Møteinnkalling Utval: Oppvekstutvalet Møtestad: På Søreide Dato: 17.01.2018 Tid: Kl. 09:00 Den som har lovleg forfall eller er ugild i nokon av sakene, må melde frå så snart råd er til tlf. 57 88 38 00 eller til servicetorget@gloppen.kommune.no slik at varamedlem kan bli kalla inn. Varamedlem møter etter nærare innkalling. Lista over arbeidsgruppa sine framlegg til driftsendringar, vedlegg til sak 3/18, var ikkje klar då denne saklista vart sett opp. Sakliste Sak nr. Sakstittel 001/18 Godkjenning av møteprotokoll, innkalling og sakliste 002/18 Referat og orienteringssaker 003/18 Ny behandling av 2018-budsjettet - sektorvis gjennomgang av drifta Sandane, 11. januar 2018 Bernt Reed utvalsleiar Per Arne Strand oppvekstsjef
Arkiv: FE - 033 JournalpostID: 18/456 Saksbehandlar: Jan Kåre Fure Saksnr. Utval Møtedato 001/18 Oppvekstutvalet 17.01.2018 Godkjenning av møteprotokoll, innkalling og sakliste Utvalsleiar si tilråding: 1. Oppvekstutvalet godkjenner møteboka frå sitt møte den 22. november 2017 2. Oppvekstutvalet godkjenner innkallinga og saklista til møtet den 17. januar 2018. Møteboka frå siste møtet blir lagt fram til godkjenning. Samstundes ber utvalsleiar om godkjenning av innkallinga og saklista til dette møtet.
Arkiv: FE - 033 JournalpostID: 18/492 Saksbehandlar: Jan Kåre Fure Saksnr. Utval Møtedato 002/18 Oppvekstutvalet 17.01.2018 Referat og orienteringssaker Rådmannen si tilråding Rådmannen legg ikkje fram tilrådng i saka. Orienteringssaker: Oppvekstsjefen om: - oppfølging av kommunestyret sitt budsjettvedtak om at "rådmannen får i oppdrag å sørge for at kommunen har ledige barnehageplassar tidlegast råd frå årsskiftet og fram til nytt barnehageår". Ordet fritt...
Arkiv: FE - 151 JournalpostID: 18/378 Saksbehandlar: Jan Kåre Fure Saksnr. Utval Møtedato 003/18 Helse- og omsorgsutvalet 17.01.2018 003/18 Oppvekstutvalet 17.01.2018 MULTEK-utvalet Ny behandling av 2018-budsjettet - sektorvis gjennomgang av drifta Rådmannen si tilråding..utvalet viser til arbeidsgruppa sin gjennomgang av driftsbudsjettet for sin sektor, og ber formannskapet legge følgjande til grunn når dei nye rammene for 2018-budsjettet blir fastsette: Saksutgreiing Bakgrunn for saka Årsbudsjettet for 2018 er gjort opp med ein budsjettert bruk av disposisjonsfondet på 7.888.000 kroner. I kommunestyret sitt budsjettvedtak heiter det: Kommunestyret er klar over at årsbudsjettet er balansert med bruk av 7,9 millionar frå disposisjonsfondet, og vedtek derfor straks å setje i gang ein revisjon av 2018-budsjettet der denne bruken av disposisjonsfondet skal erstattast med utgiftsreduksjon eller inntektsauke. I gjennomgangen skal elles følgjande leggast til grunn: 2018-budsjettet gjerast opp med eit overskot på om lag 4 millionar, som tilsvarar 1 % av samla ramme til sektorane rehabiliteringa av Hyen skule/idrett skal vere med prosjekteringa av nytt omsorgsbygg skal halde fram slik at vi ved revidert budsjett budsjett har eit tilstrekkeleg beslutningsgrunnlag representantskapen i Trivselshagen IKS blir beden om å gå gjennom den varsla auken i husleiga på nytt slik at auken frå 2017 for Gloppen kommune sin del ikkje blir større enn 300.000 alle planlagde investeringar skal gjennomgåast med det formål å sjå på reduksjon og innsparingar det blir innført ein avgrensa tilsettingsstopp slik at ledige stillingar ikkje blir utlyste eller gjort tilsettingar i før det er avklara om stillinga kan stå vakant eller fyllast ved omplasseringar eller omorganisering. Administrasjonsutvalet skal orienterast om praktiseringa av ordninga inntektssidene i budsjettet skal gjennomgåast det skal vurderast om gebyr/betalingssatsane kan aukast meir rådmannen får i oppdrag å sørge for at kommunen har ledige barnehageplassar tidlegast råd frå årsskiftet og fram til nytt barnehageår. Planen for gjennomgang av drifta og ny behandling av budsjettet
