Saksbehandler, innvalgstelefon Magne Nesse, 55 57 23 35 Vår dato 22.6.2017 Deres dato 24.5.2017 Vår referanse 2013/10407 461.5 Deres referanse Erko Settefisk AS Brevet sendt rune.sandvik@hauglandgruppen.no Løyve til utfylling av steinmassar i sjø i Grunnavågen i Stord, Erko Settefisk AS Fylkesmannen i Hordaland gjev Erko Settefisk AS løyve til utfylling av inntil 15 000 m 3 steinmassar. Formålet med tiltaket er å utnytta overskotsmassar til å etablere areal for industri og lager. Utfylling av stein skal skje på eit sandlag. Løyve er gjeve med heimel i forureiningslova 11. Vi viser til søknad datert 24. mai 2017. Søknaden Erko Settefisk AS søkjer om løyve til utfylling i sjø for å etablera tørt land på gnr./bnr. 53/24 og 53/126 i Grunnavågen i Stord. I følgje søkar er utfyllinga i samsvar med reguleringsplan for Grunnavåg industriområde del II, sist revidert 26. september 2008. Det skal leggjast eit 25 cm sandlag på sjøbotn frå lekter før steinmassane vert tippa i sjø frå land. Utfyllinga vil dekke ca. 7 700 m 2 sjøbotn ned til minus 20 meter. Mengde stein er berekna til maksimalt 15 000 m 3, sjå kart nedanfor. Tiltaket skal gjennomførast i perioden juni 2017 til mai 2018. Høyring Tiltaket er av avgrensa omfang. Vi anser ikkje tiltaket for å ha vesentleg betyding for andre enn offentlege organ. Søknaden er derfor ikkje kunngjort offentlig, men sendt på høyring til Statens hus Kaigaten 9, 5020 Bergen Telefon: 55 57 20 00 Telefaks: 55 57 28 51 Miljøvern- og klimaavdelinga Postboks 7310, 5020 Bergen Org.nr: 974760665 E-post: postmottak@fmho.no Internett: www.fylkesmannen.no/hordaland
Stord kommune, Stiftelsen Bergens Sjøfartsmuseum og Fiskeridirektoratet. Me fekk eit svar, frå Stord kommune, som seier at kommunen ikkje har merknader til tiltaket då det er i samsvar med gjeldande reguleringsplan. Grunngjeving for løyvet Etter forureiningslova 7 må ingen sette i verk noko som kan medføre forureining utan at det er lovleg etter unntaksreglane i forureiningslova 8 eller tiltaket har løyve etter 11 i lova. Utfylling av stein i sjø frå land er mellombels anleggsarbeid og er som hovudregel lovleg utan løyve, jf. forureiningslova 8 første ledd nr. 3, når forureininga frå anleggsarbeidet er "vanleg". Utfylling på sjøbotn som er forureina av miljøgifter eller der utfyllinga kan påverke fiskeinteresser, trua artar mv., definerast ikkje som vanleg forureining og tiltaket må ha løyve. Fylkesmannen er forureiningsmynde for slike saker. Fylkesmannen kan ikkje gje løyve etter forureiningslova dersom tiltak er i strid med endelege planar etter plan- og bygningslova. I følgje uttale frå Stord kommune er tiltaket i samsvar med gjeldande plan. Når forureiningsmynde avgjer om løyve skal gjevast og fastset nødvendige avbøtande tiltak (vilkår), skal det leggjast vekt på ulemper som følgje av forureining ved tiltaket samanlikna med dei fordeler og ulemper som tiltaket vil medføra. Prinsippa i naturmangfaldlova (nml) 8 til 12 skal leggjast til grunn som retningslinjer ved utøving av offentlig mynde. Det er ikkje teke prøver av sjøbotn der det skal fyllast ut, men sjøbotn nokre meter nord for denne utfyllinga vart undersøkt av Multiconsult i 2014, i forbindelse med ei anna utfylling som Fylkesmannen gav løyve til 10. april 2014. Sjøbotn var moderat forureina av PAH 16 og arsen og TBT blei funne i tilstandsklasse V (svært dårleg). Søkjar meiner at konsentrasjon av miljøgifter er lågare i området som no skal fyllast ut, bl.a. fordi det det allereie er ei gamal steinfylling som no skal utvidast. Sjøbotn skal dekkast til med eit sandlag før stein vert fylt i sjøen. Dette vil medføre at risiko for spreiing av eventuelt forureina sediment vert redusert til eit akseptabelt nivå. Sprengsteinsmassar som skal fyllast kan innehalde steinstøv, jord og anna forureining, til dømes skyteleidningar av plast frå sprenginga, som vil kunne bli spreidd når dette blir dumpa i sjøen. Fylkesmannen forutset at Erko Settefisk AS har ein avtale med leverandør av massane om kva slags massar som kan nyttast til utfylling, og at det tas omsyn til potensiell forureining frå desse massane. Massane bør utsorterast slik at massane som nyttast er brukbar til utfylling og inneheld minst mogeleg finstoff og plast. Føresetnaden er at det