Kommune Styre, råd, utval Møtestad Møtedato Frå kl. 19.00 Til kl. 21.30 Aurland fjellstyret Fjordsenteret 10.2.15 TIL STADES PÅ MØTET Medlemar Erling Nesbø, May Britt Martinsen, John Håland, Bente Steine. Varamedlemar Kjetil Lien Nilsen Andre Håkon Øydvin, Knut Fredrik Øi, Harald Skjerdal HANDSAMA SAKER Sak nr./år 1/15, 2/15, 3/15, 4/15, 5/15, 6/15, 7/15, 8/15. UNDERSKRIFTER Vi stadfestar med våre underskrifter at blada i møteboka som vi har signert for er førde i samsvar med det som blei fastsett på møtet. UTSKRIFTER Hovudutskrift er sendt til Fjellstyremedlemane og.
Sak 1/15. Referat og meldingar 1) Møtebok frå fjellstyremøte den 12.12.14 2) NVE, brev til E-co Energi AS 16.12.14: Godkjenning av detaljerte planar for miljø og landskap for utbetring av sideoverløp ved dam Vestredalstjern, Aurland kommune 3) NVE, brev til E-co Energi AS 16.12.14: Godkjenning av detaljplan for miljø og landskap for ombygging av sideoverløp på damanlegg Langavatn, Aurland kommune 4) Brev frå Statskog SF til E-co Energi AS 15.12.14: Statskog sin uttale til tiltak ved E-co sitt anlegg i friluft i Aurlandsdalen 5) Rapport frå hjort- og elgjakta i Nordheimsdalen 2014, datert 22.12.14 6) E-post frå jaktlaget Jørstad m.fl. 26.1.15 med oppseiing av kontrakt for hjortejakt Merknad: Fjellstyret vil i marsmøtet drøfta utlysing av det nedre jaktfeltet i Nordheimsdalen, og kor lang leigeperioden skal vera. 7) Brev frå Aurland fiskeadministrasjon 12.1.15: Fiskesesongen 2014 8) Brev frå Hardangervidda villreinutval 19.1.15: Informasjon vedrørande fellingsresultat, teljingar, radiomerking m.m. 9) Brev frå Aurland fjellstyre til E-co Energi AS 23.1.15: Veg ned til vatnet i samband med arbeid på flaumoverløpet på Vestredalsdammen? 10) Brev frå E-co Energi AS 6.2.15: Adkomstveg til magasin Vestredalstjern og Langavatn 11) Brev frå E-co Energi AS 2.2.15 om føreståande anleggsarbeid på overføringstunnelen Furedøla Vetlebotnvatn våren 2015 12) Brev frå E-co Energi AS 9.2.15: Orientering og nabovarsel, utviding bygning på friluftsanlegg Aurland 3 kraftstasjon 13) Innkalling til årsmøte I Aurland Setjefisk SA den 4. mars 14) Artikkel frå Aurland statsallmenning i «Alt om fiske» nr. 1/15 15) Styremedlem i Aurland hjorteutval på val Merknad: vert teke opp som eiga sak i møtet (sak 8/15).
Referat og meldingar, framhald: 16) Felles landbrukskontor ÅLA, 9.2.15: Referat frå evalueringsmøte om felles landbrukskontor ÅLA, 30.1.15 Merknad: Fjellstyret har etter evalueringsmøtet med landbrukskontor og rådmenn fått ei oppfordring om å koma med innspel om eit fellesprosjekt for å byggja næringsutvikling på dei gode fiskemoglegheitene i vatn og elvar i dei tre kommunane som felles landbrukskontor ÅLA har ansvar for. Fjellstyret gjev fjelloppsynet høve til å nytta noko tid på å laga ei skisse for kva dette kan omfatta, som grunnlag for vidare arbeid. 17) John Håland og Håkon Øydvin orienterte litt om arbeid som pågår i Flåmselvi, og kva som vert gjort for å berga rogn, yngel og støre fisk på elvestrekningar som vert påverka av gravearbeid. Det vert prøvt å berga fisk med hjelp av el-fiskeapparat. Fjelloppsynet sin medverknad til dette vert dekt av NVE. Sak 2/15. Fjellstyrerekneskapen for 2014 Årsrekneskapen for 2014 låg føre. Fjellstyrerekneskapen for 2014 vert godkjend. Sak 3/15. Fjellstyret si årsmelding for 2014 Utkast til årsmelding låg føre. Årsmeldinga for 2014 vert godkjend.
