Buskerud fylkeskommune Saksframlegg Referanse 2008/74-9 Vår saksbehandler Sigurd Fjøse, tlf 32808761 Saksgang: Utvalg Utvalgssak Møtedato Fylkesutvalget 11.06.2008 Fylkesdelplan for Hardangervidda - framlegg til planprogram - høyring Miljøverndepartementet har tilrådd at fylkeskommunane i Hordaland, Telemark og Buskerud går saman om å utarbeide ein felles fylkesdelplan for Hardangervidda. Styringsgruppa for prosjektet handsama framlegg til planprogram i møte 21. mai og vedtok samrøystes å sende dette til dei tre fylka for vidare handsaming. Fylkesrådmannen rår fylkesutvalet til å legge planprogrammet ut til offentleg ettersyn. Forslag: 1. Fylkesutvalet vedtek å legge framlegg til planprogram for fylkesdelplan for Hardangervidda ut til offentleg ettersyn med høyringsfrist 10.oktober 2008. 2. Berørte kommunar, statlege etatar med ansvarsfelt i planområdet, Miljøverndepartementet, grunneigarorganisasjonar, næringsorganisasjonar, miljø- og friluftsorganisasjonar, og andre organisasjonar med interesser i området skal tilskrivast om høyringa. 3. Fylkesutvalet legg til grunn at resultatet frå høyringa vert innarbeidd i eit endeleg planprogram, som vert lagt fram for fylkesutvala i dei tre fylka til godkjenning. Vedteke planprogram skal vera utgangspunkt for utgreiingsbehov og vidare planprosess. Buskerud fylkeskommune,.. Matz Sandman fylkesrådmann
Bakgrunn for saken Planarbeidet er starta opp med bakgrunn i at Miljøverndepartementet i brev datert 12. april 2007 har gitt fleire fylkeskommunar i oppdrag å utarbeide fylkesdelplanar for ei heilskapleg forvaltning av fjellområda som er spesielt viktige for villreinen si framtid i Noreg. Hovudformålet med fylkesdelplanen for Hardangervidda er å koma fram til ein langsiktig og samla strategi for bruk av areal som er viktige leveområde for villreinen. Planane skal også leggja til rette for lokalsamfunna sine behov for ferdsel, nærings- og bygdeutvikling, samtidig som den skal sikre villreinen langsiktig gode livsvilkår og tilstrekkelege leveområde. Bruk og vern av nasjonalparkar og andre verneområde er fastsett i eigne forskrifter og forvaltningsplanar, og skal ikkje inngå i fylkesdelplanen sine vurderingsområde. Fylkesdelplan for Hardangervidda skal omfatte både de vestlege og de austlege deler av Hardangervidda, og omfattar såleis areal i både Hordaland, Telemark og Buskerud fylke. Berørte kommunar er Odda, Ullensvang, Ulvik og Eidfjord i Hordaland, Tinn og Vinje i Telemark, samt Hol, Nore og Uvdal og Rollag i Buskerud. I arbeidet med ein Fylkesdelplan for Hardangervidda er det som eit første steg i planprosessen utarbeidd forslag til planprogram. Styringsgruppa for prosjektet har drøfta planopplegg og innhald i planprogrammet og oversendt saka til fylkeskommunane Buskerud, Telemark og Hordaland. Fylkeskommunane skal no gjera vedtak om å leggja planprogrammet ut til offentleg høyring i samsvar med plan- og bygningslova 16-2. Høyringsfristen vert sett til 10.oktober 2008. For deler av Buskerud har vinterdrift av Rv7 over Hardangervidda vore eit viktig spørsmål. Mellom anna har Statens vegvesen gjennomført eit forskings- og utgreiingsarbeid om miljøtunnelar for å finna svar på kva barriereeffekt vegen har i høve til villreinen og for å oppnå sikrare vinterdrift av vegen. I statsbudsjettet for 2007 gjorde Samferdselsdepartementet det klart det ikkje ville bli innført vinterstenging av riksveg 7 over Hardangervidda, men at spørsmålet ville bli teke opp på nytt i samband med ein ny fylkesdelplan for heile Hardangervidda. Organisering/gjennomføring Dei tre fylkeskommunane har inngått avtale om å gjennomføre planprosjektet som eit treårig prosjekt. Det vert finansiert med midlar frå de tre fylkeskommunane og frå Miljøverndepartementet. Prosjektet er organisert med ei styringsgruppe med 19 medlemmer (ordførarane i dei 9 kommunane, 2 sentrale fylkespolitikarar frå kvart fylke, fylkesmannen i de tre fylka og leder av villreinnemnda for Hardangervidda). Medlemmer til ei felles styringsgruppe for prosjektet vart oppnemnd i 2007. For å ha et meir operativt styringssystem er det etablert et Arbeidsutval
