w:\fpf-sql1.eks.lan_norddal\websak\magr\2014005162\reguleringsføresegner rev 23 05 2014.doc (l)(147386).doc Nordplan side 21 - Regulering busslommer langs Fv 63 på Linge FØRESEGNER REGULERINGSPLAN FOR BUSSLOMMER PÅ LINGE, NORDDAL KOMMUNE Føresegner datert: 20.09.2013, revidert 23.05.2014 Plankart datert: 20.09.2013 1 Generelt Desse føresegnene gjeld for området innanfor plangrensa på plankartet. Utbygging av området skal skje i samsvar med plankartet og føresegner. Føresegnene kjem i tillegg til det som er bestemt i plan- og bygningslova med forskrifter. Etter at desse føresegnene er vedtekne, er det i planområdet ikkje tillate å inngå privatrettslege avtalar i strid med reguleringsføresegnene. 2 Reguleringsformål Området er regulert til følgjande formål: BYGG OG ANLEGG (PBL 12.5 NR.1 ) - Hotell, overnatting (H1) SAMFERDSLEANLEGG OG TEKNISK INFRASTRUKTUR (PBL 12.5 NR.2) - Vegar, Fv63, Veg 1-3 - Anna veggrunn, tekniske anlegg, AVT - Gang-/sykkelveg, o_gs1-2 - Gangveg, o_gv - Busslommer, busshaldeplass, o_hp1-2 - Leskur, o_ls1-2 AREAL FOR NØDVENDIGE TILTAK FOR LANDBRUK OG GARDSTILKNYTTA NÆRINGSVERKSEMD BASERT PÅ GARDENS RESSURSGRUNNLAG (PBL 12.5 nr.5)
Nordplan side 22 Regulering busslommer langs Fv 63 på Linge - LNFR areal (LNFR1-3) OMSYNSSONE (PBL 12.5 NR. 6) - Faresone Høgspenningsanlegg (H370_) 3 Fellesføresegner a) Krav om nærare dokumentasjon Før anleggsstart skal det utarbeidast plan for avvikling av trafikk langs vegen i bygge- og anleggsperioden. Etter avslutta anleggsperiode, og seinast i løpet av sommaren etter ferdigstilling av veganlegget, skal alle råka område settast i stand og revegeterast og tilbakeførast til det formål som er vist på plankartet. b) Byggegrense langs offentleg veg Byggegrense til veg følgjer veglova 29. c) Landskapsbehandling og terrengtilpassing Eksisterande botnvegetasjon og vekstmedium innanfor alle område som vert råka av vegbygginga (inkludert anleggsbelte og riggområde), skal som første del av anleggsarbeidet takast av med varsemd og mellomlagrast på tilvist område i anleggsperioden. Nytt veganlegg skal utførast slik at vegen vert best mogleg tilpassa eksisterande terreng. Alle skjeringar og fyllingar skal avsluttast inn mot terrenget slik at sideområda får ei estetisk god utforming, og slik at overgangen mot eksisterande terreng vert så naturleg som mogleg. Alle råka areal tilknytt veganlegget skal settast i stand og revegeterast med bruk av eksisterande vekstmasser som vert lagra i anleggsperioden. Areal som er tatt i bruk til anleggsverksemd skal tilbakeførast til det formål som er vist på plankartet.