Sak 4/15. Høyring: Forslag til forenkling av utmarksforvaltinga Saksutgreiing med framlegg til høyringsuttale låg føre. Samrøystes vedteken uttale: Fjellstyra og fjelloppsynet si rolle Fjellstyret støtter fullt ut Norges fjellstyresamband sin høyringsuttale, som går inn for overføring av fleire oppgåver frå Statskog SF til fjellstyra, og at ein satsar på styrking av fjelloppsynet som heilskapleg naturoppsyn på statsallmenningar som har etablert oppsynsordning. I tillegg vil fjellstyret peika på nokre moment som ikkje er nemnde i uttalen frå fjellstyresambandet: Mange fjellstyre fungerer som lokale utviklingsaktørar på utmarksfeltet, med dei tilsette i fjelloppsynet som sentrale bidragsytarar. Store endringar i organiseringa kan føra til at denne funksjonen fell vekk, med lågare lokal verdiskaping som konsekvens. Dei fleste fjellstyra har eit nettverk av dugnadsinnstilte bygdefolk som er med og held oppe tilbodet til brukarane av statsallmenningen. Dette nettverket vil verta vanskeleg å behalda dersom kommunane skulle overta fjellstyra sine forvaltingsoppgåver. Brukarane kan, i større grad enn i dag, slusast vidare frå kommune til fjellstyre, når det gjeld spørsmål der fjellstyret er forvaltingsstyresmakt (jakt, fiske, jordbrukstilknytte rettar i statsallmenningen). Ikkje minst gjennom bruk av lenker på kommunane sine heimesider. Det er mange stader rom for eit utvida samarbeid i høve til det ein har i dag. Villreinforvaltinga Etter at villreinnemndene vart omorganiserte for få år sidan, har dei funne ei form som gjer at dei fungerer svært godt i samspel med andre forvaltingsorgan, ikkje minst med det grunneigar- og fjellstyrebaserte villreinutvalet. I det føreslegne utmarksstyret er det ikkje tanken at medlemane skal veljast mellom personar som har særskilt god kunnskap om/interesse for villrein, men ha representantar for næringsdrivande, grunneigarar, miljø- og friluftsinteressene, i tillegg til at villreininteressene bør vera representert der det er relevant. Dette vil føra til ei mindre kompetent villreinforvalting enn den ein har i dag. I tilegg er det i mange område lite geografisk samanfall mellom villreinområde og verneområde, noko som gjer det vanskeleg å sjå korleis dette forslaget skal gjennomførast i praksis. Eit område som har potensial for forenkling, er handsaminga av søknader om løyve til motorisert ferdsle innanfor verneområde. Her ville ein, ved at søknaden går til kommunen, som samordnar handsaminga med verneområdeforvaltinga, kunna spara inn ein del, og gjera det enklare for brukarane. Det same gjeld truleg når det er snakk om saker som skal handsamast etter plan- og bygningslovverket innanfor verneområde.
Sak 5/15. Lagerbygg ved fiskehuset i Fossheim - finansiering Søknad frå Aurland Setjefisk SA og saksutgreiing låg føre. Aurland fjellstyre gjev Aurland Setjefisk SA eit lån på kr. 100.000 til bygging av lagerbygg for fjellstyret sitt utstyr ved fiskehuset i Fossheim. Det vert skrive ein leigeavtale med liknande vilkår som den som gjeld for garasjen som fjellstyret leiger. Sak 6/15. Samjaktavtalen mellom statsallmenning og private jaktfelt i Aurland Saksutgreiing låg føre, med kopi av samjaktavtalen. Fjellstyret sender samjaktavtalen, i den forma han har hatt dei siste 5 åra, over til grunneigarlaget for villreinvald i Aurland, med sikte på å få avtalen godkjend for ein ny 5-årsperiode. Fjellstyreleiar får fullmakt til å godkjenna evt. mindre endringar i ordlyden i avtalen, etter handsaming i grunneigarlaget. Sak 7/15. Møteplan for 1. halvår 2015 Fjellstyret held møte følgjande dagar i 1. halvår: - Onsdag 12. mars - Tysdag 14. april (aktuelt å kombinera med synfaring til Storebotnhytta) - Måndag 18. mai - Onsdag 10. juni Sak 8/15. Val av fjellstyret sin styremedlem til Aurland hjorteutval Håkon Øydvin vert attvald som fjellstyret sin representant i styret for Aurland hjorteutval.