(AU) under styringsgruppa med 8 av medlemmene i styringsgruppa. Leiar i styringsgruppa og AU er fylkesvaraordførar i Telemark Lars Bjaadal. Frå Buskerud fylkeskommune er Roger Ryberg og Mette Lund stake oppnemnde som medlemmer i styringsgruppa for fylkesdelsplanen. Prosjektleiar er engasjert, og har fått kontorplass i Buskerud fylkeskommune. Rammer for arbeidet/planprosess Fylkesdelplan for Hardangervidda er føresett gjennomført innanfor plan- og bygningslova sine rammer. Fyrste ledd i planarbeidet er utarbeiding av eit planprogram. Framlegg til planprogram er utarbeidd mellom anna med bakgrunn i planprogram for Hardangervidda Aust frå som vart lagt fram i 2005, innspel i møte med leiing og planleggjarar i alle berørte kommunar, fylkeskommunar, fylkesmenn og Miljøverndepartementet våren 2008, samt drøftingar og vurderingar av kva som bør fangast opp i dette konkrete planprogrammet ut i frå dei utfordringar dette området står overfor. Planprogrammet har vore drøfta i administrativ faggruppe (planleggjarane i kommunane, fylkeskommunane og fylkesmennene) 10. april, i AU 21. april og i styringsgruppa 21. mai. 2008. Styringsgruppa vedtok samrøystes å oversende planprogrammet til fylkeskommunane for vidare handsaming. Om planprogrammet Planprogrammet gir rammer for innhald og opplegg for den praktiske gjennomføring av planarbeidet. Det tek ikkje stilling til planmessige spørsmål som avgrensing av planområdet, arealbruk eller andre planløysningar. Planprogrammet skisserer kva problemstillingar og tema som skal vurderast og drøftast gjennom planprosjektet. Fylkesdelplanen skal byggja på lokale prosessar og innspel til planen frå berørte kommunar. Kvar einskild kommune må syta for lokal medverknad i planprosessen med sikte på å gje innspel til korleis kommunen ønskjer at areala skal bli brukt og forvalta. I denne prosessen må regionale og nasjonale omsyn også takast med, for at bygdeutvikling, miljøforvalting og villreinens sine behov i eit langsiktig perspektiv skal vurderast i samanheng. Planprogrammet legg vekt på arbeidet med fylkesdelplanen skal føra fram til planvedtak som skal vera basert på ny og/eller revidert kunnskap på følgjande område: om lokalsamfunnsutvikling, føresetnader for næringsutvikling og auka busetting om villreinen sine leveområde, beiteressursar, vandringar og påverknad utanfrå om folks ferdsel og korleis ein eventuelt kan styra ferdselsmønsteret om lokal arealbruk, utbyggingsmønster og aktivitet, naturgrunnlag og biologisk mangfald. Alle utgreiingar som blir gjennomført skal å munne ut i konkrete tilrådingar som skal kunne nyttast i arbeidet med å utvikle praktiske retningslinjer i fylkesdelplanen. Hovudstrukturen i forslag til planprogram et skissert nedanfor: Kap. 1 Formålet med fylkesdelplanen. Kap. 2 Nasjonale føringar gitt i Miljøverndepartementet sitt oppdragsbrev, aktuelle stortingsmeldingar om miljøvern, landbruk og distriktsutvikling, og andre
