynet til landskapet og friluftsinteressene. Etter vårt syn bør det difor bli utarbeidd ein landskapsanalyse for plassering av bustadane, slik at verknadane vert 3
klårlagde. Bygging av bustadar med tilhøyrande veganlegg fører ofte med seg store terrenginngrep, med sprenging i fjell og bratte skjeringar mot høgdedraget i bakkant. Det er ikkje diskutert i planomtalen kor omfattande terrenginngrepa vil verte eller fjernverknadene av utbygginga. Vi finn såleis at planomtalen er noko svak og mangelfull, jf. pbl. 4-2 Planbeskrivelse og konsekvensutredning. Fylkesmannen vurderer at 100 nye einingar med tilhøyrande trafikkanlegg, internvegar og felles parkering er ei for omfattande utnytting av dette området. Utbygginga er òg visuelt eksponert og vil endre karakteren på denne delen av fjordlandskapet vesentleg. Konsekvensane av dette er berre overflatisk kommentert i planframlegget. Fylkesmannen meiner difor samla sett at ei meir moderat utbygging av bustadar, vil kunne tilpassast betre i terrenget, samstundes som viktige landskapskvalitetar i området vert teke vare på. Talet på bueiningar bør såleis reduserast monaleg. Plankartet viser ei byggjegrense mot sjø, noko vi tykkjer er positivt og i tråd med pbl. 1-8. Vi er likevel kritiske til at det i BF22 er vist med arealføremålet bustad heilt ned til sjølinja. Etter vår vurdering vil dette kunne skapa forventning om framtidige dispensasjonar, sidan arealføremålet nedanfor byggjegrensa er vist som bustad. 4
Sjølv om byggegrensa vil gjelde med juridisk verknad, bør ein setje av området nedanfor byggjegrensa til grønstruktur eller friområde. Med helsing Kjell Kvingedal avdelingsdirektør Egil Hauge fagdirektør Brevet er godkjent elektronisk og har derfor inga underskrift. Kopi til: Hordaland fylkeskommune 5