saksframlegg Dato: Referanse: Vår saksbehandlar: 18.05.2017 60806/2017 Jesper Wiig Saksnr Utval Møtedato Fylkesutvalet 30.05.2017 Fylkestinget 12.06.2017 Anbodsutlysing Nordmørspakken Bakgrunn Fylkesrådmannen rådde fylkesutvalet til i møte 4. april 2017 i sak U-36/17, at fylkeskommunen lyste ut «Nordmørspakken» etter at kommunane Kristiansund, Smøla og Aure hadde avklart si haldning til å søke om overgang til nye Trøndelag fylkeskommune. Bakgrunnen for dette er som fylkesutvalet og fylkestinget kjenner til, at realisering av «Nordmørspakken» slik kravspesifikasjonen no ligg føre, i tillegg til betydelig auke i driftskostander, og har trong for betydelege investeringar i infrastukturoppgradering knytt til kaianlegg. Etter framlegg frå representanten Sørheim m/fleire vedtok fylkesutvalet å sende saka over til fylkestinget med slik tilråding: 1. Fylkestinget ber fylkesrådmannen om å lyse ut Nordmørspakken der samferdselsutvalet sin vedtekne kravspesifikasjon i sak Sa-14/17 vert lagt til grunn, men slik at tilbod utover gjeldande/dagens rutetilbod skal lysast ut som ein opsjon (prisast separat). Samferdselsutvalet skal haldast orientert om framdrifta og har fullmakt til å gjere mindre endringar i anbodsgrunnlaget. Dersom ein eller fleire av dei aktuelle kommunane som er berørt av «Nordmørspakken» gjer vedtak om å søkje endra regiontilhøyrigheit, må anbodet endrast i samsvar med dei økonomiske forpliktingane ny region vil ta på seg når det gjeld rutetilbod, jfr. opsjon. Fylkestinget ber fylkesrådmannen om at behov for utbetringar/ombyggingar av kaianlegga i rute 50 og rute 54 vert utgreidd vidare m.o.t. omfang, og prioritert i strategi- og rammesaka som vert handsama i fylkestinget i juni 2017. I samsvar med samferdselsutvalet si (munnlege) tilslutning kan ein opne for ein overgangsperiode på inntil eit år knytt til infrastruktur/nye fartøy. 2. Fylkestinget ber fylkesrådmannen orientere Sør- og Nord-Trøndelag fylkeskommune om anbodsgrunnlaget. Fylkestinget ber fylkesrådmannen om at behov for utbetringar/ombyggingar av kaianlegga i rute 50 og rute 54 vert utgreidd vidare m.o.t. omfang, og prioritert i strategi- og rammesaka som vert handsama i fylkestinget i juni 2017. I samsvar med samferdselsutvalet si (munnlege) tilslutning kan ein opne for ein overgangsperiode på inntil eit år knytt til infrastruktur/nye fartøy. 3. Fylkestinget ber fylkesrådmannen orientere Sør- og Nord-Trøndelag fylkeskommune om anbodsgrunnlaget.
