Postadresse Njøsavegen 2 6863 Leikanger Besøksadresse Fjordsenteret 5745 Aurland Kontakt Sentralbord: +47 57 64 30 00 Direkte: +47 57643129 fmsfpost@fylkesmannen.no www.nasjonalparkstyre.no/stolsheimen John Halset Indrefjorden 6893 VIK I SOGN Vår ref. 2017/3583-0 432.2 Dykkar ref. Dato 26.10.2017 Delegeringssak (DS) Delegert vedtak Stølsheimen landskapsvernområde - løyve til utbetring av stølsstien ovanfor Negardstølen I medhald av delegeringsreglement vedteke av Stølsheimen verneområdestyre 05.10.2015, vert det gjort fylgjande vedtak: Stølsheimen verneområdestyre gjev Arnafjord samdrift løyve til å gjennomføra utbetringstiltak på eit punkt på stølsstien ovanfor Negardstølen. Løyvet er gjeve med heimel i verneforskrifta for Stølsheimen landskapsvernområde og naturmangfaldlova 48 fyrste ledd og fyrste alternativ. Løyvet er gjeve med fylgjande vilkår: Tiltaket skal avgrensast til området ovanfor Negardstølen der stien har sklidd ut, og stien går på skrått fjell. Tiltaket skal avgrensast til det som er naudsynt for å sikre stien på dette punktet. Det kan borast ned armeringsstål til for å feste 2 til 3 stolpar. Stolpane kan vera om lag 10 meter lange. Utbetring av stien skal ikkje endra stien utover å vera ein tradisjonell sti for buføring av storfe. Tiltaka skal gjennomførast etter avtale med grunneigarane på stølsstien frå Negardstølen. Tiltaket skal ferdigstillast innan utgangen av 2018. Det skal sendast rapport til Stølsheimen verneområdestyre når tiltaket er gjennomført. I rapporten skal det vera med bilde frå tiltaket, og oversikt over kostnadane med tiltaket. Saksopplysningar Dokument som bakgrunn for saka: Søknad frå Arnafjord Samdrift v/john Halset om løyve til utbetring på stølsvegen frå Hallsete til Åsedalen, datert 17.10.2017 Søknaden vert vurdert etter: Forskrift om vern av Stølsheimen landskapsvernområde av 21.12.1990 Naturmangfaldlova av 19. juni 2009 Forvaltningsplan for Stølsheimen landskapsvernområde, rapport nr. 3 1998 Landskapsvernområde Stølsheimen verneområdestyre
Spor etter stølsdrift i Stølsheimen landskapsvernområde, rapport nr. 4 2011. Stien frå Hallsete til Åsedalen og Hallsetedalen er ein gamal buføringsveg. Stien har vore nytta til buføring av storfe og småfe. Grunneigarane i området brukar framleis stien for å buføre storfe til og frå fjellbeite. I tillegg vert stien nytta som tursti for turgåarar på veg inn eller ut av Stølsheimen. Grunneigarane planlegg å gjennomføra naudsynt tiltak på stien ovanfor Negardstølen denne hausten. Dette er eit punkt der torva har sklidd av fjellet, og stien går på skrått fjell. Planen er å bora ned armeringsstål i fjellet, og legge 2 til 3 trestolpar på 10 meter på fjellet. Dei fyller massar frå området inntil stokkane. Det er planlagt å frakta materiale og utstyr med helikopter frå Hallsete til stølsstien. Helikopteret skal setja av lasta med lang line, og det er ikkje trong for landing på bakken. Forvaltar vurderer denne transporten som ikkje landing, og landinga er difor ikkje søknadspliktig etter verneforskrifta for Stølsheimen landskapsvernområde. Punkt for utbetring på sti. Utklypp frå Fylkesatlas. Side 2 av 5
Det er sett opp fylgjande kostnadsoverslag for tiltaket: Transport med helikopter: kr. 25 000 Materiale til stolpar, stål og festemateriale: kr. 15 000 Leige av boremaskin og aggregat: kr. 10 000 Arbeidstimar, 90 timar a kr. 300 kr. 27 000 Sum eks. mva kr. 77 000 Lovgrunnlaget «Føremålet med vern Stølsheimen landskapsvernområde er å ta vare på eit særmerkt og vakkert vestlandsk fjell- og fjordlandskap med kulturminne, kulturlandskap og naturmiljø som er lite påverka av tekniske inngrep, samstundes som området skal kunne nyttast til landbruk, friluftsliv, jakt og fiske» jf. punkt III i verneforskrifta. Det er forbod mot inngrep som kan endre landskapets art eller karakter «så som fjerning og inngrep i faste kulturminne frå nyare tid, så som bygningar, vegar, gamle kve m.m» jf. punkt IV nr.1. Forvaltningsstyresmakta kan gje løyve til «Oppmerking av nye turistruter, bygging av klopper, oppsetting av vegvisar mv.» jf. punkt VI nr. 5 i verneforskrifta. Sikring og utbetring av stien kan ikkje vurderast etter denne regelen. Forvaltninga kan i særskilte høve vurdera om det er heimel til tiltak når det ikkje er i strid med føremålet med vernet jf. naturmangfaldlova 48 fyrste ledd og fyrste alternativ; «Forvaltningsmyndigheten