sentrale rapportar mellom anna om villrein og landbruk. Kap. 3 Kort om relevante gjeldande regionale planar etter plan- og bygningslova: gjeldande fylkesdelplan for Hardangervidda Aust og fylkesplanar elles i de tre fylka. Kap. 4 Kort om kvar enkelt kommune og deira plansituasjon. Kap. 5 Organisering og opplegg for politisk behandling av fylkesdelplanarbeidet. Kap. 6 Planfaglege rammer for prosjektet: Dette kapitlet skisserer kva spørsmål, problemstillingar og vurderingsområde som vil vere dei mest sentrale i planarbeidet mellom anna: naturgrunnlag og landskap, villreinens leveområde, arealbruk og bruksinteresser, ferdselsvegar og transportbehov, nærings- og bygdeutvikling. Kapitlet skisserer både spørsmål og oppgåver knytt til lokale planprosessar, og oppgåver som skal løysast i planprosessen på fylkesnivå. Kap. 7 Kapitlet tek opp kunnskapsbehov for planarbeidet, og skisserer forslag til ein del utgreiingar med utgangspunkt i forskrift om konsekvensutgreiing av 01.04.05. Det er likevel noko usikkert kva krav til omfang som vil bli knytt til konsekvensutgreiinga i et planprosjekt som dette. Spørsmålet har difor vore drøfta med Miljøverndepartementet. Det fer venta at det vil koma del synspunkt til dette i høringsprosessen. Kap. 8 Kapitlet gir rammer for gjennomføring med omsyn til tidsplan, offentleg informasjon, økonomiske rammer og sluttprodukt. Planprogrammet tilrår at det skal utarbeidast eit digitalt arealplankart supplert med retningsliner og strategiar for framtidig arealbruk i område som ikkje har vernestatus. Plankartet skal vera meir grovmaska enn ein kommuneplan, men vil gi føringar til kommuneplanane. Arealplanen vil, etter gjeldande føresegner i plan- og bygningslova, ikkje vera juridisk bindande. Sluttrapporten skal vera relativt kortfatta og presentere planområdet, planprosessen, og vise til underlagsmateriale, temakart, utdjuping av problemstillingar og grunngjeving av planforslaget. Prosess for høyring og endelig fastsetting av planprogram Framlegg til planprogram er oversendt frå styringsgruppa for vidare handsaming med sikte på likelydande vedtak om offentlig ettersyn i dei tre fylkeskommunane. Det vert lagt fram parallelle og tilnærma like saksutgreiingar frå fylkesrådmennene i de tre fylka. Forskrift om konsekvensutgreiing, 6, føreset at planprogrammet vert send på høyring i minimum 6 veker før ansvarleg myndigheit endelig fastset programmet. Det er lagt opp til føljande handssaming av programmet fram til sluttvedtak i løpet av året: 1. vedtak om offentleg ettersyn i dei tre fylkesutvala (juni) 2. offentleg ettersyn i minst 6 veker (sommar/haust). Pga. planlagt referansegruppemøte 24. september er høyringsfristen sett til 10. oktober.
3. handsaming i arbeidsutvalet (AU) etter offentleg ettersyn med vurdering av alle innkomne merknader. AU skal tilrå revidert planprogram til styringsgruppa (møte i oktober) 4. handsaming av planprogrammet i styringsgruppa (møte i november) 5. parallell sak om planprogram i dei tre fylkesutvala (desember) Konklusjon Fylkesrådmannen rår til at fylkesutvalet gjer vedtak om offentleg ettersyn av vedlagte planprogram. Om fylkesutvalet er usamd i framlegget til planprogram eller framlegg til vedtak, rår fylkesrådmannen til at fylkesutvalet sender framlegget til planprogrammet attende til styringsgruppa. Styringsgruppa bør vurdere endringsframlegget og deretter på nytt fremja eit revidert planprogram i alle tre fylke. Fylkesrådmannen vil vise til at dette er ei høyring, og at eventuelle ynskje om endringar best kan handterast etter at høyringa er gjennomført. Fylkesrådmannen meiner såleis at semje om planprogrammet er heilt avgjerande ved fastsetting og endeleg vedtak om planprogram, dette for å få eit likelydande planprogram i alle dei 3 fylka. Andre saksdokument (ikkje vedlagt)