Fylkesrådmannen finn, på bakgrunn av den tilbakemeldinga vi har fått frå Nord- og Sør-Trøndelag fylkeskommunar og mangel på tilbakemelding frå KMD, på nytt å måtte fremje sak om tidspunkt for anbodsutsetting av «Nordmørspakken». Bakgrunn Ved utlysing av ferjetilbodet på Nordmøre er det fleire problemstillingar som gjer seg gjeldande. Dette er i hovudsak knytt til: 1. Finansiering i) Inntektssystemet - ferjesubsidier ii) Enova - investeringstilskudd 2. Drift i) Miljøkrav nye ferjer ii) Kapasitet på ferjer (storleik og tal ferjer) iii) Opningstid i sambanda iiii) Frekvens i opningstid 3. Infrastruktur i) Investeringar i kaianlegg utløyst av miljøkrav på ferjer ii) Restlevetid på øvrige kaianlegg og eventuell oppgradering av kaianlegga om ferjestørrelsen gjer det naudsynt 4. Regiontilknytning i) Konsekvensen av at Halsa kommune skal slåast saman med Hemne kommune ii) Kristiansund, Smøla og Aure kommunar si framtidige regiontilknytning Fylkesrådmannens framlegg til kravspesifikasjon i «Nordmørspakken» i sak SA-14/17, innebar ei kvalitativ auke frå dagens kontrakt med mellom anna bruk av miljøfartøy. Samferdselsutvalets vedtekne kravspesifikasjon inneber ei ytterlegare, og betydeleg, auke av driftsnivået utover fylkesrådmannens framlegg i saka. Det følgjer av vedtatt kravspesifikasjon til «Nordmørspakken» at sambanda i rute 50 og 54 (Edøya-Sandvika og Seivika-Tømmervåg) skal trafikkerast av «miljøfartøy». For sambandet Arasvika Hennset skal det ikkje stillast krav til miljø. Sambandet Kvanne-Rykkjem skal trafikkerast av konvensjonelle ferjer, men med moderate alderskrav. Som det går fram av opplistinga ovanfor er det fleire variablar som dannar bakteppet for anbodet. Den mest presserande utfordringa vedkommande Nordmørspakken er regionreforma og usikkerheita omkring inntekts/kostnadsfordeling mellom fylkeskommunane (regionane) med kommunar som endrar fylkes/regiontilknyting. Fylkesutvalet søker i vedtak i sak -36/17 å minimere risiko for fylkeskommunen ved utlysning av «Nordmørspakken» ved å bruke opsjonar knytt til ferjedrifta. Spørsmålet er om ei slik tilnærming avhjelper usikkerheten omkring inntekts- og kostnadsdeling knytt til infrastrukturtiltak som følgjer krava (miljø) som skal stillast i anbodet.
I fortsettelsen vil fylkesrådmannen i hovudsak omtale tilhøva under pkt. 3 og 4. Nærare om pkt. 4 - regiontilknytning Kommunanes eventuelle endring av regiontilknyting reiser problemstillinga om kva for konsekvens det vil ha for Møre og Romsdal fylkeskommune å gjere infrastrukturinvesteringar i kommunar utanfor eige fylke og kjøpe auka kapasitet/kvalitet målt mot dagens nivå i fylkeskryssande ferjesamband/reine samband i den vedtekne «Nye Trøndelag fylkeskommune». I samband med dette er det sendt ein førespurnad til Kommunaldepartementet med følgjande problemstilling: 1. Hvilke konsekvenser vil overføringen av Halsa kommune ha for overføringer i «inntektssystemet» for Møre og Romsdal fylkeskommune og Trøndelag fylkeskommune. 2. Hvilke konsekvenser vil overføringen av Halsa kommune ha for kostnader til driften av sambandet. Her vil Møre og Romsdal fylkeskommunes krav i anbudet medføre at kostnadene til drift av sambandet blir lavere eller høyere enn hva som ligger i inntektssystemet. Vil Trøndelag være «bundet» av et høyere driftsnivå ved overtakelse, eller må Møre og Romsdal fylkeskommune bære denne risikoen? 3. Ny ferjekonktrakt/nye krav (miljøkrav) kan ha konsekvenser på investeringer knyttet til infrastruktur i ferjesambandet (kaianlegg). Kostnadene ved slik investering i infrastruktur kan komme etter overføringen i 2020, selv om vedtaket/beslutningen gjøres nå. Hvilken fylkeskommune vil da bære den økonomiske konsekvensen? 4. Hva er effekten av punkt 3 på «vegnøkkelen»? Departementet lovde, etter purring, ei tilbakemelding i løpet av veke 18. I skrivande stund (veke 20) har vi framleis ikkje fått ei slik tilbakemelding frå departementet. Vidare har fylkeskommunen, i samsvar med fylkesutvalets vedtak i sak U-36/17, orientert Nord- og Sør-Trøndelag fylkeskommunar om prosessen knytt til anbodsutlysing ut frå at anbodet kan ha konsekvensar for driftskostnader for «Nye Trøndelag fylkeskommune». I tillegg kjem og konsekvensane av investeringane knytt til ny naudsynt infrastruktur særleg på «miljøsambanda». Møre og Romsdal fylkeskommune sendte følgjande førespurnad: «Nordmørspakken» - som gjelder ferjesamband i kommuner i Møre og Romsdal som nå orienterer seg nordover mot Trøndelag skal anbudsutsettes i løpet av kort tid. Anbudsoppstart er 1. januar 2020. I forbindelse med dette ønsker vi snarest å møte representanter for Trøndelagsregionen for å diskutere prosess og virkninger av framtidig anbudsutsetting.