vert nytta reine steinmassar. Tiltakshavar må ha beredskap for å reinske opp eventuelle forureiningar som kan følgje med steinmassane. Tiltaket skjer i eit område som er registrert i Naturbase med større kamskjelførekomstar og det er registrert ærfugl i området som er hhv. ein viktig naturtype og ein nær trua fugleart. Fylkesmannen er einig i vurderinga i søknaden om at sidan utfyllinga skjer i eit gamalt industriområde og på ein stad det allereie delvis er utfylt i sjø så er det lite truleg at denne tilleggsutfyllinga vil gjera noko skade for kamskjel og ærfugl. Det er god ressursbruk å nytta overskotsmassar frå prosjekt til samfunnsnyttig utfylling, og det er i samsvar med gjeldande reguleringsplan for området. Fylkesmannen meiner derfor ut 2
ifrå samfunnsøkonomiske vurderingar at det må tillatast å fylle ut steinmassane slik det er søkt om. Både forureiningssituasjonen og naturmangfaldet er kartlagt, og kravet i naturmangfaldlova 8 om at saken skal baserast på eksisterande og tilgjengelig kunnskap, er dermed oppfylt. Kunnskapsgrunnlaget for tiltaket vurderast som tilstrekkeleg, og føre-var prinsippet i 9 i naturmangfaldlova er ivareteke ved at tiltaket er regulert med vilkår etter forureiningslova. Gebyr for sakshandsaming Fylkesmannen tar gebyr for arbeid med løyve og kontroll etter forureiningslova. På bakgrunn Fylkesmannen ressursbruk i saka, tek vi gebyr etter sats 6, 19 700 kroner, for handsaming av søknaden, jf. forureiningsforskrifta 39-3 og 39-4. Faktura vert sendt frå Miljødirektoratet. Sjå forureiningsforskrifta kapittel 39 for å lese meir om sakshandsamingsgebyret. Endring og omgjering De pliktar å unngå unødvendig forureining, jf. forureiningslova 7. Viser det seg at forureiningsforholda endrar seg, kan Fylkesmannen med heimel i forureiningslova 18, endre vilkåra i løyvet og sette nye vilkår, og om nødvendig trekkje løyvet tilbake. Endringar skal være basert på skriftleg sakshandsaming og ei forsvarleg utgreiing av saka. At det er gjeve løyve til forureining, ekskluderer ikkje erstatningsansvar for skade, ulemper eller tap forårsaka av forureining, jf. forureiningslova 56. Rett til å klage De har fått løyve til utfylling i sjø. Dersom det likevel skulle være noko de ønskjer å klage på, inkludert vedtaket om gebyrsats, kan de klage til Miljødirektoratet, jf. forvaltningslova 28. Fristen for å klage er tre veker etter at de har mottatt dette brevet. Klagen bør være skrifteleg grunna, og den skal sendast til Fylkesmannen i Hordaland. Med helsing Silje Tingstad overingeniør Magne Nesse senioringeniør Brevet er godkjent elektronisk og har derfor ingen underskrift. Vedlegg: Løyve med vilkår Kopi med vedlegg: Stord kommune 3
Løyve til utfylling av steinmassar i sjø i Grunnavågen Stord kommune, Erko Settefisk AS Fylkesmannen gjev Erko Settefisk AS løyve til utfylling av steinmassar med heimel i forureiningslova 11. Løyvet er gjeven på grunnlag av opplysningar i søknad av 24. mai 2017 og opplysningar som kom fram under handsaming av søknaden. Dersom verksemda ønskjer endringar utover det som vart opplyst i søknaden eller under sakshandsaminga og som kan ha miljømessig verknad, må verksemda på førehand avklare dette skriftleg med Fylkesmannen. Dersom heile eller vesentlege delar av løyvet ikkje er teke i bruk innan to år, skal verksemda sende ei melding til Fylkesmannen. Fylkesmannen vil då vurdere eventuelle endringar i løyvet. Fylkesmannens referanse Tillatelsesnummer Anleggsnummer 2017.0422.T 1221.0113.01 Bedriftsdata Bedrift Erko Settefisk AS Postadresse Christian Michelsens gate 6B, 5012 Bergen Kommune og fylke Stord, Hordaland Org.nummer / eigd av 916062796 / 990011702 Løyvet gjeven: 22. juni 2017 Silje Tingstad overingeniør Magne Nesse senioringeniør Løyvet er godkjent elektronisk og har derfor inga underskrift