ser slik ut: Innan 12. januar 2018: ein første gjennomgang av talmaterialet skal vere unnagjort i arbeidsgruppene 17. og 18. januar 2018: første utvalsbehandling av gjennomgangen så langt 24. januar 2018: formannskapet gjev kvart utval ramme for si kuttliste 29. januar 2018: Råda behandlar kuttforslaga 31. januar og 1. februar 2018: utvala «vedtek» sine budsjett 7. februar 2018: Formannskapet «vedtek» sitt utvalsbudsjett og legg eit samla framlegg ut på høyring 8. til 22. februar 2018: Høyringsperiode 28. februar: Formannskapet oppsummerer innkomne merknader og kjem med endeleg innstilling til kommunestyret, som behandlar budsjettet seinare på dag. Arbeidsgruppene har vore Formannskapet sitt budsjettområde Frå formannskapet: ordførar, varaordførar, Svein-Ottar Sandal og Bjarte Gangeskar Frå rådmannen: rådmannen, organisasjonssjefen og økonomisjefen Frå dei tilsette: Tone Kristin Morken frå Fagforbundet og Mariann Brynestad Skaaden frå Delta. Oppvekstutvalet sitt budsjettområde Frå utvalet: leiar, nestleiar, Venke Kollbotn og Gunnvor Sunde Frå rådmannen: oppvekstsjefen og einingsleiarane Frå dei tilsette: Kristin Sælen frå Utdanningsforbundet og Hilde Sætren frå Fagforbundet Helse- og omsorgsutvalet sitt budsjettområde Frå utvalet: leiar, Liv Petra Holme og Vidar Sandal Frå rådmannen: helse- og omsorgssjefen og einingsleiarane Frå dei tilsette: Hildegunn Tviberg frå sjukepleiarforbundet, Marie Gjengedal frå Fellesorganisasjonen og Tone Kristin Morken frå Fagforbundet MULTEK-utvalet sitt budsjettområde teknisk og landbruk Frå utvalet: leiar, Edgar Kvernevik og Solveig Lien Gusdal Frå rådmannen: teknisk sjef og einingsleiarane Frå dei tilsette: Bjørn Aurlien frå NITO og Ann-Elisabet Sandvoll frå Fagforbundet MULTEK-utvalet sitt budsjettområde kultur Frå utvalet: nestleiar, Kent Øystein Hjelle og Mariell Eikeset Koren Frå rådmannen: kultursjefen og leiar for kulturhuset Trivselshagen Frå dei tilsette: Tone-Kristin Morken frå Fagforbundet. Presentasjon av gjennomgangen i arbeidsgruppene I løpet av veke 2/18 blir det laga ei liste over tiltak frå kvar arbeidsgruppe, som vil bli presenterte og gått gjennom på møta. Lista er ikkje klar når dette er skrive, men vil bli klare i god tid før møta. Listene vil ikkje bli unnateke innsyn, men det kan bli aktuelt å lukke møta i utvala dersom omsynet til personvernet tilseier det. Heimelen for å eventuelt lukke møtet vil vere kommunelova 31, nr 5. Rådmannen legg ikkje opp til å lukke møta. Vidare saksgang I presentasjonen frå arbeidsgruppene vil det gå fram kva tiltak som gruppene meiner kan gjennomførast og eventuelt kva som må utgreiast nærare før det blir teke stilling til tiltaket.
Når utvala har fått presentert gruppearbeida, er neste steg i arbeidet at formannskapet den 24. januar seier kor mykje kvart utval må ned i nettoutgift. Kvart utval vil altså få ei ramme for sitt område, som til saman tar vekk bruken av disposisjonsfondet på knapt 7,9 mill. Rådmannen legg til grunn at formannskapet også følgjer opp kommunestyret sitt krav om ytterlegare reduksjon av rammene på 4 mill for at 2018-budsjettet skal gå med overskot. Kva tiltak som må kuttast for å oppnå dette overskotet, vil forhåpentlegvis bli tydleggjort i den budsjettgjennomgangen som arbeidsgruppene har gjort. Rådmannen ønskjer at utvala til liks med arbeidsgruppene allereie no seier noko om kva tiltak dei ser føre seg kan gjennomførast med ein gong.