DU SKULLE BERRE VISST KVA BARNA DINE OPPLEVER PÅ SKULEN
DEN KULTURELLE SKULESEKKEN Den kulturelle skulesekken er ei nasjonal satsing, og er eit samarbeid mellom Kulturdepartementet og Kunnskapsdepartementet. I hovudsak er ordninga finansiert gjennom spelemidlar frå verksemda til Norsk Tipping. I 2013 går 200 millionar kroner av overskotet til Norsk Tipping til kunst- og kulturopplevingar for barn og unge. Alle pengane vert nytta til å gje kunst og kultur til elevane. Fylkeskommunane og kommunane dekkjer alle administrative utgifter knytta til ordninga. KULTUR PÅ TIMEPLANEN Gjennom Den kulturelle skulesekken får barnet ditt oppleva profesjonell scenekunst, visuell kunst, musikk, litteratur, kulturarv og film fleire gonger i løpet av skulegongen. Tilbodet gjeld alle elevar i heile landet, både på grunnskulen og på vidaregåande. Nokre gonger kjem kunstnarane og musikarane på vitjing til skulen. Andre gonger dreg elevane til ein profesjonell scene, konsert- eller ein utstillingsarena. Kvar fylkeskommune og kvar kommune set saman program for sine skular. Dei vel blant det beste innan alle uttrykk, og gjev barna eit breitt tilbod av profesjonell kunst og kultur. Det er både lokale, nasjonale og internasjonale utøvarar som vert sende til skulane.
ALLE MÅ SMAKA, MEN INGEN MÅ LIKA Forsking syner at estetiske fag styrkjer barn si evne til å forstå dei andre faga på skulen. Møte med kunst og kultur gjer at elevane utviklar evna til refleksjon og innleving. Målet med kulturopplevingane er at barna skal oppleva eit breitt spekter av uttrykk og sjangrar. Alle skal få smaka, men det er ingen tvang å lika. Kan hende opplever dei noko dei ikkje visste at dei likte! Katastrofen - Gorgon produksjoner Foto: Kristin Hestad
SCENEKUNST OG MUSIKK Visste du at alle førsteklassingar i landet får oppleve 20 konsertar i løpet av grunnskulen? Gjennom skulekonsertordninga møter elevane artistar frå heile verda med musikk frå alle sjangrar frå folkeviser til opera, frå hiphop til barokkmusikk. Dans, teater, figurteater, musikkteater og performance barn får oppleva heile spekteret av scenekunst gjennom Den kulturelle skulesekken. Nokre gonger skjer dette i form av framsyningar, andre gonger i form av workshops eller samtalar. Gatas Parlament Foto: Lars Opstad/Rikskonsertane
FILM OG LITTERATUR Kvart år vert det arrangert filmfestivalar, skulekino, workshops og møte med profesjonelle filmarbeidarar gjennom Den kulturelle skulesekken. Film formidlar kunnskap om verda og livet. Film rører ved kjensler og stimulerer fantasien. Kunnskap om film fremjar verbal- og biletspråket, og ikkje minst gjev film ei felles kunstoppleving for heile klassa! Kvart år dreg hundrevis av forfattarar på turné rundt omkring i landet, og syter for at barn og unge får eit breitt spekter av litteraturopplevingar. Forfattarane vitjar skulane med skjønn- og faglitteratur, poesi, dramatikk, noveller, litterære produksjonar og skrivekurs for elevane.. Bilde: Arriettas hemmelige verden, Arthaus
K U LT U R A R V O G V I S U E L L K U N S T Gjennom Den kulturelle skulesekken vil barnet ditt få kunnskap om og møte kulturarv og tradisjonar i Noreg. Kulturarvfeltet rommar museum, vitensenter, arkivinstitusjonar, kulturminne og lokale historielag. Elevane får møta alt frå små bygdesamlingar til store nasjonale samlingar. Dei får òg møta visuell kunst, og reflektera over alt frå installasjonar og biletkunst, til arkitektur og design. Fellesnemnaren er høg kvalitet og eit mangfald både i uttrykk og tema. Frå utstillingen Laget i verden på Helle skule. Foto: Andreas Harvik, Nasjonalmuseet
VIL DU VITA MEIR OM DKS-TILBODET? Gå inn på www.denkulturelleskolesekken.no og søk på ditt fylke, eller kontakt DKS-administrasjonen i din fylkeskommune. Bilete forside og bakside: Kristin Hestad (Katastrofen), Lars Opstad, Rikskonsertane (Timbuktu) Design: Kristian Ulyses Andaur, Rikskonsertane