1. Kva løyvet gjeld 1.1 Omfang Løyvet gjeld utfylling av inntil 15 000 m 3 steinmassar i sjø på om lag 7 700 m 2 sjøbotn på Grunnavågen i Stord. Masser kan fyllast ut i sjø i samsvar med reguleringsplan Grunnavåg industriområde del II, sist revidert 26. september 2008 2. Generelle vilkår 2.1 Grunnlag for løyvet Fylkesmannen legg til grunn at tiltaka skal gjennomførast som nemnt i søknad av 24. mai 2017 med mindre anna er avtala med Fylkesmannen. Fylkesmannen skal varslast når arbeidet vert sett i gong. 2.2 Ansvar Erko Settefisk AS er ansvarleg for at vilkåra i løyvet vert haldne, og pliktar å sørgje for at dei som skal gjennomføre tiltaka er kjent med dei vilkår som gjeld. 2.3 Plikt til å redusere forureining All forureining frå verksemda, også utslepp til luft og vatn og dessutan støy og avfall, er isolert sett uønskt. Sjølv om ein held utsleppa innanfor fastsette utsleppsgrenser, pliktar verksemda å redusere utsleppa sine, så langt dette er mogleg utan urimelege kostnader. Plikta gjeld også utslepp av komponentar det ikkje uttrykkjeleg er sett grenser for gjennom vilkår i dette løyvet. 2.4 Endring av løyve Fylkesmannen kan oppheve eller endre vilkåra i løyvet, setje nye vilkår, og om nødvendig kalle løyvet tilbake, dersom vilkår gitt etter forureiningslova 18 er til stades. Fylkesmannen har på same grunnlag rett til, på eitkvart tidspunkt, å stoppe tiltaket. 3. Internkontroll, beredskapsplan og akutt forureining 3.1 Internkontroll Verksemda plikter å ha internkontroll. Internkontrollen skal sikre og dokumentere at verksemda held krava i løyvet, forureiningslova og relevante forskrifter til lova. Verksemda plikter å halde internkontrollen oppdatert. Verksemda plikter alltid å ha oversikt over alle aktivitetar som kan føre til forureining og kunne gjere greie for risiko. På basis av risikoanalyse skal verksemda iverksette risikoreduserande tiltak. Verksemda plikter å sjå til at den som til ein kvar tid transporterer og fyller ut eller på annan måte handterer massar, har internkontroll i tråd med dette vilkåret.
3.2 Beredskapsplan Verksemda skal utarbeide beredskapsplan for tiltaket. Ved endra tilhøve skal beredskapsplanen oppdaterast. Beredskapsplanen skal være tilgjengeleg og kjent for dei som utfører arbeid der akutte hendingar, i følgje planen, kan oppstå. 3.2 Varsling om akutt forureining Verksemda skal varsle akutt forureining eller fare for akutt forureining i samsvar med forskrift om varsling av akutt forureining eller fare for akutt forureining (nødnummer 110). Verksemda skal også, så snart som mogeleg, varsle Fylkesmannen i slike fall på fmhopostmottak@fylkesmannen.no 4. Avbøtande tiltak under utfylling 4.1 Miljømål Utfylling skal ikkje føre til spreiing av forureining eller steinstøv i ein slik grad at det kan vera skadeleg for miljøet i resipienten eller medføre visuell forureining av sjø eller strender. 4.2 Kontroll av massar for utfylling og utfylling Det skal berre nyttast reine steinmassar til utfylling/utfylling. Det skal utarbeidast rutinar for kontroll av steinmassar før desse dumpast. Innhald av plastrestar og anna forureining frå sprengstein skal primært ikkje hamne i sjøen. Det må være beredskap for å reinske opp eventuelle forureiningar som kan følgje med steinmassane. 4.3 Metode for utfylling av steinmassar over forureina sjøbotn Utfylling av steinmassar skal skje frå land. På sjøbotn skal det leggast eit 25 cm tildekkingslag av sand før steinmassane vert fylt ut. Steinmassane skal leggjast så skånsamt som mogeleg ned på sandlaget. 5. Avfall Verksemda plikter, så langt det er mulig utan urimelige kostnader eller ulemper, å unngå at det dannast avfall som følgje av tiltaket. Særlig skal innhaldet av skadelige stoffer i avfallet reduserast mest mogeleg. Verksemda plikter å sørgje for at alt avfall, også farlig avfall, vert handtert i samsvar med gjeldande regler for dette fastsatt i eller i medhald av forureiningslova, spesielt avfallsforskrifta. 6. Overvaking og rapportering til Fylkesmannen 6.1 Plan for overvaking Erko Settefisk AS skal lage ein plan for overvaking av tiltaket. Det skal føres loggbok. Kopi av loggboka skal følgje som vedlegg til sluttrapporten 6.2 Rapport frå sluttkontroll Erko Settefisk AS skal sende rapport til Fylkesmannen innan seks veker etter at tiltaket er gjennomført.
Rapporten skal innehalde: Opplysningar om kor store mengder masse som faktisk har blitt fylt ut (i m 3 eller tonn). Plassering av massane (kart) Oversikt over eventuelle avvik fra løyvet og kva slags korrigerande tiltak som ble satt i verk Vurdering av tiltakets miljøpåverknad. Kopi av loggbok 7. Tilsyn Erko Settefisk AS plikter å la representantar for forureiningsmynde føre tilsyn med anlegget når som helst.