Tilbakemeldinga frå Trøndelag var denne: «Jeg har drøftet dette med fylkesdirektør Erlend Solem hos oss i dag. Etter drøftelser i ledergruppen hos STFK er vår tilbakemelding at vi ikke ønsker å være involvert i deres anskaffelse av ferjetjenester.» Møre og Romsdal fylkeskommune må ta denne tilbakemeldinga til etterretning. Vurdering Miljøkrav og konsekvens finansiering Enova har 15. mai underretta oss om at Møre og Romsdal fylkeskommune er tildelt investeringsstøtte/tilskot tilsvarande 40 prosent av ekstrakostnader knytt til miljødelen av ny infrastruktur. Det er lagt til grunn for tildelinga eit energi- og klimaresultat på om lag 25 GH/h og 6,6 tonn Co2/år. Enovatilskuddet er på inntil 54,574 mill. kroner i støtte. Dersom anbudsutlysninga på «Nordmørspakken» fråviker det omsøkte energi- og klimaresultat, kan dette få konsekvensar for støttebeløpet frå Enova. Det er verdt å merke seg at Enova har ein rigid holdning til at det vert gjort anbodsutlysing i samsvar med søknaden til Enova. Enova har i oppfølgingsfasen ein meir pragmatisk tilnærming til korleis ein oppnår omsøkt resultat. Miljøkrav og konsekvensar for infrastrukturen Det at det er stilt krav om miljøfartøy fører med seg tiltak på kai/infrastruktur. Dersom marknaden skal konkurrere på like vilkår og konkurransegjennomføringa skal være føreseieleg for tilbyderane må vi i konkurransegrunnlag/utlysningen gi klare føresetnader kva angår infrastruktur. Dette vil sei at vi på utlysningstidspunktet må opplyse om når kai/infrastruktur vil vere ferdig til å kunne trafikkerast av miljøfartøy. Dersom vi som oppdragsgivar ikkje «treff» med det tidspunktet vi tilkjennegir kan det mellom anna medføre: 1. Rederi/tilbyderar kan ikkje nyttiggjøre seg av for eksempel ladeinfrastruktur, og vil som ein konsekvens av dette ikkje kunne trafikkere sambandet som forutsatt. Forsinkingar og innstilte avgangar vil være pårekneleg. 2. Rederi/tilbyderar vil i sitt tilbod legge til grunn betydelig lågare driftskostnader som følgje av moglegheit til for eksempel lading frå kai, dette vil medføre at fylkeskommunen vil vere erstatningspliktig for meirkostnader som oppdragstakar (rederiet) pådrar seg som ein konsekvens av at infrastrukturen ikkje er ferdigstilt som pårekna. 3. Det er ikkje sikkert at rederiet kan gjere seg nytte seg av det tilbydde ferjemateriellet frå oppstart og av den grunn må leie inn fartøy for å drifte sambandet frem til ny infrastruktur er på plass. Dette vil medføre ein betydeleg kostnad for fylkeskommunen. På denne bakgrunn er investeringskostnaden til kaianlegga på rute 50 og 54 lagt til 2019 slik at kaianlegga skal vere klar til å trafikkere «miljøferger» frå seinast 1. januar 2021, jf. bruk av overgangsfartøy i inntil eitt år. Investeringane på infrastruktur må gjerast uavhengig kva opsjon ein har på sjølve ferjedrifta dersom det skal være realistisk/reelt å mogleggjere miljøferjer i sambanda.