Nordplan side 23 Regulering busslommer langs Fv 63 på Linge Bruk av natursteinsmurar, eller andre støttemurar som tar opp lausmasser og unngår utgliding/erosjon, skal vurderast. 4 Bygg og anlegg a) Hotell/overnatting Område merka H1 er regulert for hotell/overnatting. For området gjeld føresegnene i plan for Lingestranda, utarbeidd 04.10.1999, rev. 09.03.2001 5 Samferdelsanlegg og teknisk infrastruktur a) Vegar Fv 63 er regulert til offentleg veg, og er merka på kartet Fv 63. Veg 1 og Veg 2 er regulert til private vegar. Veg 3 er regulert til offentleg veg og er merka o_veg 3. Vegane skal byggast i den standard dei er vist på plankartet. b) Gang- og sykkelveg Arealet merka o_gs1 og o_gs2 skal nyttast til gang- og sykkelveg. o_gs1 har regulert breidde på 3,0 meter, o_gs2 har regulert breidde på 3,5 meter. c) Gangveg Områda merka o_gv, ligg mellom busslomme o_hp2 og veg o_veg 3. Breidda skal tilpassast slik at det blir ein naturleg overgang frå busshaldeplass til veg. d) Busslommer/busshaldeplass/avkjøyrsel Området skal utbyggast med busslommer, busshaldeplass og evt. leskur som vist på plankartet. Tiltak skal så langt mogeleg vere universelt utforma og tilpassa alle brukargrupper. Det skal leggast inn ledelinje eller ledefelt til hjelp for brukarar med nedsett syn.
Nordplan side 24 Regulering busslommer langs Fv 63 på Linge Busshaldeplass på oppsida av Fv 63 (med tilhøyrande areal o_hp2) er godkjend med total lengde på 50 m. Dette er kortare lengde enn standardkrava til busshaldeplass tilseier, og fråviket er godkjent av Statens vegvesen. Det er tillate med kortvarig parkering på plattform ved o_hp2 i samband med drifta av gnr. 1 bnr. 6. Det skal leggast til rette for driftsavkjørsel i området ved o_hp2 og mot dyrka mark på oppsida av FV63, sjå foreløpig detaljplan og terrengprofil datert 09.05.2014. Leskuret på oppsida av Fv 63 vert ikkje montert før det viser seg at det er eit behov for dette, og at det ikkje medfører ulempe for drift av tilliggande landbruksareal. Busshaldeplass sør for Fv 63 skal byggast ut i full lengde, totalt 75 m. Grunneigar på gnr 1 bnr 6, utrykkingskjøretøy, dei som har naust/naustrett eller hytter og eigendommar med rett til å bruke undergangen og avkjørsla på nordsida, har rett til å nytte avkjørsla og gangvegen på sørsida for transportar som er for store til å passere i undergangen. e) Annan veggrunn Arealet kan nyttast til skjeringar, fyllingar og grøfter, rekkverk og murar. Innanfor områda er det lov å lagre vekstmasser der det er hensiktsmessig. Mindre endringar i skråningsutslag vil kunne skje som følgje av uventa forhold som for eksempel grunntilhøve eller manglar i kartgrunnlaget. Det kan medføre at areal som skal disponerast til vegformål vil fråvike noko frå det som går fram av formålsgrensene i planen. Areal som ikkje blir disponert til vegformål vert føresett brukt som tilstøytande formål. 6 Landbruks-, natur og friluftsområde samt reindrift a) Landbruksområder merka LNFR1-3 er regulert til å oppretthalde same formål som i dag. 7 Omsynssoner a) Frisikt
Nordplan side 25 Regulering busslommer langs Fv 63 på Linge Det er lagt frisiktlinjer i 2 kryss: kryss mellom Veg 1 og Fv 63, og kryss mellom o_veg 3 og Fv 63. Siktlinjer i kryss mellom Veg 1 og Fv 63 er 6x120 meter, mens siktlinjer i kryss mellom o_veg3 og Fv 63 er 4x120 meter. I området mellom frisiktlinje og veg (frisiktsona) skal det være fri sikt i ei høgd på 0,5 m over bakken. Statens vegvesen kan krevje sikthindrande vegetasjon og gjenstandar fjerna. Høgstamma tre, trafikkskilt og lysmaster kan plasserast i frisiktsona. b) Faresone Område merka H370_ og omfattar eit 20 meter breitt belte langs eksisterande høgspentline. Revidert 23.05.2014 Norddal kommune