kan gjøre unntak fra et vernevedtak dersom det ikke strider mot vernevedtakets formål og ikke kan påvirke verneverdiene nevneverdig». Etter naturmangfaldlova (nml) 7 skal prinsippa i 8 12 leggjast til grunn ved utøving av offentleg mynde, og det skal koma fram av vedtaket korleis prinsippa er vurdert og vektlagt i saka. Vurdering I Stølsheimen landskapsvernområde er kulturlandskap med stølsområde og kulturminne viktig del av verneføremålet. Buføringsvegane er ein del av kulturminna. Det er positivt at stiane og området vert nytta i aktivt landbruksdrift. Dette er med å ivareta kulturlandskapet, og gjev ein auka opplevingsverdi for friluftslivet. Det er ikkje kjente førekomstar av trua og sårbare naturtypar eller artar (Naturbase 27.10.2017) i området der stien går. Historisk bruk av stien og området er godt kjent gjennom lokalbefolkninga sin kunnskap om området. Kunnskapen om området jf. nml. 8 er vurdert som god for å vurdera saka, og føre-var-prinsippet jf. nml. 9 er difor ikkje vektlagt i denne saka. Det har vore synfaring på dette punktet av stien ved fleire høve. Både Stølsheimen verneområdestyre og fagleg rådgjevande utval for Stølsheimen har sett på stien. Det er brei semje om at det er trong for å utbetre dette partiet på stien for å buføre storfe trygt på stien. Stien kan utbetrast med enkle tiltak som vil gje små inngrep i landskapet. Forvaltar vurderer tiltaket til ikkje å vera i strid med verneføremålet eller til skade på verneverdiane, og vurderer det er heimel til å vurdera tiltaket etter nml. 48. Tiltaka som er planlagt er naudsynt for å buføre storfe på stien på ein trygg måte. Ein trygg sti legg eit godt grunnlag for at det framleis kan buførast storfe opp på stølen, noko som er positivt for landbruket, og for god skjøtsel av kulturlandskapet. Side 3 av 5
Det har vore vanleg å sikre parti på stølsstiane med murar eller feste av stokkar på fjellknausar. Dette gjev små inngrep i landskapet. Grunneigarane har gjort små tiltak med utbetring av stien nedanfor Negardstølen. Tiltaka er gjennomført på ein skånsam måte for naturen, og er godt tilpassa landskapet. Forvaltar vurderer tiltaka som naudsynte for landbruksdrifta i området. Med dei avgrensingar som er sett i løyvet, vurderer forvaltar tiltaka til ikkje å gje auka belastning på naturmiljøet jf. nml. 10. Forvaltninga skal vurdera kva som er den beste miljømessige metoden for tiltaket jf. nml. 12. Muring er og bolting av trinn er utført på nokre andre stadar på denne stien tidlegare. For å få godt feste for stokkane bør det setjast ned nokre boltar i fjellet. Dette tiltaket vil vera eit godt alternativ i staden for å sprenge ein sti i fjellet. Forvaltar meiner difor enkel støtte med trestolpar vil vera den beste miljømessige metoden å nytta på dette partiet. Det er ikkje venta at tiltaka vil medføra noko miljøforringing, og nml. 11 er difor ikkje vurdert i denne saka. På bakgrunn av vurderingar etter verneforskrifta og naturmangfaldlova 8-12 vurderer forvaltar at tiltaket kan gjennomførast med heimel i naturmangfaldlova 48 fyrste ledd og fyrste alternativ. Tiltaksmidlar til tiltaket. Verneområdestyret har sett av tiltaksmidlar til bruk på stølsvegar i sak 3/17, 22.02.2017. Stølsstiane til Rosete og frå Fossesete til Vatnane var prioriterte i år. Ikkje alle tiltaksmidlane er nytta til desse prosjekta i år, og midlane vert difor prioritert å nytta til stien ovanfor Negardstølen. Verneområdestyret har godkjent eigeninnsats med kr. 250 pr. time på andre prosjekt i området. Med denne timesatsen vert kostnadsgrunnlaget kr. 72 500. Verneområdestyret delfinansierer tiltaket med tiltaksmidlar med 80 % av kostnaden. Grunneigarane kan senda faktura på kr. 58 000 til Stølsheimen verneområdestyre. Faktura skal merkast med bestillingsid 2140ano, og sendast innan 15.11.2017. Faktura skal sendast i posten til postadresse: Fakturamottak DFØ Postboks 4746 7468 Trondheim Klage Vedtaket kan klagast inn for Miljødirektoratet av partar i saka eller andre som har rettsleg klageinteresse med ein frist på 3 veker jf. forvaltningslova 28. Klagen skal sendast verneområdestyret v/sekretariatet, som kan gje nærare opplysningar om klagerett og rett til og sjå saksdokument. Med helsing Anbjørg Nornes verneområdeforvaltar Side 4 av 5
Etter våre rutinar er dette brevet godkjent og sendt utan underskrift Kopi pr. e-post til: SNO Aurland Vik kommune Side 5 av 5