Dette vil sei at investeringskostnaden på om lag 150 mill. kroner, jf. investeringsprogram, blir å gjennomføre før ein eventuell endring av regiongrense for dei aktuelle kommunane. Ettersom vi ikkje har fått tilbakemelding korkje frå departementet eller frå Trøndelag ligg det ein betydeleg risiko i at Møre og Romsdal fylkeskommune de facto investerar betydelege summar i nabofylket. Med tanke på den pressa økonomiske situasjonen Møre og Romsdal fylkeskommune har, mellom anna med betydelege etterslep på fylkesvegnettet inklusive ferjekaier, er det ikkje tilrådelig å gjere slike omfattande investeringar før kommunane har avgjort si regiontilhøyrigheit. Ved å kunngjere ferjedrifta med miljøferjer tar fylkeskommunen på seg denne investeringskostnaden. Dei aktuelle kommunane skal som kjent avgjere si regiontilhøyrigheit innan 1. september. Den faktiske konsekvensen av å lyse ut anbodet i slutten av juni sett opp mot 1. september trenger i realiteten ikkje bli stor. Det å lyse ut ein så stor konkurranse tett opp mot fellesferien vil gjere at fylkeskommunen må sette tilbodsfrist tilsvarande lenger fram i tid slik at vi er sikra god konkurranse i marknaden. Oppsummering: Som det går fram ovanfor er det ikkje mogleg å «møte» risikoen knytt til kostnadar/konsekvens av miljøløysingar med å bruke opsjonar på ferjedrifta. Bruk av opsjonar kan imidlertid ha betydning for utbetaling av Enova-støtta på inntil om lag 55 mill. kroner. Konsekvensen av å lyse ut nytt anbod med miljøferjer no er at «Nye Trøndelag fylkeskommune» må forplikte seg til å gjere naudsynte investeringar på infrastruktur dersom vi skal lyse ut ein konkurranse med miljøløysingar. Som vi har kommentert ovanfor vil «Nye Trøndelag fylkeskommune» ikkje forplikte seg til kostnader knytt til infrastruktur eller drift. På denne bakgrunn har ikkje fylkeskommunen, etter fylkesrådmannen si oppfatning, anna val enn å vente på at dei aktuelle kommunar som er omfatta av «miljøkrava/fartøya» i Nordmørspakken har avgjort om dei skal søke om endring av regiontilhøyrigheit. Det er berre på denne måten, slik fylkesrådmannen ser det, at Møre og Romsdal fylkeskommune er sikker på at knappe investeringsmidlar reint faktisk vert nytta i eige fylke.
Forslag til vedtak: Fylkestinget syner til vedtak i sak U-36/17 samt til fylkesrådmannens saksframlegg av 18. mai 2017. 1. Fylkestinget ber fylkesrådmannen om å lyse ut «Nordmørspakken» i samsvar med samferdselsutvalet sin vedtekne kravspesifikasjon i sak Sa-14/17. 2. Anbodet lysast ut så snart kommunane Smøla, Aure og Kristiansund har avgjort si regiontilhøyrigheit. 3. Dersom ein av kommunane Smøla, Aure eller Kristiansund gjer vedtak om å endre regiontilhøyrigheit skal fylkesrådmannen utarbeide ny kravspesifikasjon som ikkje medfører investeringar/auka driftskostnader for Møre og Romsdal fylkeskommune som følgje av endring av regiontilknytinga. Vedlegg 1 Protokoll SA 14/17 2 U 36/17 Ottar Brage Guttelvik fylkesrådmann Arild Fuglseth samferdselssjef